饑落亭 (已結業)

點解次次嚟到都要排大隊架？冇辦法，以前喺和輋大排檔仲排得犀利，呢間分店座位少啲，想食真係要排下隊。椒鹽白鱔片$108 - 呢個正呀喂，超級推介！椒鹽勁香口超惹味！白鱔片起晒骨，啖啖肉，懶人至愛。豉椒牛柏葉$86 - 洋蔥青椒紅椒豆豉，本身炒埋一齊已經勁香冇得輸，加埋牛柏葉勁爽口，真係扒多幾碗飯。金銀蛋浸菠菜$68 - 呢個餸重點係個上湯，菠菜索晒上湯，好香甜，金銀蛋份量超多，呢個餸好抵食！川味腩肉豆腐煲$75 - 正嘢！四川風味嘅餸我最鍾意，但我又唔識得好辣，呢個餸嘅辣度就啱啱好，味濃少辣，腩肉一層一層半肥瘦，肥肉又爽口，炸豆腐裡面好滑溜，超贊！紅燒乳鴿$1 - 唔關我事㗎，原本叫四個餸咋，但阿姐話食滿$320送凍蟹或者燒乳鴿，都幾好食，重點係一蚊咋！成班人黎食又得，撐枱腳又得，因為叫到成枱好豐富都係三百零四百蚊，街坊就最開心!

今日到大埔探朋友，此間饑落亭正正在朋友住的附近，所以與朋友一齊揀了在饑落亭食晚餐。餐廳樓底都很高，見到牆上有2大幅畫，蟬述了饑落亭的前身原來叫陳根記，老牌字號呢。蒜蓉炒油麥菜$62這個簡單的蒜蓉油麥菜顯示了廚師的功架，非常爽口入味。川味腩片豆腐煲$75川味腩片豆腐煲，份量都比較多，炸豆腐配上切得較薄的腩片，帶點麻辣的川味，煮得較入味呢。冰鎮白鹵水豬手$68冰鎮滷水豬手，厚薄切得適中，㡳下還真有冰塊鎮著，不會肥膩很爽口。鯪魚球粥$35鯪魚球粥都有好多鯪魚球，粥底也都很清甜綿密。豬潤粥$35本來叫了一個滑牛粥，但餐廳話牛肉已經買曬，所以改了豬潤粥，豬潤切得不是很大件，但是很爽口。甜品有很多款，有芒果木糠布甸、榴槤木糠布甸、美祿恐龍奶凍及楊枝甘露等。要了個楊枝甘露$28奶味及甜度都很相宜，一粒粒的柚子肉酸酸甜甜又有卜卜脆的口感，令楊枝甘露更為惹味。

大埔的陳根記饑落亭小菜多亦有特色閒時都嚟食今次叫咗呢幾個餸金湯酸菜魚賣相都唔錯，魚肉好鮮嫩，薄切魚片，但就有點多細骨，食嘅時候要小心啲因朋友唔食得辣，好彩湯底可以揀唔辣，好好味餸入面有好多芽菜同酸菜作配菜湯底酸酸地幾開胃鹽焗雞雞肉都好嫩滑，肥美😋沒有雪味，幾新鮮，鹽焗味十足黃金豆腐鹹蛋黃醬濃濃地鋪滿豆腐面每一啖都係鹹蛋黃醬，豆腐用咗硬豆腐嚟炸係另一番口感金銀蛋時蔬好多皮蛋同蛋白，揀咗白菜仔，好足料，清清地解下膩

火炭禾輋的陳根記，從兒時已經幫襯，近日新店搬到大埔墟大明里，也易名為“饑落亭”。 可食品質量不改，仍然保持原有的特色風味，且裝修大體一樣，仿大牌檔的佈置，廉價的收費依舊沒變！先來的川味腩肉豆腐煲，微辣、以乾濕兩種紅椒相伴腩肉和豆腐，惹味爽滑。 豆腐切成方粒，入口軟綿，腩肉滲了辣椒的汁液、帶來刺激的亢奮，好味！大漠風沙雞以近似避風塘式的烹調煮法，雞肉腍滑、香口怡人，不用加配醬料也有極佳的口感，只是雞皮稍為肥些，較要忍口了！Wasabi沙拉蝦球賣相一般，蝦比較大隻，但wasabi味不夠，沙拉醬亦不多，稍為失色。 蝦本身很彈牙，收費不高，尚可！海鮮粥份量十足，有兩隻花蟹、六七只大蝦及拾幾隻蜆。 粥煮得軟綿，吸收了大量海鮮的鮮味，非常好吃！ 海鮮十分新鮮，吃落啖啖肉，加上香滑的粥水，吃得不亦樂乎！最後點了冰糖雪耳木瓜糖水，雪耳很大件、甜度適中，合格。“饑落亭”收費大眾化，所有食品鑊氣十足，保持了原“陳根記”的一貫水準，毋怪乎天天門外大排長龍了！

這陣子冬意濃，跟男友想着到處吃熱炒是個不錯的選擇。早前聽朋友說，陳根記在大埔重開，我們特意騎車到大埔，想着回味一下那個Wasabi手撕雞。星期一晚上到，都座無虛席，二話不說地點了Wasabi手撕雞，看到牆上貼着加一蚊有乳鴿，我們也跟着大隊點了，再來一下熱辣辣的迷你羊腩煲，兩人份量非常恰到好處，最緊要是有火一直暖著。$1乳鴿很入味，少少咸，不過很有肉。點了個啫啫魚腩煲，醬汁包著每件魚肉，用作佐飯就最好！男友說要吃金湯酸菜魚，大排檔的酸菜魚不像飯店般用銅鍋奉桌，很快放涼，酸菜量可再多一點，魚片很滑。這晚夜算是十二月很冷的一晚，吃過大餐就抱著暖暖的胃回家去。

接妹子放工順便食埋晚飯，佢好興奮咁帶我去呢度食，話可以搵返學生年代嘅感覺，原來係以前佢沙田飯堂嘅延續版，唔怪之得門面整到似冬菇亭啦。既然係大排檔格局，就叫啲風味嘢啦。Wasabi蟹籽手撕雞 (例)$90妹子話呢道係本店名物，睇落材料豐富，除咗雞絲，仲有海蜇、蟹籽、青瓜絲同火腿絲，食落微辣唔嗆，口感豐富，清新開胃。紅燒乳鴿$1 (換購價)點菜超過$320就可以換購，咁抵點可以錯過呢。乳鴿皮脆肉嫩，肉汁豐盈，新鮮熱辣又好味。川味腩肉豆腐煲$75香味四溢，味道微辣，非常惹味嘅一道菜，好有風味！薑蔥炒肉蟹$184非常夠鑊氣，送嚟時香噴噴，即刻放低其他嘢去食蟹，蟹肉肥美鮮甜，零舍滋味，加入大量薑蔥一齊炒，好味到連手指都「算」埋。楊枝甘露$28足料美味嘅楊枝甘露為今餐畫上完美嘅句號。一直未有機會到沙田店一試，估唔到無心插柳反而碰上，今日有口福啦。

屋企人鍾意食中菜，就特登帶媽媽去試吓於禾輋邨響噹噹的大排檔小菜，原來進駐了大埔，名叫 饑落亭，連個名都響應返以前冬菇亭嘅時代。餐廳燈光光鮮，感覺企理乾淨，大多數以圓枱用餐，驟眼睇都幾乎滿座。餐牌都有幾張，食物菜式分門別類列好，容易搵到自己心愛的菜色。除了小菜之外，呢度還提供生滾粥。見到張張枱都食乳鴿，好似好吸引，我都唔執輸叫返一兩隻，原來加一蚊優惠價就可以食到，消費滿指定金額的話。我和家人都喜歡吃海鮮，就點了豉油皇中蝦，一份都有四五隻，有我手板咁大隻，大蝦已經炒得好入味，而且蝦肉爽口彈牙，好新鮮。韭王蝦仁炒蛋簡直是送飯之選，好有鑊氣，炒蛋炒得很香滑，入面有好多蝦仔，配以韭王更有口感。媽媽喜歡吃沙嗲牛肉粉絲煲，轉個頭就熱辣辣上菜，煲面還出煙的，粉絲很林很入味，牛肉軟口，沙嗲味道更為濃郁，又可以撈飯！Share 食就夠晒開心，一次過可以食咁多款式嘅餸菜。甜品圖片好吸引，隨即叫咗恐龍奶凍，原來恐龍粉和奶凍是分開裝的，自己因應份量將恐龍粉倒入奶凍，除了奶凍很滑之外，美祿味道很香很濃。朋友見我食得咁滋味，再叫一個！最後埋單都只係$800，每人平均消費$200左右，就可以食到咁豐富美味的晚餐，下次

成班朋友聚埋一齊梗係去食小炒，叫番幾味餸一齊食不知幾開心。以前成日幫襯沙田禾輋大排檔的陳根記，知道大埔新開左一段時間，入面的裝修格局也維持着大排檔的風味。實在太肚餓，餐牌有咁多選擇更加肚餓，有晒煎煮蒸炸方式嘅菜式！見到隔離枱食得咁滋味，先點了一份椒鹽鮮魷，炸成金黃色香脆可口，係晚飯美好嘅開始。其後就點了幾款小菜，再每人叫了一碗白飯。金湯酸菜魚最啱我鍾意食酸辣味道嘅人士，其實又唔算太辣，連唔食得辣嘅朋友都食到，佢嘅酸辣湯簡直可以用嚟送飯，而且魚嘅份量都幾多，仲要冇乜骨添，鍾意食川菜嘅朋友一定要試吓！椒鹽豬扒真係好香，賣相亦很吸引，一碟都起碼有七八件，每一塊豬扒都好大塊，認真抵食，而且豬扒肉質鮮嫩，一啲都唔鞋，而且味道剛剛好唔會太咸，配以蒜粒一齊食更加香口。餐廳仲做緊優惠，每張單食滿$320的話，只需要加一蚊就可以換購凍蟹或者乳鴿一隻，乳鴿迷的我有福了！乳鴿即叫即炸，皮薄肉嫩，其後再encore一隻。啲餸實在太好食，話咁快就清晒！而特飲及甜品餐牌都多款選擇，各有特色，就試試這裏的楊枝甘露都只係$28，入面嘅芒果肉同埋西柚粒份量都頗多，果然足料。呢一餐晚飯真係食到捧住個肚出門口，大滿足！

呢日同屋企人喺大埔墟搵地方食飯， 老人家提議食中式小菜， 於是我哋揀咗間有大排檔風格嘅餐廳， 我哋當日大概六點左右去到餐廳， 所以就唔使排隊， 餐廳裝修從牆身地下枱櫈都好有大排檔嘅風格， 餐廳都頗大可以坐到百零人左右， 雖然話係大排檔嘅環境， 但係枱櫈到餐具方面都算乾淨。原味手撕雞手撕雞配咗海蜇青瓜絲火腿絲等， 加咗青瓜食落去嘅口感清新爽口， 另外配個甜酸汁， 個醬汁嘅甜酸到覺得幾好我幾鍾意， 幾開胃( 我之後食蠔餅都點到呢個汁)煎蠔餅蠔餅煎得好酥脆， 蠔仔都幾肥， 蠔餅加咗芫茜同蔥去煎， 食落多幾層味道。孜然串串蝦餐廳逢星期一至五每日都有做特價優惠， 撞啱當日係星期三 做緊呢個小菜嘅優惠， 從168蚊減至88蚊 所以我哋叫咗過嚟試試， 呢個小菜有啲似避風塘炒蝦， 將蝦炸熟， 然後將洋蔥蒜蓉辣椒用孜然炒過， 然後再將蝦撈勻， 洋蔥和蝦食落都好香口惹味。椒鹽魷魚鬚大排檔嘅熱門小菜， 呢度都做得唔錯尤魚唔會炸到過火， 外層炸得夠香口， 保留到大排檔嘅風味。金湯酸菜魚喺大排檔都有川菜嘅小菜， 我哋叫咗一款嚟試下， 份量都幾大， 湯底都做得唔錯同出面嘅川菜都差不多酸辣嘅比例都調教得好好 ，魚片

過往陳根記在禾輋熟食亭經營時我們都未曾光顧過，始終位置不算便利對我們來說，反而現今遷至大埔開設分店饑落亭，我們容易去到呢，加上昨晚開始下降，會更想吃小炒取暖。Wasabi系列可是饑落亭的招牌菜，我們來到這裡，怎會不一嚐Wasabi魷魚鬚。魷魚鬚炸得金黃香酥，然後淋上秘製香濃的芥末醬，香甜的Wasabi與彈牙的魷魚鬚交織可口的滋味，很快被我們清空。在未加一前光顧滿320元可以1元優惠換購燒乳鴿一隻，我們當然不會錯過這好康優惠。我必須說這乳鴿超好吃，乳鴿皮好不香脆，且洋溢玫瑰酒香，鴿肉柔嫩多汁，讓我們的嘴巴停不下來。天冷特別想喝湯，我們一致看上金湯酸菜魚，湯頭清爽鮮甜，帶點酸菜酸度，香味撲鼻。裡面的魚肉鮮嫩無比，完全無骨刺，吃來超方便，晶瑩的粉絲吸收湯精華，好吃極了，加上熱湯暖心暖胃，簡直是一大享受。香芹炒蠔仔上桌時鑊氣十足，蠔仔搭配香芹，薑片，蝦米，菜脯和紅椒一起快炒，蝦米跟菜脯有畫龍點睛之用，鹹鮮味美一湧而上，香芹炒蠔仔不論單吃還是拌飯吃均不錯，非常入味下飯。石鍋飯在寒冬受歡迎程度真的不可忽視，我們原想吃鮑魚石鍋飯和扇貝石鍋飯的，奈何一早售罄，故我們轉吃蒜蓉海蝦石鍋飯。當沙漏的流沙全部

沙田禾輋陳根記大排檔被沙田朋友食到出晒名，最開心就係而家連大埔遊都有得食啦！最近交通經常有變化，我都係喜歡去同區搵食，免得食完飯冇車返屋企。搵食年資有返咁上下嘅人都知道，冬菇亭係好有風味，全香港所餘無幾，不過好多已經裝修成有冷氣嘅冬菇亭，熱烈氣氛仍在，坐得又舒服啲！今次喺大埔墟食「饑落亭」，環境乾淨企理，店內嘅海報設計亦有不少禾輋陳根記的影子，充滿回憶！菜式選擇多價錢依舊不變，夠哂鑊氣，抵食過酒樓。店員姐姐非常熱心，推介了多款招牌菜。《Wasabi 蟹子手撕雞 》$90例牌份量都好大呀！望落去雖然見唔到Wasabi 綠色，一入口食到十分刺激攻鼻，蟹子入口卜卜聲，招牌手撕雞 啖啖肉，嫩滑多汁。《川味腩片豆腐煲》 $79男人的浪漫，豆腐火腩飯。千萬唔好睇小呢個川味腩片豆腐煲，煲仔菜上枱熱辣辣，麻辣味十足，腩片肥瘦交雜，豆腐外脆內軟，惹味呀！《金湯酸菜魚 》$110天氣開始涼，食酸辣野特別開胃，金湯味道就好似鮮魚湯一樣咁甜美，酸菜有咬勁，魚肉薄薄的生熟度剛剛好，食落夠嫩滑還有少少魚骨；一啖湯一啖肉仲有啲配菜，回味無窮！《蠔仔粥 》$35老公喺門口已經話要食生滾粥，冇食到豪餅就一於食一碗豪仔粥

細細過就喺禾輋食到大既陳根記，原來分店開到去大埔！ 真係唔係揾食經過都唔知！晚市時間人氣同禾輋老店同樣旺盛，都係充滿人氣同鑊氣！呢度裝修好有禾輋大排檔既風味，用返大排檔常用既圓櫈，又整返好似冬菇亭既佈置，驟眼望吓以為呢度係大排檔！不過環境就比以前大排檔更乾淨同舒適利賓納梳打紅茶先到，大大杯都係十幾蚊，非常抵飲！檸檳既酸甜本來已經好醒神，加埋紅茶，呢個組合更醒神！賣相十足既wasabi沙拉蝦球係先到既小菜！大大碟都係80 幾蚊！ 日式芥辣味道幾吸引！咬落外脆內爽既蝦肉，加上有少少攻鼻既日式芥辣味，非常過引！西蘭花炒斑球大大碟，炒到好鬼香，爽口鮮甜既西蘭花感覺勁多，好似唔駛錢咁！斑球大大塊，鮮味十足，又有鑊氣，值得一讚！最後上檯既係鑊氣十足，上檯時仍然熱辣辣既川味腩片豆腐煲，份量十足唔在講，炒到帶點焦香既豆腐，吸晒辣汁，十分惹味！腩片肥瘦適中，幾爽口！加埋d辣椒片，完全唔覺得肥膩！記得留返個肚食佢哋既奶凍，只係加$8 就有得食，非常抵食！臨走先發現完來食夠$300有得加$1換乳鴿！ 為左隻$1 乳鴿，下次一定要再嚟！

中秋節弟弟提議一家人去饑落亭食團圓飯😀餐廳前身係瀝源人氣大排檔陳根記，由冬菇亭搬到大埔地鋪，地點雖然唔係喺正大街，但去果晚仍然座無虛席，門外仲有唔少人等位。節日關係，我同媽媽要食齋。職員好細心，上齋菜時會特意放近我同媽媽前面，上葷菜時就會放喺我貌似禽畜嘅弟弟前。有啲餸菜更會有兩個version，好似蟹籽蛋皮福袋，佢另上一碟係純素嘅👍🏻👍🏻食物方面，上湯浸雪耳萵筍絲同蛋皮福袋冇加好多調味，清清地反而食到食物原味，特別係萵筍好鮮甜爽脆😋南乳雜菜粉絲都好好食，雜菜同粉絲吸收哂南乳汁，但唔會鹹得滯，我淨食都👍🏻其實以上我已經飽，但屋企人仍然叫左碟羅漢齋炒麵，真係想叫大嘥鬼過黎唱返首眼闊肚窄俾佢地聽🙃不過話說回來，麵煎得好脆，亦好掛汁👍🏻👍🏻葷菜方面，全部係我弟弟至愛嘅濃味嘢，蠔餅有剩我打包第二日食😅最後屋企人仲食埋佢哋嘅甜品楊枝甘露😅整體黎講，新店無論野食、環境同服務都好好，難得一家人聚下，就算有人食齋有人食肉都照顧周到，希望下次唔食齋時再黎試😋

呼聲極高，人氣極旺，我都慕名而來參觀。發現不設訂座，而且排晒長龍，唔洗錢咩？罰企半個鐘可以入座咯。點解沙田老字號陳根記係大埔開分店要改為饑落亭，鄉下話嗎？朋友壽宴六位英雄報到，不幸臨時有兩位要趕赴拯救世界要缺席呢！只有格屍、戴傑、潚海、廖震、文青、曉奧參上。等足半粒鐘由 30 號叫到 60 號終於坐低，阿嬸話限時 90 分鐘，聽到都唔舒服，任飲任食自助餐還是放題？依個風氣真係唔要得，加重食客心理負擔﹗我飲飽食醉自然就會埋單，如果我地不停飲啤酒不停點菜，係咪夠鐘要出門口再等？還是全部打包外賣呢？非常掃興。已經無得訂位要大熱天時係門口罰企仲要食二手煙，耐心等到大檯又話要限時，服務又唔係特別好，仲要自己寫單。大家寫好菜單，誰知落單要寫號碼，大家再次要係餐牌度搵一大輪浪費時間，激死我！職員們都算親切落力地招呼食客，係個麻鬼煩公司政策、行政手段、等位落單流程，勁討厭您滷味﹗白滷水凍掌翼，涼浸浸地嘆，醃味清爽，陣陣咸香夾雜香料味，料頭非常可口開胃，掌翼皮脆肉嫩，滑嘟嘟白雪雪，肉汁輕流水潤，大家都損得十分滋味，堅好食的前菜！椒鹽鮮魷，極厚粉而油膩，幸好鬆化不燶不硬，但太多炸粉已完全掩蓋魷魚味道。魷魚