麵屋丸京

营业中

休息中

午飯時間，咱跟友人到了這店想要一嚐拉麵。吃多了平常香港茶記，偶爾便吃吃日本有名的拉麵。在門外已見幾人在排隊，因為店內位置不算多。咱們也一同排隊了，一行四人，但因為位置不足，因此只有分開了兩人的坐了。坐的位置還是挺不錯的，木質感的桌份外有日本的感覺。我跟友人也點了清湯半熟卵拉麵，一個拉麵不配飲料是六十多元喔，也不是一般大眾認可的午餐價格呢。本來我是打算點濃湯的，但想起了有朋友跟我提過他上次吃的濃湯拉麵湯底比較咸，因此我還是點清湯似乎好點。拉麵來了以後，賣相頗吸引的。幾片日式叉燒蓋在麵上，上方點綴了些蔥，一旁是分開成一半的半熟蛋，要流不流的蛋黃讓人想要一嚐。一開始便一口吃下那一半半熟蛋，蛋白嫩滑易咬，蛋黃有點蛋漿卻又有凝固，那味兒是一絕的。而後那叉燒也是十分嫩口。至於拉麵，對我來說它有點偏硬，混著湯底吃是入味好吃的。只是呢⋯⋯我想不到清湯也有點偏咸⋯⋯或許是我一匙混著湯底來吃拉麵的關係嗎？或是吃多了才感到咸了？嗯⋯⋯我想不到濃湯會怎樣了。

去朋友屋企打左幾個鐘頭機，想係附近搵d 好食又唔駛等太耐既野，我個fd 就帶左黎呢間麵屋食拉麵。拉麵有好多size, 食得到多既可以叫個大既，d 叉燒會多到成碗都係。筆者唔算太肚餓，所以叫左個中等size 既個麵等左陣就到，醬油拉麵湯底比平日食既豬骨湯拉麵清，麵質亦比較粗同硬。筆者都係比較鐘意豬骨湯，麵身較幼個種。anyway, 叉燒既肉質都幾嫩，肥肉唔太多，感覺幾健康

葵芳這個小區，附近有街市，各式中式餐廳，粉麵飯小店，日本拉麵在這幾條街地舖的確是萬中無一的一間。平時行過見到總有人在門口排隊，但因為她晚上9點關門，比較晚收工的我一直沒有機會試。今天早收，終於有時間來試，避開排隊時間，大概6點就來到餐廳了。一如既往，專食日本拉麵的格局，一邊是食物出品處，另一邊是Bar台食客區。簡單裝潢，間隔分明。我被安排坐下，台上已放置注滿冰水的壼，自助加水餐牌就放在座位正前方，客人很容易見到而且方面揭查，整齊方便餐台提辣油及蒜蓉等供客人增加食味。主角出場：濃湯半熟蛋拉麵~＄68先觀其外表，豬油粒浮在湯面，看上去很油。拉麵質感偏硬，半熟蛋滑漏，濃厚的豚背脂味令喜愛它的一試鐘情，不愛的可能會一時不能接受它的油。這種湯底在京都卻是非常流行。說到底還是要視乎你的口味。溫馨提示：此店不設外賣。

❤️❤️正店推介🙌🏻🙌🏻 絕非賣廣告😎由日本人做大廚👨🏼‍🍳 基本只有2款麵：叉燒/豚骨，再揀濃湯/清湯，另可加糖心蛋小編叫既極上拉麵 $83 即係叉燒拉麵加糖心蛋！成碗舖滿叉燒😍😍😍 賣相夠震撼！！叉燒經慢煮烹煮呈微微粉紅色，真係特別嫩滑😋😋 湯底夠濃郁，係油啲外都好好飲😅 麵條只得一款：粗身拉麵🍜 彈牙爽口！另一款係豚骨醬油，但都係叫左濃湯豚骨同叉燒睇落好似，但仔細發現豚骨係瘦肉，而叉燒係半肥瘦，味道重啲，各有特色。

極上拉麵擺位設計吸引，另有醬油拉麵。叉燒溏心蛋可口，叉燒數量畢竟比其他拉麵店多，但較薄，比較偏瘦卻不會乾身，相當不錯。濃湯飲落的確濃郁，但有太多肥豬膏浮面，一定要趁熱食。

到葵涌廣場行完街最好就要醫醫肚啦.. 知道開左間新拉麵館就決定去試一試.. 雖然舖頭細細排隊o既人都唔多.. 所以就算幾肚餓都等下.. 好彩等左20分鐘到就有位.. 一碗叫左濃湯底.. 一碗叫左清湯底.. 哈哈.. 睇落都幾大分別..濃湯底好明顯見到有好多油脂粉.. 雖然好好味但對於女仔來說罪惡感非常!!!所以我都即刻轉返清湯加左栗米都係$70蚊度大眾化價錢.. 而且都幾好味.. 叉燒都軟身又唔算肥好入味.. 哈哈.. 我都忍唔住飲左半碗湯.. 不過之後要不停飲水中和返.. 最後兩個人晚餐用大眾化價錢就食到傅統的日本拉麵.. 值得一試..  

因為小店, 所以座位不太多, 當晚七時多, 都有六七人排隊; 不過大部分食客都很自律, 食完即走, 當日都是等了十多分鍾.拉麵款式不多, 多义燒,少义燒, 有蛋冇蛋,有筍冇筍,兩種湯底　– 清湯豬骨, 濃湯豬骨, 我就試了濃湯, 為避中伏,試個最普通的濃湯半熟卵拉麵.湯, 真是好濃, 可能真是京都口味, 濃度都是食”豬骨精”(即是雞精咁). 薄叉燒,真是好薄, 食唔到有乜味. 我覺得同麵食的時候都唔知食左义燒.......蛋有蛋味, 唔係大陸蛋, 真是幾好味.至於麵呢, 我覺得有點硬! 可能都是京都口味……..整體來說, 可以一試.唔知點解… 當晚食完都是唔飽.

值荃灣打風拉麵三週年紀念，一心長途跋涉慕名品嚐三週年紀念拉麵，但排隊的人龍實在有如滔滔江水，長流不息。因此放棄轉戰葵芳的近日人氣拉麵：麵屋丸京。而已，此間拉麵店在早幾個月前經已品嚐過，但他們的湯底依然是回味無窮，味道歷歷在目。特此連同拉麵控小妹再次品嚐。濃湯豚骨醬油拉麵 $83薄薄的叉燒呈鮮紅色的，成花形佈滿碗上，感覺彭湃滿溢，相當吸睛。叉燒雖薄，但味道濃郁誘人，濕潤順口。淺啡黃色的湯底呈乳狀，富膠質黏感，味道豐厚，油而不膩。雞蛋微彈結實，鮮橙色的蛋黃緩緩的流出呈流心效果。麵條幼細煙韌而微彈，並無任何鹼水味。一休茶屋綠茶 $18此綠茶就不多描述了。價錢合理，甚具競爭力。

今天不適，扣人工也要請病假休息一下不過身體越不適，越想吃多一點，重囗味一點午餐連吃二餐正餐沒難道哦拉麵控哥哥又一次帶我吃拉麵，二人同為拉麵控，決心吃勻全世界拉麵。極上拉麵$83那麽多片的叉燒，是呃like，吸睛的超好選擇加上大吃，二話不說，一於點這個了極上拉麵，包括6片叉燒，1隻糖心蛋，荀，蔥花6片薄腍叉燒蓋滿拉麵，超級吸引！叉燒軟熟腍滑，唯肉味不夠濃糖心蛋做得滑溜順囗，一下子就吞光光哦。拉麵煙靭彈牙，是我喜歡的囗感軟硬剛好，帶微微嚼頭，又吸滿湯汁，正哦半熟卵拉麵$68拉麵由$58起，價格可算超便宜了全部拉麵可配濃湯豚骨醬油，或清湯豚骨醬油好友選的濃湯，囗味濃郁，濃得上腦哦大量的蒜味一攻而上，加上豚背脂肪，稱為美味！由於我身體不適，所以我點選清湯湯底湯底清晰可見，醬油感鹹味重而帶清甜。採用Dashi做法，果然是京都拉麵。

係葵芳本身已經好少有拉麵店，最近我個日本朋友話我知，新開一間日本人開嘅拉麵店，叫我多多支持下。而我家大少都好鐘意食拉麵，於是就去試下。其實店嘅位置真係難搵，我地成日去葵芳都搵咗一陣先搵到，嘿嘿~ 店內坐位唔多，而且每張枱都偏細，侍應要我地坐埋一邊，咁對面又其他人坐落黎，你眼望我眼咁食拉麵，其實都幾唔自在，今次仲有個小朋友坐我對面，係咁踢我隻腳…… 無奈mode~講返拉麵~ 其實佢冇出面啲店咁多嘢要剔，佢只係揀濃湯定清湯，有蛋冇蛋，多叉燒定少叉燒我叫咗個半熟蛋拉麵，隻蛋真係幾好食，拉麵有咬口，但就好似硬咗少少。大少叫咗個多叉燒，都真係好抵值得一讚，侍應們會keep住加水，因為佢個濃湯真係有少少咸，要飲好多水。最後想講，加麵，佢地係要你叫佢先會加，加麵真係加好多，不過就冇湯跟，所以如果要加麵，記得留返啲湯呀！

天氣轉涼,,得14度,突然好想食碗熱辣辣既搵麵!醒起葵芳有間日式拉麵唔錯,又近屋企 ,一程車就到,就決定呢間!係條大馬路上 都算易搵,7點零鐘去到剛好有位,坐低就望下有咩揀,之前黎過,試左清湯,所以今次就揀濃厚.最普通個款都係$58,有玉子就$68,拉麵黎講佢都算抵食.落單後等左6-8分鐘度,就有得食.佢個豚骨湯同其他唔同 唔係白色既個款,但味道都算濃,叉燒有3大塊,唔知係咪用慢煮方法,d肉係粉紅色,好淋.個糖心蛋都算幾好,都入味,佢個麵無得揀軟硬,但幾岩我口味,食完成碗 個湯都幾乎比我飲哂! PS:個湯面有好多豚脂,如果唔想咁肥 可能試下叫佢唔好咁多

第一次黎食，要左清湯湯低，但清湯都夠味，亦無話好多味精，因為我飲清左佢個湯，之後都無話太口渴，講返個面，質地好好，我覺得軟硬適中，叉燒都好味，但因為我鐘意食厚叉，所以嫌佢太簿片，但佢哋既味道係好好，無問題，用呢一個價錢食到有質素拉麵，係正既！

今晚因有約， 由沙田坐巴士去葵芳， 塞車埋站時見到有門口只得日文麵店， 抱住支持小店心態一試麵店門口位廚窗見到有三個大煲，入面應該係湯底， 似模似樣坐底點左叉燒麵， 唔使兩分鐘就送到。叉燒鋪滿， 不過太瘦，欠缺日本叉燒肥美香味，而且嚡口; 麵身硬，合心意; 湯底都清， 飲到一滴無剩。收73蚊已經是較親民， 無葵興芳想食日本麵， 係一個不錯選擇

拉麵店包裝做足，裝潢、落單、價錢、店員服務、卓上的調味品、還有店員一句句公式化日文，很努力去定位自己做的是「日本拉麵」，但麵做不好(做不到)，就成了A貨、淘寶貨，就同對面葵涌廣場一脈相承，仲有外面街市味傳入來。葵芳有「拉麵」食 ... 仲想點？

作為一名拉麵愛好者，自然希望試齊城中有名的拉麵店！此店毗鄰葵湧廣場，絕對係行完街醫肚既好地方！（假設在葵廣冇食得太飽）同朋友share兩碗拉麵既叉燒，叉燒係薄片、又係慢煮，所以唔嚡口，不錯。拉麵不粗不幼，浸耐咗都唔會腍曬，係有水準既麵。湯底我地揀咗濃湯，食開中等或淡口味會覺得好鹹。另外湯面上既豚背脂非常多，令到每啖湯都好油，建議可以選擇少豚背脂。最後要一提，我同朋友食完麵後既口渴感覺持續到翌日，可見湯中的味精非常不簡單。