魚鈁 (汝州街) (已結業)

疫情期間要打邊爐好難，仲要晏晝…但呢間野唔只有魚，仲有雞煲，可以另外再order餸😁日頭去其實都有午餐4x一碟，份量都唔細，而我就嗌左半隻雞小辣，入面d料都幾足🤤除咗必然既雞同香料仲有豆卜等，都唔會覺得太搵笨😛但更誇張既係另外order餸，無影到相但份量真係唔少，真係估佢唔到，搞到最後都食唔哂要煮完打包🤣🤣

真係好食到想喊嘅水煮魚！🐟大家都在家抗疫期間，只好叫外賣（熊貓嗰間）。第一次幫襯呢間餐廳，熊貓個外賣Menu都好多選擇，讓我有抉擇困難症嘅人揀咗好耐，但是，結果是非常完美的！第一，水煮魚我揀咗桂花魚，原條魚上（有頭有尾）。魚肉超滑，魚起了骨，沒有碎骨！夠香夠辣夠麻，飲了啖湯不太鹹。點解我話好食到想喊，因為連外賣都可以食得出，唔單止好味，仲要食得出廚師👨‍🍳有好比心機煮！真係好好味呀！（仲有，大豆芽和薯粉份量都好generous, 不像其他水煮魚餐廳，連大豆芽和薯粉都慳）第二，麻辣魚春煲。好食到無言！我建議食之前可以將啲魚春浸一浸落啲辣油/湯。由於啲魚春係有炸過，加上魚春本身係凹凸不平，超級掛湯。好食！第三，麻辣青瓜。不太辣，食水煮魚必備（解辣）一定會再次幫襯！ 廚師，請繼續保持水準！👏🏼👏🏼👏🏼👏🏼👏🏼👏🏼（由於係嗌熊貓外賣，冇得當面在餐廳讚賞食物，結果我忍唔住打了個電話去餐廳同佢哋講話佢哋廚師煮嘢食真係好好味呀！😋😋😋）

#黃藍是政見好食是良知 <難得有黃既四川野>😍🌶️呢間魚鈁 係筲箕灣魚鍋小甜甜既分店 難得有黃既川菜甘係要試下既 餐廳 主要用鍋物 再加川小菜 整體 食物中上 而且價錢平 鍾意食辣既朋友值印一試👍🏻🍴酸菜魚 🐟酸菜魚一上枱用電滋爐熱住 我同朋友揀左鯰魚 魚肉厚身少骨 魚肉夠甜同滑 魚湯好鮮甜 就甘飲埋都 ok 👍🏻有葱花芽菜調味已好正🌿 仲可以用點打邊爐料一齊煲 金菇爽口夠吸汁 再加左個新鮮既通菜都唔分唔錯👍🏻🍴夫妻肺片🐷呢味夫妻肺片主要用牛內臟整成 牛肚 即係金錢肚 佢切得薄身 夠爽口 牛脷充滿住蒜香辣味 凍得黎夠煙靭 都十分唔錯 佢整體 係蒜味多 d唔算太辣 以前菜黎講都算幾開愚 濃味適中🐮🍴口水雞例牌例牌其實都唔細 雞肉係凍食 佢既辣醬汁密度偏高 帶 d沙沙既口感 雞皮算爽 雞肉夠彈牙🐤🌶️ 有 d芝麻花生粒增加口感 底層既青瓜都夠新鮮爽口🥒🍴皮蛋豆腐🥚凍食既皮蛋豆腐 皮蛋夠香 豆腐應該用左百福豆腐 夠哂香滑而且唔易爛 佢既醬汁底甜咸味適中 係一個唔錯既餐前小食 👍🏻🍴水煮牛肉🐮🌶️細 size都好大碟 牛肉用左滑牛 肉味正常 口感比較彈牙 入面既雞脾菇 好爽口入味

呢個時勢要食川菜真係一件好難抉擇嘅事，好彩係網上發現左呢間可以食嘅川菜。地點：位於深水埗，係西九龍中心嘅對面，坐巴士地鐵都好容易搵到。佢唔係地舖尼嘅，但地面門口有擺水牌，沿住上樓梯就到。環境：一般小菜館嘅格局，普通嘅裝修。面積都算大，枱同枱之間唔會排到好密，以大枱為主，所以都坐得幾舒服。食物質素：酸菜桂花魚 (小鍋 $218)佢提供各種魚鍋，例如酸菜魚，水煮魚，靑椒魚....而唔同嘅魚係唔同價錢，任君選擇。我地想食好啲，所以就揀左酸菜桂花魚另外都可以選擇辣度，我只有bb辣嘅level，所以要屈就好識食得辣嘅同行朋友陪我食小辣。佢嘅魚鍋係有電磁爐一路熱住，一路滾一路飄住酸菜同辣嘅香氣。係其他餐廳叫小辣，通常一係接近唔辣，又或者小辣依然辣到要狂飲野。而呢度嘅小辣對於我尼講係啱啱好，有辣嘅香同味，但又未至於食一兩啖就好想飲野，食得好舒服。桂花魚都相當唔錯，肉質結實又滑口，應該係用新鮮嘅桂花魚。酸菜芽菜開胃又惹味，美中不足唔包薯粉或者粉絲呢啲索湯嘅野而我地唔知可以叫🤦🏻‍♀️🤦🏻‍♀️🤦🏻‍♀️剁椒焗蜆呢個係好好食，一上枱已經好香。佢係無得揀辣度，但都係比酸菜魚辣啲，而且仲食到蜆嘅鮮甜味。啲蜆新鮮無

呢間係筲箕灣東大街魚鍋小甜甜嘅姊妹店，最出名嘅麻辣魚春魚卜煲 真心好香口、好好食，送啤酒一流。反而個酸菜魚同水煮魚 有啲唔夠重口味，偏向打邊爐嘅湯底，下次試吓個雞煲先！⁣This local restaurant specializes in spicy fish hot pot. The spicy fish maw and roe pot is super flavourful - perfect to eat it with a cold beer!⁣

想食酸菜魚，但係食過好多間都麻麻地，加上又唔平。咁就上網睇下邊度好推介，Search到屋企附近有一間，就go ahead啦。個menu超多野揀，有辣有唔辣，小菜雞煲打邊爐乜都有，揀都花左好多時間，所以老闆會親自介紹下有咩推介食物。泡椒雞腳好野味，唔會太辣，少辣左右，好開胃嘅前菜。酸菜桂花魚小鍋$218桂花魚係煎香左再煲過，過程係一路食一路熱住佢，所以唔駛怕會凍左唔好食。魚肉切得好，所以食落口都好滑，冇乜骨，份量都幾多。配菜有蘑菇同芽菜，仲有酸菜同少少蘿蔔。麻辣田雞煲 $96田雞份量唔少，少辣我接受到，有個野熱住佢，好味。唔記得咩西檸沙冰，超大杯，飲唔晒老公叫嘅沙冰，我又唔記得左我覺得野食好味，真材實材，見依家都要排隊食飯，而且滿晒座就知好野。因為依個舖位成日轉，之前個d都未食過就好快轉手，所以都希望依間可以長做長有。

食物整得好有心機，店員好好人，有主動介紹食物。午餐炸髀碟頭飯同酸辣粉條都高質。有好多好多野食，可以慢慢試。飲品試了紅豆沙冰，不錯!熱咖啡都有一定質素。走時知道現在外賣還有9折。

九龍深水埗區的1間上樓店舖 地點十分適中 離深水埗地鐵站只係差不多5分鐘路程上一層樓梯 該店內大約有100個座位有卡位 多人亦有圓枱 可坐十二人樓底亦十分高 有3至4米座位闊落 就算好多人在店內說話亦唔會太嘈環境整潔 裝修清雅每日午餐有5個選擇包括餐湯及飲品今次要菜甫涼瓜煎蛋飯上菜時至知分開上同晚市菜式完全無分別簡單3樣材料 味道唔錯甚至送的例湯亦唔覺有味精整個套餐45蚊雖然未至最平但價錢對返環境及食物質素完全係祗食 可以再來

約朋友食飯最中意試未食過嘅餐廳第一次去食，試左雞煲，原味蜆，蒜蓉豆苗，椒塩豆腐全部都好好食呀～ 而且好快就上到檯有得食～ 唔會要人捱肚餓然後約屋企人再去食過～因為見到有魚春食 （好想試）今次叫左冬季限定，魚頭羊腩煲～個魚頭勁大個～ 羊腩又夠林～仲好足料～ 要有嘅配料全部都有～支竹，馬蹄，冬菇，冬筍👍🏻👍🏻再叫左薑蔥魚春魚卜～ 好入味～同埋上次有叫嘅原味焗蜆，今次都有叫都係一樣咁好食，但今次d蜆就多左d沙仲叫左個韮菜雞紅（因為無鵝紅）其實本身都好夠味，不過我地將佢放埋入個羊腩煲，仲正～總結：野食好食，service都好，d哥哥keep住有幫手睇住個爐同埋會收碟而且好好禮貌～ 所以一定會再幫襯～👏🏻👏🏻

第一次去，座位寬敞，店員有禮貌。食左麻辣雞煲，選左正常辣。個人覺得正常辣係唔多辣既，鍾意食辣就記得加辣😂！店員好細心會間唔時過黎睇下我地個火，雞煲足料又有豆卜又有菇，好喏送飯。之後加左本地牛肉同金菇打左個邊爐仔，正！另外叫左啲小餸。皮蛋豆腐好味！三寶（鵝血，魚蛋，蘿蔔），呢個我覺得一般，魚蛋太實，唔似手打。上湯小雲吞同上湯豆苖正常。再叫左個青檸冰，好大杯，配雞煲一流！埋單每人二百頭，又幾抵食喎！😊

今日一行四人去左食雞煲老闆同員工的態度好友善，不過人手唔夠，所以野食要等耐小小😣好彩食物質素不錯，同埋好抵食我地今次叫左重慶雞煲BB辣😝開頭都好擔心自己食唔到，點知佢隻辣係好易入口，而且睇得出d雞係有調味過，唔似其他店咁就咁煮d汁，十分有誠意🤗，然後我地叫左好多配菜for打邊爐！火鍋配料雖然普通，但都算抵食，例如丸類一碟有成十幾粒，男士絕對夠飽！熟食方面，我地叫左椒鹽豆腐粒😛本來我地都冇諗住叫嘅，但店主推薦，加上見到每桌都有一碟，即叫😍嘩！呢款絕對值得一試💜外脆內軟😍豆腐味濃同埋好滑💜下次一定會再叫💜總括而言，呢間小店比大型連鎖火鍋店更有誠意💜

乜嘢叫做好食呢？好食嘅嘢就係食落去你會覺得齒頰留香食完之後你會覺得有無限滿足嘅感覺， 你完全唔會覺得 食咗好邪惡嘅嘢！ 因為佢實在整得太好食！食完之後你會覺得飽，但係你唔會覺得滯到第日唔想返單畀咗45蚊之後， 你仍然會覺得 有料老火湯、 有足料餐茶、 一碟小菜午飯， 係非常超值！因為太好食， 你開始會想發掘 仲有乜嘢好味嘅 小菜午飯！你開始好擔心呢間舖頭唔係好起眼，唔係好多顧客， 會唔會食完呢兩餐， 遲啲佢會執笠冇得食呢？但係又會擔心 sell畀大家， sell去群組， 又會驚第日旺得滯， 導致成日冇位冇啖好食🤣一個奄尖為食人就係有呢啲咁複雜嘅矛盾! 因為能發掘到好食嘅一餐， 能夠令自己心情舒暢和快樂！所以今日午飯， 我繼續食魚鈁「 梅菜扣肉飯」😋 繼續引誘大家！

今天跟好友相約在深水埗晚飯，朋友找了這間吃雞煲魚煲的，因為有一段時間沒見，所以想找間可以坐得耐點的餐廳慢慢吃慢慢聊，雞煲火鍋的確是個不錯的選擇。我們點了一份重慶雞煲，因為朋友不吃到太辣，所以點了小小辣。雞煲有分大及小鍋，我們3人叫小鍋便夠，之後可再點配料作火鍋。雞煲來了，作為只是“雞煲”的味是對的，但如果是“重慶雞煲”就有點落差，因為沒有花椒八角，所以不是那種麻辣雞煲的味道，再加上迎合友人的小小辣，所以都真是少了點風味。雖然不是預期中的味道，但味道還是可以的，喜歡它裡面有豆卜及一些菇類。只是雞件比較細件，有點可惜。火鍋配料我們都是選了一些吸湯汁的菜，蘿白，枝竹及芋絲。友人見有魚卜，所以也有點了。店內的員工很好，提醒我們魚卜打邊爐會很腥，建議將魚卜轉為小菜（可薑蔥炒或麻辣炒），最後我們點了薑蔥的。這真的絕對不後悔，因為用煲上，所以熱騰騰的上枱，還可以聽到滋滋聲。然後便已經一陣薑蔥味撲鼻，非常香，魚卜在口內咬時，先是黏黏的，然後帶點煙韌及爽脆，加蔥一起吃更香。口感及味道都非常好，也很惹味。店員說麻辣炒會是更好吃，我是明白的！如果可以，我還是會選辣。今次吃不到，那就留下次試吧！這店的小菜應該

朋友生日，揀咗魚鈁，位置方便，係正西九對面，好易搵！提前有bk，但去到都等咗陣，唔緊要，多人幫襯先代表佢好食！🤤鋪頭都頗大，裝修簡單，樓底高嘅原因，好闊落，坐得好舒服！雖則話就話主打四川嘢，但其實好多嘢有得揀辣度之餘，仲有得揀薑蔥，都幾體貼，唔食得辣都可以放心食！酸菜桂花魚：真心岀色，飲咗兩大碗湯，魚都好新鮮，基本上冇曬骨，啖啖肉！豆腐粒：炸到勁鬆脆，好味！雞血：認真，冇食過雞血，估唔到又幾好味喎，同豬紅有d似！薑蔥魚春魚卜：戲肉黎啦，平時都唔食魚卜，但見係招牌即管叫黎試吓，有驚艷到！完全唔腥，走完油魚春好香，包住d魚卜，真心好好食！椒鹽白鱔：白鱔好新鮮，椒鹽又增加咗香味，一流！總括黎講，又係勁滿足一餐，好食，坐得舒服，服務好好，有咩理由唔幫襯！

放工同一大班朋友聚餐, 朋友介紹話新開張, 可能新鋪比較少人, 一入到去便有枱, 老闆娘多了張大枱給我。一坐下, 先點野飲, 首推雪山波羅冰, 對於長期邊吹水, 邊食火鍋必備, 夠曬大杯加解喝。由於早到, 例行襯朋友未到, 先點少食, 點了椒鹽雞翼尖, 椒鹽豆腐, 另加清炒鍋筍絲, 前菜已經好好。到主菜, 喜愛麻辢但食唔到超辢的我, 麻辣魚春拼魚鰾呢款首推, 8人好味到前後叫了3次, 另外, 點了好多個煲, 麻辡雞煲都, 蕃茄魚湯煲都是我的最愛。另外焗蜆都好正, 平時我運氣麻麻, 去親邊度食蜆都有沙, 這次沒有沙, GOOOD; 炒大腸亦很野味;邊吹水, 邊食野, 一樂也。