魂 (已搬遷) 新店位置

拉麵是我的至愛.  去到日本都会周圍找拉麵店滿足食欲.  而香港有新開的一定嘗試.  這店己開了很久但一直是排長龍, 終於今曰不用等位都有一個窄少空位, 地方雖小但一嘗心願.選擇了"火魂", 一定聯想到火辣, 沒估錯是辣蕃茄湯底, 有义燒, 玉子, 粟米粒.  麵的硬度是自己選擇的, 我選了適中, 果然煮得剛剛好.  湯底濃度亦可選擇, 於是我選了濃味, 非常"傑"身.  辣程度不会過火, 增添食欲, 义燒不会太硬, 肉味甜, 雞蛋亦是我至愛的溏心疍.  整体是不錯, 難怪一直人氣高企.

大概7點三到 等齊人先可以入座大概等左十五分鐘左右入面相對細，得十多個位，兩張枱再加十個自修室位太極 聞說係用左十斤豬骨淆左十個鐘嘅拉麵 好好好濃豬骨湯好黑但無咩墨魚味既墨魚汁不過mix 埋豬骨湯其實就岩岩好配埋好香嘅蟹膏 個湯真係不得了！外熱內冷流心玉子 好溏心好味半肥瘦叉燒 因為得一塊 所以下次可以追加！大滿貫 已經由好餓變到好飽唔suggest飲汽水 因為會太濟食唔哂飲啖冰水就岩岩好！

個日都係一如已往，我女朋友唔知抽起邊條筋話要過海食飯(星期六日，唔洗返工，一般都唔想過海)，咁就諗都無諗揸左架車去銅鑼灣，又諗都唔洗諗就泊左入馬會，因為唔洗錢。一向係拉麵痴的我，當然好直接問佢可唔可以食拉麵，佢竟然話可以，難得佢咁順灘，拿拿聲查下OPENRICE有咩推介，係銅鑼灣的拉麵店原來"魂"的排名係最高。枉我自稱拉麵痴，我竟然唔知，都係有D唔好意思。依家知道左，當然去試下，個時9點左，餐廳外面仲有6個人排隊，不過都等左30分鐘先入到去食，可能舖面太細，一入到去，原來已經LAST ORDER，青龍又SOLD OUT，咁又係唔洗諗，ORDER左 "魂"同"太極"。(我鍾意食拉麵的原因可能係因為無咩選擇，因為我本人有選擇困難症)幾分鐘後就有得食，首先試下湯頭先，之後再試下麵質，叉燒及玉子。1. 湯頭：油脂豐富，香味濃郁，膠質程度剛好，太極的湯頭更有鮮味。2. 麵質：非常一般，似在CITYSUPER買到的，因為我買口過返去煮，麵質差唔多一樣。3. 叉燒：味道不錯，略微再肥一點更好。4. 玉子：都係非常一般，沒有蛋味，又唔流心。食完立即走人，因為太窄，食麵個時都要就住隔壁的食客，好唔暢快。

不知從何時起，Jucundo已經十分喜愛拉命(對，我堅持把所以的面都叫命XD)因為拉命是一種可以隨時隨地都可以吃的食物特別是即使一個人去吃拉命，也不會覺得很不自在的反正就是一碗一碗的，一個人兩個人去吃都沒差呀~瘋狂的時期試過早上九時要上班，就在八時去到公司附近吃那一間廿四小時營業的拉命店...今之試的也是在銅鑼灣頗出名的魂早在一兩年前已經有朋友在介紹我要吃這一家了它是一間小小的鋪坐位應該十多個左右，因為那天去時間尚早的關係不用等就有位了十分日式，在偷看廚師煮命只有四款可以選:魂, 火魂, 太極和青龍今次我就選了太極，是墨魚汁加上豚骨湯，上面一小陀的是蟹膏看到嗎?真的有兩種色的!也有我喜愛的溏心蛋 (心心眼)湯底是很濃的豬骨味加上墨魚汁，感覺挺新鮮的美中不足是吃到一半就覺得有點膩了還有就是面條是黃黃的那種拉面，爽口度十足不過要利申一下那種面一向不在Jucundo喜歡之列，因為怎吃都有種鹼水味...就是因為如此我想我應該不會再回來了......畢竟拉命除了是靈魂的湯底外，面也是不可缺少的一環呀.....

難得既休假 決定約埋中同一齊去 魂 一行三人等左10分鐘左右就有位鋪頭入頭唔算大 大概只能坐十幾人而我同朋友就坐系吧枱位置~魂只提供四款拉麵 分別為 「魂」「火魂」「太極」「青龍」而身為墨魚控既我一見到墨魚汁就直接揀左太極碗麵黎到 果然麵如其名豬骨湯同墨魚汁形成個太極形狀賣相滿分值得一提既系上面既蟹膏 將佢同成碗湯混和左之後 令鮮味直接提升左幾倍 (去板長都食開蟹膏壽司絕對系師傅既心思所在 亦同太極依碗海鮮味較濃既拉麵配合由於麵既硬度,湯既濃度都可以自己揀,所以唔怕唔合自己口味~而我就揀左中麵同濃湯~魂既麵條系較為卷曲既類別, 所以掛湯能力十分之好一夾入口到, 即使無用湯羹仍然啖啖湯完全配合到太極既墨汁蟹膏精華湯底另外我地追加左竹筍試下 ~  略帶酸味 加上微凍 於食麵前食十分開胃~最後建議大家唔好叫汽水飲~ 一黎魂既拉麵份量幾足 飲完汽水可能會食唔哂 ~ 二來佢有凍水供應 配合濃味拉麵絕對比汽水來得好(y) 甚至你可以飲哂佢d湯xD 最後會有個「魂」字系碗底 好有成功感架~總括而言，魂系一個正宗既日本拉麵鋪，絕對值依個價。(89太極+13筍干)

要說香港現今拉麵狂熱的其中一個始祖，不能不提這一間「魂」拉麵店。小店充滿了日式的風情。日藉老闆兼師父坐鎮，配上嬌俏可人的老闆娘負責做公關，還有穩定有品質的拉麵，自然引來這裡每天都大排長龍。今次點了這裡甚具特色的「太極拉麵」。湯底是以豬骨湯底為主，再加上墨魚汁混合炒香了的豬脂而成。豬骨和脂油的香味非常濃郁卻不帶黏糊。配上這碗麵中甚具特色蟹膏，讓這湯底的鮮味提升了一個極高的層次！蟹膏上的金箔亦為這碗拉麵帶有畫龍點睛的效果。麵條使用曲身的中型麵，不粗亦不幼。選擇硬麵條的咬勁十足， 沒有鹼水味，掛湯能力亦好。但由於湯味道濃郁的關度便蓋過了麵條的味道。叉燒肥瘦適中，但未算入口即溶，只能說合格有餘但未有太大驚喜。至於這裡的玉子做得很棒，蛋黃亦夠溏心。但可能這湯底比較味道比較濃郁，相比下溏心蛋顯得有點不夠味。今次等了約壹個小時吃這一碗拉麵還是值得的。非常推薦大家來這裡朝聖！

是日在灣仔工作, 午餐想吃拉麵, 那不如來魂吧, 路程也不算遠. 沒有人龍, 不過店內也差不多全滿, 還算是旺場的.環境簡單, 我就一面看著廚師們在工作, 一面等食. 午市來到, 吃不了青龍, 就來一客太極吧.太極 $89: 8.5分, 叫得做太極, 賣相果然是黑色的, 因為是用了墨魚汁配豚骨湯. 先喝口湯, 味道是相當香濃的, 但又不會太鹹. 很怕超濃超鹹的湯底, 魂的出品, 就有不俗的平衡. 除了帶豚骨的味道之外, 還有墨魚汁, 兩著之間的配合是不俗的. 不過就稍嫌比較油膩.麵條方面, 質感不俗, 是幾彈牙的, 掛湯能力不錯, 麵條吸收了湯底的味道, 很惹味.至於溏心蛋, 質感對辦, 呈半流心, 美味.叉燒就只是一般, 以肥肉為主, 好像沒有甚麼瘦肉, 還是喜歡肥瘦相間的出品.魂的太極, 湯底有水準, 麵條質感彈牙, 溏心蛋呈半流心, 不過叉燒只是肥肉為主. 整體來講, 是令人滿意的. 在城中拉麵爭奪戰中, 這裡還是其中一家值得推介的地方.

11:55去到，即刻數一數人頭，前面有8個人排隊，好彩一開門入到去坐，坐位有d迫，唔緊要，重點係食麵，要左一碗太極，嚟到見到顏色好靚，即刻飲啖湯，好濃味嘅湯底，最鍾意飲靚湯，最後飲晒d湯，超滿足。

呢排想食拉麵，聽講魂拉麵唔錯專程走來朝聖。麵身硬度、湯濃度等任君選擇。由於係下午時段，所以得魂、火魂同太極揀。我叫左碗濃湯太極，湯真係好似汁甘濃，而且好香好滑。見師傅真係好用心整碗麵，而且都好有禮貌甘對客人用日文講多謝，真係既拉麵店！

星期六終於都食到，6點半嚟到，已經有十多位排緊隊，餐廳內只有十多個座位，不過等待時間不算耐，排左大半個鐘可以入座餐廳只有4款拉面魂拉面，係原味拉面，面好彈牙 青龍拉面，有點似忌廉湯的感覺，不過味道都好好味日本梅子七喜，梅味大…

波菜湯拉麵正正就係令我想起家鄉味道既拉麵。話說我鄉下有道菜，就係將菜搞碎成湯，當我見到呢碗湯，第一時間令我回想起來。喝一啖湯，味道雖然不同，　但卻感受回憶中的味道。當回憶加上新風味，中國的回憶　日式風味　完全融為一體。一個字～～～正！再配上彈牙拉麵，　散發出湯既味道。簡直塵世間冇野可以形容得到。

星期六，同細妹尼食愛吃辣的細妹叫火魂，再追加粟米，七蚊得好小好小我叫魂，肥，湯底好肥，好多油，再追加紫菜，份量正常偏小，真是.........唔---底---食唔會有下次

一個人吃飯有一個人的著數，是日這間經常排長龍的拉麵小店，今晚的長龍有十多人，但座位也只得十多個而已，但當我向職員表明是一個人後再排隊，沒多久職員就跟我說有一人座位可以立即坐下，走進店內時仿佛感受到排隊中食客的幽怨眼神叫了一配青龍湯底拉麵，綠色的湯底很濃，像忌廉湯那種濃度，叉燒很軟琳，味玉蛋也很美味，雖然我未能吃完整碗，但味道是不錯的。但我還是喜歡拉麵的湯底不要太杰，下次試一試豚肉湯底拉麵，可能才是我杯茶

當天大約1:45，居然不用等位，我頓時驚喜萬分，畢竟烈日當空下排隊有損食慾嘛上次我說過的，今次會品嚐太極，我點了硬麵和淡醬油，希望今次能帶給我一些驚喜吧！下單約莫六七分鐘，麵就到了，賣相好不好，就見仁見智了，蟹膏上有點金箔，容許我以'一朵鮮花插在牛糞上'來形容，當然，這一切也只是賣相。我先試一口未被'污染'的豬骨湯，還是那句，太濃了，而且豬骨味不甚重！好的，我要把材料混合了！說說麵，上回已經說過，麵的硬度恰到好處，十分有彈性，掛湯力也好好，麵方面是滿分的(對我來說)，而叉燒方面，大大的一塊，十分'林'，口感很好，可惜味道不足，略為淡了一點。溏心蛋這次味道十分好，可惜又是不夠流心(一送來蛋缺了一大截)，最後要說湯了，一開始的時候還挺好的，但愈吃口感愈複雜，豬骨湯不是豬骨湯，墨魚汁不是墨魚汁，蟹膏味我也不覺得有，我也不懂形容了，總之就是縱橫交錯，錯中複習之類，好吃嗎？我實在不認同，但我還是給予味道四分，吃拉麵嘛，麵好食自然加分--------------------------------------分隔線(以下內容可能令讀者不安)-----------------------------

今日終於去了心目中的no.1!!!!啦！！！之前一食真係覺得好食到癲左~~ 貴為openrice銅鑼灣區票倉，得10個位多啲，閒日都要排隊是常識吧？！好彩一條友，都係五分鐘就爬左10人頭入左去~~hehe真的是細得好可怕...8成座位都係對住廚房的自修室位置, 合共10個左右, 再加上5-6個有木台的位, 20個不夠的店就這樣每天無間斷的供應美食給客人, 真不容易!!一坐低就毫不猶疑點了“青龍“，硬麵，及中度醬油。10分鐘後一碗熱呼呼的麵上台了~~~~個豚骨湯底是綠色的！！內裡混合左波菜，偏傑身。一飲湯頭個感覺好rich同好鮮味。上面還有魚子及蟹肉，是拉麵上少見到的。但因太少了，撈左撈就唔知去左邊。。。裝飾為主。麵雖然點了硬身，但就沒有想像中的硬，都爽口既，只係如果係平時啲幼麵會更好。叉燒肥瘦均等，厚度適中，咬落去都ok有咬口（唔會太淋或者太硬）是少有我覺得滿意的叉燒，正呀 最後的半隻半熟蛋，可能係試得太多間，有了比較，以前覺得好好食，而家再食雖然都覺得好食，但就無以前咁大impact啦。食晒後再飲埋啲湯，由於啲湯料沉晒底，尾段再飲啲湯就更濃味！ 會唔會真係有味覺疲勞？ 以前香港