麵屋福

营业中

休息中

最近發現荃灣原來有一間地道既日式沾麵店。入到去有一個日本客人啱啱食完，日本客人臨走同店長用日文傾咗陣計，店長有一口流利的日本語，仲要為佢係日本人（可能真係），位日本客人都喺度讚碗麵好食我心諗我應該冇嚟錯地方了，整個感覺就好似我已經置身於日本一樣。講番啲麵佢有三個沾麵選擇，我叫咗個黑蒜油豚肉沾麵，免費送埋一罐可樂個湯有十分香濃嘅黑蒜油味，熱度十足！所以將麵夾落去食都唔會好快變涼。個麵亦都可以掛到個湯，每啖都食到香濃嘅蒜香豚肉味當食完整個麵之後，可以叫侍應再加啲木魚湯，再將湯飲清代表尊重個廚師。黑蒜油豚肉沾麵$83呢個價錢食到日式地道風味絕對物超所值

魚介沾麵麵係無得揀嘅，係比較粗的麵，偏硬，非常有嚼勁同彈牙☺️係我最愛的口感魚介湯應該係豚骨湯底，好多蔥😂，味道唔會太鹹同膩，好多沾麵湯食到一半已經膩到唔想食，依個我可以食到底～可惜湯唔夠掛麵醬油糖心蛋同叉燒都放係湯入面，雖然叉燒比一般拉麵嘅薄，不過完全唔肥膩；醬油糖心蛋入味之餘，蛋黃基本全流心😍直頭想加蛋黑蒜油沾麵個湯好香，但係食多幾啖會莫名有少少膿味🙈同魚介湯一樣都係唔夠掛麵整體而言，係可以食多次的沾麵～～

拉麵迷好友介紹下，試咗荃灣西呢間日式沾麵小店裝潢陳設以日式小店為藍本，座位闊落，算係坐得舒服主打沾麵，全店只有三款沾麵選擇今次可以試哂三款，包括係魚介豚骨沾麵、黑蒜油豚骨沾麵、蕃茄紅油沾麵魚介豚骨沾麵 $73 湯底唔算太黏稠，唔係一點就沾滿麵條以豬骨熬成嘅湯底，魚介味唔算太出眾鮮味恰到好處，唔算太鹹配料有芝麻、溏心蛋、筍、叉燒、蔥花等，味道更香濃特別係味荀，入口唔似攞貨，似係自家製作，好夠鮮味同好入味，掛湯力十足至於麵條就係粗麵，質感煙韌又彈牙而溏心蛋亦入晒味，流心度高，好有水準不過叉燒就比較一般黑蒜油豚骨沾麵 $83  味道相對較重口味黑蒜香未入口已聞到好濃烈嘅味道，食落口更濃味同樣有溏心蛋等基本配料加$10可多蔥花，一碟足夠三至四人分享蕃茄紅油沾麵 $88 係招牌之一蕃茄湯底嘅沾麵比較罕見以超香濃嘅蕃茄湯底炮製，滿碗都係蕃茄蓉，好真材實料唔單止有蔥花，仲有微辣感，入口清新，醒胃又惹味不過，如果飲埋湯可能會覺得口渴，記得準備定杯水最後當然要加木魚湯飲埋個沾汁啦不過份量都算多，太飽難以飲完成碗

💛難得唔鍾意食野既朋友同我講有間沾麵好想食🤣6月頭即刻同左佢去食～·🥫蕃茄辣油沾麵（$88）好喜歡佢既麵條！掛湯一流外，偏粗身有咬口😋湯底雖然略油，但蕃茄味足🍅酸酸地開胃😆叉燒同角煮豚肉份量多..但肉質唔太嫩～食埋半熟蛋簡直飽到上左太空😂·🧄黑蒜油豚骨沾麵（$83）朋友點的～湯底一樣略油🙃黑蒜香濃.朋友喜歡而我就一般般😜·P.S.一進店，有種難聞的荀味撲鼻而來😅習慣就好·📍麵屋福荃灣享成街18號地鋪

中午經過荃灣，聽聞有一間拉麵叫做麵屋福，入邊嘅沾麵幾好食咁樣，咁我就入去試吓啦。疫情嘅關係，我入去係戴住口罩，當除低口罩嘅時間，我就發覺舖頭有一陣豬肉嘅蘇味，唔緊要，味道唔算太濃烈，可以接受，整間鋪嘅衛生做得其實幾好。咁我叫咗一個沾麵，啲面排得好整齊，賣相好靚，個湯底好濃好熱，非常好。唯一敗筆嘅地方，就係麵嘅溫度冇得揀，正常嘅沾麵係可以揀冷麵、室溫，或者熱嘅麵，最正統嘅食法其實就係冷或者室溫。免屋復使用嘅係熱嘅麵，不過都幾彈牙，如果可以有得揀室溫嘅麵就最好啦。整體來講係值得推薦。

今個Happy Friday選擇簡簡單單食個麵，因為想今晚再食宵夜。呢間係低調小店、地點位置於較淨嘅小街，好有日本小店的感覺。大概7點左右到達，唔駛等位，店內每枱分別擺左透明玻璃杯同冰檸檬水，呢個擺法令我好欣賞，好有日本感覺，因為平時日本嘅拉麵店都係咁每款沾麵已包含半熟蛋、叉燒、紫菜、青蔥及味筍，如果覺得唔夠，可以加錢追加另外枱上亦附有沾麵小知識，好貼心，就算第一次食沾麵都知道要點享用👍🏻蕃茄紅油沾麵麵口感偏硬有咬感，蕃茄味好濃、帶小小酸，食到粒粒蕃茄、夠誠意👍🏻紅油帶輕微辣感，如圖所見蔥量都好多，不過老公好鍾意食蔥，所以再追加多一碟😂要讚下個半熟蛋，中間做到有流心效果，好想再叫多隻黎食🤤食完麵可以叫店員加木魚湯，加左湯後中和左蕃茄酸味，飲到蕃茄味之餘又飲到木魚湯味，各有各精彩，又唔會搶對方鏡黑蒜油豚骨沾麵濃味之選，勁重黑蒜油味，但正因為濃味所以略為較咸，頭幾啖當然覺得惹味，但食到尾聲會覺得咸，加湯之後雖然有中和少許咸味，但都只能夠飲少少小店服務都算細心，開頭唔知每款沾麵已有配料，一問之下先知，店員都細心解答；另外由於黑蒜油沾麵加湯後老公飲左幾啖就停手，店員之後留意到以為佢未加湯，都有

日式拉麵有兩種，一種的普通湯拉麵，另一種就係沾麵，而兩者之中我更愛沾麵，原因係沾麵對於麵的硬度。今日突然想食沾麵，但發現原來荃灣做沾麵的店舖不多。最後選擇了麵屋福。它有三種湯，我同友人分別選擇了蕃茄紅油和黑蒜油豚骨沾麵，而麵的硬度並不能選擇。下單後不久就上餐。麵是熱的而硬度是偏硬，這合乎我個人口味，不過友人覺得可以再軟一些。而湯的部分，蕃茄湯酸中太點辣，不過我個人覺得太過咸，以致到最後加清湯之後，我都無法飲用呢個湯。而相對的友人那個湯就覺得咸度還可以。值得一提，它們有十分足夠的材料份量，有三塊叉燒，一隻糖心蛋。整體而言，除了偏咸以外都算是一間值得一試的餐廳。

上年喺尖沙咀食過一次沾麵，依晚係第二次食，不過係喺荃灣~今次同朋友，誤打誤撞入咗嚟呢間食因為落雨天呀，所以比較少人幫襯。一入到嚟餐廳第一印象好好，因為燈光明亮環境舒適，雖然座位嘅數量唔多但係店員非常之有禮第一時間遞上點餐紙俾我用鉛筆圈低自己想食嘅嘢然之後交返俾店員落order就得啦我點咗~~魚介豚骨沾麵+ 日本半熟蛋+可樂盛惠$97，好抵食！麵條好煙韌好有咬口，彈牙呀！淋上碗湯真係好味到爆湯汁入面仲有一隻蛋，一邊食脆卜卜嘅紫菜，一邊食返隻日本半熟蛋，即係一共食咗兩隻雞蛋， 真係好鍾意佢嘅半熟蛋，啲蛋黃介乎全熟與半熟之間嘅感覺，佢真係做得好好， 太心急掛住食都冇影低添重點就係，我要再講一次！店員真係好好服務好有禮貌，簡直一流！咁好嘅service配上舒適嘅環境，同埋埋佢啲沾麵真係幾有水準下囉！有機會要再返嚟食多一次， 另外我都幾鍾意佢嘅裝修

隱世日式沾麵荃灣的隱世小店，地點更神秘，位於享成街，如非區內食客，相信要費一返心機才找到，很有尋寶的感覺店內只有6張枱左右，但也不用排長龍。聽講老闆曾到日本學藝，學習傳統沾麵。所以整店的氣氛，食品及服務也力盡傳統。店內只有三款沾麵，魚介，黑蒜，蕃茄，本身已包含紫菜，竹筍，温泉蛋，豚肉，客人也可自行加收費食材。麵質本身較彈牙，客人可要求淋身一點。三款本人也試過：傳統魚介味，魚香味鮮，湯底相當用多款材斗淆整，味覺相當複雜多變，每啖也充滿變化黑蒜湯底重口味人士之選，黑蒜味相當濃烈，向你味蕾作猛烈進攻，比魚介湯來得更重口味，咸度雖較高但仍能感受到鮮味。蕃茄濃湯清新田園感覺，但湯底絕非很淡，同時能感受蕃香及鮮味，彷如置身蕃茄田園本身的食材已相當豐富，客人可別行購買用心食品值得欣賞，就算位於冷門地點，仍能散發他的光芒

今晚同男朋友去麵屋福度食晚飯。餐廳嘅沾麵有三種口味，分別係魚介豚骨，黑蒜油豚骨，蕃茄紅油。 最吸引我想試嘅係佢嘅魚介豚骨沾麵，因為越簡單嘅菜式，要煮得好味，其實係好難的。而我男朋友就揀左黑蒜油豚骨沾麵。 佢嘅魚介豚骨沾湯色澤深濃，沾湯上有大量魚介粉，加埋蔥同埋洋蔥，令到味道更加有層次，而d麵都能夠掛滿沾湯，好味不過我覺得有少少可惜嘅係個沾湯唔算好夠熱，同埋個麵冇得揀凍麵...不過e個只係我個人嘅偏好，所以100分黎講，佢都有70分，e碗麵入面食得出有用心烹調嘅味道爭d唔記得左講下，個沾麵本身包左一隻半熟蛋同埋二片肩胛肉叉燒，半熟蛋味道濃香，而佢嘅叉燒雖然薄，但豬香味足，同埋調味岩岩好，唔會過咸又唔會冇味，我鐘意食

朋友推介這間沾麵店多時，終於有機會一試。朋友點的黑蒜油豚骨沾麵十分香濃，甚有日本風味，但個人覺得較鹹；我點了蕃茄紅油沾麵，蕃茄味濃和偏甜，雖然紅油令沾麵湯較油膩，但無損其美味。湯內的溏心蛋非常流心，不過叉燒和角煮豚肉肉質不算嫩，口感一般。最驚喜的是麵條非常有咬口，其間有客人問店員可否選擇麵的硬度，店員表示師傅已預設了合適的硬度，除非特別要求，否則可以先試一試，而師傅的確把麵的質感控制得很好。朋友表示閒日和週末人流亦不算太多，基本上都不需要排隊，店內亦不會太擠迫。

呢間係專食沾麵既鋪頭聽聞老細係真係係日本到學廚然後返黎香港開鋪鋪頭就好細既姐款式亦都係集中3款到我自己個人就最鍾意呢款呢款係黑蒜油沾麵麵質係我喜歡既，有硬度夠煙韌而個湯底係真係好重蒜味蔥味未必個個接受到但我就好鍾意啦，再加埋醋落去就仲正好好味😋 如果午市黎仲有汽水送

自從上次去日本旅行食過沾麵後，就愛上沾麵。可惜，香港無乜食沾麵既鋪，有啲食過都唔係日本食果回事報紙介紹，心郁郁又黎試下！ Menu: 有三款湯 魚介、黑蒜、紅油蕃茄湯：我地食左魚同黑蒜，味道好濃厚，正！ 湯內已附有豚肉、溏心蛋、荀麵：menu無得揀麵既粗幼、硬度.... 有少少失望。 佢啲麵略為硬.... 扣左少少分食完可以叫店完加湯，將濃湯變淡，飲埋剩下既湯，一滴都唔浪費。 湯雖然濃，但無口渴既感覺！真材實料👍🏾總結： 雖然佢仍比起上次喺日本食果間沾麵日稍瞬，但喺疫情下去唔到旅行，都可以代替下☺️☺️

疫情之下每次出街都要先擬定行程及時間，盡量避開繁忙時間減少接觸人群😆 呢間沾麵店想試好耐，趁佢一開鋪比較少人去食。番茄紅油沾麵 😋4/5 湯底比較濃稠而且有大量蕃茄蓉，因為有紅油所以比魚介豚骨油些少，幸好整體酸度足夠消除油膩感。麵底份量多，粗身麵條質感滑溜，軟硬度無得揀不過都算適中，附上一塊紫菜夠晒正宗。想加強酸味可以落啲檸檬醋，而鐘意食重口味嘅就可以加日式辣醬或者炸蒜增添風味。魚介豚骨沾麵 😋4/5 湯底鋪滿大量蔥花加上白芝麻及魚介粉末，內附兩塊叉燒，味荀及日本半熟蛋。肩胛肉叉燒好味，肉質軟腍，肥瘦適中，如果切厚一點或者燒到佢表面微燶應該會更好食。味荀唔錯無怪味。我欣賞佢隻日本半熟蛋做得非常出色，蛋黃非常流心，入口即溶味道又夠晒香濃，蛋白夠滑又食到醬油味道😍 加埋檸檬醋一齊食可以令湯底帶點微酸提升味道層次。總結：日本半熟蛋係必食，叉燒亦都有日本風味。餐牌選擇唔多，沾麵亦只有3款，小食欠奉，呢種做法就似日本職人專心做好一件事，堅持對食物嘅要求一樣。兩款沾麵味道都唔錯，下次要試埋黑蒜油豚骨比較下🤤 ..

之前見到介紹見到這間沾麵店，是正宗日式的，我未食過沾麵，今次第一次食。店子好小，只有幾張枱。餐具整潔齊全，還有教你沾麵的食法，另外每枱也有搓手液。還有印仔咭儲滿10碗送一碗。午餐仲送汽水一罐呀。餐牌簡單，也附有日文潻，沾麵共有三款，黑蒜豚肉，魚介同蕃茄。我們也叫了黑蒜油豚肉沾麵，一碗拉麵有一塊紫菜，麵的份量也不少的，另外一碗沾麵湯料，好香蒜味，有蒜，葱，芝麻，黑蒜油好黑的，下面仲有豚肉及溫泉蛋一隻。夾起少少麵放入湯度食，麵身可以保持住硬度，湯也唔會淡左。湯好足料同夠濃。可能黑蒜所以食到感覺好酸。豚肉好淋又入味，溫泉蛋也非常好味，蛋黃半流心好正。下次可以試埋個魚介！