魯一居利寶閣宴會廳 (已結業)

生日飯with 屋企人megabox嘗嘗魯菜@魯一居見佢靚靚地就試下點知就食到一肚氣因那些服務態度真的差到不可再差..........那個服務生A 除了講"唔好意思" 咩都唔識那個服務生B 為左費事煩(因為我地追單) 而唔入黎那個服務生C 以為自己好勁"點解隻山東燒雞會凍?! 因為佢係冷盤咪凍law!!!"那個冷盤海哲頭俾甜品高力豆沙仲要遲到一d都唔平一d都唔山東可能我唔識野唔知道山東菜有高力豆沙同小籠飽但係我諗山東菜應該真係冇北京填鴨

同朋友兩個大鄉里專登0黎MegaBox 食dinner, 行了一圈發覺好似無乜0野特別吸引, 結果0黎了呢度. 見佢個名叫"Star of Shandong", 一心諗住有山東菜食, 點知0係menu 上搵極都搵唔到狗不理包子或燒羊排之類0既食物, 反而有港式京川滬菜館常見0既擔擔麵, 鎮江肴肉, 醉雞等等... 咁唯有當佢係京川滬菜館咁0黎叫0野食啦.- 淆肉(圖左上): 好冰凍... 整體唔夠肉味, "0者喱" 部分直程無乜味, 非常麻麻.- 小籠包一客6 隻(圖左下): 呢個唔錯, 皮薄餡靚, 一咬好多湯汁, 如果再熱d 仲好食.- 蔥油乾撈麵(圖右上): 呢個好好食, 蔥油好香, 麵條彈牙!- 高力豆沙香蕉(圖右下): 呢個一般, 用糖霜唔用砂糖, 感覺可能會無咁漏, 但其實味道仲甜, 而且甜得0黎好「鬼祟」(道理同砂糖vs 「Eq*al」牌代糖0既比較差不多), 感覺幾差. 幾夠fluffy, 豆沙唔會太甜, 不過香蕉竟然無香蕉0既香同甜味, 唔多ok.環境好"fusion" feel, 坐得都幾舒服; service 其實唔差, 不過落單女店員衰多口問了一句"所有菜一齊

星期日同我男朋友一家人去MEGA BOX 既魯一居~因為我男朋友一家都好鐘意食小籠包~ 之前睇報章雜誌既評價都唔錯~ 所以決定去試下~~因為係星期日所以預先BOOK定枱同BOOK定炒肉拉皮(睇書話好特別,一定要試下)~ 好彩有BOOK枱,星期日果然好多人~ 我地叫咗小籠包,窩貼,炒肉拉皮,宮爆明蝦球,北京填鴨二食,盤絲餅~ 小籠包真係超正! 皮簿~ 肉汁多~ 但唔會流汁~ 真係100分~窩貼~ 都好好味~宮爆明蝦球係我覺得最值得推介~ 我食咁多宮爆明蝦球,魯一居真係數一數二~ 正!!!炒肉拉皮~ 刀法一流好特別~ 好味~北京填鴨二食~ 北京填鴨起片~ 多汁~ 好味~ 個鴨殼整湯好鮮味~盤絲餅~ 好特別~ 出面好少地方可以食到~ 食完今餐真係好滿足~ 可惜今次太少人...好多野好似好好味都食唔到~ 個個都好飽~ 未離開餐廳已經打算約定朋友8月尾再食過~ HEHE~

一行大小12人, 上菜速度奇快,嫩雞煨面....普通宮保蝦......普通[煻醋魚......鮮橙色的強力膠獻汁火腿津白....很小,味道普通魚餃........無特別黃爪餃......無特別窩貼........周街都有沙窩雲吞雞..普通etcoverall毫無特別, 好似食京川戶菜一樣,質數同一般酒樓無分別, 睇見d"無敵獻"就覺得d野好cheap還見到拉面師傅拿面粉來玩...就知d間野有幾好.我唔會再去, 熱潮過後等執笠!!!

今日同全家人食飯, 一早預定左一間房, 間房好有中國風... 仲一早預訂左炒肉拉皮(個經理話一日只做6份, 因為刀功太多, 做一份要切好耐, 睇下圖就知點解...), 見到個賣相已經好想食, 之後個侍應就囉左出來撈醬料, 一人一碗, 原來係一個冷盤, 食落有d麻醬味, 少少酸味... 幾得意.食呢個(食送)之前, 我地先食左6個小冷盤, 我最鍾意芝麻西芹絲, 我平時唔多鍾意食西芹, 估唔到西芹凍食咁好味. 之後, 我地仲食左宮爆蝦, 皮翠肉滑... 少少酸, 少少甜, 少少辣... 好味見到個湯時, 已為係豆付湯... 點都估唔到係雞肉磨成泥... 好清好香既雞湯.一條桂魚整成一塊塊, 入面夾左d野... 好似係肉(唔係好知係乜)... 比平時食既魚特別, 可能係我自己鍾意食有味既野, 所以覺得比蒸魚好味.炸雞, 呢個(食送)我下次一定唔會食, 因為得皮香, 肉唔滑, 冇肉汁.之後食左三樣水餃, 魚, 羊肉, 青瓜, 隻隻都ok... 雖然好飽, 都食晒三隻水餃.甜品係盤絲餅, 個師傅好叻, 個餅好似一絛絛絲咁幼... 最值得一讚0既, 係西瓜, 甜到好似打針瓜, 哈!!! 一問原來係

megabox 開o左唔太耐,而呢間o野已經食過兩次,頭一次係假日無恆生卡優惠,最近一次已經再無優惠,第一次食可能好餓,叫o左好多點心,咩鍋貼,魚餃,生煎包等等,本身我好鍾意食水煮牛肉,加埋一個牛肉麵,一個山東大鹵麵, 同埋一個豆沙鍋餅, 三個人食!點心真係好正, 樣樣都物有所值,幾十蚊真係唔貴!水煮牛肉不知所謂, 一o的都唔麻,見到個樣都唔多對路,再食埋就直頭唔對路, 同國內求其一間川菜比都差十倍八倍, 雖然香港無咩食到好o既水煮牛肉, 但呢度連花椒川椒都只落少少,油又唔夠多,辣就真係一般辣, 唔知係咪為o左就返香港人怕肥怕辣喇!我估貴好多o既水煮魚都唔好得去邊! 睇返之前有位網友話好食, 我諗大家自己試o下至知!山東大鹵麵個麵係幾好食, 但係d 料同湯就一般啦,牛肉麵都係一樣, 淡淡的, 大可以試o下淨麵!豆沙鍋餅同點心一樣, 好得!第二次食, 食o左個小食o既雞,唔記得係怪味雞等口水雞,普普通通.再試麵, 今次叫o左應該會濃o的o既紅油牛肉麵,都係唔濃, 紅油唔香, 牛肉, 其實係牛展, 都可以啦, 但都係麵最好食!炒菜就一般酒樓水準, 但係成四十蚊!又係叫o左幾樣點心, 都依然

今日我地5個人去左呢間餐廳食飯，下晝驚佢多人要等位，所以一早book左，去到見到都仲有好多枱剩，呂知點解咁既呢，之前都見人話要等位，我都只係食7:30者...到8:00都未full,心裡有d開始驚呢間野既質素。正當之際，我地為左等兩個同事，所以預先叫了幾樣小食，一食個素鵝，發現真係好香，真係好好食，之後個小籠包都真係唔錯..多汁，不過大部份menu既野都真係好似食緊上海菜。不過有驚喜既係黃金大蝦球，雖然係到食好似怪左d,不過味道同爽口度都幾好..仲叫左醬肉炒飯, 雞豆花, 棒棒雞, 生煎包等等....之後個waitress 仲走黎問個雞豆花好唔好食...嘻嘻...其實我覺得一般者....

慶祝父親生日, 昨夜舉家試試這山東菜。家父對中國各大名菜素有認識, 亦曾在山東吃過地道山東菜。他的第一個評語就是那根本不是山東菜, 似港式fusion多點。打開菜牌我也嚇了一點, 很多食物和上海菜一樣的。小籠飽、銀絲卷、膳糊、嫰雞煨麵、生煎包...如果吃這些東西又好像去翡翠或者南翔更適合。anyway, 昨晚點了:小籠飽: 皮算薄, 有肉汁, ok生煎包: 包鬆軟好味, 但真的很"的骰"蒸肉餃: 勁多汁, 但肉唔多, 中規中矩啦銀絲卷: 呢個真係要讚, 裏面o既麵飽條仲係一條條o架, 真係做到銀絲卷o既精髓!鱔糊: 普道, 味道尚可, 又係衰細碟囉奶油津白: 味偏淡, 帶唔出奶油香風沙雞: 皮脆肉嫰, 食落鮮味多汁, 唔錯!金銀瑤柱炒飯: 偏乾身, 味道合格整體o黎講都係幾好味o既, 中價, 唔係大件兼抵食之選。如果係一班女仔o黎食就夠, 一家大細或者多男人就未必適合。環境乾淨, 我見有d係一張6人檯一間房, 幾骨子。之前見人話佢d service唔得, o尋晚又無咁覺得喎。可能閒日唔忙所以好少少。下次可以再o黎!

有天我和女朋友去了那個商埸，看見它的名字還想是什麼菜，原來鲁菜，但看菜單又不像山東菜？當時問過蟹殼黃燒餅是什麼？他說是用蟹殼加工做的？？？点解會問因為很想食但不是我以前食的蟹殼黃所以沒有点。當時食了:冲爆牛肉:多了点汁和味精，所以不太香和口渴。大鹵麵:沒什麼料，虾沒有味只有薑味。小籠包:不說了。它的門口裝飾ok，入面的裝飾有点像快餐店，價錢和裝修、食物的味道不成正比。做出來的山東菜不像。價錢酸辣湯大$220 中$110 一位$32，我想是看過貴的一間京菜了。

Referred by a colleague who told me there is a nice Chinese restaurant in the crappy Mega Box. Went there with 6 other friends. Place very crowded and service was abit slow (as this was the last day of the Hang Seng Bank promotion). But kind of expected, as long as the food quality are good.Xiao Lung Bao, a must try dish. It is by far the best I have ever tasted in Hong Kong, which my friend thinks is even better than the one in Taiwan. 6 of us, ordered 3 dozen....The prawn, 宮爆明蝦球. was abit worr

用山東菜做招牌, 等我地山東人去吃. 失望而回.等位已經令人覺得安排很差, 6:45到七位, 接待員話“因為大台已經book晒, 要等好耐至有”我回覆“打電話離, 話booking 既位已經滿, 你可以walk-in 等等, 有咩理由我家陣walk-in,又話比人book 晒呢, 即是點呢, 要我等幾耐,你講明先.”唔知係唔係本人太惡啦, 即是又話七位冇問題. 等等就得, 因為當時有位小姐等九位佢同我地一樣,又係打左離,又叫walk-in, walk-in 又話唔會有位, 最後我地等左15分鐘有台. 早知冇台就算~~ 唔駛食到一肚氣用我食左幾十年京菜去評論下v水餃–($24/六隻) –貴而冇特別v魚餃–($48/六隻) –仲貴, 味道okv山東燒雞–($168/隻) –食完以為我食左幾十年既山東燒雞係唔正宗添呀! 完全唔係果個味! –差v大滷麵–($38/碗) –都係果句啦食左幾十年都唔係咁既樣囉! –差v家常餅–又係果句啦! –差v黃魚–一般, 不過味道帶甜v生煎飽–一般v銀絲卷(蒸及炸) –最好食, 因為唔駛比味道既..v小籠包–同x翠一樣, okv海節頭–一般, 唔及x 善好食v

夜晚九點幾, 都仲要等二十幾張枱宮爆明蝦- 好味, 酸辣度剛好, 仲食得出有話梅味; 特別在於脆漿加入冰糖, 感覺有d似拔絲蘋果o既皮蒜香風沙雞- 雞真係做到皮脆肉滑, 蒜片加入麵包糠及糖炸香灑雞面, 味道口感皆一流紹子豆腐- 好特別o既一味, 豆腐切粒連肉粒及蔥菜(即唔辣o既榨菜)蒸熟, 再灑d蔥粒及淋上雞油, 正!山東大鹵麵- 麵係手拉o既, 配上雲耳(可惜唔爽), 蝦仁, 豬肉片及玻璃獻, 好特別小籠包- 真真正正o既皮薄+餡靚, 鮮肉o既味真係成隻小籠包o既靈魂, 連唯靈都話正過華東o既小籠包論用料同味道都係冇得彈, 高度推介!

因為用恒生信用咭在Megabox食晚飯有半價，約了成家人同阿B吃飯，第一次試食山東菜「魯一居」，款式和味道同上海菜差不多，小籠包都幾好味，來之前看過一些飲食雜誌，要預早訂好它的必食名菜「抄肉拉皮」（見圖），看了一定食欲大振，味道幾好；當然材料並不名貴，但價錢要$168（大碟），經理話食在精細刀章的手工，我們都明白和滿意這道菜。經理更介紹「銀牙雞絲」，叫我們下次要必點的菜。另外我發現餐牌上沒有這些菜，他告訴我們將會有另一張新的餐牌推出，便會加入「抄肉拉皮」和「銀牙雞絲」，這些都是試菜，所以沒有半價！

去MegaBox睇史力加三, 和薑餅人食他最愛之一小籠包.叫了:小籠包–一籠六隻, 皮夾起唔爛, 也有湯汁, 但肉饀和湯也缺鮮味.鮮肉鍋貼–底很脆, 但和小籠包也有同樣問題.山東大鹵麵–很淡味, 雪蝦仁只得爽口, 豬肉片反而有些肉味.服務麻麻, 漏單兼侍應無乜禮貌.

見到咁多好評, 一去到megabox我地就即刻去"魯一居"等位, 哇!!! 竟然要等成三十個no. 唯有周圍行下睇下人踩冰啦, 差唔多等左成個鐘入到去坐低都幾舒服, 有大既LCD TV 播住電視, 但係係冇聲只係播住D 音樂. 茶錢要八蚊位, 另外有碟前菜係豆腐乾, 都幾好味. 不過唔知係咪新開張既關係, 環境好似好混亂, 而且侍應間都冇咩默契, 前茶黎左一碟, 冇幾耐又黎多碟, 真搞笑.我地已經即係叫野食, 但係又等...... 再見到隔離台D 食物都到齊, 心知不妙, 問返侍應佢地都唔知我地叫過D 咩野食, 佢話即刻入廚房度手羅出黎喎我地叫左小龍包, 魯家冷麵, 五香牛肉麵, 同埋菜肉雲吞. 每樣野麵好好味, 尤其係小龍包, 皮薄多汁, d 肉又唔會太肥, d 麵條好彈牙, 真係好味. 不過個魯家冷麵就太辣.原本想試個盤絲餅不過佢過賣晒.如果想試可能要早d 去啦.而家起恆生信用卡有半價優惠, 埋單都係一佰蚊到, 都幾抵食, 唯一不滿既就係等得太耐又漏單,希望可以改善下啦.想睇相片可到my blog:http://hk.myblog.yahoo.com/qoogirl00/