魔膳工房 (已易手) 新餐厅

之前都知道觀塘好多樓上美食，朋友生日飯話想食西餐，搵左幾間決定揀呢間，最後都係比想像中失望。餐廳環境都唔錯，好闊落，都坐得舒服，不過有個別員工服務態度一般。餐包入面係提子加果仁，而且幾鬆軟，會令人期待之後既食物，但可惜之後既食物真係一般餐湯都唔錯，忌廉湯味道都幾濃三色芝士醬燒豬肋骨配薯角 $168份量都算大，芝士醬同底下既薯角都唔錯，但豬肋骨肉質同味道就一般般龍蝦汁海鮮意粉 $168大蝦明顯係雪藏蝦，肉質偏'鞋' ，龍蝦汁味道偏鹹，呢個價錢咁既質素真係失望法式焗田螺 $62田螺同薯蓉都冇咩味玫瑰蜜花茶 跟餐味道清清地都唔錯感覺呢餐真係好一般，真心覺得唔抵食

本人覺得近年觀塘的樓上食堂變得很多元化，對食客來說都算是好事。雖然價錢有些比光顧地舖更貴。就好似呢個食店其實都唔平。可能因為明星和飲食節目介紹過啦。這間食店都好易找到，我們今次沒有訂位，但可能因為早去。所以其實都有位。其實每人平均消費都要百多元一個餐，所以我和朋友S叫左兩人套餐算數，其實食咩都唔太考究。其實我選擇這店最大的原因，係因為佢有自助沙律Bar,但原來那個沙律Bar,食物選擇很少，還要加錢，我最後都沒有選擇。但其實其他人都唔見踴躍。首先來了餐湯+餐包，餐湯可選擇紅湯或白湯，朋友選擇白湯，我就試紅湯，紅湯沒太多調味，普通貨色。其實我只喜愛下面的薯蓉😝這兩個便是主菜，我覺得簡直浪費了那塊和牛，不過我覺得那塊和牛都唔會係高級貨，高級和牛會做漢堡？那些薯角都可以，兩款汁都幾好食。令一款意粉都可以，普通西餐質素。最後送到這兩款甜品，普通西餅店都可以買到，應該比佢更好食。總結今次樓上食店經歷，發覺樓上食店一點都唔平。坐位都唔見得會好舒服。試過就算，沒有驚喜。

觀塘越來越多樓上嘅餐廳，成日放工經過見到係觀塘鱷魚恤中心隔離有條紫色既樓梯通道上去餐廳，今次放工之後就同朋友通往秘密樓梯，好似通左上去時光隧道咁！餐廳佔地都頗大，有用餐區域仲有高桌吧枱，啱晒上班一族放工之後過嚟飲嘢。我同朋友一人叫咗一個晚餐，晚餐全部包晒餐湯、餐包同埋主菜、飲品，價錢由$130-＄300不等。餐湯及餐包：白湯比較有特色，佢係椰菜花忌廉湯，十分杰身濃味🤓芝士豬肋骨配薯角: 百搭嘅芝士真係無得輸，豬肋骨既表面鋪左層芝士再焗香，豬肋骨肉質鬆軟入味，佢哋仲有配左一個秘製嘅蜜糖芥茉醬，甜甜地酸酸哋，同豬肋骨十分夾！忌廉汁三文魚蘆筍墨魚麵：一般墨魚麵多數係配返墨魚汁，今次餐廳用咗忌廉汁配墨魚麵，感覺較為新鮮。忌廉汁濃郁，配菜足料，三文魚仲卷到一朵朵花咁好靚🌷飲品方面，我哋揀咗兩杯熱嘅水果花茶，分別係蜜桃水果花茶同芒果士多啤梨花茶，食飽野之後飲番杯茶，心曠神怡！

其實我一直都好信食評，呢間位於工廠既西餐，我真係用心研究過，才在家人生日的日子來用膳，點知...... 或許人地支筆太好，又或我太易信文字描述了，最終伏左。當我一去到時，感覺不錯的，因勝在夠大，點坐都唔迫。餐牌內的食物，沒那麼特別，一般西餐廳都有。我即時打開d 食評，一口氣叫了推介食物，包括慢烤羊架、斧頭牛排、西班牙海鮮飯、豬肋骨...... 點知當然一個比一個失望。【西班牙海鮮飯】似是南瓜汁濕炒飯，冇海鮮味，都不多海鮮，同埋唔夠熱，要知海鮮唔夠熱，其實就會有d 腥味。【斧頭牛排】係就係超大舊，但有三份一是肥膏，即冇肉食。加上我估佢烤時唔熱，所以油還油，肉還肉，食落去得個 「穌」字。【大蝦凱撒沙律】隻蝦用油炸，所以影響晒沙律清新的感覺。而沙律汁太喊了，俾得呢個價錢，我期望在頭盤應該有驚喜。點知換來係「驚」ar !希望今次真係個別事件，唔好浪費左咁靚既場la !

星期五晚約左朋友食生日飯 8點鐘上去冇bk枱都即時有位唔洗等 嗌左個豬手set dinner 一上到黎個樣係吸引既 夠大隻 不過本身預計佢個皮會脆脆地但原本唔係 係軟林個隻 所以食多兩啖都幾溜 啲肉係多但好咸 要瘋狂灌水 成程飲左8,9杯水....飲水飲飽🤔反而配菜薯角幾好食 炸得夠香夠脆最後太大隻同太咸關係係食唔晒 服務同環境都唔錯既 有不停fill水幾好haha 有機會都會再試多次其他野食既

朋友食厭了商場的食店，打算走到工廈中搵下有什麼選擇。就在APM旁邊找到這店，見近近地，又攰又唔想行，一於試下啦。走上樓梯，進入店裡，原來餐廳都幾大，而且坐無虛席，店員要求我們用餐時間為1.5小時。芝士瘋薯，薯角及芝士份量十足，食一碟都已經很飽肚。薯角不會焗得很乾身，啖啖厚薯肉，正!下次再來定必會想起要點這個。煙三文魚墨汁意粉意粉口感適中，本來是期望是食到滿口墨汁的那種，但原來個意粉汁是卡邦尼的那種，但都很好味。份量亦適中，這個是點DINNER SET，跟餐有湯及飲品。

晚飯時段，難得約左好友聚會，揀左間近大家既餐廳，係觀塘食西餐magic kitchen 好似幾好。我地叫左卡邦尼意粉set $106, 包野飲，餐包同湯雜菜湯較酸，但食到有薯仔同雜菜粒，岩飯前開下胃餐包軟熟，可以加牛油做餡意粉最重要係個汁，呢度既蛋黃汁整得唔錯，食到有忌廉，少少芝士味，面頭既汁較多，加左煙肉配料，配搭冇咁悶份量岩細食既女仔食。呢個價錢加上食物質素，計埋環境算係唔錯～

兩個人求其揾左呢間食，開頭個餐包都不錯，到主菜就開始出事，帶子黑松露意大利飯，黑松露吾香，意大利飯吾夠熱，d米爛既，不是平常食到的粒粒分明，到小食香茅雞翼，好普通既炸雞翼$48/5隻，香茅味無乜，還有叫左蒜蓉炒雜菜，成碟野有兩三片红羅白同三四片脆玉瓜，仲要薄切，其他都係椰菜，真係無瘾影相，最後食完唒野個焗田螺都未黎，原來漏左單，真係好彩，立即埋單走人本人無諗過寫食評。但見呢間咁既質素餐廳都有咁多評，希望吾好有人再中伏，有要求的話找別間

由於見到咁多好評，又咁多明星去過，諗住今餐實係無得輸。約左時間去食晚餐，叫左一個三重芝士豬肋骨同西冷牛扒。牛扒味道同賣相其實係唔錯，我叫左5成熟，出黎都係差唔多，不過就有少許'un'同'鞋'口，不算係嫩滑。另一個豬肋骨，就令我最為失望。燒到個面好'燶'，無乜肉汁，甚至係乾，食食下直頭D肉同層芝士皮分開左。不過另一值得讚既係，沙律吧的沙律會不時更新款式，所以我自己覺得就算要另加$38都值得。

年尾總是全年最忙碌的日子，除了工作上的繁忙以外，十二月更是跟朋友見面的高峰期，既然都接近一年的結尾，即使多久沒見過面的朋友都會上水面的。今天選了位於觀塘的魔膳廚房，早早就久仰大名了。它是位於工廈的西餐廳，食物質素受高度評價，菜式選擇非常多，雖然都是普遍西餐廳都有提供的，但魔膳廚房的煮法稍有不同，造就了味道和受歡迎程度的差異，此外食物價錢亦親民，今天終於有機會一嚐它的佳餚了。這裡的菜式選擇非常多，即使set dinner menu都有幾個，值得一提的是有自助salad bar，加$38大元就可以。由於主菜份量頗大，亦配湯，不用點salad bar 之餘所有菜式都是五個人share的，吃得滋味。三式芝士醬燒豬肋骨配薯角 $168芝士醬本身就是邪惡的代表，經燒烤以後香味四溢，除了芝士的鹹味以外，另帶微微的甜和辣味，味道豐富；豬肋骨熱辣辣新鮮出爐，咬下去肉汁溢出，配烤香了的芝士醬惹味非常！薯角（在肋骨底下）亦出色，惹味香脆。此外，這份豬肋骨的分量頗大，跟朋友一起share最適合不過，在五個主菜中這是我最喜愛的主菜。慢燒芥末羊架配薯菜 $238 試了一口的燒羊架一吃傾心；肉是medium coo

臨近聖誕 和情人 閨蜜 朋友 同事 外出慶祝之時別忘了抽些時間與家人共享天倫之樂今天就和我這個沒伴兒的哥哥來賀一賀Lonely Christmas 哈哈甘荀忌廉湯 今天的餐湯選擇是雜菜湯和這個 果然是一家人 我和哥哥都選擇了這一款 超級不喜歡雜菜湯的味道而這個湯比我們想像中濃郁忌廉與甘荀蓉的比例恰到好處平常不愛喝湯的我也沾著麵包清了盤提子餐包看似很迷你但也足夠了因為接下來還有主菜呢 餐包暖暖的 咬開中間有零星提子乾 還吃到一些類似nuts 的材料 口感不錯等待主菜的同時也順道看一下餐廳的裝潢充滿聖誕感覺的佈置尤其那椅背上的椅套 非常可愛餐廳佔地也很大 更有投影機播放影片如果搞party 一定派場十足另外加三十八塊可以吃沙律吃到飽不過我覺得賣相不太吸引就不要浪費錢啦三式芝士醬燒豬肋骨配薯角 168說時遲那時快 主菜很快上桌了份量十足 細心數過有十支骨頭剛好足夠二人分享 擠在上面的芝士很快就凝固 沒有太大的拉絲效果 調味主要還是bbq 的醬汁 不過有點太甜反而在一旁的千島醬為它加了不少分而墊在底下的薯角很香脆 但建議像沙律菜一樣放在邊邊 不然會吸掉豬肋骨多餘的油份西班牙火腿卡邦尼意粉

朋友終於考完試為左幫佢慶祝加上見面專登搵左呢間口碑唔錯既餐廳交通同位置都非常方便同就腳一上到去就見到充滿濃厚聖誕氣氛既門面餐廳入面環境闊落 佈置都幾有心思充滿大自然 森林既感覺加上聖誕節將至而加上大量聖誕原素既裝飾真係令人心情愉快不少最後我點了香煎帶子意大利飯$168包了餐包餐湯和餐飲以餐廳位置環境來說 可以接受首先來到的是餐包和餐湯～味道不錯 但溫度只是微暖可以再熱多點始終冬天當然希望喝點吃點熱的來暖胃吧主菜的賣相不錯小妹頗欣賞意大利飯中加入不少菇菌類 還有蘆筍令意大利飯增添不少特色香煎帶子的處理不錯非常新鮮 沒有雪藏味但只有一粒 實在不夠我吃減去意大利飯中膩的口感可惜意大利飯飯粒偏硬而且熱度與餐湯一樣 只是微熱～用餐過程中 店員態度十分好經常加水和留意客人有什麼需要是一個十分適合聊天 聚會的餐廳

下午放假到觀塘辦點事，順道到附近享用晚膳。魔膳工房是食友 D 推介的西餐廳，開業於工廠大廈內，地方相當闊落。臨近聖誕節，餐廳內部亦加入了很多應節裝飾。 每份晚餐均會送上一客餐湯，有雜菜湯及南瓜忌廉湯兩款選擇。兩款餐湯的口味都頗為傳統，雜菜湯的味道非常濃郁，調味亦相當重手。南瓜忌廉湯湯質厚密，重忌廉而輕南瓜味。隨餐湯送上的餐包，鬆軟感比預期佳，但建議先加熱才侍客。 餐廳內設有一個任食沙律吧，另加 $38 便可自助享用。沙律菜主要有兩款，另有預製沙律及其他菜蔬佐料選擇。老實說，沙律吧的吸引度不算太高。 三式芝士醬燒豬肋骨配薯角是一道值得推介的主菜，菜式份量十足，豬肋骨燒製得相當入味，口感鬆軟。坊間的豬肋骨，普遍配上燒烤醬。這客豬肋骨則多了一份新鮮感，以半融三式芝士作主要醬料，味道更可口。 另一主菜紐西蘭頂級西冷扒配薯菜，約五成熟度，切面呈酒紅色，並有少量肉汁溢出。論味道，西冷扒的肉香挺濃；論口感，則稍稍實了一點，但仍然在可接受範圍。與豬肋骨作比較，還是前者稍勝一籌。 筆者點了一杯檸檬蜜糖作餐飲，溫熱滋潤， 十分適合現時乍暖還寒的天氣。 以一間走大眾化路線的西餐廳來說，質素確

魔膳工房 觀塘開源道77號業發大廈一期2樓D室 和舊同事聚餐，在觀塘食西餐。觀塘現在多了很多食飯的地方，和悉日飯堂有天淵之別。 魔膳工房有幾魔？我們到的時候差不多已是8時了。 首先是入口樓梯，有一幅油畫在轉角處。表面上這幅畫很容易畫，細看也不簡單，顏色分佈那樣自然。每一點像我們每日遇見每一個人，串連起來就是人生了。或是這是每一個曾經到過的食客，成為了餐廳的常客？入口也設計得像什麼神秘花園。 我們各自叫了一客西冷牛扒餐，和黑松露扇貝意大利飯有菜湯及忌廉湯。 餐廳已有所有的聖誕裝飾了，連椅子也打扮成聖誕老人和馴鹿了。 餐廳幾大，可容納60-80人左右。中間位置是沙律Bar，每位另加38元。 麵包不好睇但好好食，連我這個平時不食麵包的人也成個食哂了。 Salad Bar 算多食物選擇的了。 牛扒是這樣上枱的，那個是針板嗎？Grill得賣相不錯吧，味道也可以，很有牛肉味！ 黑松露扇貝意大利飯味道也恰到好處。只是扇貝得一隻。上碟倒是很好看。 氣氛較我預期中好，想不到工廈也有小驚喜。 這晚我們食了500元，每人250，可以吧！

太快上主菜， 個湯未飲完就上， 重有都未食個自助沙律吧！ 不知道是否起趕收工。 d主菜凍曬， 當然不會好吃！個牛肉（西冷）個牛肉味不差的， 但咬唔開， 難食！而ribs ， 食的時候凍曬， 難食！比錢時比visa, 𨍭頭同我講張卡碌唔到。 我便致電 card center 查詢， 原來card center 通知我話剛剛有商户不停過數，受權了又除消多次。 所以block 咗我張卡！ 真的不知道這間鋪攪什麼。😡🙀🙀服務質素當然同出食物一樣， 趕住收工！ 所以如果八點後想食晚飯， 不要考慮此間！ 8點前應該好d呱！ 因為九點半之後， d員工不停好大聲收拾東西， 😡😡😡驚死你不知道十點三関門。 Ps 我們8點半落order, Order 了自助沙拉吧， 出了一次拿食物後。 同我們講沙拉吧供應時間到9點。 落單又唔講。 😡😡😡