駟馬拖車潮州飯店 (MOSTown新港城中心(4期)) (已結業)

滷水鵝片：味道非常濃厚，肉質雖然有點厚度，但還是十分鬆軟，鵝片的下方還有滷水豆腐，份量也不算小。酸甜梅膏骨：甜酸比例非常準確，不太酸不太甜，肉質很鬆軟，不會太難咬開，醬汁用來伴飯十分出色。普寧炸豆腐：脆皮豆腐外脆內軟，再配合這個湯汁，簡直是絕配。蠔仔烙：蠔仔肥味，也是一個不一樣的蠔餅，不會一咬即散開，是一個很有質感的口感，而且分量很大，四人也吃不了。潮式芋頭炒飯：芋頭鬆軟，但仍然沒有散，米粒和芋頭粒也粒粒分明，有鑊氣又好食。

馬鞍山以前—直係美食沙漠近年新開左唔少餐廳👏🏻最近又一間新開的餐廳，主打潮洲菜見到Menu 有超大塊的蠔餅好吸引呀💓已經有好多年無食過蠔餅啦~~🍽 蠔仔烙份量十足！超大塊！！一份都足夠4-5人食😳切開時已聽到好酥脆的聲音，整塊都鋪上滿滿的蠔仔😍 口感炸得好脆好鬆化，加魚露更加好食！🍽 椒鹽鮮魷魷魚大件彈牙，炸得金黃酥脆🍽 燒汁脆薯牛仔粒大大粒牛仔粒，牛仔粒好軟熟，一口咬下去有很多肉汁流出，調味剛好，燒汁不會太濃蓋過肉味，連薯仔都好入味！最適合送飯啦💕🍽 川椒雞跟想像中不一樣，沒有椒麻味，反而有一種咸香味，份量都好多當日餐廳都有好多食客，雖然餐廳職員好忙碌。但職員都好有禮貌，上菜速度都好快👍餐廳午市更有點心供應下次可以跟屋企人再試試

今日去咗馬鞍山搵朋友去玩夜晚就決定喺佢屋企樓下個商場度食晚餐，今日想食潮州菜又咁啱佢樓下開咗一間新嘅潮州菜館所以就去試吓邊間餐廳環境非常之舒服而且枱同枱中間都有落地膠板格住確保大家食客嘅安全而且餐廳環境非常之乾淨好注重衛生估唔到平日夜晚嘅八點都坐爆曬人睇返餐牌食物選擇非常之多我都三心兩意唔知食咩好到最後我就決定試吓佢啲招牌菜式首先係一個滷水鵝肉拼盤個拼盤裏面有鴨腎五花籃鵝肉同埋滷蛋左豆腐份量非常之多！鵝肉皮薄啖啖肉又冇咩肥膏，滷汁好香唔會過重口味岩哂我海蜇手撕雞芝麻醬好香配埋青瓜，好fresh海蜇口感非常爽滑，雞c又夠滑！啫啫芥蘭嘅份量亦都非常之多，而且非常惹味上碟嘅時候仲係熱辣辣咋渣聲最後我哋仲叫咗個欖菜海蝦🦞勁多隻蝦仲要粒粒都係咁大件選一選過蝦殼學非常正 停唔到口啊！不得不讚呢一度上菜速度非常之快而且店員服務態度非常之殷勤會主動幫你換碟！整體嘅感覺非常滿意下次我會叫多啲人一齊嚟食其他唔同嘅菜式

今日唔想煮飯，就同男朋友去咗屋企附近一間新開食潮州菜嘅餐廳食dinner。前菜個酸菜麻油味好香，好爽脆，少少酸酸甜甜咁，好開胃。海蜇手撕雞雞肉份量好多，肉質唔梅，清新嘅青瓜同爽口海蜇配埋芝麻醬好食👍🏻XO醬海皇炒粉絲原來係用煲上！粉絲炒得乾身，入面有蝦肉、帶子、蟹籽同雞蛋，用XO醬炒非常惹味😋燒汁脆薯牛仔粒嘅牛肉好腍，薯仔外面包滿咗香甜嘅燒汁，令人食唔停口🤩腿蓉津白好清甜，同咸香嘅火腿好夾，津白分量好多，好抵食😝潮州蠔仔粥嘅分量比我想像中要多，入面好多蠔仔同肉碎，蠔仔粒粒飽滿，非常好食😋兩個人嗌咗五樣野，每樣分量都好多好抵食，最後我哋仲打包咗兩個外賣盒嘅餸返屋企🤣 順帶一提餐廳嘅枱好大張，坐得好舒服，好適合一家大細👍🏻

好耐冇食潮州菜，見商場開了一所新店，今晚一於出去食過夠。餐牌上好多選擇，我們很快便選好要食的。因為實在太期望食了。前菜：貢菜口感爽爽脆脆，味道咸中帶微辣，作為前菜不錯。滷水鵝片師傅刀功了得，將鵝肉切成薄片，舖在滷水豆腐上。鵝肉肥瘦適中，肉質扎實，滷水味恰到好處，再配上嫩滑滷水豆腐，真係最佳配搭。韭菜豬紅豬紅吸收了胡椒味濃郁的醬汁，變得十分入味，亦不會一夾即散。另外韭菜鲜嫩，纖維豐富。蠔仔餅蠔仔混入蛋漿用油炸的蠔仔餅，又甘香又鬆脆，加上魚露來提鮮，有多邪惡都要食。蠔仔粥泡在方魚湯內的蠔仔肉，粒粒飽滿，鮮甜味美，還加上肉碎、中芹粒和香菇粒各食材的香味混和當中，真係潮菜中不可缺少的菜式。地點方便, 食物各具特色, 不錯

我第一次嚟食野，坐低後無人招呼開咩茶。我問左一個扎馬尾嘅女職員有咩茶揀，佢就急口令式講左一堆名稱出嚟，快到都唔知講乜，我諗住問佢拎個餐牌自己慢慢揀或者出去某個位可以自己睇，佢好型咁答「咪講哂比你聽囉，無紙無牌，咪都係個d茶」。比佢咁串完都無乜興趣食，可能我阻住佢執碗，我當陪屋企人坐下算。之後佢地叫個皮蛋瘦肉粥，上檯時無煙，食落口仲要凍嘅...不過之後經理好好，幫我地拎入廚房翻熱...唔知係咪潮式食肆係唔同d嘅呢? 我真係唔敢再嚟第2次，唔識欣賞

馬鞍山這個美食沙漠終於再有新食店，今晚有時間，約埋朋友一齊食個「潮」嘅晚餐先前菜爽脆萵筍條，配上鹹香紅皮花生滷水鵝四併盤滷水非常入味，鵝件肥美，夠厚身，肉質嫩滑，㬾片肥厚，爽身有口感，蛋和紅腸夠入味，份量都多，沾汁後酸酸辣辣更開胃。蠔仔烙蠔餅非常香脆，大片蠔餅夠厚身，外層炸得金黃，內裡蠔仔肉算多，蠔肉飽滿，無腥味，外脆內軟，好香口。潮州咸肉炒麵線炒麵線口感較一般濕潤，肉條鹹香，配上爽口芽菜、香蔥夠惹味。場內座位闊落，坐得好舒服，上菜快，裝飾中國風，唔錯呀！

我與家人在「駟馬拖車潮洲飯店」享用下午茶。每枱桌子旁邊都有電熱水煲，真的做到水滾茶靚，自斟很方便。黃金流沙包~勁吸引的黃金流沙大爆發，甜美金沙極具誘惑，引發胃口大開！普寧炸豆腐~炸豆腐的脆皮口感不粗糙，相信是潮式炸豆腐的特色，吃時蘸上葱粒、蒜蓉、紅椒碎粒淡鹽水，外酥內嫩，風味相當獨特。潮州沙茶牛肉炒河~美味沙爹醬、滑蛋炒嫩滑鮮牛肉和河粉，濕潤醬汁與爽滑河粉，口感滑捋捋，還有爽脆甜芥蘭伴吃。金絲糖蛋散~小點價的蛋散蠻抵吃，作為下午茶一個完美句號！

 平時食下午茶多數係食蛋糕呀薄餅嗰啲，今日嚟到潮州飯店食下中式下午茶，大家都係門口等兩點半時段～加上我哋好耐冇食過點心，開始口痕啦 一坐低咗店員先上咗酸菜，之後我哋一面飲茶食嘢一面傾計。我哋叫咗春卷同埋蝦腸，蒜蓉鮮蝦春卷脆卜卜，金黃色炸得啱啱好，而鮮蝦腸條蝦好大條㗎，啲蝦腸皮都好白好滑呢～等咗一陣，終於到滷水鵝肉上場啦～鵝肉好香滑，而且薄厚適中，好入味呀，個汁真係無得輸呢，仲有埋滷水豆腐，一人幾舊就食曬啦～之後仲有潮式墨魚丸河，河粉滑口唔會爛散，配埋彈牙真才實料嘅墨魚丸，yumyum ～我哋兩個人食到好飽，而家下午茶仲做緊八八折，所以計返起嚟都幾抵

今日再次去到馬鞍山⛰潮州飯店食lunch🤤，真係好多人，而且等位都要等好耐，如果想食依間，大家記得網上拎咗咗飛先！-🍴前菜($16) - 有涼拌小菜，好爽口！面層有啲花生🥜，食到停唔到口😂，係少少鹹，餸飯一流👍🏻！-🍴 紅菜頭帶子餃(特點:$38) - 見幾特別，就叫嚟試吓🙋🏻‍♀️！一上枱就覺得好靚，紅卜卜❤️，有一粒杞子喺上邊，應該幾啱新年🧧嘅時候食😂。咬咗一啖，覺得好鮮甜，入邊有好彈牙嘅蝦肉，仲有啲紅菜頭粒，不過帶子就唔係好揾到🤭。-🍴菠蘿叉燒焗餐包(大點:$32) - 原本以為會有啲硬，不過咬落其實好鬆軟，而且入邊嘅叉燒幾好食，也米😍都幾推依個點心👍🏻👍🏻👍🏻！-🍴碧綠鮮蝦腸(頂點:$42) - 啲蝦好大隻，而且係彈牙爽口！但係略嫌有部份嘅腸粉皮偏厚，會有啲難咬。-🍴鮑魚棉花雞(頂點:$42) - 個人覺得唔太抵食，鮑魚只係會有一小粒，而且由於有雞，所以好多油係碟上面，仲要啲棉花會吸晒啲油。

知道屋企附近開左哩間新中菜，所以趁得閒就即刻嚟嘆吓茶。早幾日同屋企人嚟食下午茶，嚟到都幾多人等位，不過好快就有位可以入座。先來一壺玫瑰花🌹茶，每枱旁邊都有一部自動加水及保溫嘅機，好方便！🔸蒜蓉蝦春卷炸得香脆，入面有好多蝦、足料！而且唔會話好油。🔸潮州蒸粉果皮好晶瑩剔透，食落煙韌，包咗好多餡料有花生、肉碎、馬蹄、中芹，好味！🔸蜜汁叉燒腸腸粉夠滑！而叉燒份量都幾多，食得出蜜汁味，唔錯！🔸大地魚燒賣燒賣入邊嘅蝦都幾大隻，蝦同肉嘅比例都啱啱好，咬落去有肉汁。🔸椒鹽九肚魚熱辣辣炸起好脆，好好味。九肚魚好滑、無骨，點喼汁食好正。🔸爆口叉燒包叉燒包入邊啲餡多到就嚟要留出嚟，醬汁香濃入邊有好多粒粒叉燒，足料好味，個包都好鬆軟。

好吃之徒告知馬鞍山新開了這家潮州飯店，最喜歡就是潮州菜，今次想試試未曾想過的，為味蕾帶來新鮮感🤩🤭炸雙棗原來是蝦肉和蟹肉混合馬蹄後炸起的肉肉球😋配上酸酸甜甜的醬汁和伴菜——菠蘿🍍，開胃💛潮州蠔仔粥 $42 的蠔仔粥的用料豐富，有蠔仔、方魚、芫荽等等。香氣十足，相信湯底是用了大地魚粉熬製而成，鮮味滿滿。酸甜梅膏骨這裡的酸甜骨是我的至愛，的確味道濃，酸甜勁不錯💛香芒糯米卷由軟糯的糯米皮包着奶黃餡和芒果肉，口感豐富，軟綿綿得來，又有奶黃香和當造的鮮甜芒果🥭自動加水的水壺，好方便呢

椒鹽九肚魚：方形的椒鹽九肚魚賣相情金黃色十分吸引，九肚魚新鮮又大件。沾上一點點香醋既醒胃之餘又減油膩感。酸甜梅膏骨：豬肉上成，軟滑多汁，每舊豬肉都有一小段骨夾其中。酸甜醒胃，一碟有八至九件，適合一家大細小分享。潮州蠔仔粥：光臨潮州菜館一定要是蠔仔粥。這款蠔仔粥的蠔仔分量十足，粒粒鮮甜飽滿。加上有大地魚乾、香菇、香蔥和豬肉碎炮製，鮮甜美味。建議加入適量胡椒粉癖聲和提鮮。韭菜豬紅：抵食之選！眼觀每枱食客必點之選菜式之一。豬紅外滑內軟，韭菜嫩綠又不癡牙。讚！燒汁脆薯牛仔粒：鑊氣一流上枱香噴噴。薯仔香甜，吃幾粒有點飽肚感。牛仔粒採用新鮮牛柳粒，廚師炒得恰到好處，咬落軟綿綿而且牛肉味重。

這間店的環境舒服，裝潢有些中國色彩。枱與枱之間都有落地膠板隔着，餐具乾淨，吃飯都比較放心。滷水鵝肉 | $148鵝肉皮薄無肥膏，每一舊都啖啖肉，好抵食。多肉少骨，老人家都食到。滷水味好香，滷水汁鹹味適中，令我們吃不停口。滷水肉下有幾塊豆腐。普寧炸豆腐 | $72普寧炸豆腐外面炸得脆身，但完全沒有油膩熱氣感，裏面豆腐嫩滑，外脆內軟。鹽水加了蔥粒及蒜蓉粒，把豆腐放進鹽水內，加添一點蔥香味，又不怕熱氣，是正宗的普寧豆腐食法。潮州沙茶牛肉炒河 | $82濕炒牛河充滿了花生香味，河粉掛滿了沙茶醬，牛肉嫩滑大塊，芥蘭芯炒得淋。份量十足，是飽肚的好選擇。金芒糯米卷 | $28糯米卷煙靭加上了椰絲，內有芒果及奶黃，不同色的內餡看起來很吸引。味道清甜一碟有三件，好抵食。茶芥$12/位，前菜$16/碟。整體環境及服務不錯，晚飯價錢適中，有機會要再來。

自稱潮州菜仲附設煲水設備諗住野食唔掂起碼都水滾茶靚點知嗌左兩壺茶有茶色冇茶味冇茶香用茶包都唔緊要但可以做到第一轉都冇味真係高手完全係侮辱潮州茶飲文化同行老人家直頭問係咪假茶葉🤧野食平平但偏貴冇下次🙌🏻