鳩砌

营业中

休息中

這間漢堡包店只做外賣不設堂食，由於光顧人數眾多而且沒有冷氣，在炎炎夏日下，先msg後取貨會比較理想。先選擇漢堡種類，再選醬汁（醬汁可選擇多款），可以另加配料，個人很喜歡加炒雞脾菇是日點了芝士煙肉漢堡加炒雞脾菇，牛肉加了黑椒而且充滿肉汁，配上芝士，煙肉跟炒雞脾菇，真係好夾。聽說蕉蕉蕉是新推出的產品，所以點了一個來品嚐一下。蕉蕉蕉主要是煎香了的麵包， 夾著香蕉、Nutella醬及煉奶。邪惡且美味，是必食推介。

呢個星期就去咗試一間黃到發金嘅漢堡包店，客人可以自選漢堡配料，連醬汁都可以自己配搭，而店員當然就認真砌俾我哋😂我哋今日就試咗新鮮豬肉漢堡，入面有煎蛋加生菜，配黑松露醬加沙律醬😋兩種味道互相平衡，加上豬肉肉汁好豐富，非常夾👍🏻推介大家嚟到土瓜灣一定要試另外我哋仲試咗一款「狗仔餅」即係格仔餅😄非常鬆軟，入面煉奶、花生醬、砂糖加牛油，真係好邪惡🙈😋推介大家試完漢堡，可以試埋呢款格仔餅，當食埋甜品 😂下次要試埋其他漢堡😋💕

其實餐廳位置唔算隱蔽，反而對正大街，不過門面細細，唔講未必覺，好容易就會錯過咗好好食嘅漢堡😹記得有次想食，但後尾先發覺嗰日係開夜晚，最後唯有去咗附近食另一間burger。早兩日落雨，諗唔到食咩，最後終於買左外賣自取。唔睇清楚都唔知，原來呢度嘅漢堡係豬肉，好似係冇牛肉揀嘅。最後揀咗兩個芝士漢堡，其中一個係加咗雞髀菇。外賣嘅包裝可能可以改善。因為冇個盒之類裝住，其實只係大概10分鐘到路程，個包始終係即整，熱辣辣，焗到個包有啲水氣，同迫咗啲油份出嚟。我估如果即刻食個包應該係幾香同有幾分脆口！！不過好彩漢堡同埋其他材料都唔錯，好鍾意佢仲係好熱，唔似普通連鎖快餐店已經整好曬，冇乜香氣。佢嘅芝士真係用咗喺漢堡度，而雞髀菇亦都真係炒/煎得幾香！整體來講，都真係幾滿意。可能下次拎走嘅時候唔綁實，希望減少啲水氣啦🤣或者如果可以改一改良下個外賣包裝就好啦。

我本身對漢堡無太大興趣，但每次經過陣陣香味都會忍唔住買返去食。個包帶有牛油香、外脆內軟。豬肉漢堡好Juicy，微焦仲加佐啲黑椒粒令佢好惹味。平日開到零晨，啱晒返夜嘅我，因為舖頭就係石塘街巴士站隔離，都算方便。有選擇困難嘅朋友可以揀芝士漢堡加蛋或者焦糖化洋蔥、沙律醬配燒烤醬，勁正！同埋佢即叫即做，大約要等幾分鐘。有時多人排都要十幾分鐘。建議Signal搵佢地落order，幾分鐘再落去拎。如果對連鎖店嘅漢堡失望嘅朋友不妨試吓呢一間。

呢間是家姐介紹的，門面唔大，舖頭感覺有些雜亂。去到員工向我哋簡單介紹，還可以用whatsapp落單，幾方便見到menu, JoyJoy子一於試下佢嘅煙肉漢堡 ($41) + 蕃茄 (+$3) 配茄汁同燒烤醬 第一次幫襯，覺得服務幾好，用料有誠意首先塊煙肉大大塊，仲幾juicy，唔會太薄身同乾。而漢堡講明係用豬肉，亦係大大塊，上面仲有滿滿嘅黑椒粒，食落都幾辣(如果講明漢堡係辣嘅可能好d，始終有d人唔食得辣)，一個漢堡都夠飽，滿足!

作為一個超級鍾意食漢堡嘅人，有咩開心得過屋企附近有間性價比超高嘅漢堡店？！第一次嚟試咗佢哋嘅煙肉芝士漢堡🍔淨係個名已經夠吸引我嚟見識吓👀足料、即叫即整，服務態度超好💯

漢堡即叫即做 保持暖笠笠新鮮感❤️漢堡煎得好香! 好脆! 好JUICY!配埋沙律 & 黃芥末醬 層次感昇華不少重口味嘅仲可以要求佢多醬添!!真係食完即刻就想再ENCORE店員仲會好細心咁寫你個名係袋度咁就唔怕認錯咗喇

位於土瓜灣獨沽漢堡的小店. 店名有玩味, 店內大大隻字寫住專砌生豬肉. 漢堡即叫即做, 所以晚市等候時間較長, whatsapp預先落單都要等半粒鐘先有得拎.點了芝士煙肉豬肉漢堡($45), 加配焦糖化洋葱(+$7). 醬汁選了燒烤醬+黃芥末醬. 醬汁偏多, 比較搶味, 下次可以叫少醬. 個麵包都煎過下, 外脆內軟. 豬肉漢堡扒juicy, 但肉味就沒法跟牛肉比. 煙肉煎得香脆; 焦糖化洋葱炒得熟透, 香甜不會辣.

如果落去等外賣就知，呢度既豬漢堡真係煎得好香好香，但我通常會whatsapp落單先，搞掂先落去拎，夜d佢亦有外送服務，但我未試過。就正如佢個名，個包係砌出黎，要d咩餡料自己tick, 好似車仔麵咁，我次次都係芝士漢堡+焦糖洋蔥(但唔係一定有)+蛋+沙律醬+bbq醬, 加野飲都只係加幾蚊。 個包好香，搽左牛油煎過下，隻蛋係半生，有時咬穿左會食到好le hea, 但真係好好食。 佢得包賣，第一次食都擔心唔夠飽，但食完其實好飽。 不過如果有其他sidedish例如薯條，洋蔥圈呢d就更好啦。

雖然是簡單一個煙肉芝士蕃茄漢堡包，但做得好好味 睇得出用心製作，因為個包好軟熟，好juicy 而且啲食物用料好香 ，醬汁恰到好處，CP值極高，值得一試，俾心機加油💪🏻💪🏻

一直聽聞依間店很不錯，今日有空去到點了個芝士漢堡+煙肉+洋蔥，配茄汁和黃芥末。首先，是即叫即整，不是翻熱，即使外賣，內裡的餡料仍熱辣辣(依個好重要)；其次麵包質地鬆軟，可以一口一口地將麵包和饀料咬開，而不是用口撕開來食；最重要都是料夠足，味道配搭好，醬料份量恰到好處，令每一種食物的味道都食得出，不會有齋食調味料的感覺。而唯一可改善是舊肉扒，重手左，略鹹。我認為是烹調時加多了鹽，應該可要求店主微調。整體上是名符其實。甚好！

小店絶不起眼，容易睇漏眼，營業時間早上11時至凌晨三時，店內只有兩位年青人主理，即叫即整。叫咗 煙肉芝士雞髀菇焦糖洋蔥芥末汁，另一個係煙肉芝士焦糖洋蔥煎蛋值得一試，價錢合理😊

今天突然想吃漢堡，用熊貓叫外賣，看到此店的名字，很喜歡! 就叫了一個芝士煙肉漢堡來試試。看到外表蠻有驚喜。但由於外賣快遞用了頗長時間才送到，有點凍了...漢堡餡料豐富，豬肉似是手打。芝士、煙肉及豬肉的味道平均，很夾。感覺很有heart 去製作。 麵包脆脆的。醬料味道都不錯。Order 時亦可自行加其他配菜，如紫洋蔥及黑松露。下次會再嘗試其他漢堡若有其他小食如薯條、炸雞塊等，可配搭成一個套餐就更好了👍🏼