馬辣台式鴛鴦火鍋 (大鴻輝(荃灣)中心) (已結業)

今日約咗朋友嚟到荃灣食飯，大家都想食邊爐，而荃灣亦都有好多間打邊爐嘅鋪頭，行吓行吓見到呢一間，我同我朋友都未食過，於是就入去試吓啦。其實佢同其他一般嘅打邊爐鋪頭都冇咩大分別，牛同海鮮類就落order紙叫，而其他配菜，例如：菜、金菇、南瓜、丸類等等，就可以去自助區自己拎。當然，飲品同雪糕類嘅甜品都係以自助形式無限量供應。而我同朋友本身都唔係抱住好大期望去食呢間鋪頭，所以都冇咩驚喜，食物質素一般啦，唔係話特別好出色。不過服務質素真係麻麻，我同朋友打邊爐打左成個半鐘，打到個湯底都乾晒水，燒窿埋，都冇人黎加過水！仲要嗌左好多轉服務員，都冇人應我哋，即知我哋嗌埋單，個服務員走埋嚟見到先至問我地要唔要加水。今餐飯，真係食到冇晒心情😞我同朋友下次都未必會幫襯

今晚集中火力去逛街，晏畫嗰餐都只係食咗個下午茶，真係唔多夠，所以，夜晚嗰餐就要放肆啲，去食火鍋放題，十日內第二次喇，好擔心體重會繼續食添。除左肉類和海鮮類需要剔落單紙之外，其餘配料都係自取，款式應有盡有，我無專登去影曬全部，真係用兩隻碟都裝不完！我們叫了一個鴛鴦鍋，芫荽皮蛋及麻辣鍋。麻辣鍋選擇了小辣，鍋底裡有豬紅，豆腐給，一些香料。不過食材就真係好豐富既，有好多選擇，連牛肉都有唔同部位選擇。推介牛小排，好有牛味。驚喜既係有好多雪糕同飲品，所以呢間都算抵食既。

無諗過第一次食馬辣會喺香港，馬辣火鍋之前都聽台灣人介紹過，但一直都無機會喺台灣食。是次想食火鍋，所以一於幫襯佢啦。晚上9點後入座都要等一段時間先有得食，不過獲安排嘅是舒適的卡位，而且火鍋真係好食，值得一試

我地等左40分鐘先到我地,環境都OK既吧 配菜種類都好多選擇 最好食既係芝士丸 個餡有好多芝士 唔錯 因為係自助的形式 我們3個人又超級喜歡吃肉 所以點了很多份牛肉 最後既飯後甜點 略甜 仲有呢到個醉雞件都好入味都好出色

之前聽朋友講呢間台式火鍋好出名，而且好多選擇，所以就決定成班朋友去荃灣呢間馬辣試一試。我地大約7點前到左，已經有好多人等緊位，好彩之前有book定，如果唔係都要等一陣。入到去地方都算闊，安排左我地坐一張比較大既卡位。我同frd要左蕃茄同酸菜白肉湯。老實講，湯底味度就一般啦，因為味道都係差唔多。不過食材就真係好豐富既，有好多選擇，連牛肉都有唔同部位選擇。推介牛小排，好有牛味。驚喜既係有好多雪糕同飲品，所以呢間都算抵食既不過略嫌時間太趕，打邊爐2個鐘真係好倉促，傾2句就過左時間。但總括黎講，都值得一去既。

慶祝母親節，大家都想吃火鍋，於是齊齊滾。地方夠大，坐得算舒服。 服務可以，食物選擇很多。 餃子即場包，有誠意！ 其他配料亦很多，不停補給。 牛肉、鮮蝦任吃，非常新鮮，水準相當高。 任飲飲料、甜點和雪糕也多選擇，二百元有找確實化算，一定會再去！由於這楝大廈也有很多食肆，等升降機也需要時間，要有耐心啊！

本來高高興興同姊妹慶祝生日，入座前已有提醒蛋糕要半個鐘前拎來食，唔係就唔可以食，呢個我地明白都好合作教定鬧鐘提自己，食到咁上下就叫個大叔服務員拎蛋糕，距又再講，要快食，時間夠無得食。我地明！所以我地只係切左兩夠share食。呢個都唔係問題，問題係，食完，我地都俾你地執野先，朋友們去洗手間，個光頭大叔即時俾說話我聽，話出面好多人吹，叫我一個人拎哂三個朋友既袋出去外面等，但係先生，我佗住7個月bb,點拎到啊，唔係連去個洗手間個幾分鐘都俾嘛？係咪真係咁爆場啊？出到去只有四個人等入。但當中重有吉枱囉！呢啲就係服務，基本都無囉！食物質素就不過不失！但真係感覺唔好囉！

荃灣大鴻輝有很多食肆，經常有長長的人龍，要等候十多分鐘才能乘搭升降機。估不到今天竟然不用排隊，或許是因為連續幾日的假日關係吧!七點到達馬辣，人齊即時可以入座。先自選湯底: 鴛鴦鍋，台式麻辣鍋及胡椒豬肚鍋此馬辣不及台灣的馬辣鍋香口及麻辣; 胡椒豬肚鍋味道較淡，沒有胡椒味。可以用自行調配的醬料搭救。肉類和海鮮類需要填紙子，其他的食物於外面自取。肉類分別有豬、牛、羊……送上來的黑色正方形角位以不同顏色標示，代表不同肉類的品種。而海鮮款式較少，主要是脆肉鯇，海蝦及蜆。外面自選的食材很多，當然不少得肉丸類、蔬菜類、烏冬等。 較為特別的是飲料，有啤酒、台式花茶、咖啡及朱古力等等，可以滿足男女老嫩的需要。最後當然不少得有甜品，竟然有致愛的榴槤雪條。每人只需要約170元，可以享有兩小時的任食火鍋。雖然食材不是太優質，也可以接受。

今日約左朋友派帖，黎到荃灣飲食商場。揀一間最多人等位既。有好多款湯底可以揀我地揀個酸菜白肉鍋同麻辣鍋。肥牛，肉類魚類係有單獨一張紙order既肥牛估佢唔到咁靚仔，好鮮味，令人想再食。放題黎講高分另外丸類，菜類就係出面自助，開題見咁隨便放都無太大期望，原來食落都唔錯，菜類都好新鮮。仲有廚師腸另一邊有即刻整既甜品bar，焦糖燉蛋即刻燒、排曬隊拎，真係有誠意總括，服務員友善。食物都唔錯，食得happy！值得推介。可以一試。

去過台北的人一定對馬辣呢個名好熟悉，我都曾經喺台北食過兩次，的確不錯🥰但其實呢間同台灣馬辣完全無關，只是同名，但一樣係自助形式除左肉類和海鮮類需要剔落單紙之外，其餘火鍋配料都係自取，款式應有盡有，我無專登去影曬全部，真係用兩隻碟都裝不完！湯底可以任擇兩款，我地擇左兩個毫無油膩感的湯底 - 芫茜皮蛋和蔬菜清湯鍋🤗飲品款式都不少，汽水機有有洛神花茶、柑桔蜜、檸檬茶、橙汁等等，另外雪櫃又有一些韓國飲料、汽水，仲有男朋友最鐘意的咖啡機，足足沖左三杯熱朱古力，利害🤣🤣但最驚喜都係甜品，有大蝦沙律、蛋糕、啫喱等等，旁邊更有熱辣辣的焗麵包布丁配雲尼拿汁和鮮奶蛋白布丁，味道不錯！見到個個都出去拎，好受歡迎！仲有雪糕任裝！！其實湯底未黎之前，我已經食左兩杯大蝦沙律，哈哈其實我幾鍾意自助形式，食完一輪出去夾下野，唔洗成晚坐定定。我地係平日八點時段，平均每人大概百七蚊左右，以呢個價錢，食物質素合理，勝在款式夠多，個人覺得好抵食，想平平地食到飽係不錯選擇！

台式火鍋黎講 呢間馬辣都唔錯 呢到係可以兩個鐘頭任食既 所以岩晒餓左好耐既你～ 上牛肉都幾快手。呢到另外仲可以比你出去拎其他野食。我就拎左醉雞件 估唔到都幾入味 wor 整體都覺得幾好

今晚是department gathering，apps book唔切，好在可以即日打電話約！一行11人，book唔到枱的話，都幾大鑊。大鴻輝的特色，一層一戶，一出𨋢就見招牌，唔會出錯𨋢。這是門口位，右邊有櫃位及自助攞飛機。雪櫃有汽水啤酒罐裝飲品唔啱的話，仲有得自家煲的夏枯草，或果汁再唔係可以沖花茶、熱飲除了豬牛羊海鮮用紙叫，其餘食物在雪櫃自己攞有些甜品如豆付花、cakes在雪櫃，熱的就放枱面淨係雪糕都有3個雪櫃！而且有雪糕糯米滋、甜筒 及 ... 榴蓮雪糕原來全枱都無人叫麻辣鍋，個個都係叫唔辣，呢煲係沙嗲及胡椒豬肚雙邊鍋。

荃灣行完山想吃雞煲，去了大鴻輝（荃灣）中心，見到有馬辣，在8/F，$158，5:00 至7:30任食兩個鐘，禮拜+$10，7:30 前結帳-$10，台灣食了多次，第一次食返香港的。上8/F 馬辣，5:00 才開始，未5:00 入邊好似已經有人， 俾了張6人枱我們，可以有2個煲。先行了一轉，食物櫃的選擇很多，有一個專放丸同菜櫃，飲料區有果汁、茶，汽水櫃放了很多飲品，甜點櫃，由上而下，可以看到種類多，還有嚕肉飯，一般的可以自己出去拿，貴價的才落order，省回人手逐個order逐個送，出現送漏或拖延的問題，讚! 不過雪糕只有些 小品牌，沒有台灣吃的Haagen Dazs & Movenpick曬冷式各16款口味隨便吃!不過這裡有3個櫃，也算不錯了!我近日爆瘡，便叫了清湯; 家人吃得辣，叫番茄豬骨、麻辣。有咖啡機，不過夜晚唔飲得！等吃時先斟杯洛神花茶，甜甜地，不錯。未食得住，先食咗個鮮奶布甸，都OK。毎張枱一上就係幾盆肉、一盤海鮮，但沒有寫是什麼肉，我估就是order 紙上的吧，之後唔夠自己落單。我只是食咗嗰幾盤，已覺開始飽飽地，而且食得太多肉了，之後只叫海鮮類，蝦新鮮，我連吃幾隻。出去攞其

座位夠大, 野食夠企理, 湯底任食黎講算中上.火鍋料都係有質素, 唔係求求其其果D. 部份野食係自取, 種類夠多, 夠吸引.飲品方便都係D大路飲品, 竟然有hoegaarden飲, 呢個放題黎講比教小見.埋單每人都唔洗$200, 係幾抵食.

朋友突然興起話想打邊爐，於是嚟咗呢間佢之前食過又覺得ok嘅鋪頭打，我地9點半先入座價錢平啲之餘人都小啲可以坐卡位呢到食物款式都唔小，除咗牛肉同海鮮要經waiter點之外其他配料包括甜品都可以去自助bar到攞個人重點推介灸燒芝士丸同蟹子丸我地揀咗鴛鴦湯底，芫茜皮蛋同胡椒豬肚湯底都好濃，特別係個皮蛋湯，食到咁上下真係啖啖湯都好濃皮蛋味好正牛肉我地樣樣都點咗啲，啲牛嚟到我都分唔清係邊款牛打邊款牛啦，不過樣樣都好好味，左上角個款就比較小脂肪，牛味就重啲，其他幾款就脂肪比例會多啲食落香啲啲牛肉真係食唔停口，都唔記得叫海鮮已經比啲牛肉質飽咗