鮨千寿 (PopCorn 1)

营业中

休息中

每一次來到將軍澳popcorn搵食其實已經甚為頭痛， 由於不想老人家太過擾攘出外區 、所以每次都會遷就在於他區內， 今次本心是要步入較遠之商場、 行行下就被這一間養眼食肆攝了過來， 老人家不愛挑剔除了(辣)其餘什麼都可以嘗試、 所以在餐廳外擾攘了半刻便已決定入內。。。當日兩人便叫上一份特上壽司御膳HK$208.和一個雞扒烏冬HK$88.二人分享~先送來是一個色彩繽紛的沙律前菜 ,沙律菜用上滿滿的日式芝麻醬、 濃重下完全沒有失分， 木耳絲就用了輕輕的醬油作調味感覺單一~至於味噌湯入口濃淡適宜， 身旁的蒸蛋反而帶有驚喜、 在純純的蛋白中加上一絲絲的彷如蟹肉， 多了一份口感~轉入直路特上壽司御膳總共十件， 與餐牌相片也差不遠、 上枱之時亦霸氣十足， 平心而論如果一個人真是要有較大的消化力才可以完全殲滅、 魚肉整體上來看色澤都算新鮮 ，但入口魚香味卻是稍欠這是真、 如果要講整碟嘅質素，個人認為最差的可能算是鰻魚壽司、 細身鰻魚始終不及標準鰻魚質感紮實與及肥美， 整份來說海膽由目測與及入口都可為合格~兩人入座叫上一份未免有點兒寒酸,故此我們就叫了一個熱食、 雞肉本身煎得熟成度恰好而且富有鮮味，

Popcorn 開了間新的日本料理、平日夜晚都近乎坐無虛席。什錦魚生沙律沙律菜夠新鮮、有角切三文魚、油甘魚、吞拿魚等。火炙左口魚和三文魚都肥美、帶點脂香。芝士青瓜鰻魚卷照燒汁鰻魚配爽脆的青瓜好美味見到有明太子魚餅當然不會錯過。魚餅裡釀了不少明太子、味道不錯。雜錦天婦羅值得一讚是炸粉較薄、天婦羅炸得酥脆。當中還有第一次吃的天婦羅炸魚、起了骨、可以放心大啖食。清酒煮蜆的蜆肉頗大隻、但欠點鮮味。可能是剛開業的關係吧、營運上難免有點亂、吃完的碗碟沒有人收走、又有漏單情況、相信時間久了應該會改善吧。

將軍澳新店去試試！叫了四個菜，第一魚生拼盆生鮮好味，第二炸天婦羅都唔錯，第三個炸蠔不太新鮮，第四海膽炒飯，可惜遲遲未到，最後太飽只好打包拎走，總括新店都值得一試！

屋企商場開左間稍為高級的日本店，緊係要同honey 去試一試。環境錯，坐位還算舒適。因為新張開店，光顧人流很多，我地2人安排坐bar枱，其實我最鐘意坐，勝在可以欣賞大厨切魚生的英姿。首先点了杯酒及佐酒小食，慢慢品嚐下先。油甘魚薄切佐柚子醋魚片好有鮮味，咬入在口中溶化，醋汁酸酸甜甜，好醒胃。螢光魷魚冲漬第一次食，魷魚混合海藻一起吃，味道好好，但老公吃完回家，手、腳好红、好熱，有D敏感。可能笫一次吃所致。醬油淮山漬麵鼓軟牛脷最值得一讚是這碟牛脷，牛脷燒得好香脆，但肉質一D都唔乾，仲好鬆軟，好味，好欣賞果碟酱汁，將牛脷点少少醬汁，味道即刻變得豐富、細緻。清酒煮蜆蜆肉不多又不夠太隻，味道麻麻，有点失望。梅酱紫蘇雞雞肝串豚肉烏冬整體食物同服務都滿意，但價錢比其他日本店貴左少許，老公話不可以列為我們飯堂之一。哈哈……

將軍澳最近都開左唔少新餐廳,經過幾次都見到呢間野好多人等位咁受歡迎一定質素唔差,於是搵左一晚同朋友一齊去食蔥吞拿魚腩薄脆上面鋪滿左吞拿魚腩蓉,帶點魚油同肥美食落甘香美味,底下既薄脆係米通,非常脆身做小食一流天扶良蝦卷物蟹籽非常多,而且晶瑩可口裡面既炸蝦微脆松葉蟹蓋海膽石鍋飯松葉蟹蓋除左有蟹膏,仲有海膽,蟹籽,同一絲既蟹肉蟹肉清甜,蟹籽新鮮卜卜脆海膽唔腥有鮮味蟹膏比較咸,所以建議撈飯食飯帶微焦鰻魚石鍋飯鰻魚雖不算厚身,但份量都足鰻魚沒細刺,飯帶微焦

新開一排嘅食肆，早輪見好多人排隊，今晚想食日本嘢，又見佢無咩人排隊(食完就明白了)，就試下呢間鮨千壽(sushi senju)。呢間食肆裝修靚，有好多種類嘅菜式，刺身、壽司、串燒、天婦羅等等。見佢店名叫sushi senju，就叫個特上壽司拼盤($388)，再叫咗鹽燒油甘魚鮫($128)、原條明太子天扶良($108)同三文魚茶漬飯($68)。壽司最先上，壽司飯非常淡，近乎無味，魚生也一般，無咩鮮甜味。食過這個壽司拼盤，和友人心裡已對這日本餐廳嘅水準心中有數…鹽燒魚鮫嘅魚皮燒得脆口，但肉有少許腥，而且有點“嚡”。明太子天扶良正常水平，外皮脆口，鹹鹹香香。三文魚茶漬飯，茶湯係綠色(但餐牌嘅相見到湯係正常色)，帶點苦味，明顯見到碗邊有茶粉，可能茶同湯嘅比例錯誤？總之唔太啱口味。更重要嘅係服務水準欠佳…我哋被安排坐牆邊半卡位，靠牆的位子有上手客人遺下嘅食物碎，我立即用紙巾清潔一下，企在我哋旁邊嘅餐廳經理(着黑恤衫，不是一般着白衫嘅侍應)拎住兩杯茶等上俾我哋，但對於櫈有污物要客人自行清潔係毫無表示…剛剛提起客人坐下後，餐廳奉上咗茶。到上咗第一道菜，我食完一舊壽司後，拎起杯茶飲一啖，呆了… 因為杯

這晚來到將軍澳站試試新開張的日本料理可能是將軍澳比較少日本菜，加上是新開張，人流特別多，等候了大概三十分鐘多才有位！三人同行被安排到bar台，略嫌冷氣比較大，調了位（同樣是bar台）都仍然比較當風。侍應也沒辦法把冷氣調低一點 因爲同行的友人不太能吃魚生，所以這天我們主要都點了熟食。第一個小食是薯絲蝦佐蛋黃他他醬，薯絲炸的非常香脆，而內裡的蝦亦很新鮮，肉質彈牙。第二款小食炸廣島蠔配黑松露醬也很非常不錯！炸粉厚薄程度適中，而內裡的廣東蠔鮮甜多汁，沾上點點黑松露醬非常美味！我們另外點了兩個卷物 - 天扶良蝦卷物。值得讀賞的是外面的蟹籽非常晶瑩可口！而炸蝦卷物就不過不失啦！而牛油果軟殼蟹卷物就略為遜色一點，軟殼蟹的份量比較少，不過卷物上的牛油果和蟹籽為其加了不少分數。最後是美國牛柳粒石鍋飯。這個鍋物上來的比較慢，可能是製作比較需時？我們吃完上面的卷物和小食等了大概十五分鐘才到。不過幸好等待是值得的。鍋中的半熟蛋非常吸引！把飯、蛋和醬汁拌勻後，令飯變得更加濕潤，鍋邊的飯亦帶有微焦。最值得欣賞的是牛柳粒相當高質，牛味濃而且充滿肉汁！整體而言，性價比還可以。只是希望某一些侍應的態度和禮貌可以有所改善

呢間野係popcorn新開張。。見佢裝修都幾靚。。。就同屋企人膽粗粗去試吓。。點知勁失望加拿大海膽魚子飯($358)d海膽同menu張圖片。。加上網上面食評既圖(請參考圖二)相差超級無敵遠喎。。不論係賣相定味道都同我喺其他地方食過嘅加拿大海膽好唔一樣。。。完全係冇海膽鮮甜嘅味我同我屋企人都好失望。。。碟牛脷麻麻哋。。天婦羅好一般。。。啲炸蝦幼到呢。。總之整體真係好差呢個嘅價錢。。絕對可以喺其他地方食到質素更高嘅嘢。。我勸各位可以唔使排大隊去試

見新開，去試下啦，我平日晚飯去試既天婦羅好食，有我喜歡既沙追魚壽司師傅握壽司握得好，飯鬆軟，有少少空間，刺身新鮮肥美燒飯團唔係我喜歡果種，燒得唔夠脆皮串燒唔錯既，雞肝都算可以，都係攞貨返黎雪果d，烤完表面會有d硬。如果係新鮮雞肝烤左會軟糯，更好食成餐飯最大問題係店長無禮貌我地點既野食，係分左三次點既，我地坐到最入，近職員落單既電腦。有一次我地想加野食，我地想叫職員落單，當時店長係我地側近落緊單，但我地係揮手叫緊另一位行緊過黎既店員。點知個店長突然轉個頭過黎同我地講：我唔得閒呀，我落緊單嘛！我咪答：我知你忙緊，我都唔係叫你講真價錢唔係平，點解我要受氣？成餐飯我地都食左$16xx。野食好食都好，一日有呢個爛仔店長，我都唔會再去俾錢去食野受佢氣囉！

將軍澳新開日本餐廳🍴刺身新鮮選擇也較多，有不同的套餐選擇（配上沙律同甜品）。1. $158套餐有兩種選擇👉🏻份量較少，是手掌大的份量可選擇兩個飯或者一個飯配兩個串燒👉🏻建議直接選擇大份魚生飯2. 選擇刺身類更佳👉🏻燒魚生飯味道一般，建議選擇刺身3. 甜品失望👉🏻甜品是套餐包含，但口感一般