鮮入圍煮 (已搬遷) 新店位置

今日我哋打邊爐，嚟到旺角登打士街，其中一間樓上鋪：鮮入為煮。呢度嘅裝修好冇香港特色，感覺好地道。湯底同埋配菜嘅選擇都好吸引！濃厚原隻雞煲花膠湯我哋點左濃厚原隻雞煲花膠湯，配料揀咗炸芋頭、蜂巢豆腐、新鮮豬肉眼筋。濃厚原隻雞煲花膠湯真係名副其實，味道香濃，將雞肉同花膠嘅精華都溶化左喺我啲湯度。就咁飲個湯底，都可以一碗接一碗！肉眼筋係豬扒筋的位置，口感彈牙。蜂巢豆腐吸晒濃厚原隻雞煲花膠湯湯底嘅味道，軟綿綿，好入味！有靚嘅湯底，蜂巢豆腐係好好嘅選擇！炸芋頭好粉好軟綿綿，勁林！打邊爐嘅醬汁當然不少得豉油加蔥、蒜、辣椒。打邊爐不可小嘅有氣飲品！我哋叫咗Zero同埋芬達。無論係打邊爐嘅湯底，定係唔同嘅食材，呢度嘅質素都唔錯，係朋友一齊食飯傾偈嘅好地方。

裝修格局好有舊香港風，牆上貼滿舊poster。特别處係佢有一個位係裝修成為街市海鮮檔咁樣， 有街市嘅紅膠燈。店面冷氣幾勁，大熱天打邊爐都唔驚成身汗。店員都好快手，一入座好快已經放好餐具。 醬料有新鮮蒜蓉、辣椒、蔥同乾蒜，仲有一壺豉油，可以自己調配。餸方面有一般火鍋店會有嘅蔬菜、生料、丸類、肉類，自己塡紙仔落單。 呢到最出名嘅係濃厚原隻雞煲花膠湯（小 ＄268）， 其他湯底例如麻辣湯、清湯、皮蛋湯都係一百蚊以內，想食平啲嘅都有其他選擇。坐左一陣就上左煲湯， 四人打邊爐嘅話細煲都夠。佢唔係平時打邊爐嘅不銹鋼煲，而係生鐵煲，傳熱性能一流。店員細心提醒，煮滾後可以先飲湯，試一啖原汁原味嘅花膠湯先。湯底好足料，煲裏面有五隻花膠，同雞件。雞湯底係奶白色，飲落雞味好清甜，花膠味濃， 本身好怕花膠湯底太漿口，一路咁打邊爐法會好膩，點知飲落係湯底濃之餘亦入口清爽，唔會話好膩，啱哂打邊爐。豬腩片肥瘦均匀，有七塊，食落吸收左雞湯嘅鮮味，唔使點醬都好夠味。。金牌牛丸（半打＄32），咬落彈牙多汁，牛味濃。食得出唔係坊間落咗好多粉漿溝成嘅牛丸。原粒帶子水餃，見到係推介就叫黎試下，嗰皮係雲呑皮，餃子好飽滿，估唔到細

雖然30幾度高溫，但仍然無阻我想食打邊爐嘅心🤣🤣🤣 今次去咗「鮮入圍煮」😋 餐廳裝修幾特別，好有街市、大排檔特色，但當然有冷氣啦😆 我地叫咗個花膠雞煲食😋 好足料，大大煱，有半隻雞，又有好多花膠😍 非常入味👍🏻 個湯好濃呀，味道好好🤤 食完個煲，飲飽湯，店員會加入豬骨湯，然後先開始打邊爐～ 其實浮係食個雞煲已經飽左一半😆 我哋之後叫咗響鈴、魚皮餃、原粒帶子水餃、烏冬，幾款味道都唔錯～ 最後飲咗支樽裝可樂，正👍🏻 其實夏天打邊爐又有咩好怕喎🤣😆👍🏻

今日星期日咁難得放假，約好朋友去旺角睇場電影。睇完戲係時候醫肚，好朋友提議去「鮮入圍煮」打邊爐食嘢同傾吓計。進入餐廳，裡面裝修好像去咗冬菇亭很有大排檔風味。為配合政府措施，餐廳用座地屏風分隔每枱距離👍。特色小型海鮮檔，擺放是日生猛海鮮價錢🦞。我點了精選湯底《濃厚半隻雞煲花膠湯》小＄268係時候品嚐，味道清甜，花膠件厚，補充骨膠原，雞件肉質嫩滑，火候十足。飲完湯之後，就可以叫店員再加湯做火鍋湯底😋。脆肉鯇魚片＄68魚片新鮮，冇腥味，口感爽脆鮮甜😋。蜂巢冰豆腐＄45朋友很喜歡吃豆腐，今次試吓蜂巢豆腐，吸收了花膠湯混合豆味香濃，同平時吃豆腐有啲不同口味😋。原粒帶子水餃＄48水餃薄皮，餡料有碎肉帶子，入口爽口鮮甜😋。日本蒟蒻麵＄28聽講蒟蒻麵卡路里低，麵條脆脆地，食落幾得意😋。一路打邊爐傾吓計，今晚時間過得很快，很滿足😍😍。

今日同朋友喺鮮入圍煮食左個濃厚原隻鮮雞煲花膠湯（小），雞煲花膠湯底好濃郁、好有雞既鮮甜味！我同朋友一共飲左5碗湯🤣雞肉質唔錯，花膠爽口彈牙，唔會油膩！之後就加湯，滾其他火鍋料啦😀我地一共叫左3款火鍋料。1.爆炸薑汁皮蛋貢丸：極推薦！好新鮮既組合！皮蛋好香！成粒丸帶少少薑味，又帶有少少甜味！亦好足料！😋😋2.脆肉鯇骨腩：好新鮮！肉質好鮮嫩爽口！3.原粒帶子水餃：帶子果然係原粒！帶子同豬肉好夾！餃子皮都幾薄！👍🏻

天氣越嚟越熱，想食打邊爐都基本上會出去食，因為喺屋企打真係好鬼熱🙈，又要預備材料。今次就同朋友去咗鮮入圍煮度打邊爐，叫咗佢哋嘅招牌濃厚原隻雞煲花膠湯（$2️⃣6️⃣8️⃣）。入面雞件同花膠份量都非常多，所以個湯底亦都非常之濃，充滿膠質，即刻覺得勁補🤩，勁滋潤。因為個湯底本身都好多料，所以我哋叫嘅餸唔多，同埋我哋得兩個人真係食唔到太多。炸響鈴（$4️⃣8️⃣)同埋蟹子鮮蝦滑（$8️⃣8️⃣）真係必叫。炸響鈴一份有九條😛，索晒啲湯汁真係好正。我同朋友就最中意蟹子鮮蝦滑，食得出好有蝦味，而且打到起晒膠，好彈牙又鮮甜，雖然$88一份，但絕對值呢個價，而且佢份量都幾多下，呢個真係必點！建議大家下次嚟都係叫多少少人，咁就可以試多啲唔同嘅嘢。

一直都聽講呢一間打邊爐好出名，一直都好想試下，今日終於可以過嚟食番餐。呢間餐廳就係家樂坊對面，一眼就望到，上二樓就到好易搵到。我哋中午去食，客人唔算好多，夜晚就應該旺場啲。上到去好大，環境唔會好迫。裝修都好特別，牆身好似九龍皇帝字跡咁，燈泡就好似街市用嚟照雞蛋果啲燈咁😂仲有個街市魚檔，可以自己出去揀海鮮都得。上網見好多人都大讚花膠雞鍋正，所以今次就試下啦花膠雞細鍋入面都有半隻雞㗎。一上枱已經聞到好香好濃味。職員叫我地可以先飲湯，飲完再加豬骨湯底打邊爐！睇下個湯底真係好足料又濃郁㗎，奶白色湯底，入口仲有膠質，我地數過有5隻大花膠，都算厚肉！另外有好多火鍋配料，我地隨意點左幾樣。鴨血我每次打邊爐都必食！打邊爐嘅鴨血又滑又好食，呢度嘅鴨血都算厚切，唔會有腥味。薑汁皮蛋爆汁貢丸第一次食，好特別，咬入口真係爆汁！我唔小心燙到口，所以真係要小心食。一咬汁就咇哂出嚟。入面好濃薑蓉，仲有小小粒粒嘅皮蛋，呢個搭配都幾有趣。響鈴卷原來一份都好多，響鈴卷真係打邊爐必備，吸收哂濃湯汁西洋菜打邊爐點可無菜呢。。稻庭烏冬食到最後加個烏冬一齊食，真係好好食，飽哂！唔好以為好少野食，其實真係食唔晒，一開始飲湯食雞食花

鮮入圍煮 𝗠𝗮𝗿𝗸𝗲𝘁 𝗛𝗼𝘁𝗽𝗼𝘁🍲🥘好耐冇試過下午打邊爐，當日仲要係十分炎熱嘅34度☀️一出街就覺得要溶化🥵🔥但係book咗枱冇理由唔去㗎嘛🤣🤣🤣 𝙂𝙊𝙂𝙊𝙂𝙊!!! 𝑯𝒐𝒕𝒑𝒐𝒕 𝑫𝒂𝒚🥰🍲！第一次食「鮮入圍煮」，個設計好特別，係傳統舊式嘅風格。去之前做晒功課，個個都叫我一定要嗌『花膠雞湯』🤣一坐低就急不及待嗌咗啦！『半隻花膠雞湯』𝗛𝗸$𝟮𝟲𝟴- 兩個人食，嗌咗半隻雞，原來都幾多！有大約8舊左右嘅花膠，同好多好多嘅雞件！全部都好嫩滑，仲要有大大隻雞髀🍗🤣平時唔太鍾意飲火鍋湯底嘅我，都飲左起碼三碗🥲未叫火鍋材料都已經飽咗一半😛『花膠雲吞』𝗛𝗸$𝟰𝟴/𝟰粒- 皮薄餡靚，粒粒都好大粒！唔記得咗影相，補返個臨食之前嘅shot俾大家🤣真係好大粒！『新鮮鵝腸(多肥)』𝗛𝗸$𝟴𝟴- 係肥腸唷😍😍好耐冇食過啦！佢有多肥同埋小肥揀🤣要多肥先有口感咖嘛!!!! 好正好好食😍『豬骨濃湯貢丸』𝗛𝗸$𝟯𝟮/𝟲粒- 貢丸反而冇乜特別，我初初以為會有豬骨濃湯流出黎🤣但係無。不過都好食嘅😋有好多冬菇🤗（人頭醬料費 𝗛𝗸$𝟮𝟬/𝟮位）埋單Hk$500都唔洗。食埋幾粒貢丸就已經好飽🤣兩個人打邊爐都係叫得唔多野😛但係個

花膠雞湯底味道香濃，原隻雞肉質軟滑，個邊爐打到尾都d雞都仲係滑ge!湯底好足料，湯底加湯唔喺加水令湯底味keep到。正！打邊爐食材算多選擇，材料都新鮮。裝修環境特別似足舊時嘅大排檔，一大班人食環境氣氛好好。

早兩年都有來過幾次，以前好難訂枱，電話打九萬次都唔會聽，不過今次突然之間想食花膠雞，諗起這間餐廳就last minute打來試下訂位，點知即刻有位，心諗仲覺得好好彩，嗰日仲要係週末，但係上到去餐廳都係唔係好爆。而這次的湯底係冇失望嘅，雞好滑，花膠都算足料！淡湯好飲，係正的！不過去到又冇可能淨係食花膠雞，點都一定會叫其他火鍋料，鐵腳肯定係肥牛... 點知咁就中伏了！特登點左最貴嘅「本地手切肥牛」滿心期待，一上檯就知道出事了，第一好明顯唔係手切，同埋d肉變咗色... 其他嘢就不過不失咁囉 🤭

香港人特別鍾意打邊爐最近聽朋友講話旺角有間餐廳食花膠雞湯好出名又好味，當然第一時間要同老公去試吓啦。嚟到我哋第一時間叫咗個花膠雞湯，個煲黎到我同老公都嚇咗一跳因為啲湯渣入邊真係有大大嚿嘅花膠同埋好多雞件，侍應推薦我哋先飲一碗雞湯再放配料落去打邊爐，首先飲吓個湯頭真係超級濃郁啊！而且飲落一啲都唔口乾非常適合女士補下骨膠原。嗰度嘅點餐紙有好幾張配料選擇都非常多，而且仲有啲新鮮游水嘅海鮮俾你即場選擇添。另外配菜方面今次我哋叫咗牛湯汁濃湯牛丸，炸響鈴，芒蜆同埋帶子水餃，因為成個煲嘅配料已經有好多雞件同埋花膠我地怕兩個人食唔晒就唔叫咁多啦，首先講下個牛丸食落好彈牙而且好Juice！另外個帶子水餃係平時比較少食到嘅入面真係有一粒粒嘅小帶子而且皮薄餡靚不過我就覺得啲餡料醃得偏鹹咗少少，同埋個響鈴食落好脆口同埋份量都幾多下，最後個芒蜆真係冇得輸！隻隻都好大隻而且好肥美食落好鮮甜。

對上一次黎已經係好幾年前同一大班同事，放工後嘅圍爐取暖🍲 今次黎到彷如重遊舊地，環境食物依舊，當年打邊爐嘅檯凳彷似都仲係用緊同一張🪑只係曾經係身邊夾餸比你嘅人，依家已經夾緊比第二個人😪講番正題😂 多年再訪「鮮入圍煮」仍然保持到質素，難怪長期晚市都好full😎 懷舊香港街市裝潢，最鍾意佢幅大字牆，好有香港特色🥰 每日生猛嘅海鮮🦞標好價錢浸係大魚缸，雖然係街市造型，但十分衛生企理👍🏻《濃厚原隻雞煲花膠湯》 $268/小 4.5 / 5 🤤🤤🤤🤤🤤之前黎就試過蟹粉煲，份量太大今日得兩個人所以叫左個細嘅《花膠雞湯》😋 未打邊爐可以先等湯滾起品嘗左湯先😋 湯底好鮮甜，好濃郁嘅雞味，而且充滿膠質🤤 飲落都知好滋補🥰👍🏻 食左少少雞肉飲左兩碗湯，就可以進入打邊爐嘅環節🤩《脆肉鯇魚片》 $68 / 份 4 / 5 😋😋😋😋比平時食到嘅鯇魚片厚同大片，肉質夠晒爽脆好新鮮🤩 唔算好多細骨，不過都係要小心啲食😜《牛胸油》 $138 4.5 / 5 😍😍😍😍😍好少唔係專食牛嘅打邊爐會有哩個部位😍牛胸油又稱牛白肉，望落以為係肥膏，實情佢係肌肉黎架！爽脆得黎好有油脂香，好邪惡🤤 未食過嘅朋友真係要試，每隻

母親節黎打邊爐～間唔時都要陪下媽媽食好野同飲野既～呢間火鍋店設計比較特別，係傳統街市既感覺同設計。花膠雞湯建議落料打邊爐前可以先飲下個湯呀😉佢個湯底好濃郁，唔會咸，因為有花膠，食落感覺係充滿骨膠原既漿口感覺🙊雞肉因為熬左好耐，所以唔會係好滑既感覺，但係都夠淋身，我地都將啲雞肉全部食哂🤗花膠比較薄身同爽口～羊肉片有驚喜！！！老實講雖然我唔算食過好多間火鍋店，但我係第一次食到咁厚，同羊味咁濃既羊肉片🥰即刻心心眼😍高質呀！西洋菜打邊爐必備既菜（因為無皇帝菜😂）～份量都幾多，而且夠新鮮同乾淨。蟹籽鮮蝦滑又係份量唔細，煮熟左之後爽口彈牙，係正既👍最後...打邊爐就緊係要飲翻杯啦～呢到既啤酒都有幾款可以選擇。我地就揀左我最愛既hoegaarden🥰

一年四季都鍾意打邊爐，嚟到旺角樓上舖火鍋店《鮮入圍煮》打邊爐，火鍋店裝潢以懷舊特色嘅街市為主題，感覺置身於街市內嘅大排檔打邊爐😊!打邊爐嘅湯底揀咗蕃茄薯仔湯🍲，濃郁嘅蕃茄湯，湯內有新鮮嘅蕃茄同薯仔非常鮮味，好啱打邊爐。🥢一口牛肉粒 🐄一碗份量好多，牛肉粒新鮮，厚身同埋有濃厚嘅牛味，食落口感軟腍，非常juicy，好食到停唔到口🥢羊肉片 🐏羊肉片♨️滾幾下到轉色就食，有蕃茄湯嘅甜味，同時嚐到羊肉嘅香味。🥢金牌牛肉丸 🐮香濃牛肉味道，口感爽口彈牙，食出真材實料。🥢魚籽包心丸 🐠包心丸喺魚肉，包著爽口魚籽，好味道。🥢出前一丁最後放出前一丁入鍋，吸收蕃茄湯底精華，可以唔落味粉已經夠入味，好滿足。唔少得叫埋飲品🧃，有鴻福堂柑桔檸蜜🍯同埋Meko蜜桃紅茶🍹，去熱氣同解口渴。鮮入圍煮📌旺角登打士街43H號登打士廣場2樓 (港鐵油麻地站A2出口)

工作咁辛苦，有機會當然要補補身體啦❣️❣️今次同朋友黎到旺角既鮮入圍煮，想試下佢地既招牌花膠湯😍😍🥘濃厚原隻雞煲花膠湯(小) $268✨個湯好足料～～裡面有半隻雞同好多花膠，味道十分濃郁👍🏻👍🏻花膠淋身得黎有咬口，滿滿的骨膠原😋😋雞肉都好滑身，仲好入味～～其實飲完個湯都飽飽地，店員會等我地飲完湯之後再幫我地落豬骨湯打邊爐🤣🤣🐷西班牙豬腩片 $78✨佢地既火鍋料都有好多選擇，我地就揀左幾款～～呢個豬腩片都唔錯，偏薄身，食落有口感🤤🤤🥟原粒帶子水餃 $48✨帶子水餃有驚喜❤️❤️水餃裡面有粒珍珠帶子，味道鮮甜😋😋🍖金牌牛肉丸 $32✨打邊爐梗係唔少得牛丸啦～～口感爽口彈牙，咬落去有湯汁，好正👍🏻👍🏻🍜出前一丁 $12✨最後食返個公仔麵作結尾😋😋用花膠湯煮既公仔麵特別好食～～嫌唔夠味既朋友仲可以加湯粉同麻油調味❣️❣️