麗姐廚房

营业中

休息中

媽媽噶朋友推薦噶一間私房菜，今日媽媽帶我去試試菜，哩間店真系深得我媽媽噶心，太合我媽媽噶心意啦，主要系因為性價比高，而且健康得來又好味，糖醋咕嚕媽媽就十分中意啦，酸酸甜甜噶味道，令人好醒胃，雖然甜，但系絕對不是甜到膩的那種甜，而且果度噶湯，媽媽都十分滿意，落足料啊真系！可以俘虜我媽媽噶心！

老實講我其實只光顧過一次。我只能憑當日的服務作指標。最近麗姐在很多地方都做了宣傳推廣。所以令我這個不是經常出入素食餐廳的大朋友來試一次。這個地方只係普通大廈里的其中一個單位，所以如果唔宣傳真係比較吃虧。我當日光顧時已經接近落場。所以人流很少。員工其實都開始清潔。所以選擇已經唔太多。這裡模式是先選擇食物比錢才拎食物。類似大字快餐店。每人可選擇三款不同食物。當日可以選擇的食物是以下幾款：好明顯有一款已經賣晒。其他其實都唔係太多貨。點解我知？因為我去拎食物時，職員已經話唔夠貨可以比其他貨搭夠嗎？我當然唔太介意。多些選擇對我來說更開心。這裡裝修簡單。有很多畫和人生道理嘅海報。今次點選的食品就係以下幾款：很大份。望落令食客超開心。飯和湯應該可以任意添加。但其實我去的時候。都已經開始是完結。飯和湯都應該唔會有餘下了。但其實我都夠食，所以如果大家想食更多份量。要選擇早點到。那個椒鹽雞髀好有驚喜。我見到都好開心。食落口感真係好似。雖然食落便知只是普通腐皮。但真係好有功夫。那些供應的菜心很大份。食落都很夠甜。我喜歡💕那個南乳齋就唔太驚喜。因為佢和豉汁南瓜味道太相近。又唔算太香口。下次我未必選擇。那個湯和

聽講lunch經常爆滿所以一放lunch叫九秒九飛奔去麗姐廚房呢度嘅格局好似一個canteen咁先買飛叫餸拎完餸就搵位左d枱就係一張長枱大家一齊坐都有d圓枱比一班人黎嘅食客$50揀三個餸每日必定有炒青菜 今日係菜心苗南乳齋都係每日必有最後一個餸我揀左蕃茄粉絲個餐會配一個湯同飯今日係霸王花湯鍾意食菜嘅我見到員工一大份菜夾落黎實在非常開心份量之大 實在驚人南乳齋嘅南乳味唔突出蕃茄粉絲都偏酸朋友叫左椒鹽魚塊咬開裡面真係白色 好似魚塊朋友話覺得有魚味添😂但明明知道自己食緊齋呢到非常抵食一定會再黎😁

依家經常來食午餐，叫三餸飯$50，今天試下小菜，因聽聞因為反送中關係了顧客，當幫襯下。焗沙律蕃茄豆腐。以為沙律係指菜，原來是沙律醬，真想叫走醬。最底下面有菇，呢碟餸都OK好食嘅。唔想叫炒野咁油，豆腐可以補充蛋白質，不過唔係新鮮豆腐喺豆卜。羅漢齋炒麵，第一口夾嘅面就很脆，食到最底有啲汁就好林。兩個人食就非常飽，份量偏大。午市人多，等嘅時間就長啲。如果係餓鬼建議都係排隊三餸飯。食小菜夜晚來食會較好，中午一小時lunch hour有啲趕。Book 左2個位，但就俾咗張四人枱，佢D位不太合適2個人訂枱，3-4個人幫襯會好D。估唔到佢嘅Menu有新嘅，價錢冇乜點變。

今日收工心血來潮食素，嚟咗麗姐，order咗素雞扎，天婦羅set dinner。🤘🏼估唔到 $50 都可以有咁大份量的菜👍🏼簡直係健康之選呀！重要有湯，完全無味精，重好足料👍🏼飯重要係紅米飯底，完全睇得出麗姐好有心organiser呢間餐廳，一啲都唔hea!!!!!呢個價錢自己買餸番屋企煮都唔得😆可以考慮成為午餐晚餐嘅飯堂！👍🏼Highly recommend to you all 🤤🤤🤤🤤

和在灣仔上班的朋友一起午膳，同行食素的朋友大力推介在修頓球場旁邊的麗姐廚房。餐廳面積不大，午飯時間會人多擠迫。先點菜結帳，再自取餐具。午市餐牌每天共有六款小菜，六選三另配白飯和例湯只需50元。六款小菜中選了蠔皇薯仔、炸素蝦、肉鬆蒸蛋，小菜份量不算多，味道不過不失，朋友點的其他小菜有很多醬汁可配飯；蘿蔔栗米例湯反而不錯，清甜美味。白飯和例湯吃完可再添，50元絕對可以吃到飽。這個價錢在灣仔區可算是十分親民。

超級多人，超級混亂，買到食物都未必有得幾張大檯留晒位，留檯客人未到，勁多人買左野都搵唔到位服務超差安排不善勁多人食物不差，有三餸一湯，飯任食湯任飲侍應無放留座牌，大家又搵不到位，自然向大檯方向，食到一半，侍應走埋來話這張檯留座，侍應為了趕客人走，甩下6個留座牌，經典本來有位侍應話幫我們搵位，她搵左30秒返來話無位，最後俾一大堆膠盒給客人外賣建議餐廳推行安排座位政策，不要訂一圍檯就是客人，散客就不是客人

聽同事講公司附近有間素食館，叫麗姐廚房，好好味，於是我地lunch都去試下。可能大家都知好味又抵食，去到時幾乎座無虛席的，好彩剛好仲有位，唔洗等。入到去發現成間餐廳都擺滿佛學裝飾，望住d有意義既句子，坐響附近食飯，其實心中都覺得安寧。講反餐廳，佢大廳係自助式三餸一湯，白飯任裝（其實湯都係）。禁先50蚊，響灣仔來講好抵食。佢餐牌上既食物賣晒就會換其他，所以有想食既就要快。另一邊有廂房，入面就食其他精緻既素食，當然相對會貴dd。我地兩個人食，剛好可以點晒6款食品。南乳齋，蒸水蛋同椒鹽雞脾係要推介下，蒸水蛋好滑，椒鹽雞脾明明係齋，又可以食到雞脾質感，好正！雖然佢睇落細細份，食完其實好飽肚，要特別講下d飯唔係純白飯，有紅米同小米，幫助大家消化。另外湯既料都好足，花生連藕都好多，而且飲得岀係老火湯，無味精，大讚！另外佢仲有中式甜品可以叫，每日款式都不同，有無你喜歡既款都要靠運氣。另外要提下餐廳職員全部都好友善，個個都笑容可掬，又會幫助下唔熟習點餐程序既客人。老實講，灣仔呢個價錢，食到呢種環境同服務，真係一流。有時間都會再反來食！

係灣仔想食齋，麗姐廚房絕對係好選擇。午餐同晚餐各有唔同嘢食，晚餐係叫餸食飯，午餐係三餸一湯，白飯任裝，仲要只係$50就埋到單。每一日都有唔同嘅餸可以揀，如果想食某啲特定嘅嘢食，就要睇運氣喇。就好似今日個餐牌咁，明明本身都仲有酥炸魚腐，但過咗一陣就變咗酥炸齋雞髀。同樣都係炸嘅香口食物，都算可接受。想食清啲嘅，有蒸豆腐同炆枝竹等。每一日午餐都會轉，但都同時有健康同香口嘅齋可以揀，方便各位餵食嘅朋友仔。

麗姐廚房在灣仔地鐵站附近，交通便利。我很喜歡來這裡吃午市套餐，午市一般也很多人，有不少識途老馬，這裏是齋友的匯聚點 。放週一至週五都提供午市套餐, 六款菜式選三款, 再包一碗白飯和一個齋湯, 只需50元, 十分經濟實惠。我選了以下三款菜式:1. 蕃茄肉片: 蕃茄用料充足, 醬汁酸酸甜甜 很惹味, 伴飯一流!2. 欖菜蒸豆腐: 豆腐滑溜， 配上微鹹的欖 菜，也是伴飯佳品。3. 菜芯苗: 似乎這是大多數食客的必選， 可 能大家也想多吃點纖維，幫助消化！隨餐附送的老黄瓜湯，豆味濃郁，清熱解毒! 難得以這樣的價錢也吃到高質的素菜午膳！

星期五晚還以為好多人，可能當日又落雨又動，而且是樓上餐廳，比較少人。服務員非常有禮，餐牌好多選擇，座位亦多，坐得舒服。好多選擇，座位亦多，坐得舒服。環境非常適合傾計交流，十點半才關門，不像某些樓上素食餐廳好早九點多便關門。我和朋友點菜前先想開飯啊看別人食評和照片，好多人讚黑醋咕嚕和糖醋咕嚕，原來是兩味餸，我們還以為一樣，叫了糖醋咕嚕。糖醋咕嚕 $88 🆗可能黑醋咕嚕會比較好味，糖醋咕嚕味道一般，咕嚕有幾家餐廳我覺得好得多，這個我給3分。香煎蓮藕餅 $78 🆗 則比較好少少，不過都係比期望中的蓮藕料較少，感覺較多粉或麵筋。客家土豆絲 $68 🆗量好多，味道中規中矩。

農曆新年，日日都步步‘糕’升，就希望大家血脂唔會升😅 Lunch動議去麗姐度清下腸胃，女同事們一致和議😀🥬。同附近的素菜樓上舖一樣，麗姐廚房也是$50餸六選三，不時轉款，糙米飯與湯任裝。相比之下，麗姐的員工舀餸時非常慷慨，豪邁地舀一大勺💪，夠餸食兩碗飯。蒸蛋、花生蓮藕、南乳齋蒸蛋配上面的扮肉料末同微甜豉油，非常滑溜香口，三樣餸中最令人留下印象，推！花生蓮藕都煮得夠冧，炆得入味。南乳齋沒有太多南乳味，就是炒香了芡包住了的齋菜，木耳較爽脆突出。霸王花湯就是清潤老火湯，霸王花已煲冧了可以吃下，口感還不錯。吃了口味非常住家的一頓飯，肚子感到實在，心情也平實，飯後大家閒聊一下過年的事，是最好的假後復工午飯。

今日過了灣仔做嘢， 唔熟地頭唔知有咩食所以搵地胆友人推介。。 佢竟然話食齋， 咩料呀， 不過佢係地頭蟲一於聽佢介紹啦。佢帶咗我去呢間「麗姐廚房」。 午市係50蚊一位，可以揀三樣餸，而午市只有六款餸，所以我哋兩個人啱啱叫曬所有嘅款式。白飯任裝，湯又係任飲。所以一定食得飽！餸方面有齋雞髀，其實豆腐皮做嘅！炸都好鬆脆！羅漢齋好入味！青菜好新鮮。另外茄子亦有大自然的味道。仲有好味道酸齋。最後有一味好似蒸蛋又好似蒸豆腐，我諗係豆腐扮蒸蛋。不過好好味。送飯一流哩餐又經濟又好味又健康 ，整體感覺非常好！

今日經過灣仔，所以去了位於豪富商業大廈的麗鉏廚房。這一間素食的舖內面積挺大的，午餐份量很多，雖然味道一般，但價錢合理，所以媽媽很喜歡來這一間素食店吃午餐。而今晚，則要買外賣回家和媽媽吃晚飯。單點了一份咸魚雞粒炒飯(有蛋) ($88)和一份客家土豆絲 ($68)。之前都吃過咸魚雞粒炒飯，味道誇張地咸，舌頭都快要損的感覺!!!所以今次特意要求走鹽! 由於咸魚已經相當咸，足以為整個炒飯的咸味的來源，走了鹽後炒飯，味道變得更為正常，炒飯是一粒粒的，夠乾身，而配料都很足夠。客家土豆絲的味道很特別，由於有黑胡椒，所以帶有一點辣，土豆絲甜甜酸酸，很開胃，值得一試!😋😋😋

同友人食 lunch, 天氣開始涼涼地，想食D熱野，又想靜靜地坐得舒舒服服咁傾計，麗姐廚房是不錯既選擇，。呢度係食素菜，所以每逢初一，十五，呢度就好多人。三個餸，糙米飯及湯任食。盛惠$50。大家樂碟頭飯加杯野飲都要咁既價錢啦！呢度係自助形式，先去counter 買飛，講出想要既三個餸，然後去吧台攞。每日有六個餸揀，#1係例牌羅漢齋，#6係例牌炒時蔬。其餘4個就好多樣化，煎炒煮炸都有機會。有炸物我一定揀，今日係咖喱角，都幾 okay。而家南瓜當造，好甜喔！個湯通常有粟米同花生煲，齋湯都好好味架。