馬祖台灣養生湯麵館 (和安里)

营业中

休息中

今日突然間好想食下台灣野 咁啱喺中環見到呢間養生湯麵館就入去試下🙈--------⭐藥膳古早牛肉手工湯麵（$75）小編好中意台灣麵嘅藥膳湯底 聞落好香而且感覺健康啲🙈飲落帶藥材味但唔會太濃 啱啱好~牛肉有三大舊 索咗湯底好香好稔！😍肉質嫩滑 啖啖肉😘手工麵都好彈牙👍😍-------⭐自家制桂花烏龍冷泡茶（$15）桂花有淡淡嘅清香 烏龍有少少回甘 食完牛肉麵用黎解膩唔錯！👍-------價錢：$15-$75-------評分（10分滿分）賣相：7味道：8性價比：7回頭率：7-------店鋪資料名稱：馬祖台灣養生湯麵館地址： 中環和安里6-7號聯安樓地下及M樓前往方法：中環站D2出口

今晚無飯開，本來都打算返屋企煮麵食，咁啱同個朋友傾開偈，大家都無飯開，摘日不如撞日，索性約出嚟聚聚吹吓水。因為都喺閒聚，大家又喺晌中環返工，所以，就揀咗嚟「馬祖台灣養生湯麵館」，食碗養生湯麵。餐廳屬小店格局，其實，仲有樓上嘅，不過，就無走上去睇。而廚房設晌樓下，所以，下層嘅空間唔太大，然而，裝修企理，地方整潔光猛。餐牌一大張A4底面兩版睇晒，一版喺所有主食，以養生湯底做成不同嘅口味，一共11款，可配米線或白飯，部份款式更可配手工麵，定價為$65-$77，無加一服務費。反轉嘅另一版，就喺不同嘅飲品同一啲小食，前者都幾多特色嘢喎，好似自家製冷泡茶、冷萃咖啡、荔枝烏龍茶、黑糖薑母茶、牛蒡茶……等等。Nescafe雲石牛奶咖啡 $18、荔枝烏龍茶 $10小弟一向都喜歡嘆吓咖啡，見呢度有款「雀巢」出嘅牛奶咖啡，賣點喺「冷萃」，即喺低溫慢萃，即喺好似冰滴咁。入口個咖啡味較清醇，奶味偏重，幾啱我飲。友人就要咗荔枝烏龍茶，佢話茶底頗清香，而荔枝味非常突出。藥膳農場醉雞米線 $67大大碗嘅藥膳米線，上到枱時散發出好濃嘅藥材香氣，真喺唔講得笑，所以，即時飲番啖，感覺喺好真材實料，濃而不濁；配上滑溜嘅米線，

今日我哋2公婆行街拍拖，經過一間台灣養生湯米線，既然係中環區可以見到價錢咁抵，所以入去試吓，點知原來有驚喜，叫左雞翼五隻，真係好入味，再叫左一碗藥膳牛腩湯米線，牛腩好軟，好易入口，好足料，如果細食啲，淨係食牛腩都夠飽，湯味好濃郁，平時食開其他米線飲多兩啖湯都會好口乾，今次我差唔多飲晒成碗湯，一D口渴嘅感覺都冇，真係覺得好健康，老婆就叫左藥膳養生雞湯米線，D雞真係好好味，次次老婆都食唔晒啲嘢，今次都可以食晒啲雞，平時我好懶唔po野，今次為左中環嘅街坊，又想食好嘢，又想食得健康D，就勤力一次啦，重點真係冇介紹錯。

平時米線食得多，養生雞湯米線都係一次食。有好多種類既雞湯米線，又可以轉飯。今次試藥膳養生農場雞米線，湯底鮮甜，有淡淡既藥材味。雞肉嫩滑，米線好軟滑。啱曬我口味～仲叫左個食菜，菜都有藥膳湯底，真係好有誠意！飲品都偏向健康既路線，有花茶烏龍茶，牛蒡茶，今次試左牛蒡茶。罐裝飲品，衛生又可以拎走，行街慢慢飲。餐廳環境都幾舒服，好清新簡單既裝修風格，座位鬆動，坐得好舒服自在。中環多數餐廳都好擠逼，坐得好辛苦，又大排長龍。依間餐廳都算既獨特。如果係附近既你，一定要試下啦！

藥膳是中華民族數千年飲食文化的精髓，藥膳料理除了能飽腹外，更能通過食物在不同時節，不同配搭讓用膳的人能得到調理身體，保健養生的作用。今天來到中環「馬祖台灣養生湯麵館」，這裏的湯麵湯底都是用上滋補的食材作湯底，好讓客人挑選自己喜歡的口味之餘，都能補補身。［［台灣藥膳農場醉雞湯米線］］湯底的藥材味道不算重， 但湯頭非常清甜而且有濃濃的韶慶酒酒味，醉雞雞肉滑嫩入味，夏天口淡淡，喝口醉雞湯，立刻醒胃。［［台灣麻油雞湯米線］］ 麻油雞是台灣一個非常出名的菜餚， 據說麻油雞有強身健體，提高免疫力，補腎的功效，餐廳加入滑溜的米線，好味之餘，營養更均衡。

中環蘭桂坊大街既嘢食就試得多，霸嗎拉麵對面的小巷和安里也有一系列的美食。和安里最近新開一家台式養生湯麵，個名叫「馬祖」。聽到養生啱曬我地都市人，梗係試下！餐廳環境舒適，職員都幾nice，叫左個「藥膳養生湯農場雞飯」湯。好快有得食，食材豐富，落足料！雞湯好鮮甜，雞肉有驚喜！好滑！好嫩！好好味！！嘢飲就試左「桂花烏龍茶」，解下膩，近年好興花茶。「鹵水雞翼」冇平時雞翼既雪藏味，好濃郁既滷水味。值得一試！係中環既你，試下啦～

話說因工作關係需要到中環走一轉，就約左一個係中環返工既朋友食午飯，最好笑係佢話帶我去見識下晏晝既蘭桂坊，原來佢帶左我去一間係蘭桂芳附近的餐廳。去到門口即刻俾個招牌吸引著，原來是養生系既野食，咁一定非試不可啦！呢間台灣馬祖養生湯麵館地方雖然不算大，但勝在裝修乾淨企理，岩晒一眾OL去食！睇下餐牌都發覺食物都好養生，有藥膳、有蟲草花、有黑蒜、有桃膠等，除左農場雞之外仲有牛肉同白菜餃等！急不及待叫左藥膳養生湯農場雞米線湯味黎講都不錯，再加上雲耳同紅棗成件事就養生晒，雖然不是新鮮雞，但都嫩滑不會太鞋！另外朋友試了黑蒜藥膳農場雞米線湯底同上一碗差不多，分別在於黑蒜味都好出，比某牌子黑蒜味杯麵就淡一點，黑蒜有殺菌功能，也值得一試！也點了鹵水雞翼同上湯白菜豬肉餃雞翼味道似瑞士汁多過鹵水，不過味道也不錯；而餃子的上湯也是米線既湯底最後也點了黑糖薑母茶本身以為是人手製，原來是罐裝，不過也有台灣黑糖薑母茶既感覺，是不錯的。

同同學去中環食飯八點嚟到一間新開嘅台灣菜。位置就喺石板街對上一條街。餐牌上嘅選擇唔多，主要係牛肉麵同雞嘅菜式，睇落都算幾健康同有營養，價錢亦都合理。同樣有各種嘅小食選擇，我同朋友揀左雞翼。店內嘅裝修都舒適光猛。雞翼醃得幾入味，而且食落熱辣辣，都幾好食，入口幾香。藥膳古早牛肉湯手工麵湯底香濃，有少少嘅藥材味，牛肉嘅鮮果配合得幾好。手工麵食落好彈牙煙韌，非常之推介手工麵呀！整體個份量好大，一個女仔都食唔曬。仲有就係個賣相都唔錯㗎。白蘿蔔大大舊，索哂啲湯汁，好入味。我加錢嗌咗個茶飲，味道都唔錯。

作為香港嘅年輕人，夜晚都需要去chill下嘅LKF應該係好多人嘅選擇。今日落堂後，去到先7點幾，梗係醫下肚先啦就係LKF條大路一轉入去就見到佢，既然去蒲，咁就食下d養生嘢先啦～原來黑糖薑母茶係罐裝🤣 飲落去都有好濃嘅薑味，唔錯鹵水雞翼好開心咁叫左5隻，發現之前下一枱都想叫5隻，但已經唔夠，得返3隻可以叫了見到佢顏色咁深，就知好入味，手快有手慢冇！烚菜原本叫只係想健康d食下菜咁，但黎到原來個湯底都好滋補，仲有紅棗添古早牛肉麵湯底好濃味，牛肉竟然係意想不到咁林，而且麵質好咬口，推介藥膳桃膠農場雞係好surprise!!個湯係好滋潤，最後我係飲曬！而且雞超級滑，下次我一定會再encore e個！哈哈，二百幾蚊食左咁多嘢，扺啦❤️

今日放工之後黎左試呢間新開既養生湯麵館蟲草花藥膳農場雞「米線」 ($67)藥膳湯底既用料都好豐富 湯料有大量既木耳紅棗桂圓等等 令到湯底好清甜好入味 湯底上面舖上一層蟲草 好健康養生一流 而農場雞好嫩滑份量都好足 但係米線份量頗為多 我建議可以同店員講減少米線份量 以免浪費😄藥膳古早牛肉湯「手工麵」 ($75)藥膳湯底既用料同樣好豐富 都有大量湯料 有木耳紅棗桂圓等等 每一件牛肉都好大舊仲有幾舊大蘿蔔 牛肉煮得好林好入味 唔會有根😍 而手工麵好彈牙煙甄冷泡桂花烏龍茶 店員將冷泡桂花烏龍茶放在雪櫃冷泡 好清爽同無糖👍

這店麵攤與古樸舒適桌椅，為了美食，真是道地馬祖店的特色! 菜單價錢大眾化，愛吃什麼就點什麼，其中以【馬祖養生湯麵】系列是這裡的招牌，非吃不可!點了【膳養生湯白菜豬肉餃米線】湯底真的非常特別，以紅棗、雲耳、其他清補涼食材佳肴，極為少見，白菜豬肉餃，肉汁鮮甜，米線口感軟爛帶點牙彈牙，重口味的人可以加點辛辣湯底增添風味!而【自家製桂花烏龍冷泡茶】溫補陽氣潤肺可淨化身心舒暢精神平衡神經系統。桂花冷泡茶清暑消熱，去除夏季在體內的餘熱；生津潤燥，夏末秋初，最宜飲用。另點了🌴鮮香【藥膳桃膠農場雞米線】湯以桂圓肉、健康桃膠、其他滋補養生食材熬製而成，配上🐥嫩滑雞肉、雲耳等配菜，每一啖都充滿清甜鮮香。再配特別🍹【荔枝烏龍茶】絕對係最佳配搭😋【鹵水雞翼（3隻）】特秘滷水汁配其他調味香料、醬油，超惹味！

做完gym 的晚上，想對自己好一點。當然不可以太肥膩，以免全功盡廢。.走盡老蘭的橫巷和安里，見到「馬祖養生湯麵館」。.這麵是源由台灣的，主打養生食材，好，就來「進補」一下！.有雞、牛、豬肉餃選擇，多以藥膳湯底，但也有麻辣味及黑蒜味等等。.我叫了⭐藥膳桃膠農場雞米線 （$67）湯底很濃郁的紅棗味，也加入枸杞、桃膠等食材。每一口都是滋潤的味道，有藥膳的味，但沒有藥膳的苦。很大碗，米線份量也挺多的。雞件選用雞髀，新鮮嫩滑。雞肉也有陣陣藥膳味，炆得很入味呢！.⭐上湯白菜豬肉餃 （$28）一碗有6隻，湯底也是藥膳，比米粉的湯更濃更鹽一些。也見到有紅棗、枸杞得。豬肉餡調味得入味，很不錯呢！.見到雪櫃有草本茶，賣相不錯。不過我喝湯喝飽了，下次再試。

上次試過藥膳牛肉麵後，便對這間餐廳念念不忘，今日忍唔住再來試埋個蟲草花藥膳雞肉米線，試完又忍唔住上來寫番篇好評首先個湯底非常清甜滋補，完全沒有味精感，有大量木耳红枣枸杞。農場雞份量很足，雖然是雪雞，但因為是黃油雞，肉質亦非常滑嫩。再配上健康的蟲草花，當真是非常養生的一餐。米線亦非常爽滑，份量亦大方，正常食量的女仔或許要吩咐少米線，以免浪費。另外店家自製的冷萃桂花烏龍茶亦非常清爽，健康無糖，十分推薦。

今日好大雨，撞啱出中環做嘢又落大雨，又濕又凍，咁啱見到呢間台灣藥膳養生麵館就入嚟試試，鋪頭裝修雅緻，小店得16個座位，但擺位闊落一啲都唔焗促坐得好舒服。當然要試試藥膳養生農場雞配白飯（$65），及另一個藥膳農場醉雞配白飯（$67）。農場雞好嫰滑，食得出係新鮮雞，加上佢嘅藥膳湯，入哂味，濃郁得嚟帶點甜味，層次豐富 食完成個人暖哂，驅走寒氣。上湯白菜豬肉餃（$28）豬肉餃大隻多汁， 餡料有馬蹄多汁，有驚喜。飲品都是台式像品，黑糖薑母茶，及自家製的冷泡茶都值得一試。

呢間野個名改得無錯，真係夠哂養生！呢日同朋友去完大館，就過左黎蘭桂坊附近食個晚飯。我地大概七點左右到，唔算多人。間店雖然唔太大，不過坐得幾舒服，環境都好乾淨。我地叫左一碗藥膳養生湯農場雞米線，一碗藥膳農場醉雞米線，一碟麻辣白菜豬肉餃，一樽桂花烏龍泡茶，一樽四季春泡茶。野食都黎得幾快，先講下碟餃子，個辣醬幾特別，同個餃子好夾。然後到碗米線，真係好有驚喜，可能平時食譚仔味精食到驚，呢碗野既湯底真係好天然，飲得出係自家製煲左好耐既湯，好重藥膳味，好健康，面頭仲有好多湯渣，好真材實料。雞肉都好嫩滑，唔太多骨，點埋岩岩餃子食淨既辣醬簡直一流。另外試左兩啖朋友碗醉雞湯，酒味勁香！米線質感都幾好，不過如果無咁碎就更加好。最後講下飲品，茶既包裝好靚，飲唔哂仲可以拎走。食完碗面，有少少口渴，呢個時候飲支清涼既茶真係無得頂！