馬祖台灣養生湯麵館 (和安里)

营业中

休息中

近來約朋友外出用餐，有很多交通因素，幾番約會都遭取消延誤，好不容易才找到一家附近食餃子的館子吃飯去。麻辣木耳28冰涼透心，酸辣爽口，降血脂一流。上湯白菜豬肉餃28餃子🥟不是坊間大大隻那款，餃皮煮耐少少會更好，整體皮滑而涵料清新，瘦多肥少的豬肉，菜挺鮮。藥膳湯加入桂圓肉相當清甜，食到原美味，出色(˶‾᷄ ⁻̫ ‾᷅˵)忍不住連湯喝了大半碗。麻辣白菜豬肉餃28通常白菜餃好淡味，但這個完全不會，喜歡重口味的就更愛這款，麻辣辣的辣油，令餃子食味提升，賣相也同樣使人開胃起來，確實挺辣的。鹵水雞翼39五隻賣相靚，帶色澤，色水食味都可口，肥美並無可恨的毛在，鹵水汁夠入味，令人食欲大增。香辣養生湯豬肉餃米線66大辣的米線十分彈牙有咬口，豬肉餃有5隻，份量足料，紅棗加杞子芫茜作配菜，紅棗味最出色，辣得過癮。牛蒡茶10韓國直送，清新冰凍，有淡香，似香片加參的味。食後感：店雖細，但上菜快，食物亦好便宜呀！

呢間台灣養生湯麵一定要係食佢個湯底，因為佢真係真材實料煲一個藥膳湯底出黎，湯底清得黎又好夠味。每一碗湯你都飲得出冇味精，但又好夠清甜，滿滿嘅桂圓、紅棗味，配麵食吸湯汁真係好味。我地叫左一個藥膳麻油雞米線、一碗藥膳古早牛肉湯配手工麵、一碗上湯浸時蔬同三隻雞翼。首先，麻油雞米線一上黎已經好香麻油味，雞肉好滑，食個時令人聯想起北菇蒸雞，但一定好食過北菇蒸雞。藥膳牛肉麵嘅麵底係手工麵，唔同米線，佢粗身D 又彈牙D，好有咬口，亦都好掛湯，食得出係新鮮嘅麵，推薦！牛肉有4-5大塊，應該係用牛肋條位置，好軟好入味，仲有兩舊大白蘿蔔，又係好入味！呢碗真係有驚喜，湯底濃郁得黎又清甜。另外兩個小食水準都唔錯，雞翼甜甜地亦唔會過老，OK；上湯浸時蔬用唐生茶，湯底又係佢地嘅藥膳湯，浸菜係好配搭。份量方面，碗麵60-70蚊佢真係比足料你，碗大之餘湯同麵嘅份量都好夠，可能男仔都未必食得哂！最後，雖然店面小小，但店員服務好好，會主動上前幫你落單等等，食物質素有驚喜地好，真心推薦佢地嘅湯麵！

黑蒜藥膳農場雞 配白飯 ($68)好中意個黑蒜味！個湯好濃味 仲有好多紅棗桂圓 飲哂個湯都唔會太guilty 😆-藥膳農場醉雞 配米線 ($67)真係好欣賞個湯 好似飲緊d好補既湯咁 而且覺得好comfort food feel 天氣凍來食仲正 🥰D雞都好滑！一啖湯一啖米線一啖雞咁食就最perfect la 🤤-上湯浸時蔬 ($22) & 麻辣白菜豬肉餃 ($28)原來佢係上湯浸時蔬都係會藥膳湯底架！麻辣白菜豬肉餃唔會太辣 連我呢d唔食得辣既人都食到 😇

今日全日在外工作，雖然天氣已經有點涼，依然覺得很累，剛好搵到家藥膳餐可以補充精神，正中下懷。台灣式的藥膳在香港並不普遍，可能是香港人比較燥底，滋潤湯水或涼茶更受歡迎，另一方面想，繁忙的工作令人越來越虛弱，我相信有市場。今晚兩個人分吃，我很想吃飯，我的藥膳麻油雞配白飯，麻油雞湯充滿麻油香，雞肉算滑，味道都唔錯，白飯分量十足，食完甚飽肚，之後果然有點精神充沛。同伴的藥膳古早牛肉湯手工麵很有份量，半肥瘦牛肉大件鬆軟，深色牛肉濃湯古早風味，簡單傳統，我試了少許麵手工麵，韌性唔錯。滷水雞翼及麻辣白菜豬肉餃作小食，滷水算入味，麻辣不太強，適合一般人。冷炮桂花烏龍茶用上特製玻璃瓶，造型特色，清香芬芳。

說到中環蘭桂芳一帶，大多是酒吧或西餐，但在中環上班的友人告訴我，這裡也有較健康的選擇，就帶我來了這家養生藥膳湯麵店。湯和配料已預先為食客配搭好，我們只需選麵種。飲品和小食都有一些，兩個女生來，兩碗麵加一份小食就剛剛好。先是藥膳養生湯農場雞米線，金黃色的湯用多種藥材煮成，還有木耳，紅棗，蔘和杞子吃，所以湯的味道清甜帶藥材的微甘，感覺很滋保養身。農場雞件這樣浸湯但仍肉質嫩滑，皮薄不肥膩，肉量也不少，質素甚高。彈牙的米線跟湯同吃，很容易把湯都飲完。滷水雞翼大大隻啖啖肉，煮得很入味，不同坊間的死鹹，有種香科的味道，有特色！那一碗就選了藥膳古早牛肉湯手工麵，相信牛肉和湯都淆了好久，深啡色的湯入口很甜很好喝！不是砂糖的那種甜，是牛跟蘿蔔混合的甜味！台灣的牛肉大多用牛腱，口感爽中帶嫩，煮得香軟，一點也不黏牙。手工麵算粗身，質感煙靭又彈牙，還有掛湯的功能，也是能把湯喝完的喔！明明已經喝了很多湯，但看到有自家泡茶限忍不住要點。四季春有鮮鮮嫩葉的味道，喝下去很清爽。桂花烏龍茶的回甘較重，味道比四季春濃，帶清新桂花香，也不錯。用瓶子裝著，在店喝不完的話拿回家也可以啊！二百元就吃飽兩人，在那一帶真的很少！

一踏入秋天，就常常想進補🤣🤣食蛇我又驚，飲中藥又怕苦,真正公主病上身🤣🤣🤣剛巧朋友在中環上班，約我快閃食午飯，她說在附近很出名的庸記……隔離街😅有間不錯的養生湯麵🤔一入門口，已聞到隔離枱的麻油雞麵，太香了吧?但❗❗我叫了藥膳桃膠農場雞米線🤣🤣朋友就叫了藥膳古早牛肉麵😈聽說桃膠對皮膚很補水，女人都是想美啊🙈🙈湯一入口，已覺得很順喉，還帶了些甜味及藥材味，完全係享受，不像喝中藥的😍😍朋友說牛肉麵也很到位，牛肉一點也不韌，正😈跟手再點了兩瓶冷泡茶，私心推介桂花烏龍，真的很好喝🤣🤣🤣

I have a thing for Taiwanese noodles in medicinal broth, as they are very tasty (most of the time) and healthy. Therefore, when I spotted this new Taiwanese Mazu Lifestyle Noodles in Central, I decided to try it out before going to gym.I took some time figuring out what I wanted to get, as the options on the menu were all so attractive!!! I ended up getting this drunk chicken to go with the noodles in medicinal broth.The medicinal broth was absolutely delicious! It also had a wine flavor due to

今日食健康小小，揀咗呢間臺灣店食，藥膳湯麵好少食，湯麵種類選擇唔少，而且口味有辣有唔辣任你選擇，糾結咗一陣揀咗蟲草花藥膳農場雞米線，湯底有好濃的藥膳味道，裡面仲有紅棗杞子，非常養生了，雞肉好嫩滑，米線好細軟硬適中，趁熱食最好味。

共有兩間分店， 一間在天后， 另一間在中環， 今晚就試了中環這間店。 它位置在和安里內， 很易找的。 和安里內的食店有一相同點， 就是非常小的小店， 可能只可以容納三四張枱，如果午飯來就註定要等位， 而星期六晚上來絕無這個問題。當晚中環街外是冷清清，餐廳亦同樣。 餐牌簡潔，只有1頁，一面是主食； 另一面是飲品。 這裡打正旗號是養生湯麵館，以藥膳為主， 藥謄分叮有虫草花、麻油雞、黑蒜、 桃膠等。肉類主要是牛肉和農場雞；再選擇配白飯、手功麵或米線。  選擇比想像中多。 我選了 $67；朋友選了 $75   先上枱， 份量十足。先呷一口深褐色的濃湯， 湯頭夠熱，有紅棗、雲耳及杞子，但並無想像中的濃郁藥材味， 味道芳香中帶點清甜。 牛肉大大件，看似粗獷， 但口感卻十分鬆化、 軟稔， 牛肉味突出帶小許肥膏更加添油潤感；亮點是兩件清甜無渣白蘿蔔， 超好味； 手功麵彈性可口， 吸湯力也不遜。 近來有點虛虛地，希望 可以幫我補補身。 藥膳農場醉雞和飯分開上， 白飯超大碗， 絲苗米，岩晒澱粉控。 藥膳湯料有同樣有紅棗、雲耳、杞子、再加上濃濃的花雕酒，其香味撲鼻，未喝已半紅醉。 其實經煮過的酒，

間唔中都會去睇吓OpenRice嘅新餐廳list有啲乜嘢係返工或者住嘅地方附近! 見到中環開咗間食藥膳米線地方即刻眼發光, lunch Time即刻拉咗隔離位同我一齊去試! 初頭仲驚呢啲鋪頭仔會要排隊排好耐, 後來發現佢原來佢有一個閣樓😏 第一次黎已經三心兩意唔知揀邊一款好, 因為佢已經有既定嘅米線款式, 唔係好似車仔麵咁可以自由加餸!! 揀咗我自己最鍾意嘅藥膳醉雞米線! 本來同事嗌咗藥膳餃子米線, 點知1:00嘅時候已經賣晒結果轉左古早味牛肉米線! 要一讚,上菜速度超級快, 兩三分鐘已經而且碗麵嘅湯夠晒熱!個藥膳醉雞湯底酒味超重 (本人超愛!) 超正一上枱嘅時候已經聞到好香! 而醉雞嘅雞肉亦都係爽滑彈牙! 超級滿足今日食完已經諗緊幾時可以返嚟再試另一款佢仲有一系列嘅麻辣湯下次可以試試

今日約咗朋友收工之後食晚飯，所以就去咗佢公司附近覓食，見到呢間開咗冇耐嘅米線都幾多好評，所以就特登嚟食下。去到之後發現鋪面一個人都冇，有少少無奈，之後廚房就有個男人叫我地先坐低，但係坐低左好耐佢都未比餐牌我哋，當我地想走之際，佢又出返嚟比餐牌我哋，叫我地諗住食咩先當我地諗好食咩，等左佢好耐終於出嚟幫我地落單，落完單之後佢話因為平時個侍應咁啱出咗去，所以要我地等，見佢幾有禮貌所以我哋都冇乜嘢。我叫咗一款藥膳雞米線，而朋友就叫咗麻油雞米線，藥膳雞米線配有木耳蟲草花同雞件，個湯底幾清甜幾好飲，啲雞件都幾多幾滑。差就差在個米線，好似食緊小朋友嘢食咁，煮得太耐超級林，一夾就好易散作為米線店最基本嘅嘢都唔好，真係差左啲，希望只係今日佢太忙所以煮耐左啦

星期五同老婆過開中環，想簡單食少少野。諗起附近有間台灣麵就入去食個簡餐裝修好簡單，坐位20個左右，全部四人枱。menu都好簡單只有兩頁，麵食同飲品小食。睇menu似雞類係主打，於是老婆叫左個9號黑蒜藥膳雞，佢就叫左飯，我就諗左好諗，最後試下6號牛肉手工麵，再加多個辣餃子🥟等左一陣好快就到左雞件唔多，有3件都係脾，湯汁有藥味同黑蒜味，湯頭都幾濃，個飯都幾大碗牛肉麵有驚喜，湯底好濃牛肉又夠淋易咬，蘿蔔夠甜滑無沙，不過就可能清湯煮，食落去同牛肉湯底好似兩個味，但都係一個好食嘅蘿蔔，手工麵亦夠煙韌麻煩豬肉餃都新鮮，有肉汁足料。反而辣汁以辣為主，麻味有d不足，但都唔錯最後叫多支自家桂花烏龍茶消消漲

去到中環除咗酒吧同多國菜，意想不到嘅係呢間位於中環嘅馬祖台灣養生湯麵館，店鋪細細，主打藥膳米線，喺門口已經聞到個湯底好濃好香，好吸引呀！加上依家秋風起，開始進補就啱晒啦！食完夠晒暖笠笠，好滿足。鹵水雞翼鹵水雞翼可以叫有3隻或5隻，雞翼大大隻，肉質嫩滑，最重要係鹵水汁香濃，好入味呀。藥膳農場醉雞米線M佬叫咗藥膳農場醉雞米線，好濃嘅藥材香氣，真係急不及待就先飲咗個湯先，真材實料，味道好香濃。米線嘅份量足，而最好味當然係個雞件啦！雞件滲出微微酒香，唔會好肥，但好嫩滑。藥膳桃膠農場雞米線桃膠有豐富嘅植物性膠原蛋白，可以補充人體膠原蛋白，甚有美顏效果，所以我就叫咗藥膳桃膠農場雞米線。桃膠份量超多，仲有紅棗同杞子，所以湯底超鮮甜。白家製桂花烏龍冷泡茶最後飲埋自家製嘅白家製桂花烏龍冷泡茶，夠健康又解喝。

日期：9月18日人數：4人話說公司最近嚟咗個新同事，好鬼鍾意食米線。呢日就同埋佢一行四個同事一齊去試呢間由佢推介，係蘭桂坊附近嘅台灣米線店。前身應該就係一間越南餐廳，以前我都好鍾意佢，但自從冇去一陣，再諗起果陣原來間鋪已經執咗。去到已經大概12:30 ，餐廳已經爆滿，我哋要等15分鐘先有位入去。Menu圖文並茂，加上款式都唔少，款款睇落都好吸引，簡直令我選擇困難症發作。最後我發現其他同事都揀藥膳雞米線或者餃子米線，咁我就揀古早牛肉麵先試吓啦。另外我哋仲加咗一份餃子同埋一份雞翼。米線上到來，飲下啖湯，又真係好好飲，同事果然冇介紹錯。而藥膳湯係最好飲嘅，亦都好夠熱，我自己都會推介叫呢一款。至於你鍾意食桃膠定係蟲草花之類就你自己選擇，冇乜所謂。餃子反而冇我想像中咁好食，餡料可以再豐滿啲。雞翼汁就整得幾好味，但未入到去隻雞翼度，雞翼中等大細，唔算好大隻。呢間小店環境有少少迫，樓上亦唔算有咩裝修，人手又唔太足夠，只有正常服務水平。價錢喺中環來講算叫做合理，一碗米線再加d小食就人均就來$100。

禮拜六收工最開心就食野。約定好再食哩間馬祖養生湯麵館。上星期食完，又一齊來到啦入到來坐低。睇下餐牌，大家都即刻諗好食乜。我叫左香辣藥膳牛肉湯手工麵。哩度既牛肉我至愛，又淋又香。咁係叫埋上湯時菜，哩個藥膳上湯菜係我食過勁讚。加多個麻辣白菜豬肉餃，麻辣醬好好味，連唔食辣嘅朋友都讚。食藥膳湯底配乜飲品好呢，都有多樣選擇，今次配搭桂花烏龍冷泡茶，絕配。又係美好的一餐。哩間價格合理，係中環唔食貴野都可以好正