麺処一家 (已結業)

香港越來越多拉麵店，來來去去差不多水準，所以我有一段日子沒有選擇吃拉麵了。今天晚上獨自在尖沙咀行經厚福街見到這間拉麵店，裝修素雅，便排了十五分鐘試試。想不到有意外驚喜。湯㡳只有一款，美味又不會太咸或太「傑」，加了$10要一隻溏心蛋，是我暫時在拉麵店食過最好味的。慢煮豬肩肉好琳，味道好又唔肥，不過如果再多一片會更好，另外拉麵加了炒過的紫菜碎同洋蔥粒令碗麵更好食。年青店員的服務態度非常好，會主動問你是否需要橡根紥起頭髪。埋單時發現有八折，店員解說是抗疫價。有機會一定再來。

近來，四出食拉麵，湊住個女又麻煩，五中意食就真係五肯食，好難得揾到間個女中意食，我又中意食。keep住個個星期都要食一次先得，隻旦冇得頂， 豬腩肉都好正，但最正係個替玉，一定要叫， 有肉碎有洋蔥當撈麵食一流，最重要係黃

今日去左尖沙咀去拎少少野，突然心思思想食拉麵，早時間尚早就一於黎呢間位於厚福街既拉麵店啦❗️❗️❗️呢度既拉麵係只得一款，豚骨魚介醬油拉麵，而當中既分別係肉類分別，妹妹推介係慢煮豚肉、弟弟推介火灸、而店長推介就係兩款都有👍🏻，而今日咁肚餓就一於叫店長推介湯底：充滿住魚介味，好濃厚，加上又有好香既醬油味，出色👍🏻👍🏻👍🏻👍🏻豚肉：兩種肉，慢煮同火灸都各有千秋，慢煮鎖住左肉汁，而火灸又比較惹味，正溏心蛋：要加$10 先有，但真係好好色，值得加👍🏻👍🏻👍🏻

昨天下起大雨，想找間食肆食東西以及避雨，所以入了這間舖頭食拉麵這間拉麵鋪門外非常樸實並不起眼，一進内便坐近廚師煮麵既位置，再看看餐牌發現選擇並不多，只有三款拉麵選擇，我選了店長推介的那款。等了大約十分鐘，拉麵煮好了送到我面前，我先試試了湯底，湯底正常沒有太鹹或太油。再試試义燒，义燒好味好香好淋係我鐘意既味道，可惜只有四塊太少，如果六塊會更好。細心觀察下竟發現每塊义燒都係用店舖內切割機切，這點顯得幾方便以及專業。再試試面底，面底同其他拉麵舖不一樣，拉麵煮熟後，師傅將拉麵與調味料拌勻，使到每條拉麵都有味道，這點值得欣賞。而面質都ok, 可惜份量對於一向大食既我並不足夠，需要再加十二蚊麵底才剛剛好！再試試竹筍，竹筍比我預期有d失望，沒有爽脆既感覺，而且份量少，只有四至五條，而且是幼身，這兒有d失望。環境方面，坐椅舒適坐得舒服，廁所好乾淨，環境方面跟日本餐廳一樣，依方面好滿意。

雖然香港周圍都有拉麵店但想食到一碗有水準嘅日本拉麵就一啲都唔容易其實已經想黎食麺処一家好耐不過每次嚟到都見到大排長龍 最後都冇食到今次趁放假專登早啲嚟 六點一開門就入去食佢哋嘅拉麵係用豚骨魚介醬油湯底豚骨同魚介香味好合拍 湯底入口順滑濃郁豚骨味道比較收斂 多咗一份魚介清甜鮮味湯底味道感覺好有層次非常出色我叫咗一碗配豬腩肉嘅弟の選択燒過嘅豬腩肉油香滿溢 味道甘香又唔會油冧冧油脂入口溶化 質感唔霉散 另一碗我地叫左料理長の選択包含豬腩肉同慢煮豬肩肉慢煮豬肩肉肉質比較柔軟 肉香較重 又有另一番風味 兩款都可謂做得非常有水準麵條幼身但非常煙韌 掛湯能力上好我地另加嘅半熟蛋都好正 醃得啱啱好蛋汁濃郁香甜 身為蛋控覺得實在令人難以忘懷我好佩服佢哋專注賣拉麵，做好拉麵做得令人食過返尋味 自然唔需要太多花巧同選擇 名副其實以實力取勝

厚福街最多人排隊的黃店應該是光榮冰室, 她對面的麵處一家也不甘示弱, 等了半小時才可進內, 在這武漢肺炎的疫情下算是難能可貴. 這麵家的店主中途轉行做拉麵, 只有三款拉麵選擇, 嚴格而言湯底味道一樣, 都是魚介豬骨湯底, 只是叉燒不同. 湯底的魚介味重, 湯身夠黏口, 可見其火候和心機. 麵身幼而直身, 口感是我喜歡的硬挺, 只是掛湯能力可以再強一點. 流心蛋蛋黃一咬即溜, 而且帶有清甜味, 令人滿意. 叉燒有兩種, 燒豬腩肉和慢煮豬肩肉 , 前者焦香和油香味夠, 脂肉層次分明; 後者看起來肉質不怎樣, 但吃起來肉質嫩滑, 甚有驚喜, 再加上全單八折的價錢, 尖沙咀吃高質拉麵又多了一個新選擇.

一個品牌有信心，專賣一份產品又有什麼問題？茶包曾聽過旅遊記者提到：日本很有名的拉麵店🍜都只賣一種湯頭，因為有執著的廚師，會用一生專心做一件事，往往這種店，就會被人賞識。⠀⠀茶包走進傳說中只賣一個頭湯的拉麵店——麺処一家。⠀⠀店家只設主品項有3個選項1. 妹妹推介（慢煮豬肩肉） 2. 弟弟推介（火炙豬腩肉） 3. 店長推介（慢煮豬肩肉＋火炙豬腩肉）⠀⠀貪心的茶包點了店長推介，一次過可以嚐到慢煮豬肩肉及火炙豬腩肉兩種主品項。⠀⠀=| 慢煮豬肩肉 |=慢煮的豚肉都是帶一點粉紅色的，入口肉質細嫩，雖然沒有脂肪在旁，也不會有乾柴的口感。⠀⠀=| 火炙豬腩 |=嗯，是會想追加的主品項。火灸過的豬腩入口細滑，豬肉的油與肉香，為魚介拉麵的味道加一點衝擊。⠀⠀=| 拉麵及湯頭 |=拉麵一上枱，就升起一縷縷的煙，傳來一陣陣鮮香的魚介湯香味。💕呷一口湯頭，滿嘴都是魚鮮味，比起濃郁的豬骨香，這個湯頭質感更為輕身，入口更為清爽💕⠀⠀🍜拉麵是幼身的麵種，掛湯能力不錯，茶包喜歡加上店家自製的辣醬一起吃。⠀⠀🔆食物分數率：9分（10分為滿分）💖comfort food：火炙豬腩，湯頭，辣醬，紫菜🔖紫菜是有烤過的配菜。

今日約左個好耐冇見嘅朋友黎尖沙咀食飯，見和你eat有介紹呢間拉麵就過左黎食。佢嘅menu只有三個選擇，就係妹之選擇、弟之選擇同料理長之選擇。個分別就係舊肉係火炙豬腩肉、慢煮豬肩肉、同埋有晒兩款肉。活緊肥嘅我就揀左妹妹推介，再加左粒我最愛嘅溏心蛋而選擇困難嘅朋友就揀左店長推介。等左5分鐘左右就上菜啦，佢嘅湯底只有一款冇得揀嘅，就係豚骨魚介醬油湯底個湯底非常之濃厚，但又唔會過鹹，啱晒女仔食！！咁舊慢煮豬肩肉嘅肉質都係一啲都唔膩，好軟身，正我仲加左粒溏心蛋（+$10），粒溏心蛋都好甜好正！而個麵底都好煙韌唔會煮過龍淋晒！而且咁啱我地黎食嘅時候有全單八折優惠，真係超級抵，唔洗$80就食到碗日本質素嘅拉麵！

今日有事要出尖沙咀做，順便食埋嘢先返屋企落住微微雨都仲有幾個人排隊，排咗大約兩三個字就輪到我地～排緊隊嗰陣我地已經諗好食咩，因為呢間拉麵冇乜選擇，啱哂有選擇困難症嘅人坐低叫完嘢食冇幾耐，侍應見到長頭髮嘅女仔就會拎住兜橡筋問要唔要又幾貼心喎拉麵好快就到，我揀咗弟弟推介（火炙豬腩肉，濃厚豚骨魚介醬油拉麵）朋友揀咗店長推介，呢個比起我嗰碗多咗慢煮豬肩肉拉麵一到我地都試咗個湯先，好味幾重魚味麵都好食，冇鹼水味啲肉就燒過好食啲，不過朋友就嫌肥咗少少～慢煮豬肩肉都易咬但就冇乜味睇你鍾意邊款肉啦落啲一味粉辣辣地仲正埋單仲全單八折Bar枱係對住廚房，但有塊玻璃隔住，所以就算食完都唔會成身油煙味可惜返到屋企有啲口渴，唔知係咪飲得太多湯

下班後和男朋友到尖沙咀拍拖，路過麵処一家，突然很想吃拉麵，於是便入去了。這家拉麵店的選擇不多，只專注做好三款拉麵，沒有小食。三款拉麵分別是【妹の選択】、【弟の選択】和【料理長の選択】。妹の選択是慢煮豬肩肉，弟の選択是火炙豬腩肉，而料理長の選択則是兩款肉都有，我和男朋友都是吃肉獸，當然兩個都點了料理長の選択啦！【料理長の選択】加味玉雖說是濃厚豚骨魚介醬油湯底，但湯底很清，油膩感不重，值得讚！但是兩款肉類都沒有想像中腍身，都是有點口感的，不過整體來說都算不錯了。

男朋友推介呢間拉麵店話好好食，今日收工就去試下啦🤣位置好方便，係正好多食店既厚福街，好易揾。見到做緊8折優惠😯呢間拉麵店主打豚骨魚介醬油拉麵，有3個選擇：妹妹，弟弟同料理長，分別係慢煮豬肩肉，火炙豬腩肉同雙併🤣男朋友推介火炙豬腩肉👍🏻所以我揀左弟弟拉麵🤣佢就揀左料理長，咁就2樣都可以試哂☺️首先講下個湯底先，果然夠濃郁既豚骨魚介湯味，值得一讚d荀無果種酸醙味，反而幾甜幾惹味🤣🤣好少有至於火炙豬腩肉男朋友真係無介紹錯，好好味，外面有火炙過既煙薰味，肉質又鮮美👍🏻👍🏻👅而慢煮豬肩肉就比較羶，個人都係中意火炙多d🤣麵質唔軟唔硬岩岩好，溏心蛋要另外加錢🤣有點小貴間唔時行街經過都會再黎食下既🤣👍🏻

尖沙咀厚福街是黃店集中地，「光榮冰室」以外還有很多選擇，其中一間就是位處它對面的「麺処一家」。雖然「麵処一家」門面低調得無任何文宣，但其實早在6月9日它已在fb發聲支持反送中。望望餐紙，小店只得三款拉麵選擇，貴精不貴多。最後，我揀了88元的弟之選擇，另加10元溏心蛋，合共98元。由於疫情關係，我揀坐對住師傅兼老闆的單座位。看過訪問，知道老闆是一名拉麵癡，癡到要跑去日本學煮拉麵，後來更中年轉行開「麺処一家」，絕對勇氣可嘉！弟之選擇配溏心蛋（$98）幼麵彈牙，火炙豬腩肉大大塊，肥瘦均勻；溏心蛋一咬，立即溶喺口，吃得有點狼狽呢！現在更全單八折優惠吸客，努力在疫境前行，加油！

準備到尖沙咀 The One 逛街，已到午飯時間，便來到厚福街尋找美食，看見此拉麵店挻特別的，只提供三款同湯底不同材料的拉麵作選擇，而且客人眾多，我便抱著好奇的心態一嚐究竟。濃厚豚骨魚介醬油拉麵我選擇了店長推介以及加辣醬，材料有火炙豬腩肉、慢煮豬肩肉、溏心蛋、洋蔥粒、筍、蔥，湯底味濃而不鹹，加入辣醬作調味，惹味可口，辣味恰好。拉麵掛湯力強，軟硬適中。豬肩肉軟腍嫩滑，豬腩肉用火槍炙過，入口油份充滿口腔，香口美味。溏心蛋的甜度以及酒味控制得剛剛好，而且做得足夠流心，入口嫩滑香濃。整體而言，食材新鮮，製作用心，環境乾淨，坐位寬躺舒適，是進食拉麵的好地方。因為疫情問題，暫時全單八折。

放左工又黎厚福街搵食😋 之前經過幾次見到依間拉麵店都有人排隊 今日難得唔洗排 當然係狗衝入去✌︎('ω')✌︎.依間拉麵店只有三款主打拉麵： 分別係妹の選択 (慢煮豬肩肉)、弟の選択(火灸豬腩肉) 同 料理長の選択 (慢煮豬肩肉+火灸豬腩肉)✨ 對於有選擇困難既朋友絕對友好🤣 因為只需三選一 哈哈哈.而作為肉肉控既我就梗係why not both 咁揀左料理長の選択🤗.🍜 料理長の選択 $98 (玉子+ $10)我食拉麵既習慣 係食之前先試下個湯頭🤤 湯底用上新鮮既桶骨再加左魚乾去熬製 一飲落去就飲到滿滿既骨膠原超濃既豚骨味 而且格外鮮甜👍🏻 而麵條比較幼身 麵質彈牙 沒有煮得太稔 時間岩岩好😋.慢煮豬肩肉肉質非常腍軟 但略微切得薄左少少 如果厚返d 口感應該會更好😉 火灸豬腩肉係睇住廚師即場用火槍燒🔥燒到外皮略帶燒焦 食落夠晒香口～我個人會鐘意火灸豬腩肉多d😍..天寒地凍食返碗熱辣辣既拉麵 個人即刻warm 晒😌 滿足(*≧∀≦*)

食拉麵的確好睇個人口味，而我就鐘意清甜有韻味嘅湯底，因為鐘意飲湯，所以口味會淡少少，可以飲到多啲本身嘅味，仲可以飲多啲﹗而我平時食拉麵都比較少揀鰹魚味，因為次次叫完都覺得太咸太濃。不過今次呢間我個人好推介，特別係個湯底﹗呢到係主要係得一款湯底，有妹妹推介同弟弟推介，個分別大概係：妹妹推介：慢煮豬肩肉—追求健康嘅人/想減肥嘅女士們必選，唔好以為唔係肥叉燒就唔好食，用慢煮煮出黎超級嫩滑﹗我自己都食呢款﹗弟弟推介：火炙豬腩肉—男士/喜歡肉香油脂味重嘅人一定喜歡，燒過嘅豬腩好香油脂味，入口好滋味，肉質仲幾彈牙﹗另外有得加辣：不過對於食得辣嘅人黎講都覺得辣，唔食得辣嘅人要三思﹗雖然個辣係好惹味，但有少少嗆喉，可能叫小辣會好啲而溏心蛋雖然都要加錢，但佢甜度、酒味都啱啱好，而且蛋嘅質感都控制得好好，溏心蛋控絕對要試﹗