鹿苑粉麵餐廳

营业中

休息中

因為考試，所以好早就放左學，跟住就同媽咪黎哩度食野lu~牛肚麵($20)牛肚同其他餐廳既差唔，冇話點唔好或者好。但d麵我就覺得幾好食，因為佢d麵都幾un既，唔中意食un既話，可以等d湯浸淋左先食!!但係整體黎講都幾抵食既，因為份量岩岩好，唔會食淨，所以唔會晒野!!!蠔油菜心菜好爽，但佢地淨係比好少蠔油，不過都好既，因為多得濟會好咸既呢!!!油占多($7):個麵包看得好脆呢。而d醬唔會太甜，味道岩岩好。3樣之中我最中意哩樣呢~~

今日係最後一日放大假, 明早又要返工, 於是決定偷懶, 唔去師父度, 反而係同老爸老媽入去大圍行下. 去到已經差不多兩點, 於是決定先行拜祭"五臟廟", 之後才去拜車公. 見呢間粉麵店好多人幫襯, 於是入去試下. 環境同一般市區的粉麵店一樣好細又好迫, 而且冷氣很凍! 看過餐牌後, 點了魚蛋河, 牛筋河, 同埋雙丸麵. 魚蛋河有魚片同魚蛋, 魚片味道一般而已, 反而魚蛋ok, 彈牙又有點魚肉味; 牛筋河則較差, 牛筋不腍之餘又沒有味, 水準之下; 雙丸麵要牛丸同豬肉丸, 店內自稱是手打牛丸. 牛丸的確彈牙, 但卻丁點牛肉味也沒有, 同樣情形發生在豬肉丸身上, 雖然彈牙, 卻沒有豬肉味, 令人失望. 另外, 個別侍應的態度很差劣, 令人側目. 價錢不便宜之外味道又不太好, 真不明白為何生意仍然不絕......

呢兩日去大圍開工, 天氣熱, 無胃口, 唔想食飯, 於是入去食牛雜河, 嘩, 好貴, $19一碗, 但料足, 覺得ok, 今晚收工又去(10:40pm), 嘩, 有無搞錯, d牛雜少左三份之一都有, 唉, 點解咁都得架,

依間舖頭的魚餃係好好食, 我不是住附近的, 每次都係專登去食魚餃, 不過食埋今次, 以後都唔會再去食, 最多買生嘅返屋企自己淥, 因為實在唔想"受人氣"!!! 老實講, 依間舖頭的食物唔算平, 但D伙記嘅態度真係差到冇人有, 自己落錯單仲要話個客自己講錯, 跟住仲用D極唔友善的目光"重啤"個客人, 然後仲要人等好耐先再整返碗啱嘅俾人食! ...依D都事少, 最仲要係佢地每次都會寫錯價錢, 如果客人冇為意就會俾多咗錢!!!今時今日咁嘅服務態度點得0架!!!

好似係出名自製魚蛋, 魚片, 墨魚丸, 魚皮餃......就係好多自製product啦因為在家附近, 開得又夜, 所以成日係到食食中式粉麵個人覺得魚皮餃is the best, 好大粒, 魚皮好彈牙其次就係魚角 / 魚片, 面層炸得剛好, 顏色上會話到比人聽唔會炸得過火的魚肉本身做到很彈牙, 但問題是偶然食到有小碎骨(我知道九龍城衙前x道有一間係專賣魚肉製品的可做到接近無骨, 因為做得細心及有部machine幫手)而湯底, 是白色的, 應該是魚肉+味精湯了, 飲完都幾口渴的而西式食品個人比較like佢地的沙爹牛肉湯意粉/通粉呢個外賣會比較好食, 唔知點解可能係沙爹同湯係外賣過程中有時間比佢地混合, 而令到湯味好濃加上感覺上外賣好似多d以茶餐廳黎講, 呢間都係較乾淨整齊的了, 坐得都幾舒服除左雲吞係店門口製作外......價錢係呢區係價的但我覺得佢地用料上都係新鮮的, 加上味道是positive的, 都可以接受日日都好多人係到食野, 只做街坊同學生意已經夠了又有好多人買淨料來自己煮食 / 打邊爐基本上都係一間唔憂做既店來的

叫了1碗魚餃雲吞米, 多謝你20蚊, quality好一般, 食完好thirsty如果要加油菜要比多11蚊, 我覺得好唔抵囉! 本人覺得wanchai的權記比呢間好食好多, 而且又平好多, 人地一碗雲吞面都係10蚊, 再加油菜都係加5蚊, 你收人地11蚊, 點解呢?上碗米粉都慢過人既...等左10分鐘...但kitchen有成3個人喎!男朋友說: 1個人煮送, 1個人煮面, 1個人煮菜, 點解都咁慢?碗面上了, 點知一眼望見好林囉! 食落口, 真係唔好食...!!!唔會再有下次喇...>.<

和babe分別叫了紫菜魚蛋米和紫菜魚蛋米線。湯底較淡，平日愛吃清淡的我也要加點醋調味。魚蛋有點魚腥味，尚算彈牙。環境和服務都是一般茶餐廳格局，起碼收錢的叔叔會說句多謝。

不寫食評都不知這舖頭那麼差，但可能我是女仔，所以沒甚麼太差的待遇吧。星期天和男友去遊水前，諗住食少少東西先玩，便選了這裏吃粉麵，可能沒甚麼其望吧，所以也不會有太大失望。看了餐牌其實很想叫薯條餐，見張相很漂亮，餐也很豐富般，但又怕待會吃得太飽，游水辛苦。所以叫我喜歡的紫菜四寶麵，貪一碗已有齊不同的選擇，不過男友後來後悔了，男友選吃牛腩併墨魚丸，他的墨魚丸雖不彈牙，但很有咬口，又有黑魚味，未知入面混了甚麼，還是把一些未攪碎的黑魚混了入內，總之很好味。而我的紫菜四寶河雖不難吃，但對著黑魚丸就很失色了，而且紫菜少，不過百物騰貴算了吧。雖然碗內有馳名魚蛋，但只是彈牙，沒甚麼特別。魚皮餃不好吃，但魚扎則好味。下次再來要叫魚札拼黑魚丸，咁就完美了。

i tried this for a long time, but i think the qlty is decreasing , however the prx is increasing terribley....1 bowl of fishball noodle is increaing from $15 to $18 in 2-3 year....i know many material prx is increasing, you can increase the prx unless you provide the same good qlty food to us.....I don't go to this restaurant for a long long long long time lu.......disappointed....

店食手打墨魚丸超好食!是我認為全港最好!$18一碗墨魚丸麵(有五粒墨魚丸),我吃完一次便愛上它>３＜沒有油的清湯底加上麵，點解墨魚丸可以咁彈牙但又咁無冰雪味又不是發了，而且又好．．．總之好食！面頭墨魚丸是否加了胡椒?好食過其他大排當d馳名墨魚丸la~之後索性買半公斤墨魚丸回家，好貴!$80一公斤!得40粒，點知回家煮不是那種味>.<why???總之要次次親自去食-_-魚彈一般，服務差,衛生差

各位食家, 我相信大家對這間茶餐廳已經有一定"認識".我覺得佢哋真係"茶餐廳之恥辱"呀!!!我在1/9去食嘢, 三個人去, 唔係太肚餓, 咪一個餐一齊食, 點知俾個"金髮阿毛"話有冇攪錯, 三個人食一個餐... 又話租金貴呀... 我想問問大家, 今時今日咁既服務態度, 我都唔講啦, 但係租金都可以擺上枱, 用來同啲客人乞求食物. 我真係覺得有點兒過份..大家如果真係食嘢, 我希望大家諗清楚點, 我知道, 喺附近都有好多食店, 唔需要俾錢買難受呀...

我住附近,成日都路過,佢間鋪都幾大間丫,唔知點解成日都要o係門口包雲吞....叫豆漿(係同粉麵一算叫),可以遲黎過個粉麵.......油菜又要吹幾次,食晒粉麵先到.......粉入面發現一粒黑點,話俾伙計知,唔知係咪虫(我用羹隔起左)機本上食野有虫仔無乜大不了,成日有架啦,正常換過咪得囉,點知.......個伙計一睇就話,唔係虫黎o既,鑊lon黎之嘛,之後一手掉左隻羹.........

這裡標榜是潮式粉麵檔，以手打魚丸肉丸掛頭牌，來到幫襯，來個四寶紫菜河加一份炸魚皮都應可試真章。四寶都是魚丸肉丸魚札牛丸魚餃等，嘗其食味，只能蓋以一個咸字曰之、尤甚是以魚丸肉丸牛丸為甚、唯一較為鮮味的是紫菜，有點無奈；另外炸魚皮油份過多，似乎隔油步驟做行不妥，嘗過後胃部相當不舒服，可見餘下的油量挺多。關於食味這裡應該不合格，因四寶過咸，而炸魚皮又不成，而服務方面又不見得盡心，後補的炸魚皮要提點幾趟才送上，明明已經Pack 好都沒有拿過來，有點掃興。