鮮入圍煮花膠雞海鮮火鍋

营业中

休息中

食物新鮮度還可以，環境擠逼，枱數目不多，建議訂位。如果是朋友聚會，想要坐耐一點應該問題不大，我們四人由8:00,坐到11:00多，而且侍應也沒有催促我們，消費方便埋單$1845，平均$450位

今日又去咗尖沙咀行街,近排經常都會幫襯一間火鍋店,食物質素同埋味道都做得勁好,環境仲坐得好舒服，冷氣非常足夠，仲會入返好多新鮮海鮮，所以喺度推介一下鮮入圍煮花膠海鮮火鍋 餐廳位置喺厚福街8號8樓。餐廳座位空間感足夠,所以喺度食飯坐得都幾舒適,而餐廳門口有一大個魚缸全部都係新鮮嘅海鮮。原隻雞煲花膠湯,基本上個湯底一嚟已經聞到好香嘅味道 ,職員會細心將隻雞切開,等到啲湯滾就係飲湯先,湯底味道好香濃雞味好出,仲有好多花膠增添口感同鮮味,雞肉肉質好嫩滑,隻雞食到舐舐脷,湯底全部都係雞同花膠嘅精華味道極之鮮甜 。即炸響鈴,響鈴都有成十件,拖一拖水就可以食,外邊吸收咗湯嘅鮮甜味而入邊仲係好香脆, 即炸響鈴配呢個花膠雞湯真係好夾，放入湯底只需2秒就食得脆肉鯇骨腩,脆肉鯇好新鮮,腩位有少少油脂,食落去特別香口, 口感爽口彈牙,鮮味好突出,一食就知道食材係好新鮮，食到停唔到口完全冇任何魚腥味蓮藕片,蓮藕片口感爽口,，味道鮮甜,食落去索索聲,口感一流，厚度切到剛剛好巨峰提子梳打 提子味好出,又唔會太甜 ,用嚟配打邊爐真係好夾飲品入面仲加咗椰果令到口感大增。

我地order 左花膠雞湯底，十分足料，兩個人食半隻雞，而且花膠比想像中多，我地十分滿意個湯底。由於我地都不是太肚餓，火鍋料主要係蔬菜類為主，只叫左碟豬肉片。整體正常，但性價比無想像中高。

店舖位於尖沙咀厚福街H8嘅樓上舖，店舖裝修以木色為主，大部分都係方形嘅卡位，坐得闊落坐得舒服，舖位內有一個魚缸提供新鮮海產打邊爐。menu清晰簡單，分湯底🍲、海鮮類/少食🦀🦐🦞、肉類生料🐂🐖🐔、蔬菜生料🌽🥬🥦、丸類🍡及麵食🍝、雜類生料，一目瞭然，落單方便。一坐低就會俾齊配料撈豉油$15/位半隻花膠雞湯🐔🍲（小）$308餐廳主打花膠雞湯🐔🍲，所以係必試的，有分大或小，我們二人就揀咗小的，有半隻雞🐔和五片花膠，花膠是大大片的，真材實料。飲湯之前店員會幫手剪開雞件🐔，雞湯🐔🍲味很濃郁，飲時會有少少黏口充滿膠質嘅感覺，我都忍唔住飲了兩碗湯再吃雞肉和花膠。雞肉🐔經過煲湯後肉身仍然嫩滑唔嚡口，花膠更是煮得淋身，入口軟滑易咬。飲完湯後都飽咗一半啦，店員幫我哋加湯再打邊爐。炸響鈴（炸豆皮卷）$48輕輕咁浸落雞湯就可以得到外軟內脆嘅口感，而且沾滿雞湯味很好吃牛骨汁濃湯牛丸（爆汁）六粒$48呢個牛丸必試，一啖咬入去啲汁係咁嗶曬出嚟，超正！帶子粒鮮肉水餃🥟（4隻）$60餡料有豬肉和細粒珍珠帶子，咬開會有少少肉汁，冇咩肥肉，水餃🥟皮又夠爽滑原條貴州野生竹笙王（5條）$98入口爽脆，吸收了湯汁更加好味蔬菜麵🍜（

月頭大病完，個人好虛好殘，所以一路都好想滋補一下所以最好就食下花膠，滋陰養顏鮮入圍煮簡直係創花膠雞crossover 打邊爐嘅專門店，而且仲攞過好多大獎，一於試下先！一場嚟到，梗係要叫招牌花膠雞煲😍揀左要2-4人份量$308 既花膠雞煲湯底。有半隻雞份量架！對兩個人黎講已經好足夠，花膠又較多，最少都分到每人三大塊呢！🧡職員建議先飲左湯，之後先落食物，咁就可以飲到最原汁原味既雞湯啦！味道好香濃，飲落去好滿足😋再食吸收晒雞湯精華既花膠，極之享受丫食花膠補充返D 蛋白質，對女士黎講仲可以令皮膚細膩D同有彈性D，真係我既至愛呢！半隻雞都好豐足，亦都好新鮮！😝因為人數唔多，所以只另外叫左一份響鈴同埋黃沙蜆黃沙蜆好甜，帶少少咸，好好味，同埋全部都開到殼，正！😋估唔到午餐打邊爐俾到咁大滿足感我😝

尖沙咀厚福街既選擇真係好多，今日簡左E間由旺角轉場到尖沙咀既打邊爐，一上黎就見到個海鮮櫃，就知道海鮮一定新鮮啦見d師傅都好認真咁簡番d唔新鮮既出黎係擺得好整潔既醬料盆醬料($15)濃厚原隻雞煲花膠湯（$308）個湯底一上到枱就比佢既金黃色吸引住喇，再見到佢有5-6舊花膠係上面，心心眼既程度已經爆燈，之後店員仲會好細心咁幫你將花膠同雞剪開，方便你入口。店員建議先飲湯，飲夠之後會加番豬骨湯比我地打邊爐。一飲個啖雞湯，飲得出佢既濃郁同膠質，我仲飲到有金華火腿味添呀~雞又唔會因為煲得耐而過火，唔「鞋」肉wo~花膠每一啖都食到係骨膠原既味道因為飲湯係主力，所以我都唔覺唔覺飽飽地，最後只係叫到少少野邊爐~原粒帶子鮮肉水餃（$60/4粒）每一粒入面都有3-4粒珍珠帶子，而且餃子好足料，冇咩肥肉，每一粒都包到好飽滿，水餃皮又夠爽滑澳洲和牛牛展肉($168)牛肉紋路清晰可見，而且肥瘦比例好好，淥十零秒已經熟，入口有牛味同有彈性唐生菜($38)欣賞餐廳將頭尾切左佢，只係留最爽脆既部分比客人雖然我當日下午去，但都keep住有人入坐，由旺角轉左尖沙咀都不減佢既吸引程度。

呢排天氣凍，最岩就係打邊爐，我朋友話呢間餐廳幾有特色，所以帶我黎試下🤣環境都幾舒服，而且坐位闊落餐牌都幾多選擇，望落去幾吸引樣樣都想食😋呢到打邊爐點既醬料都好足料，一盒6格大大盒既醬料盒，好多款式任你揀😆湯底方面，我地揀咗濃厚半隻雞煲花膠湯底($308)，好足料，份量好多，好大煲，雞好新鮮嫩滑，仲有花膠又大大片，好滋補，雞湯好香濃，飲完碗雞湯成個人暖晒，好滿足😍 呢個湯底值得推介👍牛骨汁濃湯牛丸(爆汁)($48)牛丸好彈牙，一咬落去已經爆汁，超好味👍豆苗($48)份量都多，而且唔係間間餐廳打邊爐都有得叫豆苗，難得呢間有，而且都好新鮮👍紅薯粉($33)紅薯粉食落去煙煙韌韌，好有咬口👍而且吸晒雞湯既精華，好入味😋整體黎講都幾滿意呢間餐廳，同埋職員都好nice，下再同朋友會再幫襯🤣

每年冬天仲有一樣嘢係好想食嘅食完之後個身會暖笠笠就係花膠雞煲呢間舖之前係喺旺角 而家就搬咗嚟尖沙咀尖沙咀嘅店 感覺俾旺角坐得更舒服全部都係方形嘅卡位同朋友食距離更接近因為之前係圓枱設計有時夾嘢會比較遠同樣地，呢度有魚缸如果食海鮮保證新鮮Mennu清晰簡單一坐低就會俾齊配料撈豉油花膠雞煲 係必食嘅有分大或細我同朋友兩個人就揀咗細 （半隻雞）食火鍋之前先飲咗佢個雞湯雞湯頭濃厚 除咗好有雞味之外飲時會有少少黏口 充滿膠質嘅感覺真材實料 自己煲係唔會有更濃厚嘅感覺而另外呢度必食嘅一定係芝士牛丸牛丸有牛味 芝士係車打芝士嘅味道，而且一啲都唔假，仲可以拉絲響鈴卷呢度嘅響鈴卷卷咗好多層輕輕咁點個雞湯 就可以得到外軟內脆嘅口感唔係每一隻響鈴卷都可以做到嘅 要真係夠多層夠厚嘅響鈴卷 先會有呢種效果另外嗌咗田雞上枱時，仲見到啲田雞肉會縮下縮下咁新鮮即劏冇欺人而且仲洗得好乾淨 可以放心食 雖然唔係點咗好多嘢但兩個人食 就已經可以食到好飽好滿足 仲成身暖笠笠添

香濃花膠雞湯打邊爐店舖位於尖沙咀厚福街H8嘅樓上鋪 店舖裝修以木色為主 座位尚算闊落舒服😌 餐廳主打花膠雞湯😋 湯底都有10幾款可以揀 我哋揀咗濃厚雞煲花膠湯 湯底濃郁 厚厚的花膠有五六塊 及半隻雞 雞肉滑嫩 雞湯滋補鮮甜😋 佢分咗湯底類 肉類生料 海鮮小食 丸類及麵食 雜類生料及蔬菜🥬 自己入紙上落單 相當方便😄 半隻花膠雞湯（小）$308首先飲咗雞湯及食咗花膠雞先 然後店員先幫我哋加湯底打邊爐🍲 湯底雖然飲咗好多 但係仍然濃郁 落咩落去打邊爐都好食🥰👍 手工韭菜餃🥟$45足料飽滿 有豬肉同韭菜餡 仲有少少肉汁 食後口有余香😋 魚皮餃🥟$45鮮味飽滿 似係新鮮製做👍👍 稻庭烏冬$35用雞湯來落烏冬 真係冇得彈 煙韌彈牙👍👍 油麥菜🥬$38再加多一個新鮮嘅油麥菜 呢餐邊爐就完美啦🥰 無糖烏龍茶$20 🎈鮮入圍煮花膠雞海鮮火鍋 (尖沙咀)尖沙咀厚福街8號H8 8樓 kfoodie #hkfood #hkfoodblogger #hkfoodlover #香港美食 #香港必食 #hkfoodpic #hkig #food #foodie #foodstagram #foodblogger

終於試到位於厚福街的人氣火鍋店🥳 主打花膠雞湯🔥☺️ 餐廳環境乾淨企理，晚市時段好多人，記得提早預約！餐廳氣氛好熱鬧，適合一班朋友共渡歡樂時光🍻 店員服務態度好，食物質素好高，價錢合理，好好味有驚喜👍🏻晚市二人消費：$494（包括加一服務費）═ ═ ═ ═ ═ ═ ═ ═💖💖💖食評💖💖💖🥘濃厚花膠雞湯 ($308/半隻)✨大力推薦，必食！一上鍋店員會即場將雞及花膠剪開，方便食用，絕無偷工減料～金黃色的濃郁湯底，香氣撲鼻，店員指示食用前飲湯，果然好味，清甜滋補！😍😍雞肉份量多，非常嫩滑，食唔停口🤤 花膠大大塊又厚身，好足料👍🏻 雞肉配上醬料調味更好味🔥 半隻雞二人食絕對飽肚🥰🌭金妹芝士腸 ($48/16條)✨好抵食！🥬唐生菜 ($38)✨推薦，非常新鮮，好爽脆🤤🍜蔬菜麵(菠菜) ($25)✨推薦，不經油炸，好味又健康😋😋🥣醬料費 ($15/位)

厚福街真係好多野食，要搵好野食可以過嚟行下，加上冬天真係離不開打邊爐，所以今日同朋友過嚟打邊爐先😆呢間鮮入圍煮朋友一直想試，聽講花膠雞湯鍋好吸引。夜晚成日都full哂要早啲book位，今日即興lunch過嚟試下。。餐廳環境唔係好大，正方形幾張枱，所以過嚟食一定要book枱。一坐低，花膠雞鍋唔該😆😆其實餐廳仲有好多唔同嘅湯底揀。不過花膠雞鍋可以先飲湯再打邊爐。入面真係好足料！有半隻雞，又有好多件又大又厚嘅花膠，望下真係好大件花膠。成個湯都有濃稠感，金黃色。我地兩個人每人飲左3碗！飲完成個人都暖笠笠。。啲雞肉唔會因為煲過湯無味唔好食，仍然都好滑，啖啖肉，勁滿足！飲完湯之後都飽左一半啦，我地點左幾樣野食。。。。爆汁牛丸（6粒）呢個牛丸必點，真係爆汁！一啖咬入口啲汁係咇出嚟，超正！田雞我哋點左2隻田雞，田雞真係即劏好新鮮。肥嘟嘟嘅脾。。萵荀打邊爐勁中意食，一份好多，厚切，起碼12件。滾滾就食得，又爽又脆，千祈唔好碌咁耐，淋左唔好食㗎紅薯粉個湯咁好味，緊係要唔好浪費，加個薯粉吸埋啲湯，同朋友一人一碗食到lam lam脷呢度坐得好舒服，慢慢食又唔急，同朋友坐左成2個鐘，職員都好友善😊

非常喜出望外！嗰日上網搵下尖沙咀食咩好，結果就搵到呢間野食，本身上到去，可能因為比較早，成間餐廳都冇乜人，本來仲有少少擔心，但結果係—食落非常驚喜！我地叫左佢最招牌嘅花膠雞湯，店員解議我地食左個湯底先，然後佢再上其實野食比我地個湯底有半隻雞，仲有好好多大大舊嘅花膠，真係超級大滿足！個湯都係超濃郁，已經完全唔似湯底！個湯上面嘅雞油望落好油膩邪惡，但係真係好香好香😋我同朋友各自飲左2碗，再食埋啲雞，基本上都好飽。好彩我地唔係叫左好多其他野食，其實野食都正正常常，但份量比較大，比較適合4人食，我地兩個食就有啲多。 同埋餐廳嘅店員都好nice，成日主動見到我地要加湯（冇錯！咁好飲嘅湯都係任飲！）超正！冬天去食呢間真係無敵！

▫️鮮入圍煮花膠雞海鮮火鍋 尖沙咀厚福街8號H8 8樓這家火鍋店的花膠雞湯火鍋遠近馳名，足料之餘花膠非常養顏，女士們絕對不能錯過。落單之後店員會提供調味盤，選擇非常多。🍽️ 濃厚原隻雞煲花膠湯 (半隻)湯底非常濃郁，用料方面有花膠和雞件，份量很足！花膠入口有漿口的感覺，滿滿的骨膠原令人十分滿足。雞件非常嫩滑，雞味很重，而且啖啖肉！重點是　熬製的湯底吸收了花膠和雞件的精華，非常入味，每人喝了兩三碗也停不下來。喝完花膠湯之後已有半點飽肚感，所以我們沒有點太多配料。我們點了手切頂級安格斯牛肉、薯仔、蓮藕片和鮮蕃茄。手切牛肉的油花分布均勻，入口即溶，值得推介。另外蕃茄和薯仔用料也是一流，非常新鮮😋總括而言，餐廳位置方便，選材和味道都十分高質素，推介大家一試。

想食好耐了，今晚咁啱喺open rice竟然book到位，咁就去左食了，必食推介花膠雞湯底。個湯底真係好正，無人能及，必食推介係彈彈牛丸，侍應服務好好，好細心，見我夾粒雞子跌左張枱度仲即刻攞濕紙巾比我，讚！好多年前去過旺角一次，懷念旺角的裝修。

香港嘅天氣終於識得凍返啲梗係飲吓湯打吓邊爐最舒服啦見到網上有好多人都推薦呢間火鍋店嘅花膠雞湯 咁就去試試佢嘅湯係點啦餐廳入邊有個魚缸可以加呢啲海鮮嚟打邊爐點餐紙有啲放題feel 坐低就有一盒六格嘅調味盒俾我地調醬啲蒜幾好幾新鮮的不過個湯真係好夠味我地都比較食得清最後唔係太用到啲醬當時未食得 等緊個湯滾我地隔住口罩都聞到好香仲要見到咁深色 有層膜咁都覺得應該好足料 結果一撈真係好多好大好厚嘅花膠雞件都唔少仲有雞髀啖啖肉湯我地每人都飲左兩三碗都幾飽肚兩個人食真係夠晒不過我地都係覺得要加少少丸呀菜呀嗰啲先似打邊爐所以加左呢個芝士牛丸真係好誇張 啲芝士係爆出黎㗎另外加個唔係度度都有得食嘅豆苗配合個湯真係冇得頂呢餐食完全身都暖晒下次打邊爐想飲湯可以再黎呢間