麻市滋味館 (已結業)

油麻地街市以前行就行得多，但油麻地街市的小菜館就未體驗過。今日終於體會到當地’’麻市’’ 滋味。六點半吾算夜但都已有幾檯客人係入面細嚼了。黎到呢到一定要食呢個黃金椒鹽豆腐。份量比我想象中少在一點。同埋我一直以為佢會係炸得好酥脆，應該係炸到豆腐外表好有紋理個種炸豆腐。但呢到應該就係淺淺地用點點生粉咁好淺咁薄薄炸過炸，就吾係我想象中個種效果。而豆腐，就類似係d百福豆腐咁，好滑個種。椒鹽味都吾香同惹味，食吾太出。對此，有點失望，諗住係好香好惹味。不過希望佢會改善。另外，都爆中意食鵝腸。呢到仲有豉椒味揀，但如果只係「椒」味我就好想要xD我就要左豉油王鵝腸。而家食鵝腸都吾係咁易，少地方有同埋又貴。但呢到一上碟，嘩，我驚訝。因為好！大！碟呀！好有誠意。個顏色都恰到好處，好靚。食落豉油味道剛好，和鵝腸不謀而合。另一點我好欣賞佢，佢有好多蔥可以伴食，有風味好多！仲有！好多！我最愛既芽芽芽菜！！雖則話拎黎墊底，但鵝腸本黎就好多，即使多配料都冇影響，反而仲相得益彰，互放光輝。冰鎮鮑魚。都算係呢到招牌。跟時價叫：今日就$68一隻。我地叫兩隻。好似冇係中菜館食過冰鎮鮑魚。一食落去，嘩，有種鮮味湧出來，係好特別

尋日同朋友食飯，朋友話想試吓小炒菜式，網上見到呢間小菜館都有幾多好評，所以專登去佐敦試吓餐廳嘅位置距離地鐵站大約十分鐘，坐低之後越來越多人幫襯，好似都幾多熟客幫襯小菜嘅款式有好多，我哋先揀咗兩隻冰鎮鮑魚試一試，都幾新鮮，肉質都幾厚我就揀咗個蜜桃拔絲骨，因為鍾意食酸酸甜甜嘅餸菜，炒出嚟色澤好靚，酸甜味剛剛好，有蜜桃、青椒、黃椒等做配菜，送飯一流再叫咗個雀巢XO醬炒蝦球，份量都幾大碟，而且有好多隻蝦，配菜仲有好多菇、芹菜、腰果等，每一樣都炒得好滋味，蝦🦐又煮得好爽中國人都係鍾意食飯，所以叫咗個泰式蛋白蟹肉炒飯，飯炒得粒粒分明，帶有少少辣味，而且蟹肉同埋蛋白配襯得好好，成個飯煮得幾好食，值得一讚最後餐廳仲送咗芒果布甸俾我哋食，加埋少少淡奶，為尋日晚餐再加分數餐廳好啱一班朋友嚟飲住啤酒食小菜，又好啱成家人冬天嚟食羊腩煲，係好地道嘅香港小菜館

其實係眾多嘅菜式中，唯有中式係我每日食都唔會厭，今日早咗收工，就決定即興約個住係佐敦附近嘅朋友陪我食個小炒。依間餐廳係朋友介紹的，一開始嚟到只有一兩枱人，本身都怕會唔會中伏，但坐耐咗就開始滿座了，幸好我哋早收工。首先依間大排檔算坐得舒服，而且價格又實惠。見到佢嘅孖寶套餐真係大件夾抵食，最後我哋就叫咗滋味孖寶餐A$238，有沙巴龍躉及白灼基圍蝦。再叫多份啤酒牛油煮大蜆$128及金釣粉絲雜菜煲$78，另外再叫咗支青島同白飯share食。 白灼基圍蝦蝦身非常大隻，而且好新鮮啊，每一隻都又爽口又彈牙，簡簡單單點辣椒豉油食已經好好味，蝦精表示非常滿意沙巴龍躉同白灼蝦一樣，並無因為套餐而偷工減料喔，魚身又肥又厚，而且煮嘅火侯控制得啱啱好，煮得夠滑嫩。連我依個覺得食魚要挑骨覺得好麻煩嘅人都食到好滋味。金釣粉絲雜菜煲比我相像中足料，除咗菜新鮮之外，仲有好多我最喜歡嘅菇，味道清清地，唔錯!啤酒牛油煮大蜆終於有我最期待嘅啤酒牛油煮大蜆，首先職員會係你面前煮，可以見到佢其實無落味精，好簡單地用牛油、黑椒同洋蔥起鑊，再落蒜泥同蜆炒混，再加啤酒同香草焗一陣就食得啦。簡單嘅做法先突出到材料嘅鮮味，餐廳真係用上非常

姨母從大陸來港，探我家，真是好開心，難得是她倆都好久沒來，當然行街購物由我媽負責，請食飯當然由我來。她們在附近的佐敦行街，順道又在廟街夜市走一轉，不知不覺地走到油麻地附近，行到倦，是時候食飯了。問了她們的意見，都是喜歡食小菜，我知道附近有間小菜不錯，有多達百多款小菜、選用每天從漁市場的海鮮，保證是新鮮、鮮味十足，為左食好東西，遠點也不怕。精美小菜、及功夫菜色都可以品嚐到。冰梅肉排，是選用新鮮肉排做，肉質鮮甜美味、有彈性，肥瘦相間均勻，肉汁鮮甜、色澤鮮嫩，加上梅子的甜酸，好醒胃。冬菇蠔汁炆鵝掌，是新出秋冬煲仔菜，平時只在飲宴時先至有的菜式，想不到，在小菜館都可以食到，冬菇吸收了蠔汁的鮮味，好爽口又滑、鵝掌炆得剛好，夠稔，肉質夠有膠原。福建炒飯，最愛是濕潤的飯粒，每粒飯都掛上有味的汁，易入口，加上飯面上的海鮮、菜粒、肉碎、鮮菇等，色香美味，停不了口。

天氣開始轉涼了，朋友也專登介紹我，及專登帶我去這一間位於佐敦道一些不起眼的街道，原來竟然有一間撚手小館，這小館的名字叫《麻市滋味館》雖然說在橫街內但也很多人幫襯，這裏的裝修很富街坊味至於食品方面，餐牌上很多選擇，還有一些套餐介紹 整番個臘味炒芥蘭，芥蘭新鮮爽脆，臘味採用了潤腸+臘腸兩，咬落都不會太過肥膩，但味道很濃郁 當然要整返個合時羊腩煲，正合時間推出，羊肉炆起來不會太騷，羊的肉味也很鮮，咬落也很鬆軟，當然不少得他的啖啖肉口感 另外叫咗一個H孖寶 ( 沙巴龍躉一條" 蔥油貴妃雞半隻)， 這條沙巴躉绝不細條，也是也是一條游水海鮮不是一些雪藏貨品，師傅蒸的技術恰當好處，不會黐骨及鞋肉，食落很鮮味蔥油貴妃雞肉質鮮嫩，又不會太過鹹，食落也很好肉不會只有骨 一個絕不賣弄裝修只求貨真價實的菜館，下次定要約多三五知己到此嘗試多款其他的小菜

食海鮮梗係去麻市滋味館， 一行10人去食餐勁。 地點真心覺得好難揾， 不過慢慢行就會揾到， 但要穿過街市先揾到呢間野。個人感覺要行過街市先到係有d怕。 一黎到第一碟係黎碟大聖旨， 聖旨大而爽口， 不過份量真係好少。 話晒第一碟野，吾夠1分鐘就清晒。之後黎碟炸豆腐，都幾香口，可能大家好肚餓，成碟又被清晒。 再黎碟貴妃蚌，都算好大碟，不過真心覺得吾新鮮， 仲要好難咬開，d 肉好似橡筋， 食左幾隻大家覺得吾對路，我出聲同老板講，叫老板換過第碟， 不過梗吾會全碟俾晒， 係換就換左， 不過係俾碟左碟帶子。 换左真係吾同d, 帶子鮮甜，同頭先碟貴妃蚝好好多。最好味係東坡肉， 係好肥，但真好味，入口即溶， 又砌到好靚好有心思。 送飯一流， 真心吾敢食太多。 但一定要推介。

在香港這地方，什麼國家的食物都可以食到，處身於這個地方，是好幸福的。親友來到香港探我，我當然要盡地主之誼，帶她們到處走走、購物、找好東西食啦，來來去去，都是喜歡食中菜。正所謂，行到邊，食到邊，見到門口擺滿了飯檯，我想這裡應該不錯吧！食物有質素。老闆好招呼，不停地向客人介紹、推介有咩好食。好少的小菜館，有做這個小菜了，都是功夫菜。冰梅肉排，外邊的餐廳多是食咕嚕肉、或是蒸排骨，好少餐廳做這款小菜，都是老闆的好介紹，要我地要試試，這個招牌菜，果然是好介紹，新鮮肉排，底味的味道，剛剛好，肉質肥瘦均勻，食落一點都唔會感到肥膩，肉質鮮甜、爽口彈牙，仲保留了肉汁，醬汁酸甜，食得好開胃，值得一食。紅燒乳鴿，都是我的至愛，例必要食返二隻，這裡的乳鴿好大大隻，唔使爭食，又多肉，只是底味差左小小，但都好鮮甜味，咬著，肉汁爆出，滋味無窮。豆腐豆苗海皇羹，新出品，平時都是食魚肚羹，今晚嘗試新出品，都不錯，豆腐滑滑、有益健康，豆苗新鮮鮮甜，加上海鮮的鮮味，唔錯的湯水。

搬咗出來住後，平日都出街食多,全部多味精，又冇營養，今晚就試下這間小炒食店.食店近廟街的.有不同的孖寶可選擇.又有餐前小食.先點了一個老火湯，並冇味精，有節瓜豬肉及少少藥材，十分清新好飲、大家可來試下.住家的蝦仁炒蛋，蝦十分爽囗，蛋又香又滑、水準之作.白菜仔白銀蛋又下火，又好味道，提提大家每碟份量十足，有8-10 人份量的.價錢又經濟，又好味.肥牛煲熱呼呼，配飯一流.蛋白炒飯穫氣十足.座位舒服，大家可以來享受下住家飯.

之前openrice搵佐敦既餐廳時,都已經留意到呢間好評如潮既鋪,不過當時唔係搵小菜食,所以就無光顧今日阿媽去左大陸玩,被拋棄既我就約埋阿哥+阿哥女朋友去食飯!雖然地點唔係旺區,永安行5分鐘左右就到,都好快大大個藍色招牌好顯眼,轉入巷仔就搵到,一坐低已經問飲咩茶,全部侍應都好有禮貌,會主動換碟食物選擇非常之多!除3個牌仔前後6頁,另有一本meun同套餐先叫一個小食,冰火水尤魚,尤魚一向係街食都唔便宜,呢度大大碟$52, 尤魚大大塊非常爽口,入口有少少麻辣既香味,但唔辣,相信小朋友亦能夠食套餐G, 貴妃蚌厚肉,爽口鮮甜,新鮮貨,粉絲蒜蓉鋪滿整個殼,我好鍾意蒜蓉.正套餐既滋味乳鴿皇,比出面食既大隻厚肉,皮炸到好脆,肉嫩,味道滷得剛好唔會過咸原本想試啤酒煮蜆架!但有人唔食,唯有叫返豉椒炒大蜆真係好大隻超鮮甜!!可能加左青椒紅椒一齊炒,所以唔似外面死咸只有豆豉味!醬汁帶少少甜味黑椒薯仔炒安格斯牛柳粒,薯仔表面炸到好脆,內裡軟熟,加上蜜糖甜甜地,牛柳粒軟熟唔會好硬好多筋,有牛味,相信用左比較靚既牛最後竟然有甜品送,自家制芒果布甸,仲可以自己落花奶,布甸好滑一d都唔馬虎我一定會再返黎食,因為仲有想

是夜在佐敦僻靜一角找到此小菜館，其貌不揚，但見價錢相宜一試之下卻有驚喜。餐廳有不少海鮮孖寶套餐，先來客白灼蝦。肉質飽滿，結實彈牙，簡單點辣椒豉油，鮮味突出。經典的蒜蓉粉絲蒸，肉質同樣新鮮飽滿，略帶海水味，加上惹味調味，轉瞬清碟。金銀蛋浸豆苗保持嫩綠奉上，沒有將貨就價，份量十足，唯調味稍鹹。再來道經典的豉椒炒蜆，新鮮無砂，蔬菜沒有過老，火候控制得宜，簡單菜式見真章。這裏二百多元便讓兩口子吃到3道不錯的海鮮，抵食之選。

今日男朋友要帶我去廟街附近一齊享受男人的浪漫😂😂😂這裡沒有大排檔的濕熱的環境，我地坐係餐廳卡位內舒舒服服嘆冷氣，一邊飲菜，一邊慢慢睇餐牌，師傅大力推薦海鮮套餐$228，叫叫埋埋都有雞有肉有龍躉，埋單$250/位，價錢合理，幾吸引架！貴妃雞半隻有雞味，皮滑但肉質較結實，合格！沙巴龍躉蒸魚技巧控制得宜，魚質新鮮滑嫩，完全沒有什麼魚腥油臭味，兩個人食剛剛好，是四道小菜最好吃的。金牌金字塔$108邪惡之選，造形特別，扣肉軟腍而入味，不太肥膩，夾埋梅菜撈飯一流！蒜蓉粉絲蒸鮮魷$88鮮魷非常新鮮彈牙，大量蒜蓉蒸出來的粉絲索哂D汁，非常好吃香口，如果粉絲份量多些會更好！呢度工作人員招呼都幾落力，另外，所提供海鮮質素挺高，值得一試，不過記得要訂位！提早離場有折添！餐牌介紹：

呢間菜館走平民化路線, 三五知己黎呢度炒幾點樣菜, 叫幾支啤酒, 吹吹水, 確係爽!望下餐牌, 原來不時會更新, 咁樣每次黎都會有新鮮感!  秋冬季來臨, 特別準備左煲類亦有新菜式應市叫左呢客北菇鵝掌 ($36) 作為前菜, 賣相相當精緻, 冬菇與鵝掌打上個蠔油"獻"鵝掌炆得夠腍身, 輕易做到"骨肉分離"見到呢味啤酒牛油大蜆 ($128), 材料放係枱上, 包括黑椒, 蒜蓉, 啤酒及蜆, 即時係你面前煮先將洋蔥及牛油炒香, 再落蒜蓉爆香, 加埋蜆及啤酒, 略炒一炒然後冚蓋再焗至熟打開蓋香味撲鼻, 真係咪講笑每隻蜆都唔細肉, 味道鮮甜, 最緊要係無沙; 發現用啤酒煮比起用清酒煮蜆黎得仲香, 好味道!之後有呢個八珍豆腐煲 ($88), 大大個瓦煲份量唔野少, 認真抵食呢個傳統懷舊菜, 已經唔係好多地方有得食, 材料包括豆腐, 叉燒, 魷魚, 豬項頸肉, 冬菇, 蝦, 魚肚, 紅椒等, 味道調教得唔錯, 用黎送白飯確係掂仲有我至愛紅燒乳鴿 ($68), 斬件上鹵水得幾入味, 外皮炸至幾香脆, 肉仍保持肉汁唔會嚡烚烚點都要叫碟菜, 清清地就叫呢個三式蛋浸豆苗 ($98)有皮蛋, 咸蛋及鷄蛋白,

有移咗民多年嘅朋友返嚟香港玩，佢特別鍾情港式小炒，所以我同A姐就帶佢去到佐敦嘅麻市滋味館，食餐有鑊氣嘅叫餸食飯，再詳談往事。金牌金字塔嘩！成座金字塔，好有氣勢呀！原來大廚好有心思將平凡嘅梅菜扣肉變成金字塔，A姐讚不絕口。我就最怕扣肉太肥膩，但又怕太瘦，因為肉就會靭，呢度嘅扣肉肥瘦適中，接近入口即熔。食吓食吓，A姐突然一言驚醒，啲梅菜呢？原來梅菜喺金字塔嘅內部，送飯一流！蒜蓉粉絲蒸鮮魷新鮮彈牙嘅鮮魷，配上無得輸嘅蒜蓉粉絲，好香口，蒸嘅時間啱啱好，入晒味。不過，就略嫌粉量唔夠。蔥油香妃雞呢度有好多孖寶套餐，選擇好多又夠平。我哋就揀咗清蒸沙巴龍躉同蔥油香妃雞。半隻雞份量都唔少，雞肉夠嫩滑。清蒸沙巴龍躉呢條沙巴龍躉大概1斤有多，即叫即蒸，蒸魚最重要就係時間控制，魚肉又滑又新鮮，最重要唔多骨啖啖肉，配埋蒸魚豉油同芫茜蔥，味道大大提升。順帶一提，食飽飽仲有甜品送添。記住要保留收據，下次可享最多85折優惠。

今日經過佐敦就快搵左呢間食小菜。叫咗市招炒蜆$138，薑蔥桶蠔$158 ，紅燒枝竹豆腐煲$68，加感支啤酒15$呢個薑蔥桶蠔非常之大隻，最大嗰隻有手掌咁大，廚房首先應該將啲蠔煎過，令到佢脆身左然後再加薑蔥同埋其他嘢一齊炒調味剛剛好唔過鹹。蠔好新鮮市招炒蜆，蜆肉非常之大隻，加左紅椒同青椒去炒然後再淋上個薄薄嘅豉汁，味道唔會過濃送飯一流。枝竹豆腐份量都好多，醬汁味道剛剛好裏面亦都好多材料有冬菇紅椒聰，令到個豆腐嘅味道提升咗

食物質素非常高，美味無窮，值得一到再到。冰鎮鮑魚爽口無窮，啤酒花甲新鮮味道正，沙徫蝦多士，全部三款必吃。再加玻璃菜膽雞及黑椒牛柳粒，完美。服務優質，食材新鮮，可預先訂菜及訂座。