魚眾不同酸菜魚 (馬鞍山中心)

营业中

休息中

馬鞍山新開張嘅酸菜魚，唔洗一定成班人食，因為有一人酸菜魚麵，一個人都食得。呢日特登去試吓新餐廳，店內座位不多，下午4點幾都滿座。一人餐，第一揀主菜，鱸魚/生魚/墨魚丸/肥牛等等，第二揀湯，第三揀配料兩樣，第四揀麵，飲品比錢加。另外有d小食可以叫下蕃茄鱸魚米線，配料金針菇馬鈴薯佢米線會另上，呢樣唔錯，避免太油，有時食薯粉同d湯一齊浸住會好油碗麵都幾大碗，都飽肚碗野份量都ok，蕃茄湯好飲，清晒，所以都好飽鱸魚幾乎係完全冇骨，而且魚肉好滑，亦唔會臭/有用粉拿過嘅味，而且魚肉份量都好多馬鈴薯係切片形式，好食，適合配麵食酸菜肥牛薯粉 配豆卜娃娃菜同樣薯粉係分開上揀左普通酸菜湯，唔辣的，要揀有川椒個d先會辣不過雖然已經揀咗唔辣嘅酸菜湯，希望食到酸d，但都係幾乎完全唔酸，以酸菜來講一般，冇乜特別，唔夠酸肥牛都正常質素幾好食豆卜娃娃菜就預咗會比較油叫左個小食，麻辣牛展本身想叫五香牛展點知冇得賣唯有叫麻辣牛展雖然塊牛展上面有好多辣籽，但估唔到食落唔太辣，亦唔麻，本人唔太食得辣都食到牛展少許乾，不過都還好，幾好食的凍檸茶，餐飲要加錢，本身冇包

住喺馬鞍山咁多年都知道馬鞍山係一個美食沙漠 ，不過最近喺馬鞍山廣場附近地舖開咗一間專係食酸菜魚嘅小店， 今次去咗試佢嘅 酸菜魚 米線， 佢有好多款湯底選擇， 我就選擇咗佢嘅青花椒酸菜湯， 另一碗揀咗檸檬酸菜湯， 跟住佢叫咗爐魚同埋墨魚片。 佢嘅鱸魚都幾滑，不過略嫌有啲碎唔夠完整，墨魚片就幾彈牙口感幾好， 至於佢個湯底我比較喜歡青花椒酸菜湯 ，個味道幾好同埋有胡椒嘅香氣，另一碗檸檬酸菜湯就真係比較酸。 至於佢碗米線係另上，可能唔想浸淋佢掛，但係本身米線嘅質感都偏淋。

開業兩個幾月今次已經係第三次幫襯未夠七點鐘入面都坐滿人要等六七張枱就連買外賣既人都絡繹不絕 好好生意鬼咩 難得係美食沙漠有新選擇————————————————-青花椒酸菜魚 （$69）揀左生魚片生魚片既肉質依然非常嫩滑喺獨份量偏少 每次都係得五六片 唔夠喉另外嗌左蘿蔔海帶海帶係幼條長身 口感唔錯蘿蔔就正常表現薯粉一碗份量足 夠飽肚面頭擺左啲辣椒 酸菜 葱花等香料湯底香濃帶點花椒既辛麻味 酸辣適中 不過得第一次食係有埋啲一棵棵既青花椒係入面另外唔知係咪有食客反映過太辣覺得第二三次食落個湯底都無之前咁辣招牌臘味煲仔飯 （$62）雖然佢主打食酸菜魚不過第一次幫襯老闆已經落力推介煲仔飯今次黎一於留個quota試下米飯乾身 粒粒分明食到最後仲有飯焦 不過唔算好脆有臘腸 臘肉 同潤腸略嫌切得太薄 同埋配料本身太乾瘦惹味都惹味既 但酸菜魚比較出色————————————————————-總括黎講價錢合理 食物質素同種類算係沙漠中既一點綠洲會再黎幫襯

點了外賣，蕃茄不辣湯底，龍脷柳，配蘿蔔，薯仔。一開盒就飄散好香既味，聞落已經正，蕃茄湯算濃，有大約一大舊蕃茄，蘿蔔一塊塊薄片，有點細，但夠淋，但就冇乜味，龍脷柳冇骨，都幾多下，都有丁點雪藏味，比較差係啲薯仔，其實係薯片，大大塊薄身，不夠淋，也沒有薯味，如果用返一舊舊可能好啲。米線比較硬身，如果有多啲麵條選擇便好了

行過馬馬鞍山中心，見到這間店正在試業，並有少量位，即刻入嚟試吓。其裝修簡單得嚟帶有海洋色彩，感覺舒服。因為客滿，不方便影相，只稍影天花等大家可以有少少感覺。餐牌封面設計特別，以食魚為主打，尤其是近來甚流行的酸菜魚。魚眾不同的特色是可自選湯底，魚的種類，以及飯丶薯粉或米線，價錢由$58起。除咗魚，它還有其他選擇，如鷄丶肥牛丶墨魚片，都算多選擇。我揀了生魚片，老壇酸菜湯底，而贈送的伴菜揀了大豆芽及豆卜，另外加$7要了罐冰凍可樂，既可解辣，也可回氣。飯丶米線是分開上，你可逐少加入湯底或一次過加，較有彈性。我先試湯底，酸辣味足，雖然標榜上是小辣，對我而言是大辣。它的魚片及伴菜都好足，魚亦新鮮，十分滑溜，浸過酸辣湯，又是另一味道。由於它加了蒜蓉，豆卜吸滿湯，咬落香口好味。😋😋😋米線上枱時賣相，有點黏。放入湯內后，熱力使佢散開，食落米線軟硬度適中，有咬勁。連埋餸及湯一齊食，好好味！以這個價錢，魚衆不同絕對是酸菜魚的好選擇。👍🏻👍🏻👍🏻

一向都好鍾意食 #酸菜魚去到馬鞍山附近我都要去搵下我嘅心頭號酸菜魚俾我發現一間位於地舖新開張的「 #魚眾不同酸菜魚 」 鍾意酸菜魚有一人份系列好彩啱啱有兩個位即刻入去試吓先🤤⊰⊹════════════════⊹⊱✎ 食後感 ：✨💛「 #口水雞 」麻辣汁配以粒粒花生嘅醬汁令雞件更入味更嫩滑夾一件已經見到厚厚的雞件肉質都頗為鮮嫩🤎「 #麻辣牛脷 」切成薄薄細件的牛脷口感都比較軟口而且牛味濃郁呢💛「 #老壇酸菜生魚片 」重頭戲就是黃金色的酸菜魚我哋兩個人都可以分別叫唔同口味嘅酸菜魚大家開心share食今次我就揀咗 特選生魚片 🐟嘅酸菜魚先飲一啖酸菜魚湯味道很濃郁哦還有魚的份量剛好是一人份量食落去竟然冇乜骨重點係魚肉質感滑溜好新鮮一啲都唔腥㗎除此之外仲可以自由選擇兩款配菜我就揀咗手打薯粉、娃娃菜等配料鍾意佢哋可以索哂湯底嘅精華味道另外都可以揀白飯湯底用嚟撈飯一樣咁好食💚「 #凍鹹檸七 」最後飲埋杯餐飲鹹檸七簡直就滿足晒好食到捧住個肚出門口呢有水準的酸菜魚下次一定會encore再試！

一個人都可以嘆既酸菜魚🐟愈來愈hit食酸菜魚，但係有時自己一個人食又冇理由叫到一大盤，之前去過總店食，後來知道係附近都開左新店，口味同辣度都可以自己跟返個人口味揀晒，就算同老公一齊去都可以各有各口味🤗🤗見佢好多款湯底，但我地梗係試佢出名果幾款先啦！🐟老壇酸菜魚套餐：傳統嘅老壇酸菜魚風味，辣度老公選係小辣，小辣就好隨和，個個都可以食！佢嘅魚片都都滑身，如果一人份量來講啲湯都算多！仲可以係配白飯、米線或者紅薯粉去食，咁我地就叫白飯！🐟金湯酸菜魚套餐：我聽到金湯，估佢呢個湯底較濃，點知黎到真係，佢用濃湯製成既湯底再配上酸菜，湯色係金黃，要讚下佢啲酸菜都爽身唔會好淋，而相對呢個就算係小辣，啲辣味溫和啲！呢個我地就叫左薯粉！其實佢仲有小食，例如口水雞、拍青瓜，我哋下次再試試先！

可能馬鞍山真的是美食荒漠，新開一間普通食酸菜魚嘅餐廳冇幾耐之後就開始排長龍。姑且唔講呢間嘢味道如何，多人排隊其實係過關既。但呢間嘢嘅出餐速度同服務質素認真麻麻。出面一堆人排隊已經唔係一日半日嘅事，隔離壽司店無咁好生意都識得放幾張凳仔俾客人喺外邊坐，而呢間酸菜魚懶理你喺出邊企住等幾耐，曬到變hot dog佢都唔理你。堂食等唔到，唯有外賣自取。講起上黎呢間嘢喺某d開頭外賣app竟然不能線上落單線下自取，外賣收貴幾十蚊。落鋪頭食又要焗住等，本身講好打包拎走大概十五分鐘，最後等左差唔多一粒鐘先出餐。問服務員遮遮仲有幾耐，直頭唔睬你。仲有我想講嘅係，你明知出面咁多人企住等，餐廳就應該另設一個用餐區域just for stuff。見到終於有張枱空左，以為終於到自己，點知道服務員姐姐施施然走到空的桌子上開始食飯，你冧下咩感受。今次幫襯真係勁嬲，無下次。

話說每次搭車經過落出去都見到呢間野都有一堆人響門口..原來係新開冇耐食酸菜魚既餐廳。今晚有晚餐決定外賣回家一試…打去叫定，過程等左20分鐘左右..叫左個一人酸菜魚套餐揀左- 鱸魚 湯底係推介既青花椒酸菜湯底有一隻半嘅辣椒logo打開已經聞到好香酸菜同滕椒嘅味道..試飲一啖湯..辣度又覺得未至於有一隻半辣椒.一開始食都唔覺得好咸..最後愈食愈咸魚塊都算好多..不停咁夾都仲有..夠滑..但魚塊有骨..食用時要小心豆卜一開始未浸得太耐都覺得好正..最後浸耐左..愈黎愈咸咸到食唔到🥲個配料豆卜同埋蘆筍最後都比我放棄咗…

魚眾不同酸菜魚最新分店係馬鞍山中心開張，而家處於試業狀態，但依然客似雲來。我印象中美食沙漠一路都無呢類鋪頭，馬鞍山終於有酸菜魚食，作為酸菜魚愛好人士，新鋪開張當然要試一試👍新鋪開張裝修當然新淨企理，門口全玻璃採光度十足，加上店內燈光充足，配上牆身柔和用色，色彩十足石地板，整間餐廳感覺時尚。座位都尚算鬆動，唔會同隔離枱膊頭撞膞頭👍🌟　老壇酸菜湯 配 鱸魚、豆腐皮、蘿蔔、薯粉 $ 75新鮮鱸魚配上老壇酸菜湯實屬經典之作，湯底呈黃綠色，味道酸辣適中，配上大量香料，香氣四溢。鱸魚顏色雪白，厚薄適中，肉質軟滑，魚味十足。魚肉去骨食得舒服過癮，配料豆腐皮、蘿蔔、薯粉吸收湯底既精華，唔錯👍 🌟　青花椒酸菜湯 配 墨魚、豆腐、豆卜、薯粉 $ 85青花椒酸菜湯相對之下味道較辣，湯底同樣配上大量香料，飲落更加惹味。墨魚片味道濃厚，肉質爽滑彈牙。豆腐、豆卜索湯一流，配埋酸菜一齊食夠哂滋味👍

馬鞍山近期開多左新餐廳，呢到終於有酸菜魚喇👍🏻👍🏻lunch 時間比較多人，要食好嘢要早d 到呀🤗❤️青花椒酸菜魚米線配蘿蔔，萵筍湯餸同米線分開上，禁啲米線就晤會索晒啲湯喇👍🏻蘿蔔入味👍🏻❤️酸菜魚米線配木耳，金針菇原來酸菜魚配金針菇係好好好夾架，吸晒湯嘅精華，湯底擇左老壇酸菜，呢到嘅湯好特別，加左小小蒜泥，鐘意重口味嘅，必試！魚眾不同酸菜魚 (馬鞍山)馬鞍山鞍駿街1號馬鞍山中心地下A03號舖

馬鞍山又有好西🤟🏻🥰這間酸菜魚的味道是在香港吃過最接近深圳！平時吃酸菜魚經常要湊齊三五知己，但這裡有提供一人份量，獨食無難度🤓👉🏻食物: 4.5/5今次和朋友一人點一款單人套餐，由湯底、魚的種類、配料及主食都可自選😄 ▪️老壇酸菜湯生魚片超級喜愛這款湯底😋咸度、酸度適中，撈薯粉一流🤩特別一讚薯粉非常掛湯、而且軟硬適中👍🏻生魚片超級滑，份量極多，完全吃不完😅▪️青花椒酸菜湯鱸魚片喜愛麻味的朋友可點這款！鱸魚片較生魚片肉厚，魚味更濃，肉質更合我口味😋我和朋友吃完都說這間絕對值得回訪！😎

美食沙漠又開咗新嘢啦！平時都好少會行去呢個位，所以對唔熟馬鞍山嘅人可能會有啲難搵，我哋一行三人，大約7:00到，裡面已經坐滿人，3人枱等嘅時間比較耐，等左七、八個字先入到去，2人枱會快啲，店舖唔算大，坐位還好我哋3個都揀咗鱸魚片，湯方面，一款係老壇酸菜魚（1條辣椒🌶️），另一款係青花椒酸菜魚（2條辣椒🌶️🌶），重有係蕃茄魚湯，原因係因為佢哋都有「👍🏻」🤣餸方面叫咗萵荀、海帶、薯仔、金菇、黑木耳，配咗飯同薯粉基本上兩款酸菜魚嘅辣度係一樣，味道不錯，係會愈食愈辣，對於食開BB辣嘅我哋，應該要叫凍飲😂但我哋係養生女孩s要攤凍啲熱飲😅😅😅鱸魚好味，無骨，夠滑，入味但啲配餸就….有啲怪味只可以話唔係我哋平時食開嘅味道除咗萵荀同薯仔之外都麻麻地…薯粉煙煙銀銀幾好食，白飯唔知係咪有心煮得無咁軟，可以撈飯食又唔會太淋👍🏻如果係的話值得一讚每人$75 飲品加$7（不用加一）份量係夠的，但呢個價錢，呢個質素係有少貴，可能因為我哋之前睇咗元朗餐牌係$5X-6X左右🙈

馬鞍山中心魚眾不同新鋪，人手比較亂，等位15分鐘左右裡面座位唔多，坐低職員已提醒今日多單（目測外賣單比堂食更多），要等得耐，不過無所謂，鋪頭冷氣足都坐得舒服，等咗30-35分鐘有得食，我要咗個唔辣嘅酸菜鱸魚，老公要個辣嘅，結果辣嘅真係好辣，對我哋最致命嘅係湯底薑味好重，我哋唔鍾意薑味，我知道薑味去腥，但外面食咁多酸菜魚好少咁重手。仲有可能好多單（外賣）, 魚⻣唔係去得好仔細，有骨。酸菜就好夠，仲有大大舊。只係因為薑味唔啱我哋，冇下次。

我同朋友都係酸菜魚嘅頭號粉絲，近日「魚眾不同」於九龍、新界四處插旗，開咗好多分店，一直都好想試，今日終於嚟到馬鞍山店一試究竟。▪️◾️◼️🐠 一人份系列🐠◼️◾️▪️⋄🐟老壇酸菜鱸魚薯粉（$75）配黑木耳、腐皮⋄🫑青花椒酸菜生魚片薯粉（$69）配豆卜、生菜加鴨血（+20）我同朋友特意選擇唔同湯底，互相交換試吓，朋友點的是「老壇酸菜湯」，而我的是「青花椒酸菜湯」。兩碗同樣酸香麻辣，湯底極濃郁，而我的更多了青花椒香味，層次更豐富，真係好好味。鱸魚片肉質鮮嫩好吃，沒有魚腥味，亦都冇魚骨，水準唔錯。除咗鱸魚片之外，另外亦可選擇：生魚片、山城毛血旺、龍利柳，墨魚片、精選肥牛等等。主食方面，我哋揀咗薯粉，佢會分開碗上，口感煙煙韌韌。另外亦可選絲苗白飯，或軟滑米線。⋄🍋凍鹹檸七（+$12）🧊凍西洋菜蜜（+$12）