影片
更多
2014-06-11
3109 浏览
早前團購了晚市燒烤任食，團購價$148，連加一$48及星期六附加費$20，總數要$216，雖然要限時2小時，但見食評唔錯就試試啦，但訂位時才知團購無任飲，要任飲需每位另加$20，咁睇真啲團購既菜單又無寫有飲品，既然買咗都無計啦，係自己睇得唔夠小心。我哋訂咗6:00至8:00時段，因為我哋早到咗15分鐘咁多，店方又畀我哋入座先，都算幾有人情味。我哋一開始已經點咗唔少食物，雖然當時計埋我哋只有2枱客，但啲食物都唔係一次過上曬，唔知係咪店方有意分開上，唔使搞到張枱放唔曬呢？首先上枱既係刺身、前菜同天婦羅，以任食唻講刺身既質素唔錯，size唔算大但都唔會細細件，正常size。前菜叫咗枝豆同辣味螺肉，ok好味。天婦羅就好多油，幸好只係叫咗兩款試吓啫。跟住係一口牛、牛舌、羊架等肉類燒烤食品，因為我食量少，只係食咗其中幾款：一口牛 - 係切到細細粒，但我又唔覺有咩問題喎，反而咁樣唔會燒到外面過熟而裏面未熟，而啲牛肉都有牛味，食落淋淋哋，唔錯。帆立貝 - 雪藏食品但又無咩調味，淡淡哋咁。三文魚骨 - 舊骨好肥，返而我哋將啲三文魚刺身燒熟唻食重好味。多春魚 - size有大有細，都ok啦。虎蝦 - 可能
我哋訂咗6:00至8:00時段，因為我哋早到咗15分鐘咁多，店方又畀我哋入座先，都算幾有人情味。
我哋一開始已經點咗唔少食物，雖然當時計埋我哋只有2枱客，但啲食物都唔係一次過上曬，唔知係咪店方有意分開上，唔使搞到張枱放唔曬呢？
首先上枱既係刺身、前菜同天婦羅，以任食唻講刺身既質素唔錯，size唔算大但都唔會細細件，正常size。前菜叫咗枝豆同辣味螺肉，ok好味。天婦羅就好多油，幸好只係叫咗兩款試吓啫。
跟住係一口牛、牛舌、羊架等肉類燒烤食品，因為我食量少，只係食咗其中幾款：
一口牛 - 係切到細細粒，但我又唔覺有咩問題喎，反而咁樣唔會燒到外面過熟而裏面未熟，而啲牛肉都有牛味，食落淋淋哋，唔錯。
帆立貝 - 雪藏食品但又無咩調味，淡淡哋咁。
三文魚骨 - 舊骨好肥，返而我哋將啲三文魚刺身燒熟唻食重好味。
多春魚 - size有大有細，都ok啦。
虎蝦 - 可能我哋燒耐咗，熟得濟，有啲"鞋"。
澳洲大蝦 - 呢個燒既時間啱啱好，所以肉質keep住唔"鞋"，而且我真係食到有蝦味，幾好食。
雞翼 - 店方將雞翼剪開咗，方便食但唔係幾方便燒，因為有啲剪到好似三角形，骨頭又彎彎哋唔係好貼到燒烤板，所以有兩支表面燒到好熟，但原來裏面未熟。
甜品方面我哋全部試曬，菜單上有款叫特式甜品，我諗係每日不同款式，這晚是芒果底西米露，但芒果底的味道麻麻哋，而且上枱時只有小小凍。
意大利芝士蛋糕 - 唔係話佢難食，但芝士味比較淡。
雪糕 - 抺茶味好深綠色，抺茶味亦算適中，但要食咗呢款先好食芝麻味，因為芝麻味的味道更濃，食咗芝麻味先食抺茶味會覺得抺茶味唔夠味，但論香滑，我覺得抺茶味香滑啲。
雪米糍 - 荔枝味既雪米糍，外皮既顏色同味道真係好似荔枝，好味又得意。
题外话/补充资料：
以食物味道唻計，我覺得算唔錯，可以再試，但點解我又無興趣再試呢？
1. 我無加錢任飲，只係要熱水，但店員唔會主動加水畀我，每次都要我叫，但其實呢晚只有四枱客，佢哋一定夠人手去做野，但店員就只係懂得傳菜同收碟 (雖然呢方面又做得好快手，一食曬就有人收碟)
2. 其中一個店員經常送錯食物，搞到我哋經常要人收返啲食物。
3. 近門口既走廊位好窄，入面既走廊比較濶，但偏偏佢哋就要安排四枱客都坐係門口嗰幾張枱，咁啲待應生經常係度行來行去傳菜收碟之類，搞到坐走廊位既朋友經常畀人撞到，食得好唔舒服。
4. 雖然預咗佢哋既調味料會包括味精，但可能用量較多，我一邊食一邊係咁飲水，返到屋企都重好口渴。
5. 我哋團購要預付又要限定日期，諗住會平啲啦，但去到佢竟然有個夏日優惠(詳情唔講，唔想幫佢宣傳)，竟然平過團購價$30，我覺得自己受騙。
(以上食记乃用户个人意见 , 并不代表OpenRice之观点。)
张贴
