鮮入圍煮花膠雞海鮮火鍋

营业中

休息中

想食花膠雞好耐，上網睇到呢度食評好多，趁着放假，出開黎尖沙咀就上嚟試吓火鍋生料選擇好多，樣樣都有，價錢合理花膠雞煲必食！半隻雞$308，好清甜，雞味濃郁，雞好好食，花膠亦都夠淋，索晒清甜雞湯，非常出色！因為啲湯太好飲，幾乎飲晒，飽咗一半😂之後就到打邊爐嘅時間，簡單叫咗幾樣餸手切穀飼牛嫩肉（$338）牛肉大大塊，脂肪分布平均，入口軟冧牛味極濃，必食！蘇格蘭聖子王（$176）勁鮮甜又有咬口，唔使點醬更加食到佢嘅鮮味，淥1分半鐘啱啱好👍胡椒豬肚貢丸（$55），平時好少食嘅配搭，胡椒味好香，真係粒粒入邊都有豬肚手工魚皮餃（$45）本來以為係普通魚皮餃，原來完全唔同，有少少辣味，餡料彈口好食，唔係出邊食到嘅魚皮餃鮮嫩筍尖片（$43），鮮甜爽口，食完好多肉，平衡下油膩嘅感覺牛骨髓（$65），平時好少食內臟，呢個口感幾得意，如果食開內臟嘅朋友可以一試無論湯底，或者火鍋生料，質素都非常高，非常推薦！

非常洶湧澎湃嘅火鍋店，座無虛席，就算晚市九點過後都非常多人，大概等咗唔使半個鐘就有位，難怪咁多人，因為火鍋店嘅湯底真係非常正同好飲！雖然只係半隻花膠雞湯，雞件嘅份量都非常足夠，而花膠入口軟熟彈牙，以308蚊嘅湯底重包埋足湯料其實真係幾抵食，賣單都加埋兩位人頭醬料費30蚊同加一服務費。首先是半隻花膠雞湯（小）308。這一火窩的份量相當足夠，裡面有豐富的花膠和嫩滑的雞肉，湯底濃郁鮮甜，喝起來們不下來。花膠的口感軟綿，搭配雞肉的鮮嫩，讓湯的味道更加濃郁✨青檸梳打和鹹檸七。青檸梳打非常清新，擁有濃郁的青檸香氣，喝起來十分解渴。而鹹檸七則帶有微微的咸味，啱晒打邊爐飲!然爽脆牛黃喉和澳洲和牛牛展肉。牛黃喉非常爽脆，口感十分棒，搭配澳洲和牛牛展肉的鮮嫩，味道更加突出，每一口都讓人回味無窮。爆炸薑汁皮蛋貢丸內裡鮮嫩多汁，加上爆炸薑汁的調味，混合皮蛋口感，味道相當美味特別！鵪鶉蛋加入增添了菜品的豐富度，咬下去粉粉的，第一次鵪鶉蛋打邊爐真係幾好味😍

裝修有種傳統大排檔風格，地方夠大，座位闊落，設有好多卡位，仲有個大魚缸，養住各式各樣既海鮮，有order師傅就即刻撈起，保證夠晒新鮮!醬料選擇唔算好多，不過愈新鮮既食材都唔使點調味就已經好好味，而餐廳的確做到招牌上既"鮮"!招牌濃湯花膠雞鍋 (半只)🐓🎣打邊爐最緊要個湯底，除左大大塊既花膠外，仲有半隻雞，職員叫我地品嚐下個湯，湯頭相當清潤鮮美，無味精味，飲落完全唔會覺得口渴，仲有膠質感。花膠唔止大大塊，仲有成六件，塊塊都口感軟腍，富膠質，相當滋補。職員仲會好細心幫我地剪雞，雞肉長時間既燉煮，依然鮮嫩。手切殼飼牛嫩肉 🥩🐮牛肉油花分明，口感鮮嫩肉味濃郁，放入花膠濃湯灼十幾秒，肉味齒頰留香，令人一試難忘。蘇格蘭聖子王 🐚🏴󠁧󠁢󠁳󠁣󠁴󠁿極度新鮮，送到黎仲識郁，職員仲主動幫我地灼，灼到甩殼就食得，正如上面咁講，靚食材根本唔使咩調味，點少少豉油就食得，肉質滑柔嫩，卻帶爽脆, 味道鮮甜。手工魚皮餃 🥟🐷餃皮煙韌同帶魚肉既鮮味，豬肉餡料新鮮，厚身爽滑，岩晒打邊爐。牛骨髓 🐮唔係間間打邊爐餐廳都有，不過佢其實營養豐富，高蛋白、低脂肪，仲含豐富鈣質，坊間有傳有壯陽壯腰既功效。今次呢個原條牛骨髓夠晒新鮮，

前排一位內地親戚黎香港玩，梗係要盡地主之誼請佢食餐飯啦！問佢想食咩，佢就俾左個「大眾點評必吃榜」我睇，話想試呢間位於尖沙嘴嘅「鮮入圍煮花膠雞海鮮火鍋」，咁就一於去試下啦！作為必吃榜上嘅推薦餐廳，呢度果然幾多內地客黎食，當日另外幾台都係講普通話嘅。餐廳裝修樸素簡單，店員服務都唔錯。呢啲嘅火鍋配料可以自己任意調，幾方便。呢度主打花膠雞，梗係要order啦！店員話我地兩個人可以叫半份，可以先飲湯食雞食花膠先，之後再落豬骨湯打邊爐。啲花膠好厚，食落去feel到啖啖骨膠原！雞肉都仲係好鮮嫩，而且好有雞味。湯底好濃好鮮，好好飲！順帶一提，店員會好細心幫客人煎雞肉嘅，唔洗擔心唔識處理！呢度嘅BBQ配料都好多選擇，價錢合理。外面亦有一個魚缸，裡面有啲新鮮游水海鮮！另外，呢度嘅丸類係標榜用「大埔振興」嘅出品，咁梗係要order一份我最愛嘅芝心牛丸啦！由於親戚唔食牛嘅關係，我地就叫左一份豚肉。啲豚肉色水幾靚，肉質鮮美，打邊爐一流。另外親戚想食香港特色「水魷魚」，咁就order一份啦。呢度嘅魷魚好爽口，唔錯！

今日去完尖沙咀行街，之後就行咗去厚福街H8嗰度揾野食，喺樓下諗咗一陣食咩好，好多間都已經食過，見到「鮮入圍煮」未試過喎，就揀呢間啦😆我地早食，上到去已經見到有經枱已經食緊，入口位有個大魚缸，有當日新鮮嘅海鮮，全部都好生猛🦞🦐花膠雞湯我地兩個人食嗌咗個細嘅，有半隻雞，花膠好足料有5片咁多，塊塊都勁大片，等啲湯煲滾後店員會幫我地剪開隻雞同花膠，記得要飲返碗湯先，雞味濃夠鮮，雞肉緊實，由於我朋友唔食花膠，所以我食咗兩大碗😆澳洲和牛牛展肉牛展只需輕輕淥幾秒就食得，肉質較為偏瘦，口感爽口有咬口，平時較少點牛展，估唔到又真係幾好食喎牛黃喉朋友話要試吓牛黃喉🤣食落爽爽脆脆仲帶點靭性，主要係靠調味料去增添佢嘅味道，個人就幾鍾意呢個口感😋薑汁皮蛋貢丸一啖咬落去會爆薑汁架，薑味唔會好濃，入面仲有啲切碎咗嘅皮蛋，貢丸彈牙，口感豐富鵪鶉蛋大大粒，已經搣咗殼，一啖一粒好過癮娃娃菜記得要一早淥啲娃娃菜，索咗啲湯汁好鮮甜📍鮮入圍煮花膠雞海鮮火鍋 (尖沙咀)尖沙咀厚福街8號H8 8樓人均消費：$400-500食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐

時下嘅打邊爐，除咗有大量嘅台式日式和牛放題之外，正宗港式打邊爐更加係重質不重量嘅代表。🤪對於我來講打邊爐嘅極致就係連個湯底都做到令人陶醉嘅感覺咁無論食咩都特別有加分嘅感覺。😍除咗湯底重要之外，食材嘅鮮亦都係非常緊要，想食到夠先嘅火鍋就唔少得鮮入圍煮。喺呢一度絕對會搵到第一鮮😋濃厚半隻雞煲花膠湯（細）— 🍲呢個湯底除咗係餐廳頂級招牌作之外，亦都係罕有令人着迷嘅湯底。🐥新鮮半隻雞同埋花膠用極長時間熬製出嚟嘅金黃色鮮雞湯，再帶少少雞油，🐥未飲到落肚就已經聞到一陣陣嘅油香，再飲落去絕對係享受，將半隻雞嘅味道均勻咁樣融入喺成煲湯裏面，🍲亦都唔少得花膠融入喺湯底裏面變為更加濃郁同埋充滿膠質嘅花膠雞湯，咁就成為咗全日主角🐥爽彈豬腩片— 🐽既然有一部咁靚嘅盤，當然就要用各式各樣嘅材料襯托一下，🐽一片片圓圓地嘅豬腩片肥瘦均勻適中，淥左大約幾十秒之後就真係夠Q夠彈，🐽喺唔點任何醬料之下原汁原味咁樣食，除咗有豬腩嘅啖啖肉亦都有爽嘅脂肪位，融合埋甜入心嘅雞湯，🐽心靈都即刻滿足晒。水魷— 🦑呢度嘅海鮮除咗夠晒生猛之外就連其他海鮮類都一概高質素，🦑水魷本身就係清淡嘅味道，但係擁有非常爽脆嘅質感， 🦑最適合當然就係

今日去咗尖沙咀呢一邊同朋友shopping，咁啱行完已經差唔多1:30，係最多人食飯嘅時間，咁啱又諗唔到食咩行到去厚福街呢邊，見到招牌上面呢一間鮮入為煮，就決定去試吓啦，橫掂都放假今日，可以慢慢食過打邊爐享受個下午茶，我哋都決定唔諗住叫咁多，因為今晚仲要食飯 一入到去就見到有一個大魚缸入邊有好多唔同新鮮嘅海鮮，有我最鍾意嘅花竹蝦同埋蟶子王，另外如果想鍾意食魚同埋龍蝦嘅朋友亦都可以叫，今日我哋就諗住主打食佢嘅花膠雞鍋，再叫少少普通嘅打邊爐火鍋了就算！🤚🏻花膠雞鍋！首先，花膠雞煲本身嘅湯頭非常清潤鮮美，帶有濃郁雞肉香氣，飲得出本身係煲咗好耐熬製而成嘅湯底，令我哋品嘗到其中既精華。湯頭中既花膠軟綿可口，而且每一件都非常大塊，總共有六件，為成個湯增添了豐富既口感。花膠雞煲既雞肉與此同時亦都十分鮮嫩多汁，入口即化。經過長時間既燉煮，雞肉吸收了湯汁既滋味，口感更為豐富。花膠本身嘅膠質都可以令到雞肉嘅口感更加嫩滑，令我地回味無窮，我同朋友食完每人三件花膠再加埋半隻雞已經好飽，呢個煲非常抵食，我哋差唔多清晒成煲湯，跟住店員幫我哋加豬骨湯再打邊爐！芝士牛丸口感豐富多汁，佢本身牛肉丸嘅肉質鮮嫩彈牙，每一啖

嚟到呢間地理位置極方便🙌🏻位於尖沙咀繁華地段嘅火鍋店！由於唔係喺地舖嘅關係…唔係熱愛打邊爐嘅友人帶去都唔識上去起爐😆😆一入店就有鮮活海鮮同你打招呼！店內尚算乾淨企理！店員亦非常友善殷勤！. ✨花膠雞湯 (小) (半隻) $308雞有半隻份量都夠兩個人食😊重點花膠夠厚身！記得飲啖湯先開始打邊爐🤟🏻🤟🏻好滋陰！. ✨手切極上200日穀飼牛 $338講究地以200日牛牛作食材🐮睇到都知夠嫩！加上手切令牛肉咬落更有質感！而且牛味不容忽視👍🏻👍🏻. ✨牛骨髓 $65唔係度度都有得食嘛😙😙滑嘟嘟白雪雪！唔錯唔錯！！. ✨牛骨汁濃湯牛丸 $55肉汁非常juicy💦一咬牛骨汁洶湧而出！整體牛丸質感亦算彈牙！！. ✨手工魚皮餃 $45細細粒夠飽滿👌🏻餃皮唔會太厚食到一口粉感！. ✨鮮嫩筍尖片 $43夠嫩口！食落無渣😉爽脆口感幾過癮！. ✨ 蜂蜜柚子茶 $30✨ 咸檸七 $32感覺比飲汽水更清熱更養生🤭🤭. ✨醬料費 $15@位✨加一服務費

呢間火鍋店嘅花膠雞湯湯底真係好好味。佢哋建議先飲湯同食花膠。店員好細心幫我哋將個雞剪開好多塊。個湯真係好香濃雞味。費事煲乾水，一邊校到最細火暖住個湯，一邊食雞同飲湯。啲湯飲落唔會覺得口渴。我同我女朋友都飲到唔到好多湯剩先至開始打邊爐。可能飲咗個湯同食咗花膠雞，都開始有少少半飽。我哋就叫左比較瘦嘅牛𦟌肉，之後亦都見到有個幾得意嘅牛部位，叫牛黃喉。牛皇喉食落感覺似魷魚，質感偏爽。跟住佢仲有一個特色嘅院係爆漿薑汁皮蛋貢丸。雖然聽落好似好奇怪，但食落去個味道好似食小籠包裏邊個肉餡咁。因為小籠包個肉餡，通常都係有落少少薑落去咁。餐飲除咗普通汽水，佢哋都仲有一啲梳打飲品。我哋點咗青檸梳打同百香果梳打。整體成餐最吸引都係個花膠雞湯。值得為呢個花膠雞湯而去。

兩個人行到尖沙咀，之前見到鮮入圍煮嘅名幾得意，雖然好似好壞參半d食評，都試下。就走上8樓食野。我哋先嚟嘅主角係半只花膠雞湯，價錢係$308。呢個花膠好厚身，有6塊咁多，好好食有咬口，而且有骨膠原，對皮膚好有益。啲雞湯色黃光亮，好濃香、好好味，我哋每個人飲咗三碗。而啲雞肉好嫩好入味，半只食哂冇剩。講真自己係屋企煲未必有心機😂😂跟住我哋又點咗爆炸薑汁皮蛋貢丸，價錢係$55。呢啲貢丸新鮮好味，咬落入面有薑汁嘅香味，有啲似大閘蟹羔，好特別，之前對皮蛋有d抗拒，不過呢個好食。澳洲和牛牛𦟌肉$168，牛𦟌肉有咬口。娃娃菜$43 ，雞湯煮特別好食。爽脆牛黃喉，$65，鮮嫩爽口好吃。鵪鶉蛋$48，都ok。凍𣏌子茶，大杯，𣏌子明目有益，食完馬上睇野份外清晰。食完已經夠曬飽。唯獨係餐廳環境可能不如平時d邊爐店咁好坐，不過食物質素搭夠。

今日同個朋友嚟咗呢間舖頭食，上嚟OpenRice都發現評語都唔錯，所以就衝動地試咗間！首先一入到去，店員都好有禮貌，就算間舖頭未有咁多客人嚟嘅時候，都好好咁樣招呼客人。值得讚賞！到火鍋方面，湯底都真係好足料！店員都好好同我哋講要食咗裏面湯底嘅材料先，再發覺原來裏便真係有好多雞同埋花膠。好似係而家香港都好難搵到比咁多料嘅店家！喺醬汁方面，呢間舖頭都俾咗好多選擇我哋，例如有辣椒、蒜蓉、蔥等，但係價錢都幾合理，$15一位。最後我哋嗌咗，牛肉、貢丸。呢兩個都比我好大驚喜，首先牛肉唔會好肥，唔會好似出邊一啲舖頭咁俾啲冇乜肉食嘅牛肉俾我哋食。貢丸裏面嘅餡都好特別，因為裏邊我係薑蓉同埋皮蛋。但係建議大家唔好嗌咁多餸，因為本身個湯底已經有好多雞同埋花膠，真係會食唔晒㗎 ！

超級失望！！之前係旺角食過好多次 湯底真係極濃！今次食又逼 逼到隔離枱係咁逼過黎全場大陸人 食物質素超差 收人咁既價錢 稻香都好過佢！湯底淡而無味！你見到張相依煲就係雞湯！淡到水一樣！牛肉收$338 份量少到嚇死！叫左$1400蚊 無樣好食！響鈴蟹柳都係最cheap貨🫠食左30分鐘走人😅真係挑戰我極限！食到成肚氣！一隻花竹蝦夠膽死開價$200蚊一隻！你無睇錯 係一隻！海鮮價都唔係咁開呀絕對唔會有下次 已經唔係之前既味道 同樣價錢有好多選擇

位置不好找，我这个半路盲竟然带着儿子穿过小路找到了，佩服自己。地方很小，环境肯定没上海的好，但是就是很传统的香港火锅的样子，嘈杂，大家都在工作之余聊天放松，挺好的。门口排队的姐姐看到定位的人到了就一直追着问，为什么有人插队，我想说，你也可以预先定位的。食材，都很好吃，从锅底到和牛，芝士牛肉丸一定要点，有汁水的口感很赞，大元贝88一个，的确新鲜可口。胃口小的，花胶鸡锅底的鸡就吃半饱，先别点多，不行再追加。

之前已經幫襯過好多次，疫情都會外賣自取買返屋企食😋老公生日想打邊爐，今晚揀咗《鮮入圍煮》原本book咗8:00pm，朋友預早到咗，都可以直接入咗坐低飲住啤酒等我哋叫咗半隻花膠雞湯底，先飲湯、食晒啲花膠+雞之後，再慢慢打邊爐其他食物味道有水準，上菜速度快，侍應服務好當晚個場好full ，原定限食兩小時，但10點之後，人流冇咁多，都繼續俾我哋慢慢坐之後知道我哋嘅切蛋糕，會即刻幫我哋將張枱執乾淨之餘，仲會提供埋好色彩繽紛嘅碟俾我哋😊 職員亦主動講生日快樂🎉🎉

睇到咁多好評，又見到佢個花膠雞湯幾吸引，就趁老婆生日一家四口去試吓。舖頭好細，十五張枱左右一眼睇哂，都幾逼夾。好耐都冇見過張枱上面鋪咗幾十張膠枱布然後用四個大夾夾住枱角，一台客走咗枱都唔洗抹呢種大排檔setting。一坐低即刻叫咗個招牌花膠雞湯底（大）先，湯係幾夠濃幾好飲嘅，冇咩味精味，花膠大塊夠腍，雞肉亦都幾滑，呢個湯係幾好飲！到火鍋配料，叫咗炸魚皮、響鈴、爆汁牛丸、炸魚角、桶蠔、澳洲牛肉、冰豆腐、生菜等等；可以講除咗貴之外，質素係非常普通。響鈴竟然係腍嘅，所謂爆汁牛丸一食就知係振興牛丸，一模一樣，澳洲M8-M9牛冇咩油花，食開牛嘅我可講呢碟一定唔係M8-M9，吉之島一pack pack果啲都好食過佢。出得去打邊爐預咗貴，但你都要俾返有啲質素嘅食材啲客先收得起果個價㗎⋯⋯見隔離枱叫咗3隻花竹蝦，蝦頭到尾差唔多一隻手板咁長手指咁粗，就點咗四隻(時價)，服務員後尾出來問要邊款，$168，$238，$298，我地最初以為係4隻價錢，佢話唔係呀，係一隻呀，嚇到我即刻縮話唔要喇，心諗就算最平果隻🦐，加埋一咪成200蚊隻？睇返以前食評同價目表，呢間餐廳都加咗好多次價，明嘅，成本上升，加上疫情後所