香港郵意明信片航海主題咖啡廳 (已搬遷) 新店位置

As a cat lover, you have to visit this cafe! This cafe has 3 cute cats and they are so lovely!!! You can have some main course , snacks, coffee etc here. I like to order the salad here, especially chicken salad. The chicken is very juicy and they use many veggies for this! Meanwhile the coffee is great here! I also like the black cow here as not really much place can offer this. The ice. cream won't be too sweet but still can smell the vanilla flavour.

以前就嚟過一次食lunch覺得麻麻，但朋友話係因為我唔識嗌野食，所以今日就再嚟食下dinner ，順便吹下水。入面係行自助式，要自己塭位，買野同收枱，但waiter 會拎個餐比你。先叫左個pepper chicken salad($68),份量正常，d雞肉係用洋蔥炒過嘅，加埋黑椒，都幾香。最加分係d番茄同沙律菜，好fresh! 之後要個baked fusilli with tomato ( $68),有d細份，但好惹味！比較辣，上面都幾多芝士，加埋番茄酸酸辣辣咁，好刺激味蕾朋友仔 order jor jumbo all day breakfast($108),好豐富，有d腸，煙肉，黑松露炒蛋，沙律等！個粟米係牛油煮過，雖然肥但好正野飲叫左杯黑牛($58)，用左vanilla ice cream, 冇乜特別，可以嗌番coffee.

安樂里是一條既短而又不顯眼的內街小巷，內𥚃隱藏了多間食肆。是午造訪的香港郵意明信片航海主題咖啡廳，是罕有以郵品作主題的餐廳。從正門的郵筒開始，到店內的郵品與明信片陳設，每一件精品也富特色。喜歡個別精品的朋友，更可購買回家。 餐廳的另一特點，是有數隻可愛的家貓在店中閒蕩，成功吸引愛貓之人到訪。 食品方面，總共有七款午餐供應。筆者要了一份黑松露帶子闊條麵，上方放了三片帶子，味道明顯比較淡口。闊條麵恰如其份為大家帶來一份煙韌口感，味道來源主要依靠黑松露忌廉汁。 芝士糯米釀無骨全雞翼是散點美食，雞翼外型脹卜卜，外皮炸煮得香脆，尤其是近雞錘頭的部份，突出的糯米餡料更多添一重鬆脆口感。雞翼本已是香口之物，以類近七味粉的調味料作調味亦加強了整件雞翼的惹味度。 隨主菜送上咖啡一杯，或可補差價自由點選飲料。這杯鮮奶抹茶洋溢濃厚的和食風味，面層的 Latte Art 亦做得美觀出色。每口暖暖的鮮奶勻有抹茶芳香作伴，只是面層用作調色的抹茶粉份量稍多為奶品加入了微微澀味。喜愛郵品或小貓的朋友，香港郵意明信片航海主題咖啡廳有一定吸引力，可前來親身看看。

在Openrice上標明的訂晚餐會送甜品，去到以後，又告訴我們要消費滿350先送，而網上这个要求寫的並不明顯。因為地點很難找，迷路的時候，打去想問問離自己還有多久，結果接電話的店員態度很惡劣，讓我自己GoogleMap，說她不知道怎麼走。雖然店內是自助性服務，但是朋友找不到水，詢問很久也沒有人回答，總體來說，服務態度很差，衛生條件一般，很多勺子沒洗乾淨，食物質素麻麻，不推薦！

難得一家人放下日常繁忙的工作，梗係想搵個安靜寫意舒適嘅地方，一齊坐下食嘢傾下計， 嗰日去去灣仔發現啲間好野度假feel嘅餐廳， 決定一於試下！第一點叫咗黑椒煎雞沙律， 雞肉嫩滑好有水準 ，食落似butter milk 雞扒！ 蔬菜亦十分新鮮， 有火箭菜,蕃茄,粟米,生菜配搭， 係食大餐前清新開胃嘅開始。跟住就到真心推薦嘅...魷魚扇貝蝦枝！ 見個賣相已經好有驚喜， 香脆嘅外皮食似炸春卷， 新鮮熱辣辣脆卜卜， 裏面有唔少海鮮， 有一粒粒扇貝蝦同埋魷魚， 真係落足了， 烹調時間剛剛好， 唔會令肉質變硬， 加上醬汁加咗香草和青檸汁， 感覺清新， 好有地道歐洲沿海國家嘅菜式既特色， 真心必試！跟住就到芝士糯米無骨雞全翼， 佢餐牌上有粒星星係餐廳推介，就叫咗一碟試下， 果然冇令我失望， 醮滿蜜糖嘅外皮炸得鬆脆， 咬落去糯米粒粒分明煙靱， 同香辣雞肉味道配合得十分好， 啖啖都好滿足！波士頓龍蝦闊條麵， 賣相已經冇得輸， 值得留意嘅係優質闊條麵， 適量嘅鮮甜龍蝦汁混合煙韌嘅闊條麵， 認真不錯！本身叫咗個黑椒雞軟骨， 但可能時間有點晚， 雞軟骨已經售罄， 無緣一嘗食咁受歡迎嘅菜式， 於是就叫咗芝士蕃茄

灣仔後巷的休閒coffee，鋪的面積都不小，環境安靜，有書提供，又有名信片賣，確實值得去！當日中午冇咩人係內面，好似包左場咁，十分正！之後我點左個綠茶鐵板甜品，價錢都ok，賣樣雖然一般，但味道都係ok，個d棒棒吸收左綠茶汁，變左軟軟地，就好似變左綠茶海綿蛋糕咁柔軟！個雪糕球都幾好味，不過就好似冇其他味道選擇，比較其他店就差了少少！仲有點左杯荔枝味的藍色飲品，味道好好，推介大家試下。店內仲有2隻貓貓周圍走，愛貓人士可以同佢地玩下！

從未食過如此難食的西餐，意大利麵條是生的，三文魚幾乎找不到，味道平凡，10分滿分有4分。雞翼味道不錯，外脆内軟, 10滿分有7分。Green Apple Soda 也是十分難飲，用餐膠杯都幾不乾淨，10分滿分有2分。食後感覺，由於麵的質感，十分硬，被人感覺，對於食物處理方便，有待改善。被別人製作了沒有誠意的食物，食客是感受到。其實餐廳環境吸引，內觀算不錯，幾舒適，有home cafe感覺。貓咪可愛。服務員態度不錯。

話說星期五放咗半日假用嚟溫書，就係灣仔搵個地方溫書；見呢間野餐廳比較寧靜就走左入去溫書。食物由我落單嘅時候到上枱，等左10-15分鐘左右：你問我呢個小食比我有咩感覺？普通啦。因為西蘭花好似燒偽咗。而且好乾。用薯條做墊底，條冇乜味，多薯蓉肉。芝士味冇乜。熱就夠熱。飲品Tora Latte:我嫌佢飲落唔夠竽頭的味，奶味唔夠。聞落去有竽頭味,但係係淡竽頭味。餐具置物好扎靚，有貓。放左叉同刀。環境入面燈火通明，長身貼晒明信片。感覺好想快啲寫返張明信片寄俾人。餐牌好大張A3 size嘅餐牌，用膠套套住。服務態度呢間餐廳係採取自助形式，用完啲餐具同埋食物器皿，要自己拎返上入去水吧。

無態度，個個好似機械人，全自助無問題，10問9唔應，完全唔知發生咩事，野食未至於難食但極一般，絕對平心而論，好似借左佢地個地方梨食野咁，無人會理你，連點頭都冇，好似係講緊你最好快d走。呢d咁既餐廳我真係第一次見，講都唔信。貼錢都浪費個胃。

書展今日最後一日，梗係要去睇下有咩平，掃完平貨之後，想搵個地方舒舒服服休息下食個飯，朋友推薦呢間郵意明信片餐廳。餐廳環境都算舒適，睇過開飯網之前既食評，都知呢度好多野都係自己落手，由拎餐牌到回收餐具，都要自己搞掂。Jumbo All Day Breakfast :一向喜愛 all day breakfast 既我地，第一時間揀左呢個 jumbo 版，上檯時賣相吸引，迷你牛角包焗得夠香脆，黑松露炒蛋夠滑，可惜煙肉煎得比較乾，而只有粟米有加熱，茄汁豆仍然係凍既，呢方面可以改善。另一樣叫左 carbonara，醬汁煮得好味，但份量較細，而配料亦唔太足夠，食完都好似唔係好夠喉咁。食飽飽梗係要叫返杯咖啡休息下，我叫左 Hazelnut Latte，拉花相當靚，好香榛子味，飲落亦都相當香滑。朋友叫左 Orange Mocha，味道比較特別，咖啡味之中夾有淡淡既橙香味，都算係第一次試。呢度食物味道算唔錯，係服務較為一般，不過如果想悠悠閒閒咁坐下傾下計，都算係一個唔錯既選擇。

本身上網睇d食物賣相同裝潢幾靚 就比佢吸引左 姑且一試咁點知呢度d staff既態度簡直令我另眼相看呢度$40可以換一個印花，儲齊5個就可以換一杯latte而佢d印花係需要你用佢個app scan個QR code (QR code係你比左錢之後比既)我同我朋友一開始就叫左2個意粉，就有4個印花諗住不如加多個$42既tiramisu就可以即刻換杯latte好啦咁我就行去佢個櫃檯order個tiramisu就無同佢講我之後要用印花換埋杯latte我整埋個QR code就同佢講我要換latte點知佢同成班員工就話要買左野先可以換我心諗 我唔夠1分鐘前先同同一個員工落單佢竟然當我無買野就想換杯latte😡😡然後我再三問多次究竟係要買d咩嘢先可以換，原來需要喺同一張單，即係要講定先得就算真係因為我無事先講定，亦都好明顯我啱啱有買到野呀😡佢老細個陣都唔肯換比我，個staff最後就好唔請願咁話 好啦換比你啦，又叫我地下次唔好咁 (仲有下次咩^^)😡然後佢攞走左我部電話 完全呆左乜可以咁樣架咩🤔😠然後我坐番低個陣仲細細聲話想用粗口鬧我😡杯latte到左之後 我個朋友飲緊既時候個員工都不停望住佢🙄😡真係

幾個月前來過餐廳，覺得呢度環境舒適，食物ok，雖然係自助形式，但係員工都好有禮貌，可惜今次到訪，感覺已經完全唔同晒。今次同上次叫既野都好類似，叫左一份jumbo all day breakfast, 一份carbonara 同埋兩杯飲品。All day breakfast 食材豐富，份量十足，賣相都相當吸引，唯一美中不足既係茄汁豆無整熱同煙肉過乾，有改進空間。Carbonara 醬汁ok，可惜配料唔夠，份量唔係太多，男仕可能會唔夠食。飲品分別叫左香橙mocha 同埋hazelnut latte, 前者味道非常特別，飲落有好香既橙味。滿心歡喜諗住加個甜品湊夠350 蚊可以送個心太軟，一名較驕小既短髮女職員話「最好唔好分開兩張單」，咁即係得唔得呢？再問之際，得到既回答係「咁樣唔係太好」，都仲未回答到我既問題，於是我地問個睇落比較高級，束啡色中長髮較瘦既女職員，終於得到非常冷淡既回應：「唔得」。其實成日周圍食既我，好明白餐廳做生意有一定既規矩，但都好希望店方可以寫得清楚d, 如上圖所見，並沒有列明唔可以分單，亦無話條款及細則約束，而係自助形式既餐廳，叫完main course 先叫甜品，個人

上星期六, 適逢同成班朋友gathering, 當中有人推介話試過呢間電視介紹過, 位於灣仔嘅特式主題CAFE唔錯, 所以揀咗呢度.一入到去, 第一印象係好文青Feel, CAFE主要以藍白為主題, 另外其中一幅牆有張相當顯眼嘅航海地圖加上帆船模型擺設, 其它牆上亦有明信片及部分香港特式嘅相片作為擺設, 成個環境令人感覺相當舒服同放鬆.因為我哋人數唔少, 都有十幾人, 店員安排我們坐喺店中間嘅大枱, 值得留意嘅係, 一坐低已經發現有幾隻貓喺枱底遊走, 原來呢點都係呢間CAFE嘅特點之一, 店主係愛貓之人, 所以養咗幾隻貓比客人同佢哋玩或者合照.講返食物, 因為本人選擇困難所以冇乜點睇餐牌, 加上人數唔少, 一切交俾朋友決定, 因為款式太多, 講當中印象最深刻幾款同自己嘅推介:煙三文魚沙律Carbonara黑松露帶子意粉芝士焗西蘭花芝士焗波士頓龍蝦另外另外絕對重點必食推介 - 糯米釀無骨雞翼, 呢道真係好食到朋友們忍唔住重複order幾次.飲品方面, 本身以為CAFE主要得咖啡, 但原來仲有好多特色飲品, 同樣地, 人數眾多一人一款不能盡錄, 有兩款比較特別:Bailey's Choco

室內環境明顯係出有心思, 不過掛住欣賞唔記得影相。 食物嘅安排就知道係有用心安排， 因為我叫個all day breakfast， 材料都唔似係一般貨色 番茄唔係一般 超市買得到的番茄仔， 茄汁豆都唔係， 如果食過出面嘅，就知道分別 牛角包似係自己焗，炒滑蛋亦幼滑，雖然等左差5多15分鐘。煙肉似豬肉乾，豬肉腸正常貨色。 可惜carbonara影響今餐， 因為面身太硬未煮熟咁，要扣下分。 不過嚟緊有機會都會過去， 因為欣賞佢用心。同埋附近有兩隻貓仔走來走去，同環境好休閒，哈哈p.s. 店舖 採取自助模式 用餐後需要拎碟去櫃檯

時間：星期三 7pm人數：2餐廳50%滿。有一枱人做緊勾針手工。<< 食物 >>All day breakfast ($78)蛋炒得幾好個質地，配埋黑松露醬好香。條腸食落好油。啲粟米都係。salmon, bacon 正常。Carbonara 闊條麵 ($68)普通。麵硬。唔夠汁。唔夠食送。芝士糯米釀無骨雞全翼 ($68)好惹味，微辣。啲糯米煎脆咗好香。香芋latte ($48)好香香芋味。呢個其實係香芋奶，冇咖啡嘅。Rose cafe latte ($48)朋友話玫瑰同咖啡味都飲到。抹茶鐵板雪糕 ($58)個鐵板熱嘅，倒啲抹茶汁落去jaa jaa聲。就咁飲啲抹茶汁有啲苦。啲手指餅浸一陣就會發脹&淋，好似蛋糕咁。Movenpick vanilla 雪糕好正。幾樣野一齊食好好味。買滿$350 送朱古力心太軟 個雪糕都係 Movenpick vanilla，正。心太軟個心係流嘅。個朱古力ok la。個牛角包好似俾油浸到淋哂咁，唔脆。<< 服務 >>🔹自己去吧枱叫野食。佢會送食物去你枱。食完自己執番啲杯碟去吧枱。🔹店員冇乜笑容。🔹