魂 (已搬遷) 新店位置

今日放工本來要去打波, 但因為太攰, 所以決定運動留番俾個胃做就算輾轉一輪決定去魂搏一搏. 點解講搏一搏?因為之前黎過兩次都摸門釘, 一次係下午落場, 一次係公眾假日休息....所以雖然第一次食, 但已經拜訪三次了!!排隊既時間店員已經俾左點餐紙我地, 以便入去時可以更快落餐. 我地決定叫一個魂, 一個太極試試等左大約10分鐘, 終於入店了!!店面比較細, 坐得密麻麻, 還好天氣稍涼, 唔係食熱騰騰既拉麵都肯定一身濕晒...坐低大約1分鐘, 拉麵就送上了!!魂食材係碗入面既配置賣相一流, 未開始食已經加晒分!豚骨湯底香濃, 夠鮮又唔會太甜, 叉燒肥瘦相間分明, 賣相吸引! 而我至愛的溫泉蛋亦夠甜, 讚!太極賣相比魂更特別, 因為中間多左一"督"金萡蟹膏, 賣相滿分!墨魚汁湯底比一般湯底多左一份膠質, 同拉麵配起黎又令一種口感, 好特別!蟹膏味道好掛口, 最好配拉麵同時食, 唔係會搶晒其他食物既味喔食物真係非常好, 色香味俱存, 唯獨係實在有d熱....夏天前必須加強空調啊....

食過最細最窄最逼既一間拉麵店, 但亦一直都捧佢場。近期食發覺個湯底比以前淡左, 不過仍然係一絕！最欣賞佢既麵, 粗得黎夠細, 有咬口得黎夠彈牙, GOOD！呢間拉麵店"製作需時", 賣相100分, 份量恰到好處麵有麵味、蛋有蛋味、湯有湯味、紫菜有紫菜味、肉有肉味、蔥有蔥味。雖然有凍水提供, 不過大熱天時冷氣又唔夠, 認真係一大問題。 

話說上星期到大坑嚐不到一碗美味可口的拉麵，今個星期決不錯失任何機會!上次光顧已是1年多前的事，猶記得上次跟友人為下午5時15分左右排隊，排到魂「放人「進場」!今次心想，天氣尚可適合排隊，因有微風!晚上6時10分到，怎麼?竟然無人排隊?!太好了~一進埸，被安排坐吧枱，自修室自閉式的吧枱位置，到魂食拉麵從未想過要坐得舒適。由將拉麵點單紙遞給店員到拉麵到來需時約15分鐘，開動!我的青龍: 每次到魂都是吃青龍，湯底由菠菜蓉加豬骨湯結集而成，味道濃有黑椒作調味。碗內的大紫菜，蔥粒，蟹柳，蟹肉絲，魚子醬，蘆筍，粟米，叉燒及溫泉蛋在10分鐘內吃完，只可說份量足夠。可提一提的是他們做的叉燒，一層脂肪，一層肉再有脂肪再有肉，層次分明，脂肪吃起來不會油膩。間中一吃又何妨?半邊的溫泉蛋，呈流心的狀態十分有十分，味道淡淡的，好味!湯底跟配料十分配合，下次定必再食青龍!他的太極:唯最有印象的，亦是整個拉麵的亮點，便是蟹羔。他給我嘗了一口，救命!蟹羔的蟹味怎可這麼濃郁?就算吞了那一口蟹羔，它的味道仍然縈迴於口內。總括而言，事別一年，魂的拉麵仍如此得我歡心，努力!

魂有三款湯，原本打算一碗青龍，一碗太極，可惜青龍只有晚上才有售，所以轉了蕃茄。太極，湯很香濃，一邊是豬骨，另一邊是墨魚，而叉燒味道較普通。蕃茄，有點辣，很惹味，不過相比之下較普通。店裏非常擠迫，不過好象置身日本。

擠逼戶的吃麵體驗這一兩個月吃了幾次拉麺 來過連燒帶挑戰「魂」的美味星期六六點半左右到達 已有人在排隊等了25分鐘便有位進去時有點愕然 真的十分細 我一人來被安排坐近廚師的「吧枱」 但竟然有版分隔 自成一「格」 卻不是一蘭的真正自閉位 仍是望到所有人 只是用板鎖定你用餐的狹小枱面而已 我中等身材 只是勉強坐進去而已 慶幸當天沒有帶背包 否則更不自在了第一次光顧 想試點特別的 叫了限量的青龍 湯底是豬骨湯與蔬菜汁的結合 另有蟹肉 义燒 蛋等配菜 自己加了木耳粟米 碗是偏小的 也沒有得「替玉(加底)」 可能使食客吃完盡快走 增加流轉吧有點後悔 不是難吃 覺得這湯也是用心的創作 只是不大對我的口味 我還是較喜歡豚骨魚介類湯頭的拉麵 另外 主觀覺得湯和餸麵的一體感一般 若有機會 下次會試「魂」或「火魂」很快吃罷 口腔沒有那種每次吃到美味拉麵的餘香 而且擠迫的坐位大大影響吃麵的情緒 落單到吃完離開大概不出十五分鐘   希望下次試別的麵會有不同的感覺

今天是長周，當中午12時下班後，我便乘車到香港銅鑼灣，而銅鑼灣這邊有很多不同名稱的拉麵店，有很多間都獲得「米芝蓮獎項」，我今天來的這間名叫「魂」的拉麵店，也是其中獲獎的一間。雖然跟「一蘭」拉麵店一樣，都是要排隊，但這間不會讓客人在店外久等，在門外還擺放了椅子，讓客人坐著等候。這間拉麵店的裝潢用上了日本的拉麵店的風格，而店員的服務也不錯，做事效率很高，當客人在排隊等候，已派上「點餐表格」供客人填寫，所以每位客人點的拉麵，也只是等了幾分鐘，就可以用餐了。這是我今天的午餐-「太極」拉麵，材料用上墨魚汁配豚骨湯、叉燒、玉子（蛋）、蟹膏、嗚門卷、木耳、紫菜、金泊。我第一囗先把叉燒上的少量蟹膏，和蟹膏頂上的一小塊金泊，伴拉麵和湯底一起吃。之後，便開始用心品嚐墨魚汁配豚骨湯，再伴拉麵和其他配料一起吃，這就是我今天真正吃過帶著「魂」的精髓，而造成這個最美味的拉麵。

『魂』（銅鑼灣）今晚試食銅鑼灣區既最後兩站，獲得openrice推舉最受歡迎食肆之一既『魂』晚上20:20到步，在下是滿心期待的到來的，由於在下曾來過此店三次也吃不到！！三顧茅廬之下，所以在下會對此店的評食採取更嚴格的態度！！排隊的人群共14人，內裡店面極細少⋯坐位大約只有12個，一坐下來寧我非常期待的是桌上的是杯非常冰冷的水！這個絕對是跟著日本拉麵店的做法！在香港喲，幾乎每一家都是揣著熱茶熱水的⋯寧在下一下子滿心期待！在排隊的時候早已決定好選擇的是每日限定的『青龍』拉麵！坐下來的時候，身旁的“所有人”都在吃『青龍』，坐在最近的一對情侶還是剛剛上桌的，能看見他們的『青龍』賣相極為吸引！在下單的時候店員跟在下說『這個⋯剛賣完了～』⋯那個打擊是何其大⋯非筆墨能形容⋯在下唯有選擇『太極』拉麵湯汁一邊是豚骨另一邊是墨汁豚骨，配料有木耳，超大紫菜，半隻半熟蛋，一片叉燒，蟹膏，金箔先試試湯汁⋯能做到在下想要的理想濃厚度而不油，恰度好處！再將蟹膏拌均於湯中，鮮味無窮！簡直一絶！得到在下的高度評價！麵質偏粗身，有嚼勁，掛湯力強，能看見麵條掛上墨湯呈黑麵條！叉燒肥瘦適中，唯份量過少且過於薄身，失去口感⋯

一直都好想黎朝聖一下，今次終於有機會了。大約8pm黎到，見到前面約有八個人在排隊，大約三十五分鐘就入得去。我叫左太極，湯濃度中，面硬底中。靚係幾靚既，湯底比一般既香濃好味。但我就試唔出有墨汁味，可能墨汁一般都係無味？加左芝麻好香，蟹膏都好味，但食食下會溶係湯底到就無左，所以建議一開始食左佢。面普通，叉燒我男朋友話好味，但我覺得普通。而佢就點左青龍，本生以為咁晏去會售罄，但點知仲有！佢點左湯底濃，面硬。我試左，個人認為太極較好味。我倆一致都覺得玉子真係好味，玉子有d涼既感覺，唔錯。overall，比一般五六十蚊碗既拉面好味，用比較高既價錢當然會比較好味少少，所以我整體驚喜唔大，只係好味少少。

個人一直喜歡吃日式拉麵...有位跟小妹喜好相近的朋友總會間中找我一起去不同的拉麵店吃麵...只是朋友公私兩忙, 不能經常約到...過年後工作還沒開始忙..就約好了試下這家小小拉麵店...它藏身在南洋酒店旁邊的小街上...小小的店沒有一個大招牌, 就只有一張摺枱大小的招牌放在店門口, 我們約6點到達, 店是剛開門不久, 但已有客人, 店內只有約10個位子, 有點迫, 幸好不用等位, 我們進店後不久, 就已經有人要在門口等位了小小的店很有日本風味, 就是那種看得到師傅在煮麵的類型, 我們就坐在日本師傅前面, 每當有客人進來, 他們都會以日語說"歡迎", 感覺像是到了日本一樣小小麵店就只提供4款拉麵, ORDER紙也是小小的, 按個人喜好選擇, 我們分別點了"青龍"及"太極", 等了一會, 熱騰騰的兩碗麵送到面前, 很香, 首先嚐一湯, 湯底很有肉味, 再試下麵, 很有咬口, 麵是剛熟的, 不太諗, 就是剛剛好, 那片日式叉燒味道亦很好, 我們兩都覺得雖然差不多100元吃一碗麵, 但很值得, 應該是會再次光臨的, 只是店的位子真的很迫, 建議最好不在冬天穿著很多厚外套時去

星期三下午三時人不多，舖面細細，頗有日本小拉麵店風格。想試最基本的麵底看其特色。湯非常濃厚，喝多幾口有很少很少類似藥材的味道，可口的濃湯。雞蛋入面，糖心味道很讚。他的麵條頗厚，而且像北海道拉麵的麵條，可惜比北海道還要厚、硬，所以比一般博多直麵條的較易令人有飽肚感，吃不完整碗。另，我在夏天光顧，而且坐近煮麵的吧檯前，氣溫很高很熱，只因冷氣不足夠。

又到星期六蘿拔仔同蘿拔妹出去搵食既時間喇! 今次去一間我地好耐之前食過既拉麵店 - "魂", 注入靈魂的拉麵到底可唔可以令愛好拉麵既兔仔情侶有一再光顧既魅力呢? 食評立即奉上!蘿拔仔同蘿拔妹黎今日早早12點就黎到魂既門口, 的骰既店面頗有日式小店既風味呢, 事實上店面亦頗細小, 以吧枱為主, 可以近距離看師傳煮面. 不過我地黎到既時候已經得番細枱, 唔係好見到師傳煮面喇:<原本蘿拔妹想叫青龍試下, 但係原來青龍淨係夜晚6:30後先供應, 仲要係限量! 想試既朋友記得要較啱時間黎喇!蘿拔仔今次叫左太極, 係等既時候見到隔離叫左太極有pat 細細的"屎"(蟹膏), 已經覺得好吸引xdd 上枱黑色的墨魚汁湯底望上去好似黑蒜豬骨湯拉麵湯底墨魚汁味欠奉, 而且墨魚汁反而仲感覺溝淡左個湯,好在豬骨味都頗濃郁, 入口依然香味四溢, 算係功過相抵...拉麵配料望落都幾豐富, 最特別就係個pat金泊蟹膏喇! 放係叉燒上面真係有啲似屎=_= 不過! 佢真係好好味! 鮮得黎有小小鹹香! 令個墨魚汁湯底拉麵即刻得到昇華!! 非常推薦嘗試!由於無青龍，所以蘿拔妹都系叫返最簡單既魂！拉麵來到當然要先試個湯

I avoided trying out this place for several years, due to my experience of being rejected twice as the ramen was sold out by the time I arrived. There were not as many ramen places then and Tamashii was surely one of the more well known ones.Perhaps it was due to this expectation that it would be so good (cos of the queue), compounded the belief that having ramen here would surely be a life changing experience. I dropped by last Friday at 1130am to ensure that I was the first few customers. Howe

成日聽人話好味，今日終於黎試下果然係多人食，我諗都排左大半個小時拉麵選擇都唔小，不過我黎之前已經諗好需要試下個太極，所以菜單都唔洗多睇，一坐低就可以叫得太極 墨魚汁豚骨湯湯底:黑黑的墨汁味，唔油，加啲seasame幾香，墨汁本來係咩味真係唔知道啦麵:麵身彈身叉燒:肥瘦一層層，都幾厚，調味很夠，再加蟹膏係上面，濃味，正蛋:超溏心，無得輸，好味成碗拉麵總體都幾好味，價錢同一般餐廳差不多，不過黎之前需要有心理準備排隊啦

特意來到魂吃拉麵。吃了最基本的魂($79)，拉麵條選了硬身；醬油選了中度。魂其湯是濃豚骨湯，碗拉麵配料有叉燒、玉子、紫菜、荀干、木耳及蔥花。濃郁的豚骨湯底，湯頗稠，油脂不多，喝下感覺上不膩。硬身的麵條有咬口，口感比想中煙韌。半邊的玉子，半流心的狀態，很完美。薄薄的叉燒入口，肉質十分軟稔，好味，但一片叉燒不夠滿足。

自從去完日本食過那地道的拉麵後，便心思思想食，於是四處找尋！看過食評後便把心一橫去試，當晚是星期六7點，起碼等了半小時便可以入去食了。麵一到便急不及待吃，雖然在香港很難會吃到像日本的拉麵，可是這間我起碼把湯飲完，好比那間豚王！但是在香港食拉麵是不會飽的，所以如果要止養的話，這間都不失為一個好選擇