香辣鮮

营业中

休息中

已經踏入秋季🍂，大家都想食暖身食品，今日我走去 “香辣鮮” 品嚐店舖推薦 “蘿蔔羊腩” (​羊腩肉質爽口、新鮮蘿蔔鮮甜；最重要係不加任何味精) 再加一大大杯檸檬茶​，令秋日溫暖中帶一點涼快👍

天氣將再次寒冷，約一班朋友食 “羊腩煲、香辣江團魚” 非常好。再 order 好味雞翼、蒜泥白肉、黃金皮蛋、香辣豬耳、 清炒萵筍絲…… 全無味精，美味可口；再加上一杯大大檸底可樂，令寒冷的冬天增添激情。

於2024年1月11日享午餐。覓食時被店名吸引了，入去的田園裝飾風格和播放抖音的歌，令我感到去了內地的小店。酸辣土豆絲🥔點了中辣，土豆絲切絲一致。酸甜味適中，炒得乾身，撈飯一流。酸菜魚🐟有別於川式做法，醬汁較為濃稠，酸味都較為突出。嫩滑的魚肉配上金黃色鮮湯，都是撈飯之選。辣椒炒牛肉🫑做法較湖南風格，不僅追求辛辣的風味，更能品嚐到獨特的鮮香及口感。肉味重且加了辣，雙重口感，令人停不住口。午餐來說，價錢實惠，挺喜歡他們的飯，不是硬身那種，較軟糯，少少黏，但米味很重。-讚好社交平台專頁可獲雞翼兩隻-檸檬茶是採用香水檸檬地址: 長沙灣青山道456號地舖

-海鱸魚 $268🐟條魚好鮮又大條，三個人都好夠食，唔會話好腥！而且湯底好入味，佢有得揀清湯，酸辣同香辣。我地今次揀咗香辣(小辣)啱啱好唔會太辣，又香🌶️🌶️越食到後面啲魚肉越濃味。條魚本身有香蔥，大蒜🧄調味，好香！同埋本身裏面都跟咗啲唔同既配料！有薯仔片，芽菜，金菇仲有豆卜💕💕-薯粉 $30佢所有配菜一律加$30，我地今次加左薯粉，啲薯粉都係偏彈牙，係湯底淥完之後都偏辣。大大杯凍檸茶 $30真係好大杯！大啤酒杯，足夠2個人飲，檸檬🍋亦都好夠味🥳🥳-

今次生日飯朋友竟然book左長沙灣食雞煲！因為自己唔係好食得辣嘅情況下，間餐廳竟然出現咗一個叫做奇味雞煲！詢問店員後佢解釋咗原來係唔辣嘅雞煲！即係食唔到辣嘅你都可以去試下㗎！裝修真係比較古代風，尤其是入面有個位置係有個古式風味嘅屋頂😎都幾有玩味㗎！位置都好闊落，餐廳亦都唔難搵到！接近長沙灣a出口交界，一直行大概10分鐘左右就到！講返呢個奇味雞煲先！雞件分量適中！醬汁味道夠曬香濃配料亦都唔少大大粒蒜頭，洋蔥，京蔥再配上香蔥爆炒，味道非常出眾！然後再叫咗個小食！麻辣豬肚絲，怕辣嘅自己唔係太食得辣選擇咗小辣！麻辣豬肚絲配上乾炸嘅黃豆非常配襯！黃豆爆香嘅感覺出曬嚟！再配上新鮮嘅豬肚搭上微辣嘅醬汁！令人覺得開胃又滿足！呢間舖叫做香辣鮮”地址係青山道456號地鋪就見到㗎喇！快啲一齊嚟試下佢好好食嘅雞煲啦😎

進入香辣鮮的時候，瞬間被它的裝潢和熱鬧的氣氛吸引了，餐廳裡面人比較多，幸運的是一早已經預約了，不然的話有機會無位坐XD點了一個招牌海鱸魚烤魚套餐，配料有蟹柳、豆卜、金針菇、木耳、豬皮和薯仔等等，非常豐富😍當招牌海鱸魚烤魚套餐送上桌時，一看就知道這是道色香味俱全的佳餚，海鱸魚非常新鮮，搭配醬汁的調味恰到好處，令人回味無窮🥰而且配料方面也挺不錯的，特別是薯仔和豬皮，加上醬汁之後層次提升了，讓人吃了感到很滿足，整個套餐足夠2至3人享用，份量非常多🤗好味指數：9/10性價比指數：8/10餐廳名稱：香辣鮮餐廳地址：長沙灣青山道456號地舖電話：23702228

呢排成日去長沙灣🤣今次同朋友去咗間食雞煲/烤魚嘅道地小店食晚餐本身見隔離枱啲烤魚好正想試😋但當日去到已經冇晒烤魚，所以叫咗雞煲～雞煲都有好多種口味選擇我哋叫咗胡椒豬肚雞，有啲酸菜，味道唔錯而豬肚都唔會羶👍🏻軟硬適中不過份量唔算多，兩個人食要加啲小菜先夠飽大家可以試下叫唔同配料🤣🤣都好多選擇然後我地仲叫咗小食，試咗麻辣豬耳好食😋豬耳好爽口調味都唔錯，份量都唔算少嘢飲方面都係啲大路嘢～食辣可以揀大大杯嘢飲🤣雖然係小店但入面有個位係類此亭咁樣，都幾靚～

今日去長沙灣度搵嘢食,呢間餐廳都幾多人入去食~店面細細個,但都有用心佈置~呢度有幾款前菜,有拍青瓜🥒,仲有麻辣豬耳,肚絲哥類🐷~我哋就清清地揀咗個木耳,酸酸地幾開胃~佢呢度出名嘅係乾鍋,但我哋又唔食得辣🌶~雞煲就有香辣雞煲,奇味雞煲,同埋呢個椰子雞煲🥥~呢排有啲熱氣,所以叫咗呢個清潤椰子雞煲~佢嘅湯底有好香椰子味仲好清甜,因為除咗椰肉仲有馬蹄~加埋雞件入去煮下🐔,個湯就更鮮甜~呢間店都幾爆滿,我哋走時門口都有人話呢間啲雞煲唔錯~

難得約到幾個女仔朋友飯聚，特登揀咗間有胡椒豬肚湯又有雞煲嘅餐廳，同店仲有麻辣小食同串燒可以叫，啱晒幾個朋友盡情飲飽食醉！鹹酸菜胡椒豬肚雞胡椒豬肚湯非常香濃，鹹酸味適中，雞件入味得嚟又好足料，冬天嚟食夠晒暖胃。奇味雞煲朋友唔係好食得辣，所以我哋今次揀咗唔辣嘅雞煲。雖然唔辣，但係味道依然惹味，雞件又滑又多，下次要試下辣味！爆蒜泥白肉名副其實嘅爆蒜泥，蒜泥鋪滿全碟，豬腩肉片又勁嫩，食完依碟好有驚喜！麻辣豬耳麻辣小食當然唔少得麻辣豬耳，豬耳爽口彈牙，鍾意佢麻得嚟夠辣，又唔會搶咗雞煲同胡椒豬肚湯嘅味道，配搭一流！

之前番大陸食椰子雞🐔，而家唔太番去又想食椰子雞，就係附近搵間雞煲店食😈呢間店本身主打麻辣烤魚同香辣雞煲既，見MENU有椰子雞就走左入去試下🙂。🌟清潤椰子雞煲🌟叫左半隻雞，再叫左個小食 – 香草炸雞中翼，全餐都係雞呀😂😂賣相睇落係簡單野，但佢個椰子雞煲係我食過最甜既🤤！！開頭食椰子味未係好重，愈滾D湯就愈濃，D雞食落就好甜。本身都以為係個湯加左味精野令佢咁甜，但食左一條椰子就發現原來係椰子好甜~~~個椰子雞煲仲有杞子同馬蹄，配搭都好養生👍🏻

長沙灣一帶有唔少食烤魚或者麻煩雞煲嘅餐廳。門面夠搶眼，就吸引咗我同朋友一試香辣鮮！ 奇味雞煲有辣有唔辣，我哋揀咗唔辣，都好惹味。雞肉嫩滑，亦好入味，加咗青瓜、洋蔥、蒜頭、薑片、蔥等配料，增加雞煲嘅甜味。鹹酸菜胡椒豬肚雞胡椒豬肚湯好好飲😋胡椒味濃郁，酸味同鹹味啱啱好，鹹酸菜同豬肚份量多，好足料。配埋雞嘅鮮甜，唔錯👍🏻爆蒜泥白肉勁爆蒜呀！蒜泥鋪滿白肉，食落成個口腔充滿蒜泥，不得了😆麻辣豬耳豬耳爽脆彈牙，十分開胃，又麻又辣愈食愈過癮。

四川菜~小編食的次數不多，因爲怕很辣，但是朋友想嘗試一下四川口味的鷄煲，所以今次找了一間可以調整辣度的長沙灣親民小店——香辣鮮。小編到達時候已經6點半，陸陸續續有客人堂食及外賣。因爲餐廳位置在長沙灣及荔枝角中間，附近都多美食，所以小編都有期待！餐廳不止是賣烤魚雞煲，還有家庭小菜跟米線，價錢都是適中！看到別人臺上的份量都蠻大，CP值感覺可以。小編分別叫了2個雞煲，包含2個小食，還有1瓶大的酸梅湯。前菜黃金皮蛋皮蛋呈現溏心狀態，蛋黃味重，外層少彈牙，非常特別。如果想增添一點辣，可以沾配上辣椒蒜蓉。蒜泥白肉（微辣）雖然薄切，但片數都很多，豬肉肥而不膩，辣油雖然鋪滿整碟，但只要微微的辣味，蒜蓉味可以再濃一些。鹹酸菜胡椒豬肚雞煲（半隻雞 ，微辣）主角鷄煲出場了，一上臺就聞到酸菜味。白胡椒豬骨湯味濃厚但不會覺得鹹，竟然帶點剛好清淡的味道。酸菜還保留著爽脆口感，吃起來不會很酸，味道很適中。豬肚是鹵水口味，吃起來不會過軟，沒有其他怪味。酸菜跟豬肚吃的到是剛好放下去。鷄件不算很多，不過還算嫩滑，鷄味都重。小編比較喜歡酸菜，然後就是湯底，每裝一次湯都會有好多白胡椒粒，冬天喝非常適合！椰子鷄煲（半隻鷄）椰子

🌸《香辣鮮·雞煲·長沙灣》-𝐅𝐨𝐨𝐝 𝐑𝐞𝐯𝐢𝐞𝐰 食評 🥘 香辣雞煲 （半隻、小辣）雞煲材料好多，有薑片、洋蔥、香蔥、萵筍等等🫢所以雞煲黎到好香🤤 小編揀左小辣，如果食得辣嘅朋友建議揀中辣或者大辣🙆🏻‍♀️-🥩 爆蒜泥白肉 蒜泥白肉真係爆多蒜泥，調味好足夠🙆🏻‍♀️❗️不過食完唔好同另一半訓覺啊😂-𝐅𝐨𝐨𝐝 𝐑𝐞𝐯𝐢𝐞𝐰🥘 Spicy Chicken Pot (Half, Mild)There are many ingredients in the chicken pot, such as ginger slices, onions, scallions, asparagus, etc. 🫢 So it smells really good 🤤 I chose mild spice, but if you like it spicy, I recommend choosing medium or hot 🙆🏻‍♀️-🥩 Stir-Fried Garlic PorkThere's a lot of garlic in the garlic pork, and the seasoning is

前排約咗朋友去咗荔枝角，又想食雞煲，就簡咗呢間餐廳。呢間餐廳除咗雞煲，仲可以食烤魚、酸菜魚，啲選擇都幾多！因為想食得養生啲，就簡咗胡椒豬肚湯同椰子湯雞煲。1.咸酸菜胡椒豬肚雞煲呢個湯底好岩冬天食，胡椒嘅味道都好重，飲咗幾啖湯已經feel到好熱，啲雞同豬肚都煲到好入味，食落都好重胡椒味，而個煲都好足料，都食到好多咸酸菜同豬肚！2.清潤椰子雞煲椰子湯底好清甜，入面仲有馬蹄同杞子，仲有好多舊椰子肉，感覺好養生；呢個湯底同胡椒湯底唔同，雞件係另外上，要自己將雞件放入湯到淥熟，啲雞淥熟完之後都係好嫩滑。3.黃金皮蛋平時食開嘅皮蛋都係黑色，但係呢款好特別，皮蛋嘅顏色係金色，個蛋黃仲要有少少流心；辣度可以自選，雖然最尾都叫咗唔辣，但係佢嘅醬汁都好惹味，同個皮蛋幾夾。4.爆蒜泥白肉呢個小食同佢個名一樣，餐廳真係俾咗好多蒜泥，一上枱已經見到好多蒜泥鋪哂喺肉嘅上面，鐘意食蒜嘅朋友必叫！值得一讚嘅佢嘅份量真係好多，CP值好高！

荔枝角好多平民美食，今次試依間以為淨係食米線，但原來仲有雞煲同烤魚食！試左個清潤椰子雞煲($198/半隻)，個椰子湯底好清甜，夏天食幾夾，啲雞夠哂嫩滑，配埋椰子香味令雞肉更加鮮甜同時又唔會掩蓋本身嘅雞味鐘意濃味啲可以點醬油，個醬油好特別，係沙薑味，再加少少青檸辣椒調味都得，唔驚口味單一另外試左個爆蒜泥白肉（$35），啲蒜磨到好幼細好滑，味道都好濃郁，個肉入口柔軟今次去到個烤魚無哂，下次都想試埋！都見好多人落黎買外賣米線咁，選擇係幾多！