麵屋福

营业中

休息中

荃灣區都開了不少日本拉麵店，今日要去了一個比較隱蔽的街道找這間拉麵店，平時比較少會行過這裡的款式不多，正是沾麵店的特式，貴精不貴多喔。我選了魚介豚骨沾麵，賣相不錯，我還加了一些拉麵，所以看似有點比較多拉麵。湯底十分濃郁，但魚介味道不算很重，把拉麵配上，是十分美味，而且麵條十分彈牙，絕對是一流的麵條。湯底內有一塊豚肉，很大塊的。味道不錯，沒什麼特別。

月頭食一次，月尾又再食多次。今日同男朋友去銅鑼灣行街，到晚飯時間，即係要諗食咩啦，因為好想食沾麵嘅原故，我地就特登由銅鑼灣搭小巴返荃灣食喇。我地8:15黎到，前面大約有8個人排緊。排緊隊嘅時候，侍應比左張落單牌我地，用筆圈出自己想食嘅麵同追加就得我叫左黑蒜油豚骨沾麵$83，追加左180g 麵，建議大家可以等個麵黎左先考慮追唔追加，因為價錢一樣，同埋唔知會唔會食唔哂（我就係一開始追加左個麵，最後食唔哂😂）有追加麵同無追加嘅分別正常麵size 加左180g 麵嘅size 2碗麵其實都幾大分別😂食沾麵3步曲2個人食左$206，因為加左個麵同埋叉燒食次個湯汁有d 偏酸，麵條較硬，但因為咁更加似日本原汁原味嘅沾麵。

沾麵同拉麵比，愛麗絲首選一定係前者，香港既魚介沾麵太common，反而其他口味嘅沾麵較少，知道麵屋福最近進駐荃灣，店主仲特登去左東京學藝，所以特登入黎試試佢😎⬇️ 蕃茄紅油沾麵，麵只有熱麵揀，但冇標明幾多g🤔如果唔夠可以加錢加底。⬇️ 湯底充滿蕃茄蓉，細嚼之下，竟然有啲醋既酸味😲😲湯底因爲係蕃茄為主，所以一定冇魚介咁咸，味道酸酸甜甜，微微微辣，沾埋麵黎食，ichiban嘅呢🤪。⬇️ 有三片叉燒、筍、半熟蛋、蔥花。叉燒未經火灸，好嫩身，肉味就食唔出，可能俾湯底遮蓋左🤔筍本身愛麗絲唔係特別好，但都會食一兩塊試味。筍好爽脆，不過有股我唔鍾意既筍味😂😂⬇️ 半熟蛋醬油味濃，不過有少少扣分，有一部分已經熟左，可能因為一上菜果下，隻蛋都已經裂左一半，所以淥熟左少少🤭📍食沾麵既沾汁最重要，依個蕃茄沾汁比較杰身，所以可以沾到好多汁！而且因爲酸酸甜甜，愈食愈開胃😋鍾意食蕃茄既朋友仔不妨黎一試😁😁，另外仲有魚介同黑蒜味架～～

舒次係第二次黎呢間沾麵店，因為上一次太多人等唔到位，今次特登早啲去試。佢得3個沾麵揀，唔怕有選困既朋友。試左一個魚介沾麵，湯底做得唔錯，不過麵質較硬，個人不太喜歡。另外要讚既係有叉燒同一隻溏心蛋，唔洗再追加都好夠食😊

今日同個fd因為保齡球的緣故黎到荃灣，剛好之前聽到呢道有一間隱世的日本沾麵店，所以就決定黎試一試佢。呢間麵屋福位於荃灣西，係由一個曾經到日本當地拜師學藝的香港人開，所以去之前，我地都抱住食到正宗沾麵的心態去。 麵屋福店內面積小，大概只可以容納不多於二十個人，但我地都覺得沾麵店小小地反而更加好，因為咁樣師傅先可以更用心做每一碗拉麵嘛！閒日午餐時間唔是太多人，我地唔使等位就有得入去。一睇餐牌，原來只有三款沾麵選擇，分別係魚介豚骨，黑蒜油豚骨，同蕃茄紅油。由於我地兩個都係第一次食，所以就選擇左最普通的魚介豚骨。午餐時間仲送汽水，成個餐都只係賣$73，其實幾扺食。 等左一陣麵就黎啦！話明係沾麵，一碗係淨麵加紫菜，另一碗係魚介豚骨湯底，裡面除左有叉燒，仲有沾麵不少得的半熟蛋，青蔥和味荀。先講湯底，一飲落去就飲得出湯底的濃郁，裡面好似分左好多層次咁。至於個麵，有別於平時香港食到的軟淋淋的麵質，呢個麵有適當的硬度，等你將個麵放落去個湯的時候可以食到剛剛好的麵條，呢點真係喜出望外。由於我地兩個都好喜歡半熟蛋，所以配菜更加係加哂分。食完個麵之後，店員會幫你加用魚煮成的清湯落個湯底，等你可以飲哂成個湯底，

睇雜誌介紹見到呢間沾麵店, 路經荃灣西一帶就黎試試.本身都係鐘意食拉麵, 沾麵都有食但唔算多, 都想試試效果如何.入到店內地方唔算大, 坐位有少少逼, 枱面反而夠闊.Menu上主要有三款, 點了最基本的魚介湯沾麵.都要等接近10~15分鐘才有得食, 感覺比較慢.一碗沾麵係包埋有叉燒同溏心蛋, 兩者都算唔錯, 叉燒夠腍, 但唔多夠肉香, 溏心蛋就幾好.麵條較粗, 適合沾麵掛汁, 口感偏彈牙, 但一整碗上好易變做一舊舊唔易夾.麵汁幾濃, 好多芝麻同蔥, 不過食到後來個味道比較單一.枱上有幾款調味提供(炸蒜, 辣醬, 檸檬醋, 芝士粉), 如果可以介紹埋點配會好D, 而家係自己試下試下.整體都係平均水準, 未算好驚喜, 價錢$75-90一碗, 都算合理.

今日屋企無煮飯所以媽媽接我放工去食晚餐，因為我係荃灣享和街個頭附近放工，之前放lunch成日經過依間麵屋福就好想食，但就一直都無試過，咁啱媽媽係沾麵頭號fans所以我地就決定食依間。我叫咗個魚介豚骨沾麵再加多份蔥，湯底好濃郁嘅豚骨味同魚香，麵質偏硬有咬口係我鍾意嘅質感，麵帶粗度 湯底會有少少稠可以掛到好多湯，叉燒燒到好香嫩滑 仲要好大塊，面頭有少少柚子絲 濃郁得嚟帶啲清爽。黑蒜油豚骨沾麵加多份叉燒，黑蒜油豚骨要講十萬個好香，黑蒜味勁香濃！！重口味人士一定好鍾意！佢地有教沾麵嘅食法。仲有好多香料，覺得唔夠味可以自己加。

同男朋友係荃灣廣場睇完阿拉丁，因為睇戲前我地都無食野，睇完之後覺得肚餓，於是就係附近周圍搵嘢食。近年荃灣廣場附近開左好多高質嘅食店，睇完戲行完街真係唔會驚餓親😂對沾麵有情義結嘅我，見到小巷有一間專賣沾麵嘅食店，當然亳不猶豫咁衝入去啦！入到麵店，睇到大部份都係4人枱，我地2個人又唔洗搭枱，坐得好闊落。拎起餐牌，睇到呢間店專賣3款麵：魚介豚骨沾麵、黑蒜油豚骨沾麵同埋蕃茄紅油沾麵。我地點左魚介豚骨沾麵（$73）同埋蕃茄紅油沾麵（$88）沾麵嘅湯底好傑而且濃郁，將麵放入湯底，湯底好掛麵，麵嘅軟硬適中，2者配合得好好👍🏻👍🏻👍🏻👍🏻👍🏻仲有隻流心蛋，簡直有點綴嘅效果❤️P.s 麵店營業時間由星期一至日嘅11:30a.m-3:30p.m、6:00p.m-9:30p.m想光顧嘅朋友仔要留意喇，千期唔好摸門釘。

即興同朋友約食飯，就揀左呢間沾面，店舖比較唔起眼，細細間，唔係特登黎食既話，真係經過都唔為意。呢間野只賣沾面，不過冇得揀面條硬度，湯底果d都係set死哂的。咁我就揀左魚介豚肉沾面，午市去食會送汽水面條份量都ok而張枱隔離會有個建議食法，可以俾人參考下。有好大塊叉燒，叉燒唔會好肥，肉質嫩滑，配埋鮮甜既魚介湯幾好味。碗野入面有成隻溏心蛋，岩哂最愛食溏心蛋既我。食完後，可以叫店員幫手加木魚湯，再一口氣飲哂個湯，不過因為太飽，我飲左少少就算。

正值一田大減價，掃完貨就同老公搵地方食晚飯。醒起早前喺Facebook留意到一間沾麵店，就在附近不遠處，一於去試下啦❗️去到嘅時候大約係晚上8點，門外有少少人龍，最後排了約30分鐘就被安排入座了。本身對沾麵不是特別喜歡，皆因覺得食法麻煩，似係拉麵分開湯同麵上而已。😅 又或者係因為之前冇食過好味嘅沾麵湯底～ 就算有些出名嘅沾麵店，個湯底係死咸味嘅，食完要飲1公升水...🤮 身為蕃茄愛好者，當然要試下呢碗紅卜卜嘅湯啦～而老公就點左魚介豚骨湯，食到一半我地交換食，咁就可以試哂兩種湯底味道喇～😁蕃茄湯望落去比較油，飲落去有蕃茄酸酸地嘅味道，中和左油膩感。麵條做得好彈牙，亦唔會痴埋哂一餅咁。流心蛋有點失色，蛋黃外圍有點過熟。而老公嗰碗魚介湯非常鮮味～好鐘意當中有少許柚子味，意外地同魚介湯好夾。食完麵之後店員會主動問需吾需要加湯飲，我地揀左加落魚介湯度，味道非常清甜～估唔到一碗沾麵嘅湯底係可以咁好飲！而且吾係味精湯嘅味道！🤤總捨黎講，以80蚊左右嘅價錢可以食到一碗質素高嘅沾麵（已包含流心蛋、兩片叉燒、筍、紫菜）簡直係荃灣人嘅福氣！將來黎開荃灣行街我都會再黎食！

話說我有個friend係一個沾麵達人，佢真係試哂全港每一間沾麵店，而且每間都會比到詳細嘅評語。所以當佢話荃灣呢間「麵屋福」幾好食，我就即刻黎左試😂8點黎到，門口依然大排長龍😫 好彩沾麵呢啲野食得夠快，等左十幾分鐘就有得入!全店得3款沾麵湯底揀，我叫左蕃茄湯底，朋友叫左黑蒜油。先講蕃茄湯，湯底夠哂濃蕃茄味，舀起見到一舊舊蕃茄肉，真材實料👍🏻 湯底亦有用豬瘦肉熬，仲有叉燒、旬、蛋等餸。叉燒唔會過肥，幾有肉味。食到最後，我加左啲木魚湯落湯底度一齊飲。木魚湯有幫手減走嘅油，飲落都幾清甜，但食完碗麵太飽，飲唔哂成碗🤓黑蒜油湯底都好香濃黑蒜味，但比蕃茄湯底更油同更飽肚。所以朋友到最後都飲唔落個木魚湯😂總括黎講，荃灣唯一嘅沾麵店真係做得唔錯，沾麵夠正宗，湯底唔會過咸。如第時上左軌道後，可以加埋餃子、炸物等日式小食就更好喇😍

今日去荃灣睇戲，知道大霸街附近好多餐廳，所以我地就隨意睇睇有咩好食，見到一間裝潢好有日本feel ，簡簡單單，已經見到人龍排隊，望望餐牌，原來食沾麵，因我地都未食過沾麵，所以去排隊食，排了半個鐘，終於有位了。入面店鋪鋪細細，有5-6張枱，都不算太逼。餐廳只做3款沾麵，魚介豚骨沾麵（ $73）、黑蒜油豚骨沾麵（$83）、蕃茄紅油沾麵（$88），還可以追加配菜$10-$12，唔夠食仲可以追加麵。黑蒜油豚骨沾麵湯頭味道濃郁，濃濃黑蒜味，湯頭入面有一隻流心蛋，兩片叉燒、一塊紫菜、蔥花和味荀，材料豐富。魚介豚骨沾麵湯頭冇黑蒜油豚骨咁濃郁，淡淡的魚介味，反而豚骨味更突出，而且還帶點微辣而粗麵條可選擇硬或淋，我們選擇了硬，粗麵條口感煙煙韌韌，有嚼頭，每一口麵都沾有大量濃郁既湯汁，而麵條亦非常掛湯原隻流心蛋，一咬開，流心蛋黃慢慢流出還有至愛既叉燒，叉燒非常軟腍

老公一向都唔鍾意食麵，但係上次去完日本之後，就對沾麵產生興趣。難得在OpenRice搵到這間荃灣沾麵，當然要去試一試。星期日下午一點去到，只是等了10分鐘。鋪頭的面積比較少，如果兩個人去，一定要搭枱。傾計唔係太方便，不過都係為咗食而來，所以都冇乜所謂。鋪頭用了比較粗身的麵條，店員會細心地問要不要煮軟一點。蕃茄湯很有驚喜，甜甜辣辣味道，很開胃。魚介湯就鈎起了上次去日本的回憶。吃完麵條後，可找店員加木魚湯。加了湯的蕃茄湯更好吃。很值得一試。

自從去完日本之後，時時刻刻都想食拉麵，有時行街都會周圍望下邊度有拉麵食。係荃灣見到呢間專門食沾麵既，正！坐底睇下有咩好食先。其實我唔講，好多人都知沾麵點食，不過呢間舖好貼心，有個poster 仔會講下正確沾麵食法。枱面有唔同既醬料，隨喜好添加。黑蒜油豚骨沾麵，濃厚既黑蒜油湯底，食落好有蒜香味，裡面仲有豚肉同流心蛋，加埋爽口彈牙既拉麵，真係好好食。魚介豚骨沾麵，呢個湯相對地冇甘濃味，魚香味重些，加錢仲可以追加叉燒同流心蛋。因為呢個麵底會比較硬身，如果想淋些，可以同店員講啊！

無意中發現呢間沾麵專門店，所以決定一試，假日嘅中午12點半到達，一個人入座最後一個座位，之後都有其他客人在門外等候。小弟一向係沾麵嘅fans，今次試左蕃茄辣味沾麵，另加咗一隻蛋（沾麵本身已附有一隻蛋）、紫菜同蔥（影相時蔥未到），Total $120。湯嘅味道不錯，只是蕃茄味未算濃，反而辣味控制得不錯，有惹味嘅感覺，而麵嘅掛湯力亦都幾好。但食飽後再加湯時，將原有嘅湯沖得偏淡，大概係因為遷就香港口味，所以將原有嘅湯底調淡咗d，所以當再加湯時就變成更淡，所以喝了兩三啖之後都無飲，下次再食時應該會叫加少一d湯，或者唔加湯飲直接飲。總括而言都是一家值得一試嘅沾麵店。