麥文記麵家

营业中

休息中

之前試過外賣一次，覺得又快又好味，門口負責包裝外賣的叔叔也很親切，會問我要不要醋，就是因為一次感覺良好，之後都有再幫襯。第二次去，門口收錢阿姐唔知咩事，找錢找到好似想搵錢掟你咁，心諗可能佢心情唔好啫！之後拿了外賣返公司，才發現沒有醋，咁我就明下次要問清楚有冇俾醋。今日第三次買，門口阿姐嘅語氣話我知，佢長期更年期，我明明已經好有禮貌好清楚咁講我要乜嘢，係佢自己聽唔到，仲晦氣問我要幾多碗，算！我唔同佢計較。跟住到攞外賣，我問另一位阿姐有冇醋喺個袋入面，佢串到極點咁問：咁你有冇問過吖？！我同佢講：我而家咪問緊咯！我講過，以後都唔會再幫襯佢！就算係好食，都冇理由要客人咁樣受氣！自問去澳牛好多次從未試過呢啲咁差嘅服務態度囉！

麥文記麵家地址: 佐敦白加士街51號地下#yauyau_佐敦自從九龍城有間食開嘅雲吞麵執咗之後，我都冇再出去食個雲吞麵，今次我就嚟咗佐敦區內一間好出名嘅雲吞麵舖嚟過吓口癮。🍜🍜雲吞麵 42呢度雲吞麵一啲鹼水味都冇，而且佢嘅雲吞係擺底嘅，上面嘅面有淋左啲豬油落去，令到口感香口好多，大家唔鍾意咁油可以撈一撈個湯先。個麵食落好重蛋香味，而且唔會煮到太淋，食落去仲好彈牙。另外佢啲雲吞嘅鮮蝦都好香口，一咬落去個口就係鮮甜嘅蝦味，食落去完全唔似雪藏蝦。下次如果又想食雲吞麵，我都會再嚟多次。味道: 4/5服務: 3.5/5環境: 3.5/5番兜: 4/5#佐敦美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #佐敦粉麵 #粉麵

韭菜花很嫩，有点儿甜，淋了鸡油蚝油甜甜的，非常咸鲜，配韭菜花很好汤底很鲜不咸，有少许碱面味儿鲜虾云吞里面的全虾非常弹牙，每一个云吞都有两只🦐，一共四个面很筋道弹牙，不愧手打，吃得出蛋味儿下一次要吃吃南乳猪手面，隔壁桌吃了看得我好馋

雖然係40元的水餃麵，店主仍然是相當顧及品質感覺得出來他們對食材有要求，一口咬下去，裡面的肉餡跟蝦肉的鮮度⋯搭配得！裡面的內餡超級飽滿扎實在其他地方，吃不到的好味道

麥文記已經開咗好多年。每次路經油麻地、佐敦、尖沙咀等地方，都要去麥文記轉過圈。鮮蝦雲吞粗麵、淨雲吞是必食之選。鮮蝦雲吞大大粒，沒有豬肉，是我們1家最喜愛的面食。價錢雖然貴少少，但係我覺得物有所值。😋😋😋

早排食澳牛見到呢間雲吞麵排哂隊，好奇心驅使之下，今日特登嚟試試佢真身。係門口都排左8分鐘先入到去，坐低叫左一碗細蓉，一碟菜心加支可樂。啲雲吞大大粒，鮮蝦肉都彈牙，豬肉味道都調配得幾好，啲麵食落明顯同連鎖店唔同，好好食。菜心蠔油要加$1，老實講個人係唔係太食得出蠔油同出邊嘅分別係邊到。不過菜心都靚仔，一啲都唔老，煮既時間岩岩好。總結來講，我覺得中意食雲吞麵既，呢間絕對值得一試，下次嚟會想試埋個豬手麵。

經過佐敦見到呢間由2018-2022年都被選為米芝蓮推介之傳統麵店，當然要入去試下。點左碗雲吞撈加$1蠔油一碗雲吞麵有5-6粒雲吞，粒粒雲吞都十分足料，包左2-3隻蝦。麵十分煙韌彈牙充滿口感！ 分量十足，加埋蠔油撈埋一齊十分野味！ 埋單都只係$51！ 平靚正！

對面某間麵店忽然受吹捧，日日長龍，我也不是趁熱鬧的人，來日方長，何必浪費時間，仍然去麥文記，店舖一如既往，招呼欠奉，幫趁老字號，顧客似乎要習慣容忍，只要不像九龍城的豪華餅店和義香豆腐，精神分裂式的見見客如見仇人一樣鬧人就可以，這次感覺店員似乎應該換一換制服較好，現時都比較殘舊污糟，不太衞生，要了一碗雲吞麵，一碟炸醬撈麵，麵質一貫的好，雲吞彈牙好食，本來是一流的，就是不知為何，雲吞麵是暖的，不熱，炸醬麵本來是很好吃的，可惜麵是凍的，炸醬的豬油也凝結了，似是淥定了放一旁，有客要便加上配料一樣，可惜了！希望店家認真改善，不要做壞了招牌，此消彼長則無可復回。

Wait time: no need to wait ~5pm on a weekdayEnvironment: packed as always, typical old school HK wonton shop venueFood: their wonton noodle bowl is just amazing and can stand the test of time. Noodles are very crunchy. Wontons are full of shrimps and fresh. Soup is clear enough. Good overall.Service: ok laPricing: $40Recommend: yes

可以嘅話，其實真係唔想第一次寫就寫負評；不過受夠就係受夠，花少少時間寫低，提醒自己下次咪再去…過去兩年飲食業好難捱，知嘅，所以少有出開街都盡量買外賣返屋企食，屋企人煮少餐，又可以支持下。去開尖沙咀，唔爭在行過少少去佐敦。通常係幫襯澳洲牛奶公司，呢兩年間中就轉去隔籬麥文記，第一次係因為見佢靜到好似隨時做唔住。禁堂食期間、N咁多限制期間，入去買外賣都仲正正常常。幾次都係買一樣嘅嘢－雲吞麵同炸醬麵。雲吞屋企人話係好食嘅，足料、新鮮；麵都幾好，係有時鹼水味太重。炸醬麵都可以，不過亦試過一樣係陣鹼水味。以人均$50一個麵嚟講，份量又真係少咗啲。利申：一向叫少飯都未試過食得哂嘅胃，又或者唔記得叫少飯時兩個飯底會變成兩個人食兩餐。一個雲吞麵/炸醬麵，僅僅比隔籬澳牛一份蛋治飽啲啲。今日難得唔太熱，特登由尖沙咀行過去就係諗住耐無食過雲吞麵/炸醬麵。一行到白加士街見澳牛條人龍幾乎排到轉角要過埋馬路，心諗飲食業卒之好返啲，唔駛咁淒涼，好事～行到麥文記門口，因為近lunch hour，門口都有5-8(?)個人等緊位。攝到入櫃面時，難得無撞正有其他人俾緊錢或落緊單，禮貌地問可唔可以借張餐牌落單。櫃面姐姐頭不動眼

202110月週日-麥文記雲吞麵麥文記現由創辦人的第二代麥心睿營運，仍能保持傳統味道此店札根佐敦，已走過六十多年的歲月，一直深受街坊歡迎，慕名而去的食客也不少米芝蓮指南推薦香港必食雲吞麵之一裝潢簡單樸素，與一般麵店分別不大疫情下，圓桌有膠板相隔，調味料放在桌子上，方便食客自取點了兩碗細蓉雲吞麵傳統擺放，雲吞置於碗底，麵放於其上，把麵和湯隔開，令湯不會把麵浸軟湯底是師傅每天用十幾斤新鮮豬骨、大地魚、蝦頭，蝦米、羅漢果加上金華火腿提味，用心熬製而成沒有鹼水味，再加上粒粒韭黃的香氣，一啖湯入口，鮮味在口腔內盪漾鴨蛋製成的麵條蛋味香濃，麵質爽口彈牙，麵身掛上鮮味湯汁，一啖麵，一啖雲吞，一啖湯，好味道雲吞用上泰國虎蝦，吞皮厚薄剛好，麥文記堅持雲吞只有蝦做餡料，滿滿的蝦肉，跟其他雲吞麵店相比，特別矜貴，蝦肉爽彈入味埋單: $72(202110月價錢)欣賞麥文記老闆對傳統雲吞麵味道的堅持和執著到佐敦，麥文記是必食之選

好耐無嚟，今晚响佐敦上堂，到差不多十點，就來一個quick and a decent dinner啦南乳豬手撈粗足四件豬手好喜歡那濃濃的南乳味但要留意番個豬手係好有咬口（唔係太淋那款）my favourite 九菜花+腩汁其實加$1可以有個濃味腩汁真心抵同時可以用嚟撈麵掛住品嚐嗰幾隻豬手，其實都唔算係一個quick dinner

今日去到入店已經嗅不到之前湯的大地魚味 道，之後雲吞麵到，一啖湯，已經冇什麼味，同之前差九里，再試雲吞，都係冇味，需然好大隻蝦但冇味道。之後問佢地 （轉咗師傅，佢話冇）以後都吾去。

雲吞麵一碗，麵未萛十分爽口彈牙，但還萛合格。湯完全冇鮮味，完全唔覺係用虾殼之類材料整成，失敗！雲吞皮無乜缺點，起碼冇爛，但亦冇優點。D虾份量萛充足，亦萛爽口，虾嘅味道就普通。今日經驗，名大於實！

話說住左佐敦幾個月，都無試過呢間雲吞麵，有一日心血來潮行入去，叫左碗雲吞麵，再加一碟蠔油菜心，之後就不得了，每個星期都去兩三次。。。之前睇電視話一碗正宗既雲吞麵叫細蓉，要擺一個湯羹係碗墊高雲吞先夠正宗，之前食過米芝蓮推介既英記美點小食都無呢度咁講究，心裡面總覺得係一種美好的情懷，值得珍而重之。每一粒雲吞都好飽滿，蝦肉爽口，湯底清鮮，至於麵則是十分十分彈牙，應該係我食過最彈牙的雲吞麵底。以為無甚特別的菜心，都覺得十分新鮮，唔知道大家有無試過叫外賣食過d菜一d都唔翠綠，大概就係新鮮同唔新鮮的緣故，總之就係呢頓雲吞麵我食到用心製作的情懷和誠意。希望這類的小店可以躲過城市的洗禮。