馬師傅菜館 (已結業)

朋友話疫情期間，屋企附近新開咗間唔錯嘅菜館，趁住最近限聚放鬆，過去搵朋友飲個茶，聚一聚。呢到嘅點心好多都可以選擇一籠兩件，兩個人嚟食都唔怕，可以叫多幾款選擇！⭐️蝦餃(2粒) $18蝦餃皮皮薄煙韌唔痴咀，餡料飽滿，蝦肉鮮味彈牙！⭐️燒賣皇(2粒) $18面頭鋪上大蝦仁及蟹籽，色澤亮麗，賣相討好。豬肉半肥瘦，質感爽口。⭐️牛柏葉 $28口感較腍，同時保持爽脆，薑蔥香氣夠入味。⭐️金錢肚 $27彈牙易咬嘅金錢肚，黑椒香氣十足，但唔會過鹹或過濃味，食落非常惹味！⭐️腐皮卷(2件) $16皮薄酥脆，內裡用料足，點醋食一流！⭐️普寧灌章(2件) $18特別嘅潮式點心，唔係四圍有得食。外層煎得香脆，內口蘿蔔絲煙韌軟滑，同時食到白蘿蔔嘅清甜！⭐️海蜇拼燻蹄 $88海蜇爽脆，燻蹄皮爽肉嫩，點埋蒜醋，令人食過翻尋味！⭐️五香牛展 $68牛展火喉夠，炆得入味軟腍，味道帶點甜，係個好開胃嘅涼盤小菜。⭐️蒜蓉炒西蘭花 $68健康啲炒返個菜嚟食，估唔到又幾有鑊氣，蒜香十足，西蘭花仲炒得軟硬度適中。⭐️炸雲吞(2件) $14超脆皮，炸得乾身唔油膩，必食！⭐️馬拉糕$23見到差唔多枱枱都有叫嘅馬拉糕，當然跟住叫埋一份，果然冇令人失望！馬

我哋今日嚟到呢間荔枝角站附近嘅菜館食午餐。佢嘅位置大約喺荔枝角同埋長沙灣嘅交界。我哋點左幾個點心同埋星洲炒貴刁。先送到黎嘅有點心蒸軟滑薑汁糕一層啡色一層白色，賣相幾靚；口感煙煙銀銀，好夠薑汁味蛋白杏仁茶杏仁味非常濃郁， 十分幼滑，有蛋香蝦餃蝦嘅份量好多！大大粒好滿足星洲炒貴刁咖喱味道濃郁，唔會好辣但係好夠咖喱香味。成碟嘅炒貴刁都好足料，除咗有貴刁，仲有鮮蝦、叉燒絲、銀芽、幼青椒及紅椒、韭黃，吵得都好夠鑊氣好好味。通常幫襯呢間菜館嘅都係附近嘅街坊，夥計服務都好友善，都幾感覺到佢哋嘅人情味。星期日嘅下午可以一邊飲茶食野，一邊慢慢同朋友傾吓計，坊間過吓呢個慢活嘅生活，感受下香港傳統嘅茶樓文化，幾好😊

平時好少機會嚟長沙灣，發覺原來同以前要發展都大不同，有單幢式私人住宅，有小型商場，好多條巴士線來來往往，方便通去其他區。去完深水埗電腦廣場，沿着大路逛到長沙灣。見到馬師傅中菜，好有local 家鄉小菜嘅感覺。枱與枱好有空間，點心紙上有樣未見過嘅菜式，普寧灌章，從字面上估都估唔到其實係蘿蔔絲加腐皮炸咗佢，上枱時一啲都唔油，一口氣食咗兩件，香口。set lunch有乾炒牛河再送木瓜雪耳燉湯，一盅湯上。炒野好有鑊氣，牛肉厚厚的，肉味濃，好耐冇食過咁正嘅。燒味叫咗三拼，燒鵝，叉燒，海蜇。燒鵝唔算多油份，皮唔太焦黑，叉燒肉嫩，半肥瘦。點心紙常蔬菜都有四五款，上湯浸莧菜係用煲仔上枱，熱辣辣唔算油膩。

今日嚟到長沙灣附近整完野突然之間好想飲茶食點心 起碼有半年冇食過點心啦咁啱行到有一間餐廳叫馬師傅一於試吓佢啦點心選擇唔會好似酒樓咁多 但係質素有保證 份量啱晒兩個人一齊食 可以食多幾款口味 正呀😍😍🤩我地叫左：燒賣王 / 山竹牛肉球 / 金錢肚 / 普寧灌章 / 咖喱蒸魷 / 海蜇拼分蹄 / 叉燒蔥油撈粗麵已經好少酒樓仲有得食咖喱蒸魷魚🤩🤩呢度嘅蒸魷魚好爽脆 咖喱味仲啱啱好添普寧灌章 俾呢個名吸引咗 完全估唔到佢係咩嚟原來入面係炸蘿蔔絲配返個甜醬 好match...幾鍾意哩個既口感🤪牛肉球兩粒都好巨型一d都唔會實的的既😎😎😎叉燒蔥油撈粗麵係午市特價套餐包一碗湯 當日係西洋菜湯 飲得出完全係冇落味精嘅 好有家既味道🥰😍😋

今日去左長沙灣搵野食，搵到呢間馬師傅既茶樓。位處福榮街聯邦廣場地舖，聯邦廣場既招牌已經退色，但係呢間茶樓就完全相反，入到去好闊落，所有野都好新。我地叫左好幾個點心同埋碟麵。先講下呢個普寧灌章係特別推廣，就好似一個炸既蘿蔔糕咁，不過就硬淨啲，食落好脆口，值得推介。另外叫左一般會叫既點心，燒賣、金錢肚、咖哩魷魚、山竹牛肉等等，全部都好出色，燒賣王大大粒蝦係面頭，山竹牛肉大大舊啖啖肉，金錢肚好入味，咖哩魷魚咖哩味濃汁好杰身掛到係魷魚上面。另外我地叫左分蹄海浙，好爽口，呢兩樣野係我好喜歡既。最後就係蔥油叉燒撈粗，味道啱啱好唔會太咸太油膩，粗麵爽口彈牙，配埋豉油蔥油真係好夾，叫粉麵飯重會送盅燉湯，真係好抵。

一行三人去試馬師傅，因為奶奶係潮州人又90歲！希望可以帶佢食到回憶😉特登叫一個𧐢餅真係好香旦𧐢仔又甜完全唔係平時見到嗰啲炸餅尼個真係必食👍🏻👍🏻👍🏻其他點心都平均非常非常好味😋而且仲有部份係兩粒咁叫！真係太贊可以試多幾款地方距離十足，環境好舒服😌唔會好似D酒樓咁又迫又嘈職員好有禮貌連傳菜都好有禮洗手間非常乾淨

酒樓座位寬敞舒適， 比一般茶樓寧靜， 環境不錯， 小店滿滿人情味， 侍應友善招呼 ，點心做到平靚正， 十分欣賞。椒鹽九肚魚$56 即叫即製椒鹽九肚魚 ， 上枱時 ，熱呼呼 ，香噴噴 ，令人垂涎 ， 九肚魚被金黃色的脆漿包著，香脆可口， 九肚魚魚肉鮮味滑溜 ，是我必點喜歡的小食， 送啤酒一流。 鮮蝦腐皮卷兩件$18鮮蝦腐皮卷， 外皮炸至金黃酥脆，咬下時發出「吱嚓」， 配上鮮味爽彈的蝦肉，口感不錯， 令人停不了口。 咖哩蒸魷魚$30魷魚大件厚身， 嚼勁口感， 魷魚吸收了香而不辣的咖哩汁， 令到清淡的水魷魚，增添惹味。蛋白杏仁茶/一位$22蛋白杏仁茶我最喜歡的中式甜品， 杏仁配上蛋白， 每口盡是誘人杏仁香氣和蛋香，十分滋潤養生，讓人樂在其中。

假日同愛人到老字號馬師傅搵食，喜歡佢多元化嘅選擇，蝦餃一籠兩粒，$18/籠，水晶皮煙靭多蝦，為起$9粒唔貴。燒賣一籠兩粒，同樣$18/籠，豬肉爽脆彈牙，內含蝦比例同豬肉相若，論口感同埋味道，我鍾意食燒賣多過蝦餃。蠔仔肉碎泡粥，有細碗有大窩，一大窩都只係$138，我哋兩位，要個細嘅$56，每人都可分到兩細碗🥣，Focus返碗蠔仔粥，主角蠔仔粒粒肥美飽滿，蠔香濃郁，加上半肥瘦碎肉及冬菇絲，惹味可口，畫龍點睛嘅係脆炸魚方塊，依家外邊唔係好多蠔仔粥會加魚方塊，就算有都冇呢間咁好食👍🏼糖醋煎伊麵$138，潮式餐館我最鍾意食嘅其中一道菜式，伊麵煎得香脆，人哋韮王係切斷放喺面，師傅將韮王切碎放喺底，用煎麵嘅餘溫令韮王散發香氣👏🏼黑椒牛仔骨$138，牛仔骨冇乜肥膏，香牛肉味、香洋蔥味、香黑椒味，總之成煲鑊氣夠，好惹味🤤雞油炒豆苗$148，炒豆苗最難係控制個火喉、時間，師傅掌握得啱啱，讃！

餐廳裝修簡潔明亮， 點心價錢親民， 全日仲免收加一， 十分抵食。滑蛋蝦仁帶子炒河$88(午市套餐，送是日燉湯：木瓜燉雪耳)原盅木瓜燉雪耳， 真材實料， 好夠火喉， 香甜的木瓜加上 滑溜的雪耳， 飲後令人口舌生香，滋潤養顏， 正好滋潤冬天乾澀的喉嚨。 滑蛋蝦仁炒河，分量十足，上枱時，香氣四溢，夠曬鑊氣，蝦仁大隻，爽口彈牙， 沒有油膩感，確實不錯。馬師傅鮮蝦餃兩粒$20鮮蝦餃，外型飽滿 ， 配上晶瑩剔透的蝦餃皮，口感煙韌， 包著爽脆的筍粒 、彈牙蝦粒，津津回味。 桂花紅豆糕四件$18震騰騰的紅豆糕， 入口傳來淡淡的桂花香，夾雜綿糯的紅豆蓉，味蕾大享受， 啖啖窩心的甜品。

眼晴有D不適，來到明愛醫院睇眼科，雖然話滴咗放大瞳孔藥水，睇嘢唔係咁消楚，但醫院對面聯邦廣場嘅『馬師傳菜館』5隻大字依然可以比較清晰睇到，了解了一吓，除咗潮州菜亦有點心食，多元化啱我。入去坐低，一抬頭見到『賓至如歸』4字，好親切，而待應亦有D潮式口音，确實有賓至如歸之感覺。肚仔餓，嗌住幾樣點心食吓先，傳統的『蝦餃』，皮薄餡靚，蝦粒塞满哂，勁有口感 ; 『煎九菜棵』，有潮式味道，普通酒樓食唔到㗎，表皮軟糯，微微煎香，内裡九菜調味以及九菜獨特香氣，好好食啊; 『咖喱魷魚』的魷魚軟硬適中，咖喱味香但唔會太辣或過鹹，亦係好味之選。燒味雙拼揀咗朋友話電視節目『東張西望』推介過嘅叉燒，另加豉油雞，成碟嘢賣相好好，叉燒肥瘦相間，唔錯，雞亦畀咗雞脾肉。而蠔仔肉碎泡粥中蠔仔多多好鮮甜，肉碎多多够新鮮，美好的ending係潮式甜品～清心丸綠豆爽。

今日去了長沙灣聯邦廣場地下的馬師傅菜館吃午餐，本以為這裡午市主打燒味和碟頭飯，沒想到還有點心吃～～看看點心紙，經典的款式都有，而且大部分都是兩件起，份量適合兩小口，可以試多些不同的點心我們點了馬師傅鮮蝦餃、蟹籽燒賣皇、五香牛展、鮮蝦腐皮卷和普寧灌章。蝦餃燒賣看賣相就知道是真材實料，大大粒彈牙蝦肉，非常好吃。五香牛展炆得入味，入口軟稔鮮蝦腐皮卷很香口，而普寧灌章則是第一次見，原來是潮洲傳統的特式小吃，入口有點像煎蘿蔔糕。普寧灌章炸得外脆內軟，蘿蔔清甜，口感豐富，值得一試另外也點了一份燒味雙拼飯，雙拼可選叉燒、燒腩仔、切雞和分蹄，我們就選了叉燒和燒腩仔，盤內還附有花生小吃。蜜汁叉燒肥瘦適中，越嚼越香，非常好下飯。燒腩仔也脆脆的很惹味，充滿鹹香滋味午市套餐附送無味精燉湯，是日款式是西洋菜湯，味道清甜飯後甜品點了熱呼呼的蛋白杏仁茶，杏香豐富又細緻順口，加了蛋白增添香滑口感，喝完一碗滋潤甜品很滿足呢～

星期六訓到晏一晏, 又想去飲茶了!! 黎到呢間馬師傅菜館食點心~其實呢到係有小菜同飯麵食, 仲有點心, 所以好多野揀唔洗淨係食點心xd叫左幾款點心, 加左碟炒麵!好少有咖哩魷魚食, 已經好多酒樓無做呢樣野, 好爽口~蝦餃燒賣都好爽口彈牙!!金錢肚個汁好入味, 唔會太咸, 索晒汁好正!重點推介馬拉糕, 好鬆軟, 好香, 彈性十足! 唔知係咪古法做既特別好食呢?九肚魚炸得好鬆化, 炸粉唔會好厚, 魚肉仲好juicy, 好好食!!炒麵就食得多, 避風塘炒麵就無食過, 麵條炒得爽身, 唔會太油, 好香口, 推介!最後叫左碟桂花糕, 正呀~ 埋單300幾蚊, 3個人都食到好飽!!!

知道新開左呢間潮州菜館，而openrice 竟然沒有腐皮或OK。等我去睇下係咪真係甘好食先！是日99屋企停電到晚上6點。無得煮飯，所以買外賣返去食！1. 翡翠炒班球: 味道ok，係啲班腩鞋左啲。2. 海蜇燻蹄: 燻蹄真係好好食，要講10次！海蜇一般。3. 燒鵝半隻：肥瘦適中！皮脆！肉唔會柴皮！好juice!😋4. 豉油王炒麵：呢個勁正！好乾身！好有鑊氣！成盒清晒！5. 粉絲蝦米雜菜煲: 正常。粉絲量比較多！味道唔錯。6. 欖菜肉碎炒飯: 呢個炒飯都好好食！鑊氣夠！粒粒飯分明！係個欖菜味唔夠。P.S. 諗住打電話去下單，但店舖個電話浪起咗。即刻問佢拎卡片！抄牌先！店員有推介叉燒。下次先試下！😆

因電視介绍了叉燒好吃就走了去試，因此原因叉燒亦早已沽清。隔離枱聽到我們吃不到介绍試下燒腩仔不錯，所以叫了一份，皮脆，就算凍了都仍脆👍肥肉不太多。這裹有很多舊式的菜式，見到有紅棗鮮淮山蒸清遠雞，亦叫了試下，因很多都是用雲耳蒸，如用紅棗就多一份香甜的味😭可惜出單沒錯，但送到來竟是黑木耳，但雞都很滑，等此餸近半小時。欖菜炒倉魚因有朋友沒吃過，價錢亦可接受，所以叫了來試，倉魚的肉身很厚，沒有腥味，味道很好最後，上的是荷豆炒臘味，都是傳統菜，用的臘味都不會太肥👍總括用的食材真是幾好👍

疫情之下，外出食飯既次數大大減少，所以每餐都變得非常珍惜，而餐廳更係經過精挑細選。今日同朋友去D2 Place 行街，係之前已經搵過附近有咩好嘢食，但大多數都係西餐，難得搵到一間中餐廳，決定試試。點了一個燒味雙拼(燒肉配叉燒)，本身想點滷水鵝片的，但唔知點解會冇哂😣叉燒燒得幾香，肥瘦適中；燒肉不會太咸，而且皮很脆，每一口都有驚喜。椒鹽九肚魚，肉質嫩滑，炸得非常金黃，惹味十足啫啫唐生菜，上檯既時候咋咋聲，即使只有蝦米但味道都相當不錯自家製既荔枝檸檬蜜唔太甜，非常清新