麻布茶房 (已結業)

飯後同朋友一齊食甜品，好在唔駛等位睇餐牌時已經問左侍應，香蕉朱古力芭菲有冇雪糕(幅圖似冇嘛...)佢話有喎，咁一於點黎試試點知見到個芭菲，上面得cream，還好啦，我都鍾意食cream但係所謂有雪糕，係有一小匙，多一啖都冇...杯芭菲就係由幾片新鮮香蕉、朱古力醬、cream、同埋個底有類似...布丁既物品組成試過兩次食甜品都覺得太甜，下次都係揀過d 普通款好喇

昨午同個小朋友'腥D'去tea, 諗住揾個地方可以坐得舒服啲, 耐啲, 同呢個小朋都幾啱傾, 另外又要等大忙人'糟狗'從大埔出嚟, 所以預咗會坐耐啲, 仲有瘦身成功既呢位小朋友就想食吓雪糕, 綜合各種原因, 這裡算是最適合既地方!去到被安排坐喺最尾既卡位, 喜歡柄埋的我心諗: 正!小朋友點咗個華夫tea set, 有4塊華夫上面洒咗啲綠茶粉的, 1球綠茶雪糕, 1堆紅豆醬, 1堆cream同1啲生果.我試咗1塊華夫加啲紅豆醬. 紅豆醬不太甜, ok的. 但塊華夫就令人失望, 凍嘅, 1啲溫度都冇. 依我推斷, 佢唔單止死咗, 仲要係死咗一段時間嗰隻! 雖知食死咗既華夫同食唔係新鮮滾熱辣既夾餅一樣, 學黃興貴話齋, 呢碟嘢放得入雪櫃喇! 跟餐的咖啡, 小朋友話一向都不錯的.小弟柯打了一杯熱南瓜鮮奶, 上面有層cream的, 味道不錯, 但未加一都收31.8蚊, 有此質數也是應該的.過了個幾2個鐘後, '糟狗'終於來到了! 佢点咗個此店成名之作蕃薯配軟雪糕, 由於當時大家投入地傾計, 故無特別去關心呢個蕃薯既感受, 但'糟狗'亦冇乜特別評價, 故我想呢個甜品既水準應一如以往吧!講到服務,

開飯啦!呢排天氣好熱, 行開個頭又記得之前係harbour city 個間食過下午茶甜品唔錯諗住去下食supper.當日係friday night, 個陣8點幾其實一入去就有位已經有d驚驚地. 咁一入去有個trainee 埋黎倒茶, 都幾有禮貌. 之後就叫野食, 落單之後d 野食都好快, 但偏偏有一個飯團就勁耐都唔黎, 之後我地吹左3次再要求取消, 先至整好找出黎當我地食埋d 野之後就打算叫甜品, 點知咁岩聽到隔離落單先知有set dinner, 再望多2眼原來個trainee比小左個menu我地, 而且落單個位同事見我地叫既野同set dinner 無咩分別都唔去suggest下我地.. 真係好無奈.. 不過我同男朋友都覺得, 唔食都食左.. 都無咩好講.之後食緊甜品既時候, 係另一面台岩岩走左, 另一位trainee立即上前清潔及抹台, 點知佢塊布d 飯粒同水都整哂過黎我對腳上面, 勁dirty.. overall, 其實甜品味道真係好唔錯. 但店內太多trainee, 而且又落錯單, 食物唔太好食.

寫了咁多日包, 食包都食飽了, 寫番啲正餐啦! *********************************************************************************************************************************舊書友好日都唔搵我, 這天竟然找我出來, 無事不登三寶殿, 原來想搵我開 「X 夫人信箱」。想不到有什麼地方可以坐低食餐飯, 因為我還未食 lunch。行行下我便捉了她來麻布茶房。對餐牌加以一輪研究後, 叫了以下的食物:麻布什錦燒烏龍麵 --> 其實是一個大大的烏冬麵燒餅, 用蛋包著煎, 再加上木魚絲即成。這個比起好久以前去秀吉食的烏冬蛋包 (好像是吧) 好吃得多, 之不過又不可以這樣比較的啊。茶房風蟹肉飯 --> 其實也是蛋, 另外有冬菇和少許蟹肉 (應是蟹柳肉吧) 在這個蓋飯上。清清地, 不過含有大量獻汁漿成一 pat 的蛋我就麻麻地了。兩個餐附餐的蛋花冬菇湯清清的幾好喝。前菜是菜絲沙拉和紅腰豆, 兩樣其實都頗難吃。芥末鮮蘆筍豆腐沙拉 --> 蘆筍好似芥蘭,

聽過咁多人講麻布茶房既野..今日就一行8人去試下傳說中服務唔好既麻布茶房..'去到..果陣時大概7點..一入去就有位..唔洗等而且坐既位都十分舒服..第一個感覺我覺得都ok~之後點野食..個餐牌有個2人set寫住198.9..咁我心諗兩個人都抵食啦..有物野飲小食同埋甜品~之後見到係會員8折..咁我就諗住問果個著西裝類似經理物體既人..佢見到我招手..佢都舉手應我..但係個人就係到望邊到有人幫到我..兄台..你企係果個位答我小小問題阻到你好耐?之後都係佢自己走左埋黎..我"個set如果我唔係會員幾多錢?"類經理物體"二百囉~"之後就行左去.........|||||||||之後第二次我d朋友再問..朋友"請問個餐唔係會員叫係幾錢?"類經理物體"係會員就17幾..唔係就21幾.."又係即閃..咁請問餐牌上面198係咩黎/.??最後都係冇答到我地~離哂譜..不過之後幫我地落單..上菜同埋加茶果d女仔同埋男仔都好好態度,,只係拎野好唔穩就跌就跌..都幾驚!!食物方面都ok...成個set係杯奶茶同埋個跟set沙津唔得之外啦...個燒蕃薯配雪糕..因為聽過好易倒塌既歷史..所以已經有心理準備.

再次選擇了麻布不過不是上次那一家主菜叫了蛋包飯, 什錦燒島龍麵, 蟹肉拉麵和饅魚飯在島龍麵上的木魚絲好像有點太多整碟都鋪上了木魚絲...吃下去好像有點悶...有點乾蟹肉拉麵蟹肉也頗多的麵質和湯的濃度也不錯!甜品就叫了 巧克力牛奶刨冰, 綠茶芭菲, 還有兩個不大記得了xD刨冰底部完全沒有味道, 只靠上面的一個新地同一點糖水..綠茶芭菲很不錯, 把本應沒有味道的日式年糕混合了綠茶雪糕不太甜也不太淡綠茶雪糕本身愈算香濃再加上底下的一些紅豆和白涼粉狀的東西真是很不錯啊!不過果晚好多人嘈得像去了茶樓般有點煩厭但服務態度不錯, 只是斟水的時侯很怕被水壺碰到而已

剛剛和朋友吃過韓國料理，在"早有預謀"下，我們一行人到了附近的"麻布"來一個甜品~因為這天是其中一位成員離職之日，所以大家也多逗留一會暢談一番。甜品方面，我們選了南山咖啡、宇治金薯及朱古力刨冰...先上的是宇治金薯，一如以往，知道在低部的熱薯會飛快地把上面的軟雪糕溶掉。朋友們也急不及待開動，不過剛發現了沒有多附上匙羹，便跟侍應多要了幾隻。怎知一直到了我點的刨冰也到了，還是等不到侍應把匙羹拿過來。經我們三吹四請之下，侍應拿來的竟然是叉而不是匙羹。我們都在想這個世界在甚麼時候改用叉來吃雪糕的﹖﹖後來我再"跟進事件"，過了十分鐘侍應才把羹拿過來，不過那個軟雪糕也快完全溶了~ = =吃過了甜品後，看到沒人到外等待位置，便再多談一會，怎知在侍應添茶之際，把那熱烘烘的茶壺"印"在我的手臂上，還好我仍能忍著沒叫了出來....其他的麻布我也有光顧過，但以這店的服務最差，侍應對顧客不聞不問的態度，存在著很大的問題。

開完會巳經成下午四點半，冇mood 返辦公室，決定hea 到傍晚直接回家。廿九度的午后，陽光普照，天朗氣清，然而從紅磡站步行到美麗華，白襯衣早巳汗濕透，只想到麻布茶房的霜淇淋。店員安排我坐在最角落的沙發卡坐，蛇王一流！點了客「燒蕃薯霜淇淋．宇治金時」（$39.8）和日式紅豆餡多士茶餐配凍奶茶（$27.8），合共$75。最先來的是凍奶茶，很冰涼的感覺。再來就是「燒蕃薯霜淇淋．宇治金時」，店員甫放下，輕力推埋些少，企圖放正我跟前，電光火石之間，成個霜淇淋倒下，店員見狀即閃走。我當下很勞氣。一個$39.8 的冰點，未及拍照留念便倒下，很沒意思！當下決定永不幫趁這兒的霜淇淋類食品，免得再次失望。味道其實係不俗，然而霜淇淋唔夠凍，未上桌巳經溶化了，很不夠意思嘛，掃興得很。吃完那令人失望的霜淇淋，呆等十分鐘，那紅豆餡多士還未來，店員親自來說這再等一下，是漏單？還是師傅午睡中？唉！近廿分鐘後，那紅豆餡多士便上桌，吃了一件，便唔想再吃。那是份紅豆餡西多士，炸得好硬。加上剛吃了那個令人失望的霜淇淋，完全無食慾了。向來惜吃的我，多久沒有這樣吃不下？這是一次很可怕的經歷。

食完小食,又想食多少少嘢,行到美麗華樓下,見到麻布茶房收半夜兩點,就走入去諗住食少少嘢,當時只係十二點四十五分,但係侍應話只係得甜品食,無所謂啦,反正我們都係食甜品的.叫了紅豆聖代($36.8)及北海道熱球巧酥霜淇淋甜點($42.8).紅豆聖代有生果伴,生果很甜,雲呢拿雪糕也很好味.至於北海道甜點,個人覺得很特別,因為在凍凍的雪糕裡,有著很熱的紅豆及紅豆球,一熱一凍,很特別.

昨天6:00的時間跟同事去了食個dinner,這個時候客人不算多!我們各自叫了什麼蟹內玉子飯, 味道都還可以..不過不得不提的是他們的服務態度, 很久都未試一間餐廳有這樣差!!!!!!!! 真的令我們氣憤!首先, 落order的時候, 叫了一個四眼didi waiter, 好明顯佢係有同我們eye contact的, 竟然可以裝看不見, 去拎另一個waiter手上的碟(那人沒叫任何人幫手的), 而不理我們!最後結賬的時間更厲害, 我們total叫了3次,等了15分鐘, 才有人幫我們!! 而我們第一次叫及第3次叫的都是同一個四眼哥哥waiter, 但他第3次應我們的時候, 就像我們第一次叫般, 仲跟我們說謝謝...最後只有一個MANAGER跟我們說不好意思!他是比較正常的了!總括, 不會再有下次的!!!!!!!!!!真想叫麻布他們重新train 一次D侍應!!

今日一行四人去美麗華行街,順便去左麻布茶房食野當時仲要落緊雨,非常狼狽.一入去門口都有人招呼我地好主動幫我地D遮入袋,而且仲叫我地睇地滑,一坐底竟然有個著西裝嘅後生仔拎紙巾過黎比我地抹乾身止D水(相當細心!!加晒分)一場黎到緊係要食我嘅至愛::芝士炸雞咖喱飯啦!!上次响銅鑼灣食過..真係一試難忙,不過就耐Ｄ成廿分鐘到...好野真係要等老婆佢地就叫左紅酒牛柳旦包飯~~好好味味噌茄子串~~~~唔好食呀..好多油蟹肉拉麵~~~都ok芝士野菜豚肉卷~~~好食不過炸得深色左D芝麻蝦冷麵~~~平平凡凡咁,唔突出今次冇食甜品,大飽喇其他服務大至ok,自動自覺加茶/碗筷/牙簽都唔洗叫

前幾天和朋友相約到該間餐廳聚舊,本以為開開心心食一餐飯, 點知俾我遇到呢d 咁既奇人奇事, 依家諗返條氣都仲谷住谷住!!我地一入到去, 就見到o個兩個mk女侍應行路un 下un 下, 我地都讚嘆點解佢地可以咁"型"!開頭都雙安無事, 到食完野, 我地在傾計的時候; 我地很有禮貌的請其中一位女侍應甲幫手添水。我好肯定女侍應甲係聽到的, 但佢扮聽唔到走左去..女侍應乙行過我地旁邊, 我地又好有禮貌地請佢添水! 但佢又扮聽唔到走左去!!!ok! 我當你聽唔到!我當你忙! 我地好有耐性咁等左十五分鐘左右!我地請女侍應甲幫我地執野, 我地又好有禮貌咁請佢幫我地添水。佢啤一啤我地, 之後大大聲咁喝我地:"等陣啦!" 之後好用力咁執晒我地d野, 急急腳咁又唔知走左去邊!!我同我d 朋友都呆左!!雖然我地唔係俾十萬九千七食一餐, 但在大排檔你都唔係expect到會受到呢種待遇吧!!我地越諗越激氣! 叫左經理出來了解情況。經理都連聲道歉, 我地要個大聲喝我地個女侍應出黎道歉, 而經理之後就話:"個女仔寧願唔做都唔會出黎道歉喎!"我地都算數,起碼我們不是什麼潑婦麻煩人, 拿拿林俾左錢就走人了!只係前幾日行

食完野又睇戲睇完戲又食．．．．．無咩胃口，行左成個ｔｓｔ＜又行返去美麗華樓下的麻布。睇左ｍｅｎｕ好耐．．．．真係無野想．．．．男友叫左個蟹肉湯面．．．好香既蟹味．湯都不錯．我只食沙律，少得很，不過汁好好味。｛不過真係太少｝同埋佢的薯仔，是切絲。食唔出同青瓜絲的分別。三色腸。都幾得意。不過唔會返黎食．．．因為唔喜歡一ｓｅｔ　一ｓｅｔ既野．．．

service唔得，而食物quality都好似下降中...呢個大size既雪糕刨冰係之前同幾個friend黎食先敢叫，如果兩個人黎未必食得哂呀。味道還可以，冰上既sauce其實有三隻味，圖中所見有綠茶味，strawberry味同埋背面既芝麻味，印象中係芝麻味最正。但點解佢既軟雪糕通常送到黎都已經溶得一半咁滯，要食得好急呀！

的確是太out了,等到現在才去吃宇治金時。香草軟雪糕上淋上綠茶漿,下面是紅豆蓉+甜薯墊底,好吃是好吃,但以$39還要加一的價錢,(而且比我想像中...好小一杯)真是試一次便夠。ps)好好的service,waitress很細心~