麻市滋味館 (已結業)

今天專程帶老公去食佢最愛的大牌檔風味美食。在炮台街的麻市滋味館。之前同朋友食過，食物夠穫氣，味道不錯，真係食過翻尋味，今晚叫返幾個小菜同老公撐枱腳！豉汁蒸白鱔：白鱔新鮮，蒸的時間控制得很好，豉汁惹味，魚肉爽口鮮嫩。褔建炒飯：夠穫氣，份量夠大碟，材料有瑤柱、雞粒、冬菇粒等，相當足料。飯加蛋炒過，粒粒分明，軟硬適中，好好味！錦江豆腐煲：材料有蝦、魚、鱿魚、冬菇、豆腐、小唐菜，蝦爽口，豆腐超嫩滑，醬汁調得濃郁美味！脆皮菠蘿咕嚕肉：外層脆口，肉質有口感，酸甜獻汁調得好味，菠蘿酸酸甜甜好開胃。啤酒好抵飲，老公當然不錯過。飯後甜品，奉送紅豆沙。

今晚朋友生日我地一行二十人到此一聚有一半人以上都係食家能分辨食物煮法但對於此食肆一致好評實在難得一共十個餸生日者免計19個人每位$267首先試試呢個飽魚 鮮味十足 咬口軟硬剛剛好由於吾係整人點菜餸名就吾多記得但呢個菜外面層蛋 脆脆地內面有點芽菜食到廚師嘎技術雞就夠嫩滑甜酸骨吾太多汁 吾會一pat pat椒鹽豆腐 外脆內軟一碟都吾多夠喉喂～喂～喂最邪惡而最好食的梅菜扣肉足足食左一碗飯但之後仲有呢個蟹糯米飯好鮮味又食食多一碗糯米飯呢個通菜好香但竟然食落吾咸值得非常推介

金牌金字塔： 肉質不會過於肥膩，以梅菜扣肉來說，算是比較瘦，可以多吃幾塊。外邊感覺像紅燒汁，中心是梅菜，不會過鹹，送飯一流！順帶一提，姐姐在切開扣肉前，問要不要拍照，實在太細心了～薑蔥桶蠔：非！常！香！口！ 外面脆身，內裏飽滿，入口比一般的蠔煲香濃。看著份量不多，但其實有6隻桶蠔。個人不喜歡太乾身或濃味的食物，但這個真的很香，而且不太鹹，也不黏口。有看過我其他食評的朋友，也許會知道我對食肆的服務有合理要求（當然要求會因價錢、地方、菜式的不同而有所調整）。這裏是比較隨性的格局，但服務絕對100分，單是他們友善的態度，已經值得一個好評了！剛離開店鋪，我已經忍不住立刻在whatsapp group推薦給朋友呢！

收工宵夜，有時只係想靜靜地同一班知己傾下心事，吹下水，有時去到啲好嘈既地方，講野完全聽唔到，講到要嗌出黎又費事俾人聽到，果日竟然喺佐敦俾我搵到呢間靜靜地嘅食宵夜。條街係偏辟啲，但啲野食都唔錯🤓老闆話，如果要佢地整啲特別既餸，或者想飲個靚湯，可以早一日打電話黎訂定👍冰火水魷魚水魷爽口，味道正常冰鎮鮑魚鮑魚都幾好，不過個人覺得砌片會好啲，成隻上感覺好大舊。黃金炸魚皮呢個魚皮好脆，出黎果時果陣咸蛋黃味即時撲埋黎，令人好衝動甘夾起佢放落個口😋我食曬一碟再encore左😝椒鹽豆腐粒佢啲椒鹽真係唔差，豆腐係用百福豆腐？好滑，細細粒容易食👍金牌金子塔小女子唔食呢啲野既，但複子餅話好味，師傅好有心機片開一片片，食落一啲都唔漏，味道又夠，正👍脆皮咕嚕肉要趁熱食，唔係就唔夠脆皮啦😝小炒皇呢個小炒皇相對黎講較差，腰果唔脆，又咸，韮茶花少，no good,no good😓

成日聽人講佐敦大把野食, 今日就黎呢間食餐晚飯。位置: 炮台街, 7點後街道較暗和靜, 會有南亞朋友聚集食物: 叫了四味 ( 一份孖寶+兩道菜)孖寶J ( 滋味雞煲半隻+粉絲蝦煲6隻) $228散叫半隻雞煲 $118 粉絲蝦煲 $148孖寶價平 $30滋味雞煲配料十足, 雞亦夠入味, 再滾起後略感偏咸滋味粉絲蝦煲總共6隻蝦, 每隻差不多大細亦有蝦膏講返粉絲, 吸滿精華, 也不太油而且爽口菠蘿咕嚕肉夏天最岩食酸甜野, 依味剛剛好咕嚕肉外層鬆脆但不厚, 代表粉漿不多👍🏻雜菌扒西蘭花味道偏咸, 雜菌有些小苦澀味, 如要食菜類可嘗試其他款式總括價錢食物質素都成正比, 與大集團相比小菜館服務至食物更有保證👏🏻👏🏻👏🏻另外世界杯期間有免費播放, 滋味館是不錯的選擇喔！

上次兩個人食過返尋味，今日特登帶埋屋企人黎諗住試多幾樣菜😝人流依然好強勁夜晚七點都要等一等位😵首先上嘅係冰鎮鮑魚，鮑魚size堅大，有嚼口爽口彈牙，配合豉油同芥辣更加可以帶出鮮味，攻一攻鼻真係好爽😎再試埋佢個滋味孖寶套餐又好抵喎！$238已經有一條大大條沙巴龍躉同五隻蒜蓉粉絲蒸貴妃蚌🤤雖然好忙等得耐少少不過所有正嘅菜式都冇overcook，粉絲吸收晒蒜蓉味而貴妃蚌好鮮甜，爽口！呢個金牌金字塔真係好考功夫，感覺上好似梅菜扣肉，但係可以做到食落去一啲都唔覺得肥膩，反而有一股齒頰留香嘅味道，我建議大家一定要order一碗白飯一齊食！糯米飯蒸蟹，唔好睇小啲蟹好似細細隻，但係啲肉質好結實而且好鮮甜，糯米飯吸收哂蒸時候嘅蟹汁，雖然硬左少少，但係好遠已經聞到糯米同蒜蓉香味。蝦乾炒通菜，欣賞佢哋炒完嘅通菜都係碧綠常清，用煲仔上非常夠鑊氣！

今日同友人慶生，話想食小菜飲啤酒。我就選左佐敦呢間麻市滋味館喇。舖面光亮，貼滿店嘅招牌菜色。7點半左右，已經唔少食客開餐中。四人同行，被安排了坐卡位。魚子醬焗桶蠔$188 有6隻。呢隻蠔霸大過個碗！ 魚子醬滿滿甘舖上面，職員話連生菜一齊食。蠔肉咬開鮮甜肥美，勁厚肉。魚子醬好似混左蟹子，感覺有兩種唔同嘅感覺。蜜桃拔絲骨 $88用蜜桃替代菠蘿口味嘅生炒骨。味道會比一般菠蘿口味來得順口，無甘酸。椒鹽豆腐 $42 正常質素、外皮脆豆腐滑，屬前菜細細碟。金牌金字塔 $108梅菜扣肉嘅變奏版，整到好靚。職員會幫手切開，食落扣肉煮到非常稔，皮嘅脂肪黏口有膠質，重點唔會太鹹。豉汁涼瓜蒸大鱔 $168 白鱔火喉蒸得剛好，厚度適中。鱔肉咬落爽口彈牙。總括而言，食物質素可以，有少少偏貴。因為茶芥每位要收$10，小食收$10

上個禮拜我同左屋企人去咗佐敦食飯。見到有咁多滋味孖寶套餐，每款都好吸引咁，仲要好抵食。所以我哋揀咗個滋味孖寶K套餐，有個滋味雞煲同埋粉絲蟹煲都係$258，真係抵食！終於覺雞煲嚟咗啦，個雞煲都幾大煲，入面仲有好多配料同大量嘅芫荽，雞肉好入味，而且味道有少少辣，可能係有啲花椒嘅關係，好惹味。呢個就係粉絲蟹煲，賣相都好吸引，粉絲吸收左蟹嘅鮮味，所以好惹味。而且蟹肉都好鮮甜。我哋仲叫咗個豉汁蒸白鱔，白鱔好滑，只有一啲細骨，而且是豉汁好入味，好食我哋仲叫咗個福建炒飯，佢個份量都好多，炒得好有獲氣，而且好足料

親戚黎香港 都要行一行女人街 廟街 本來打算食煲仔飯 點知佢地話想食海鮮 即時打俾油麻地膽 佢就介紹左呢間俾我 去到勁多人 都等左一陣先入到坐 如果有心黎食真係要book定🤓 叫左個蒜蓉粉絲蒸貴妃蚌 食得出佢堅用活鮮 蒸到剛剛好 抵食😛 南非鮑好吸引 日賣過百隻 唔係唔試呀嘛 冰鎮南非鮑魚 非常鮮甜 凍食 點埋豉油wasabi一流 真心推介 一定要食！ 黃金蝦 好入味 岩晒而家咸蛋熱 仲有即炸咸蛋魚皮 香口唔油膩 呢個係店員係咁大讚 金牌金字塔 其實係梅菜扣肉 砌到金字塔形 功夫菜 送飯正😏 最後叫個原隻奄仔蟹蒸糯米飯 飯味香而且乾身呢度唔貴 價錢又合理 仲要送甜品 唔怪得咁多街坊黎食 下次再encore 💪🏻💪🏻

昨天，我和家人一起到佐敦吃晚飯，這店是我媽媽找到，為了方便我上完課之後，便可以快速到達。看看餐牌，就由我媽媽負責作決定，決定來個海鮮宴。因為見到店內有很多魚缸，也有很多海鮮。首先來的是是豉汁蒸帶子，每隻也很新鮮，豉汁味很香，帶子很鮮味。這是蒜蓉蒸開邊蝦，想不到份量也是挺多的，把蝦開了邊方便我們吃，還有大量的蒜蓉及蔥，所以非常香。蝦肉十分新鮮，也很爽口，令到我們停不了口最後餐廳裏還送了我們芒果布甸作甜品，芒果味很香，而且不是太甜，很好吃呢！

黎佐敦呢區搵食有時都幾頭痛, 唔係無選擇, 而係太有選擇, 好彩今晚一早諗好去呢間小菜館, 唔駛煩惱........哈...哈........店內有魚缸養住各類生猛海鮮; 亦有電視直播, 送多一樣比你送飯 (哈....哈....)菜式選擇都幾大路又多款再唔係亦有大㕑推介當然唔少得係抵食嘅滋味孖寶 (A至L)參考網上食評話呢客椒鹽豆腐 ($42)好得, 作為前菜份量都幾對眼, 炸至金黃色嘅豆腐粒面頭灑上炸蒜粒, 大大增加香味!細細口嘅豆腐粒外皮相當脆口, 加上有少少黑芝麻及調味粉, 好鬼惹味; 入面嘅豆腐就嫩滑無比, 兩種口感果然好味道呀,  無論送啤酒或凍飲都非常岩數!選擇用粗身品種作為椒絲腐乳通菜 ($68)嘅材料, 口感食落較幼身嘅黎得爽脆!  食落無渣, 腐乳煮成嘅醬汁"賜予"通菜生命, 份量夠2-3人分享!酸酸甜甜嘅冰梅肉排 ($98)好岩呢D初夏日子食, 選用新鮮豬肉, 每件肉排肥瘦適中, 食落肉質有少少嚼勁, 周邊帶少少焦香, 被醬汁所包圍住, 梗要叫碗白飯黎食啦!  若然少返D油就仲好D!滋味孖寶 I ($188) 出場啦.........................

好久沒有和老公外出食飯了，今日専誠接老公食晚飯，老公收舖後要去油麻地交貨給客人，便順便在油麻地找個地方食飯﹐發現門面以藍色為主「麻市滋味館」的小菜館，館內人都很多，位置在於不顯眼的油麻地街市旁，都有這麼多客人，應該不會差的？打開OpenRice 查看一下，點讚人都不少，因此決定一試。 菜館餐牌有廚師好介紹、廚房推介及滋味孖寶的菜式都好吸引，老公隨意點了沙巴龍躉/貴妃蚌孖寶，乳鴿、白菜再加多個冷盤凍鎮鮑魚，餸菜開始上枱﹐每碟分量也不少﹐凍鎮飽魚這樣凍食以日本刺身食法﹐飽魚也很大隻﹐口感爽甜鮮味﹐乳鴿即炸大大隻啖啖肉﹐外脆內嫩且保留肉汁﹐勝過不少乳鴿專門店。而白灼白菜每棵好像經過篩選﹐每棵上碟都是青青綠綠﹐入口爽甜。這餐重點推介一定是孖寶﹐超值低食而且全部都是新鮮的﹐並沒有將價就貨的感覺﹐蒸魚及蒸貴妃蚌時間控制得剛好﹐沒有想到孖寶套餐的貴妃蚌份量會有5大隻多﹐真貨真價實值得推介。最後埋單都只是$616﹐如果是在其他酒家或西貢享用同樣的菜色一定要超過1千多圓。

搵地方同朋友食生日飯，見呢度既食評海鮮新鮮又明碼實價，就去左試試勒。叫左個孖寶$168有乳鴿同黃金蝦,兩個人食岩曬啦。乳鴿炸得金黃，脆皮，肉質新鮮，配汽水一流。黃金蝦每隻蝦都被咸蛋黃包住，落足料好香口，蝦亦非常新鮮，好味。小炒王$88有腰果，魷魚，蝦干，魚仔，菜浦炒韮菜花，腰果脆口，魷魚蝦干鮮味。如果韮菜花再嫩d就更正。最尾老闆仲送左兩碗蕃薯糖水俾我地食,唔好以為送既無好野, 個糖水好重薑味，蕃薯好軟綿綿，又甜。為呢餐畫上完美既句號。

今晚同幾個老友出來啤一啤吹下水、一向都喺廟街、西貢街一带舖頭食開、大家都覺得冇乜新意咁、想另覓個新店試下。今次行多幾步至炮台街被我地發現呢間、麻市滋味館、地方唔算大間但就有卡位有圓枱、裝修一般但望入去乾淨光亮、幾個喺門口望下望下、見有鱼缸、即係有海鮮喇!員工即出來招呼内進.於是大家都話要試下!一坐低滿面笑容嘅員工即推介現時最流行嘅"黄金鱼皮"/$58 餸下啤酒先、邊飲邊傾!慢慢點 菜! 服務態度夠熱誠!果然唔錯 !好耐冇飲嘅雪花啤買一送二好抵喎!雖然淡淡地勝在夠冰凍飲落心曠神怡 !勁爽!炒白殼蟶子 /$108因為蟶子皇冇貨、只有白殼蟶子雖然细隻.都一樣爽甜!好有鑊氣!古法炸春段 /$68呢個好特别!係一個工夫菜、外面好少食得到 ! 面層蛋皮好香、裡面饀料係芽菜同肉絲.有爽同蛋香口感 !再來一個~滋味孖寶 /$168一、乳鴿 + 蒜蓉粉絲蒸資妃蚌乳鴿外皮脆卜卜、肉質嫩 滑湿潤,貴妃蚌鲜甜彈牙、同蒜蓉粉絲入口香夾爽 !豉汁蒸白鳝 /$ 128肉質鲜甜、脆彈牙!奇味粉絲、解煲 / 178粉絲吸收左蟹嘅精華好鲜味 !夠乾爽!非常惹味!而蟹有糕肉質结實!嘩! 大家都飲飽食醉!今晚真係有食神啦

哥哥約我出來晚飯話帶我食好嘢！佢只喜歡食中菜，由其是夠鑊氣嘅中菜的。今晚帶我到佐敦道炮台街一間食店叫(麻巿滋味館)個名有啲東灜味，原來係食小菜同海鲜嘅，入面都幾光猛，我地两人坐喺卡位，望下菜牌有好多菜式選擇！仲有游水海鮮，伙記招呼週到，介绍抵食孖寳俾我地，教我地啲小菜要趁熱食又勤換骨碟，服務细心體貼！唔错！入面有幾張大圓枱，都可坐到幾十人！我地坐底冇耐，啲食客已經幾乎坐滿了！睇來係 熟客……以為呢區啲客會好雜，點知又唔係喎！伙記介绍左 ……G 滋味孖寳俾我地乳鴿一只，蒜茸粉絲蒸貴妃蚌 五只 $ 168香噴噴熱辣辣皮脆肉嫩！真係好味！而貴妃蚌仲犀利！隻隻都肥大肉厚得來非常爽口！好鲜甜！非常新鲜！！冇介绍错呀！！红燒枝竹豆腐煲 $ 68豆腐滑同枝竹炆得好入味，調味得啱啱好！豉汁蒸白鱔 $ 128白鳝肉夠厚，好爽甜！認真新鲜！！特價啤酒飲得好暢快！美酒 佳餚！食得好滋味，滿足！！好抵食！下再來食其他孖寶！見到隔離枱條沙巴龍躉同粉絲煮大蜆都好吸引！