鳥棲日本料理 (已結業)

遊走駱駝漆走到5樓發現一間日本餐廳，門口一綠油油打卡牆非常Igable 入到餐廳全部座位都是sofa，坐落都幾舒服餐廳用QR code落單，方便又衛生花魚一夜干 $78 花魚一夜干用海鹽醃制風乾一晚，肉質變得帶有咸香鮮味，再用火烤到表皮金黃微焦，肉質鮮嫩富含油質，肉多骨少，加上淡淡的咸香，好正原條鰻魚炒飯$128鰻魚肉肉質較腍，整條鰻魚肥美， 加上香囗鰻魚炒飯，份量好足，仲食得好滿足鳥棲和牛肉串 $36大蔥雞肉 $30串燒唔算燒得燶，但肉質都幾juicy，一啲都唔會乾Menu

9月18日，我們6位到貴餐廳品嘗，順便同位朋友慶祝生日，但由於疫情關係分開坐（2位+4位）我地叫左好多食物，都十分美味但到最後美中不足係我地拎蛋糕慶祝+閒言幾句，（因為分開枱所以企係路中間）突然有位男職員大聲咁講：唔該借借，感覺有點掃興，感覺職員好像有心（其實隔離都有條路）希望貴餐廳職員言氣可以改善下🙏🙏之後職員黎收野，4人坐個邊，d野飲，飲左一半，問都無問就收走，十分無言…當時 時間約9:15分左右，估計貴餐廳仲沒收工吧？如有質疑，歡迎聯絡本人。

週末晚上同朋友食飯，7:30坐低，7:42落好左單…..野飲好快上左。跟住等啊等….一直等到8:0，先等到壽喜燒….個爐。之後食物先慢慢上齊。到9:10，佢哋同我哋講9:30要關門。講番野食，味道好一般，價錢唔算抵。壽喜燒啲牛肉未煮之前係暗黑色。鰻魚炒飯，唔似新鮮做起。天婦羅更係咬到一舊粉。仲有野飲，完全係香精味。唔知網上既好評係點黎架呢？

在觀塘行了不少地方想找一間有沙律的地方。怎料，竟然是咁難找。因又想找一間安靜的地方能和我的親人倾下密計。終於找到了！7：30時，人流比較多。滿場它menu里所有食物很吸引。但價錢更吸收！我們叫了不同類型的食物。番薯天婦羅及beef sukiyake仲order了串燒。勁得。我們會再encore~~~~

🍽鳥棲日本料理平時都好鍾意去觀塘嘅工廠大廈度搵嘢食，雖然工廠大廈感覺上唔就腳，但係原來都幾受歡迎，遲少少book枱都已經會full晒！今日去咗駱駝漆大廈食日本嘢，見到大概七點幾已經冇得walk in, 好彩有一早book定！🤍松葉蟹鉗海鮮鍋（$138）呢個海鮮鍋入面除咗我哋最期待嘅蟹鉗之外，仲有蝦、帆立貝、青口等等唔同嘅海鮮，每種嘅份量都係有兩粒/兩隻，我哋兩個人食啱啱分得到～就咁食海鮮好難食得飽，所以佢都有大量嘅粉絲墊底，而且仲有好多菜！🤍一口煎餃子（$52）話就話係一口，不過其實都冇想像中咁細。佢用咗鐵板上，可以保持到煎餃子嘅溫度。餃子本身煎到有微微嘅金黃色，非常之香口！🤍芝士明太子蛋卷（$42）蛋卷煎得好香滑，而且明太子嘅份量都足夠，一般食芝士明太子蛋卷通常都係流心芝士或者係可以拉絲嘅芝士，呢個蛋卷就用咗忌廉芝士，令到成個感覺更加香滑🤍牛肉稻庭烏冬（$82）烏冬質地都幾彈牙，豬骨湯亦都好香濃，牛肉亦都係食得出啱啱煮熟，唔會太韌💰 人均消費：約$170📍觀塘開源道60號駱駝漆大廈三座5樓S室

每個月嘅紀念日都會食好啲📆，專登Book檯食呢間好評滿滿嘅工廈日本餐廳。內部半和風裝修，全部都係梳化位🛋️，好就叫坐得舒服啲，我哋坐係中間搭檯好迫，食物都唔夠位放😥，但有啲兩個人又有四人卡位坐⋯播住80、90後都聽過嘅廣東話，食住港式嘅日本菜🍢。食物質素方面，真金白銀比錢食嘅我哋只想食完快啲走，呢個價錢可以食到質素更好嘅餐廳😳。唔太明白點解會full booking，7點walk in會無位⋯————————————————👅松葉蟹鉗海鮮鍋（$138）👎🏻應該改名叫「急凍海鮮雜錦鍋」，海鮮無鮮味，湯底都係普通白湯😔，自己買現成食材放埋一堆都整到，仲會平一大截，食到嘅係誠意欠奉⋯👅鳥棲和牛（$36/串）🔸第一啖覺得幾軟，咬咬下有啲彈牙🐮，亦有少少筋位，及少量牛脂香.👅燒雞翼（$30/串）🔸就係鹽燒雞翼囉⋯👅月見免治雞肉（$58）🔸 雖然寫明製作需時，都等到食飽先上，一個女生拳頭大小嘅焗雞絞肉🐔，流心蛋汁加持好食一倍，不過掂到好熱嘅鐵板就好快熟👅藍柑富士山（$35）👎🏻單睇顏色幾人工，味道毫無懸念係柑橘糖漿汽水味🥤，飲飲下似清X酷/清熱X，外加一球雀巢級別嘅雪呢拿雪糕————————————

有日係觀塘搵食 見呢間野openrice咁多like就諗住試試佢 點知就中左大伏。。。我地嗌左幾樣招牌菜，鰻魚炒飯，芝士明太子蛋卷，他他醬魷魚圈，燒牛舌同和牛串燒。鰻魚炒飯 $128鰻魚食落有啲腥🤮 飯未炒均有啲一舊舊 整體味道偏甜芝士明太子蛋卷 $42啲蛋太老🥲 好一般他他醬魷魚圈 $58炸漿同魷魚係完全分離 基本上係要分開兩樣野黎食 但已經係全晚最好食嘅野燒牛舌$35 鳥棲和牛 $36間野燈光太黑關係 冇影到串燒和牛就正正常常 冇乜特別 燒牛舌食落好嫩 但食到半路發覺中間係粉紅色🤯 懷疑係唔熟食完準備埋單個時先發覺有兩個廚師唔戴口罩💩 係疫情期間都咁唔注重衛生真係想靠害 同男朋友食完呢餐仲要痾左成個禮拜🙄 呢間野絕對冇下次！總結黎講呢間野完全唔值呢個價 真心唔明點解咁多like 根本係打日本菜旗號嘅茶記 想清腸胃嘅可以試下😂😂😂

觀塘工廈不嬲都好多美食，今次就黎到哩間日式居酒屋，餐廳環境超舒適，全部都係沙發凳，坐得好舒服，而且餐廳播既歌勁岩聽😆餐牌上面既選擇多樣，今次就叫左比較熱門既原條鰻魚炒飯再加其他小食試下。🐟原條鰻魚炒飯 $128 原條鰻魚大條肉厚，而且無骨，質感係有啲黏口個種，炒飯底粒粒分明，每一粒飯都均勻沾上鰻魚汁，飯入面仲有青椒粒、紅椒粒同埋炒蛋，哩個飯真係幾抵食。🐂（半生）牛肉他他燒 $88第一次食哩種半生牛肉，上到枱仲係粉紅色😆估唔到放入口好有驚喜❗️ 油脂豐富細膩，完全無筋，有一種炙燒過既香氣，而且味道鮮甜，點埋佢配有既酸酸地既醬汁，真係好好食，係食完一塊接一塊個種，好食推介👍🏻✨串燒鳥棲和牛$36、鹽燒牛舌$35、燒豬頸肉$30 三串串燒都好惹味，鳥棲和牛燒得剛好；鹽燒牛舌係厚切，香口有嚼勁；燒豬頸肉有驚喜，油脂豐溢，肉質軟腍，豬頸肉絕對係好食推介👍🏻整體黎講，餐廳環境非常舒適，食物亦唔錯，好岩同朋友黎食野傾計。

觀塘駱駝漆買完所需品後，順便食埋餐晚飯，行到5樓見有日式餐廳#鳥棲，望入店舖都乾淨精緻，而且是梳化椅，於是入內進餐lu。掃code 點餐很方便，點了3款食物與老友分享。 🥘壽喜牛肉鍋， 湯底甜道適中，牛肉肉質有咬口軟淋唔肥，配料份量恰當，有滑豆腐、冬菇、娃娃菜、小棠菜、紅蘿蔔同粉絲，配合雞蛋同芝麻醬汁，好好食😋。另加$15配了烏冬一碗。🐠花魚一夜干, 經鹽醃製後故有咸香味，而魚是半風乾的製法再煎香，故魚肉比較有紮實感， 配了檸檬汁令鮮味更出！🐟燒油金魚鮫，魚皮煎得脆香口，魚肉豐富肉汁，魚鮫位油脂很甘香，將蘿蔔蓉配合埋醬汁，攪拌後一併食，好正啊。 餐廳坐得好舒服，除主食外還有很多不同的炸物、小食…選擇，都係一個唔錯嘅地方啊。 

放工返觀塘就係發掘美食既好時機!駱駝漆大廈真係美食天堂🙌🏻所以我決定左試哂3座既美食先,今次搵左哩間5樓食日本野既餐廳試下!食物方面:⚪️鹽燒牛舌厚切牛舌有3件,燒得岩岩好,燒得幾好!⚪️他他醬魷魚圈新鮮即炸好脆熱辣辣🤩魷魚圈好爽口,配他他醬真係絕配!⚪️網燒安格斯牛扒賣相一般,但味道好出色,大約6成熟😜KEEP到好多肉汁,好香肉味,份量都幾多!⚪️原條鰻魚炒飯好大條鰻魚好正,無咩碎骨熱辣辣好食😋個飯係用左日本珍珠米,而且用鰻魚汁炒過好香!⚪️巨峰富士山有燈係飲品入面好令,上面有一球雪糕,唔錯!⚪️草莓乳酸梳打正正常常!!整體方面:餐廳有都10幾張枱,唔會好迫,上菜都好快,食品都好有質素😋中意食鰻魚既一定要試原條鰻魚炒飯好好食!去開觀塘/收工唔知食咩好一定要去觀塘食好野^^

嗯……又中伏……其實我一向覺得應該在OpenRice 寫明限時用餐，不用客人來到才說是否介意，約好曬朋友泥到先知，但唔考慮轉埸，雖然餐廳說已打了好多次電話通知，但冇留言自己又一向唔會接陌生電話，就係錦本來想輕輕鬆鬆坐到10:00和朋友慢慢食傾談，就變咗節奏要加快個半鐘食完轉場再食甜品傾談，所以想幫襯既又唔介意限時便要考慮清楚！入番正題講食物和服務態度，一向OpenRice 係自己唯一習慣訂枱睇食評既選擇，所以見食評好好便來一試，食物方面係讚既，那晚叫了不算太多種類的食物，有串燒燒得好到位尤其牛舌真心好味😋我們叫了牛舌、雞腎。另外推介既係牛肉鍋，友人們都讚不絕口，不過反而明太子蛋卷沒有想像有驚喜，味醂魚干很抵食$38可以試，其實最吸引我既係杯富士山飲品，夏日消暑一流（見圖）又靚又好飲，因為時間關係食物也沒心情拍照，另外一讚既係可用手機點餐十分方便，服務態度都係讚既。

每逢夜晚總係排長龍嘅駱駝漆今晚到我排啦，先去買千層蛋糕，但賣曬😪上多層食飯，今日食日本野坐低左後店員會比餐牌同埋QR code紙比你落單眼見好多人叫鰻魚飯同牛肉鍋，又好多人叫閃光野飲。原條鰻魚炒飯 $128好耐無食過鰻魚啦，原條感覺特別滿足，鰻魚同飯都好多鰻魚汁。兩個人食都覺得夠食，一個人會太多。牛肉他他燒 $88由於佢係半熟，所以會有冰底。而個面就會有洋蔥，再有個汁比你點，而我覺得點汁會好食啲。燒雞翼 $30平時我對雞翼麻麻地，但覺得佢又ok。鳥棲和牛 $36唔會韌，感覺幾好鹽燒牛舌 $35串燒唔可以唔食牛舌，好食呀，真係我最愛

先講牛燒肉。真是非常（銀）燒豬頸肉都還比較好少少串燒叫左一個（秋葵腩肉卷）和（雞軟骨）和（牛舌），都唔錯再叫了個吉烈蠔（是全餐飯最好味既一樣野）炸得好脆重點叫了個炒麵。一黎到已經見到油到反光。真係好多好多油。碟底見到油浸住哂d配料。呢個真心係好差感覺總括黎講可以算是試過一次就可以全餐是＄450，但感覺不是滿足另外都想講餐廳內的座椅係梳化型式，都幾舒服。但就真係非常逼，基本上我和後面枱的座椅都係貼住。枱亦非常之細。我們叫左既野食根本都唔夠擺張枱。但明白既因為都多客。但都要改善下呢個問題。因為燒肉已經有個粒你燒爐要擺。加上其他食物。枱面上根本無多餘位置進食。

係觀塘駱駝漆工業大廈樓上鋪， 隱藏不少特色美食。 好多時都喜歡到哪裏閒逛之餘同時發掘美食。😊上網找到這間「鳥棲日本料理」 評價唔錯， 見到梳化椅卡座好舒服， 一於入去抖一抖依吓肚。多款日式料理，小食，沙律， 串燒，選擇甚多～原條鰻魚炒飯$128總是無法抗拒「原條」 這個字眼， 感覺是獨佔了 這條肥美鰻魚， 鰻魚汁唔會好咸， 味道啱啱好！ 鰻魚肉肉質較腍， 無想像中那種柔軟煙韌嘅口感， 不過份量都是很足， 蓋著的鰻魚炒飯也是以香囗入味。😍👍青蘋果乳酸梳打$34乳酸味道唔算重， 配合青蘋果味較為清新。薰衣草波子汽水$28薰衣草味唔算好突出， 來自北海道嘅波子汽水特別吸引。壽喜牛肉鍋$128每次吃日本料理都喜歡點一份鍋物。壽喜燒份量唔算大， 鍋上鋪滿牛肉，把其他材料都遮蓋著。 壽喜燒湯底 就是那種經典嘅甜味， 所有材料吸滿湯汁更是非常美味! 蔬菜，豆腐，本菇新鮮清甜。鍋物主角牛肉～ 好厚，有肉味， 沾上生雞蛋汁和芝麻醬特別美味！

今天和朋友來到觀塘駱駝漆三期睇中醫💪強身健體一番後已經變得飢腸轆轆，直接就在三期樓上樓下尋覓一下餐廳。這座大廈一直都是美食集中地，由中美日韓意法式菜都有得選擇🤲不少在社交網上亦討論度甚高。 走到5樓發現一家主打居酒屋料理的日本餐廳，門口一大片綠葉紅花牆非常吸引眼球🌺餐廳佈置有點居家感覺，全部座位都是梳化椅，纖維餐墊和HANA碟都添上了些許和風🎏 餐廳使用QR code落單，既方便又衛生，不怕漏單📒二人餐相當豐富，同行朋友食量不多就決定留待下次再來挑戰。 👅鹽燒牛舌 $35 7.5/10首先到來的是串燒，晚市繁忙時間預備定部份熱門串燒，即點即上有火燙感覺，厚切牛舌的油香味濃，口感有嚼勁，肉質軟嫩。 🐔南蠻炸雞籃 $62 7.5/10源自日本宮崎縣的特色炸雞，用糖醋、蔥及辣椒作為醃漬料，再上炸漿落鍋炸透，最後上桌前澆上他他醬😋這裏的他他醬混有碎粒雞蛋，帶有更強蛋香，炸雞的肉嫩多汁，旁邊配上了日式甜醬油更提味。 🥓牛肉他他燒 $88 7/10相當少見的日本料理，將原塊牛肉用火槍稍為燒焦外皮後再切開，從花紋可見油脂滿郁，旁邊醬油像是刺身用，吊出了牛味，但比較細片，單片吃會有意猶未盡之感😌 🐟花