麵家山下 (已搬遷) 新店位置

味噌拉麵＋日本蘋果汁得知上水一間由日本人妻主理的拉麵小店，喜好拉麵的我終於可以前往一試，結果没有令人失望，是我喜歡的味道！• 拉麵湯底雖然較外面拉麵店的來得清淡，但是從「漿口」的程度便可以知道，湯底所用的豬骨份量絕不吝嗇。不會帶有「死咸」的那種感覺，不一定要重口味濃郁才是日式拉麵呢🥢• 叉燒片煮得香軟入味，肥瘦均勻，入口細嚼便嚐到肉質的鮮味。• 配料（芽菜、紫菜、荀、蔥）份量適中，• 拉麵沾滿湯底精華十分美味，但略嫌軟身，下次點餐時會要求店長造得硬身一點😋

山下麵家都開咗好多年，出名在日本人經營， 而我最鍾意佢嘅係 可以揀面嘅軟硬程度， 冇落味精嘅湯底同小小文化上既交流。樓下叫餐，樓上等食。山下麵家堂食好有家既感覺。 門口唔係咁容易見得到因為係內街， 有一種隱世麵店既感覺。 鋪頭附近有豬肉檔，大門口出便環境真係一般，所以食堂位置係係樓上，要行少少梯級，但環境好好多。可能因為冇落味精嘅緣故所以湯底比較起其他日式拉麵店唔算太濃味， 日式叉燒好食。仲有佢既溏心蛋 ，我欣賞佢嘅麵質，我比較鍾意食爽口嘅（當然你都可以要求要軟身啲既麵啦）

是日一早起身，想換下口味就黎左山下食面。山下係一間得樓上座位既小店，地方比較淺窄，但食品一d都唔差。叫左叉燒dx 拉麵+味噌湯底。拉麵彈牙，叉燒都好冧好入味，加上有兩隻蛋，大滿足可能係上水最好既拉麵!

刚刚过关回港，心血来潮想吃拉面。于是选了上水站这家拉面，位置不好找。终于找到啦，看到服务员叫餐，就要先买单点菜。满心期待味道。面看起来不错，刚吃一口，哇！好淡呀，结果随便吃几口。满足不了自己口福，又去寻找另外的美食吃啦，说实话有点失望的

星期六陪阿女打完劍，阿女話好掛住上水呢間小店既章魚燒，7pm到左，店內只有20多個坐位，好彩仲有位唔駛等，等食物既時候大約半個鐘，食完8點多少少，發現店外已經排長龍，原來唔可以太晏黎食！章魚燒 $28 - 有6粒，粒粒都大大粒，熱辣辣，外脆內軟，有日式沙律cream 再加燒汁，最正係勁多木魚絲，更加野味！拉麵DX $80 - 份量算多，湯底聲稱無味精（食落到似無），湯底正正常常，無太特別，拉麵都可以既，但兩隻味附雞蛋十分好味，係流心又有蛋香味！

第三次去'麵家山下'食嗌咗黑蒜湯底人唔多 得嗰兩三個人食緊湯底係超淡完全唔夠味 感覺又變返賣淨蔗溝水加少少好微弱嘅黑蒜味啲配料就依然ok有同都係住呢頭嘅朋友傾開原來大部分朋友都係覺得呢間"麵家山下"嘅湯底係過份清淡但係我就覺得奇怪因為第二次嚟食個湯底係好ok的雖然係唔夠鹹但係食落口都唔會係嗰種賣淨蔗溝水嘅感覺我唔知係呢間舖頭不嬲好飄忽丫?係啲材料嘅問題丫?定係有其他原因令到水準好唔穩定?前後食咗三次一次ok兩次唔ok隔一排再試多一次

位置在小巷位(花小小時間尋找)門面(係師傅煮麵位置)店員先叫我們下單，付款(旁面有樓梯上，食麵的位置)座位不算多(所以揀平日來試下)义燒拉麵(選擇辛湯底)湯底(比較辣)眼見义燒肥的位置(以為好油)，配上辣湯食(口感不錯，無油沐沐的口感DX拉麵有义燒，芽菜，紫菜，蛋，荀，蔥選了黑蒜湯底流心蛋(好流心)口感不錯义燒(瘦肉位置，好嫩口)麵質不錯(口感較爽口)蒜香味有，但豬骨湯味蓋過了黑蒜的味道(黑蒜味略淡)湯好清甜限定味道汽水好重提子味😍

今日叫左碗DX拉麵 辛湯底入面有叉燒 味蛋x2同 粗麵湯底厚得黎得好小豬肉味 之後除左食到辣味就冇咩其他味如果同一蘭拉面比 就係一個冇乜點落鹽 食落好淡口的湯面講番個叉燒 唔咸唔甜 好似用舊肥豬肉用熱水煲熟切片睇落係好靚 食落就真係太肥太油又冇味味蛋方面就好出色 同日本食到的味蛋一樣味 入面流心又有蛋香 超超超好味麵質黎講 就係未煮熟韓式拉麵質感 麵質係硬身個款辛辣方面 就係好夠辣 辣到涸口 絕對唔係日本拉麵辣得黎香個種湯底小食個可樂餅就真係好好味 雖然都知係來貨野 炸左佢 不過新鮮炸真係冇得頂 入面係忌廉流心

最近對日式拉麵/沾麵上哂癮, 每次食完都好滿足, 如果大麻都算係毒品, 咁拉麵沾麵一定係我的海洛英。於是, 朕最近微服出巡, 四圍搵好食既本地拉麵店, 今晚就去左上水的山下麵家。這家店有幾款拉麵及一款沾麵揀, 今次就決定試佢撚手招牌菜--拉麵DX。湯底有得揀醬油、味噌、辛、黑蒜同埋鹽湯, 另外亦可追加配料。最後揀左辛, 無追加, 盛惠$78。有人問拉麵既正確食法究竟係點, 你都傻既, 當然係一個羹舀落去, 大力嗦佢個湯先啦!! 老火豬骨湯, 無味精, 濃而不膩, 又唔會太咸, 直達世界級數, 個人黎講係嚇親的, 最後亦將湯一飲而盡~另一樣驚喜既係舊叉燒, 做法特別, 入口即溶之餘仲有一陣火炙的味, 估計係叉燒煮好後再用火辣一辣, 味道令人非常感動。兩粒流心蛋蛋都好流心, 不錯。最後到麵, 麵條採用略幼且鬈鬈地個種, 爽口。但自己本身就較鍾意粗身既麵條, 所以好想試埋佢個沾麵, 聽講沾麵既麵質更好食!總括黎講, 此麵非常高質, 由其湯同叉燒實在令人驚艷, 價錢亦唔算貴, 值得一試!

話說前兩日出咗個食評係上個月中去食嗰時嘅經驗認真麻麻湯底淡如水 又唔夠熱係得啲配料有驚喜時隔差唔多一個月 今日再去食為咗可以同上次比較叫番一樣嘅醬油湯底細麵不過今次就冇叫拉麵DX而係叫咗叉燒拉麵都係一樣嘅流程叫完嘢食上閣樓等等咗一陣就有人送麵上嚟首先第一樣嘢 今次個湯溫度啱啱好!熱得嚟又唔會熱到擺唔到落口!第二件事 今次個湯頭同上次好大分別!雖然醬油湯底都係冇醬油味但係今次好清楚食得出湯底係用豬骨煲咗好耐嘅味道同口感雖然咸度都係比較不足但係絶非上次嗰種賣淨蔗溝水嘅感覺細麵硬度啱啱好值得一提再提嘅係呢度嘅叉燒真係極品我唔係講話香港嚟講算係極品(因為香港九成嘅"拉麵店"都係九唔搭八)而係比日本本土好多出名嘅拉麵店都出色!近乎入口化開嘅口感 真係唔係度度有食得出今次真係所有方面都有用心去做本身諗住食埋今次奶嘢嘅詀就以後唔使幫襯依家覺得絕對可以再嚟試下如果湯底嘅味道再出啲就更加好唔知店家會唔會睇到呢篇食評不過我都想講一句做食店呢家嘢付出咗幾多心機食客一食就知請繼續保持水準!

><喺樓下點餐畀錢 樓上雅座等食見到有日本人嚟食 應該都唔錯拉麵DX 味噌湯底($80)叉燒(中) 芽菜 紫菜 味附雞蛋×2 筍 蔥麵底咬落有d硬 未煮得熟透?!應該係喺原有嘅湯加咗pat味噌醬食到一半先發覺要撈勻溏心蛋 流心 略嫌醃得未夠入味火炙叉燒 肉身軟腍 油脂香口惠顧一碗拉麵 可以chop個印仔><><><><><><>><><><><><><><麵家山下 Menya Yamashita上水新康街63號地下D3-D4號舖

呢間"山下"喺上水開咗咁耐都未幫襯過趁今日放假有時間去試下見佢個湯底有醬油 味增 辛囗 黑蒜揀麵有得揀細麵同太麵揀左"拉麵DX"醬油細麵落完單畀錢上閣樓等枱唔多 得一枱三四個客但係見啲吉枱人哋食完嘅碗冇人收到有人上嚟收又冇抹乾淨枱面啲湯汁又唔係冇禮貌嘅但比食客感覺係求求其其懶懶散散等咗五分鐘送到上嚟第一啖即刻飲個湯先首先 個湯完全唔夠熱而味道係 好似飲緊水。。。明明係叫醬油湯底但係完全冇醬油味亦都飮唔出豬骨味好似係唔夠貨派又有客到 夾硬將淨低嘅湯底溝水咁即管食下麵同其他配料啦竟然!!叉燒 蛋 麵 意外地都係上上之選比日本本土好多拉麵店都出色中伏嘅感覺減輕咗啲不過可惜 拉麵講來講去最重要都係個湯底連啲蔥花都有味過個湯底嘅時候真係冇可能比合格呢碗拉麵不過見佢啲配料咁有誠意下次都會再試多次見到呢間嘢都好多人話好食唔知係咪因為同區冇乜同類競爭嘅對手又可能我一時手神差啫希望今次間野只係一時失手啦

麵家山下係由香港人同日本老婆開啲拉麵鋪，地下落單嗌野食，嗌完就上閣樓等食，地方細細，都幾舒服。次次我都會嗌拉麵DX，貪佢乜都有，又有至正嘅半熟蛋！一次過滿足曬幾個口味！我嗌辛味，個湯底辣辣地咸咸地，都唔錯，啲叉燒又夠淋！推介！！食過佢啲大板串燒同章魚燒，都幾好食，整得好香口，外脆內軟，熱辣辣新鮮整好！仲有我好鍾意飲佢啲日本汽水，有好多味道，蘋果、巨峰提子、波子汽水等等，食到覺得頸渴都可以試一試！！

就如標題所講，每一次踩完單車，回程肚餓時經過上水，都會黎到呢間麵家食拉麵。今次係久違既新界東單車之行，回程又黎到上水新康街，於是就黎到食晚餐喇。今次叫左兩碗拉麵，兩款小食，我地首先係地下order完，之後上一樓等食物到。首先到既係炸蠔，由於係即炸，所以要好小心，唔係就好易比入面熱辣辣既蠔汁辣親，炸得好金黃，食落去脆口，蠔本身都夠鮮，好食。之後就係章魚燒，佢既外形好靚，好夠飽滿同圓碌碌。同樣外皮好金黃，加上大量既木魚絲，咬開時睇見入面好足料既八爪魚，我係比滿分架。之後就到我地既主菜拉麵，呢個係拉麵DX，有叉燒、兩隻蛋，好多料啊。而我叫既係叉燒拉麵，係超多份量既叉燒，不過無溏心蛋呢，當然價錢又唔同喇。鐘意都可以自己加架。總結黎講，係一間充滿住踩單車回憶既拉麵店，而且味道都好唔錯呢。

今日嚟上水行街，行到攰想搵嘢食，諗住清清地就揀左麵嚟食通常第一次食拉麵都會揀叉燒拉麵試下， 睇下足唔足料好唔好味呢碗拉麵叉燒都算多，偏肥少少係我鍾意食嘅口感拉麵嘅質感就同平時食嘅普通拉麵差唔多，整體都係不過不失