麥奀記 (忠記) 麵家

营业中

休息中

午餐 雲吞麵雲吞 蝦是原隻較新鮮 但頂多是普通25蚊斤蝦仔吧... 湯清甜...接近冇味精...幾好 麵不算彈 不過冇鹼水味..不過超細碗...絕對建議下午茶先好去...午餐女的起碼要食2碗以上 男的應該要吃3碗總括 : 味道總括不錯..但太細碗.......

我是第一次食，同事們先事講明一定要大size，因為試過小size，實在太細，食完等於未食過。我心想，我又不太肚餓，要小size的話，應該夠食，不過去到見實在太細了，小朋友也未必夠，所以決定跟同事們要大碗的，其實大即是等如其他麵舖的正常份量。我要的牛腩雲吞粗麵沒有大小之份，原來雙併只得一個價錢及份量。湯底加了腩汁，味道香濃，牛腩也十分入味，不過肉質就一般，不夠鬆化；雲吞細細粒，料全是粒粒粒爽身的蝦肉；麵也淥得夠爽，沒有鹼水味。試了同事的牛筋也不錯，好腍但又有膠質的口感。另外，河粉也夠幼滑。每人$36，一點也不便宜，又不是十分好食。如果下次再來，肯定不是我的主意義。

前幾日行過附近見肚餓餓地入黎呢到醫肚小小的店舖唔係太乾淨o既地板莫講話要坐得舒服...見到鮮蝦雲吞一向鐘意食蝦o既我梗係唔會放過啦即刻黎左一碗細碗:$24冇記錯好似大約有8~9隻隻隻都落足料蝦好彈牙~雲吞皮滑滑的~味道好好~食完後好飽肚~下次有交易~

以前係去開威靈頓街果間麥奀雲吞麵世家，以為係最好味既雲吞麵．．．誰不知有一次去了剪頭髮，樓下行過兩步就係呢間舖頭。一吃之下，味道和世家那間差唔多，但我覺得：呢間所造出來的一碗雲吞麵balance得好好，我所指的balance係麵、湯同雲吞。三者我覺得呢間係配合得幾好，起碼湯味托到碗麵和雲吞之餘又不搶去其他兩樣的味．．．反之雲吞和麵亦言。其實最大分別，就係呢間食完唔口渴，但世家的那間，食完係要即刻去飲杯野解渴的。可能世家那間落了味精的關係未定．．．PS: 我不在此討論雲吞是否要用豬肉定蝦，反正我鍾意吃有蝦的雲吞。但此間雲吞和世家的差唔多．．．我叫了大碗的，外賣返家$32，個人覺得唔算貴。至少係來食好東西。

在馬來西亞人眼中，香港最有名的是：咖哩魚旦、臭豆腐及雲吞麵。若要在中環吃好的雲吞麵，相信麥奀也應該是大家的首選。麥奀的麵的確唔錯，超彈牙，沒丁點梘水味；雲吞不是不好，但這裡的雲吞皮不夠散尾，蝦也不特別爽。$21元一細碗，不便宜啊！

The restaurant is hard to locate. Some of my elder relatives brought me there, otherwise I would never be able to find it. I've seen numerous wonton noodles places with similar names but can never tell the difference between them all. I actually asked the server (who looked like the boss) whats the difference between all the restaurants and he said they are all the same. Oh wells. Back to the food. I've tried other famous noodles places before but I think their wonton noodles are simply the best

食完港大校友會, 再食麥奀記, 坐低, 個待應馬上走過黎問我地食咩, 我第一次炸, 都要睇下先架…原來佢地差唔多閂門了.兩人叫左淨雲吞及炸醬撈, 我話怕食唔曬, 猶疑緊叫唔叫炸撈, 個待應話一定食等曬, 好細碟…吓! 連待應都話自己d嘢細碟…噤可愛架!雲吞及湯底- 都真係幾好味! 但同劉森記d味又唔同喎! 兩間都好食, 但我又表達唔到有咩唔同…總之唔同啦!炸醬撈–唔係幾得, 好鹹! d麵又無咩特別, 無咩香味價錢同外面的麵店差不多, 但份量超細, 即是好貴啦!應該無下次了, 不是因為唔好食, 而是因為唔抵食!

上次跟老爸來已經是至少十年前的事，當時不懂得欣賞，不覺得其突出之處。今回帶老婆來試，終領受到其物有所值的美味。大碗的雲吞麵要$31，不過有6粒雲吞，皮薄而蝦肉爽口新鮮，麵的質地亦彈牙，加上湯底有頗濃的蝦鮮味，單是一個鮮字，已是坊間十多塊錢一碗的不能相比。另試了細的牛筋粗($23)，雖然感覺上不及雲吞麵，不過牛筋十分腍滑，粗麵爽滑，腩汁味道亦相當濃，同樣令人滿意。

20070131偶然路過，時將過午，見這間號稱池記第三代的窄街小鋪依然客似雲來，但又不至於排隊出街外，只管來一個“傳統速食”醫肚。入得老店，搭台是意料之中，周圍多名西裝筆挺的中環友也都處之泰然。我一個人，又為健康起見，叫了一個芥蘭全走和一個細雲吞面走油。須臾菜先來，本身大大棵夠鮮甜，怎麼整也不會難吃。細面其實也不甚細，中型雲吞四粒，埋在面底，皮薄肉爽，全無豬肉等其他配料，到更顯得清些，不好此味的可以選擇水餃。全蛋幼面起初幾口不錯，後來吃完菜再回頭，已經過腍。湯帶蝦味，清甜，不過有師傅之功。身邊坐的OL點了牛筋面，至少賣相是一流的，下次可以試試。當然，店裏叫賣最多的還是雲吞面。門口招呼兼收銀的老先生嘴巴甜得很，於是我這個第一次幫襯的客人也成了“老友記”：）

叫了個大的雲吞麵. 比我預期的還要好味! 又夠大碗, 有六粒雲吞. 麵質彈牙又沒有梘水味. 湯底很清又鮮甜. 價錢公道. 阿姐又友善又細心. 一定會再回來幫襯.

唔好中計呀! again比班自命食家嘅友仔吹到曉飛咁，好似唔食唔得咁！湯係甜，不過唔該食過真係好嘅先比comment 啦。。。搞到人專登揾佢。。。不過冇choice之下還可以去食半碗嘅。。。麥奀雲吞麵世家食到尾Ｄ麵仲彈牙，呢間到一半就淋咗,佢Ｄ湯係鮮甜，不過Ｄ雲吞就差Ｄ啦。。。平過麥奀雲吞麵世家$4lor。。。but香港區都係銅鑼灣麥奀Ｄ雲吞麵最正!

沒有豬肉的雲吞怎能稱為雲吞!!就等於熱狗不用香腸改用午餐肉又怎算是熱狗!!!沒有豬肉的雲吞稱為鮮蝦麵才對。本人絕不欣賞沒有瘦肉的鮮蝦麵食，10元一碗也沒興趣。

下午沒吃午飯, 黃昏時段路過, 原本想去沾仔記, 見沾仔記幾滿, 又見對面麥奀記無乜人, 便入去一試.最平的雲吞麵都要二十五元!麵和其他鋪頭不同, 沒有太多鹹水味, 吃上去有少少油香味, 好明顯加了豬油入麵粉, 比一般出色.湯, 沒有鹹水味, 是清湯, 亦沒有嘗出味精.雲吞四粒, 只有原隻大蝦, 沒有豬肉, 比較細隻. 個人認為, 雖然大大隻雲吞未必好, 但沒有豬肉的'皮包蝦'實在算不上雲吞, 即使大名氣都係咁講.二十五元, 細細碗麵, 味道可以, 雖不至於名過於實, 但絕不抵食.

我覺得呢碗雲吞面係我食過o既最好味的一間！本身好憎有肉的雲吞，食完會作嘔……呢間竟然無肉，得鮮蝦，正！雖然好細粒，但真係好好好好食！d面又爽又彈，湯底都幾正！食完好滿足，21蚊係抵的！推薦，5個正！

我最鍾意坐近收銀的卡位看師傅淥麵, 從師傅的專注眼神, 認真態度及繁復的步驟, 令人覺得原來煮面可以好專業. 就以我曾嘗過的麵店, 包括所有得到2001美食之最大賞的麵店或同屬”麥奀記”的分店中, 此店(永吉街忠記)的雲吞麵暫時應是最合我心意. 香, 爽, 鮮! 物有所值.