麻極手工火鍋料理

营业中

休息中

難得第二日放假，夜晚要食好啲，所以去左呢間吾太起眼既火鍋店打邊爐，朋友之前食過話高質，所以帶埋我去食，平日夜晚仲有78折！海南椰子雞鍋湯底 $168半鍋份量，雞件會分開上，雞件大約5-6件，用花鵰酒浸住，雞肉幾嫩。湯底有大量椰子絲、紅棗、腐竹、雲耳、粟米等，湯底奶白色，幾香椰子味，建議大家放雞件前先飲啖原味湯底！西班牙伊比利亞黑豚梅肉 $148個人推介呢個黑豚豬肉，豬肉味好出，薄薄一片，大約煮20-30秒就熟透。極上本地手切牛肉 （小碟）$258手切牛肉望落幾靚，都有牛味，但未算好重牛味，有啲位置有根同埋脂肪多左啲。紫菜響鈴 半份 $40響鈴炸得夠脆，入面加左紫菜，煮2-3秒就食得，紫菜既咸香味令響鈴更好食，吾加豉油都ok。極品蟹王餃 半份$68同樣大推既自家製餃子！蟹王餃大大隻，脹卜卜！咬開有滿滿既蟹肉，每啖都有蟹香味，好似食緊蟹一樣，仲要吾洗自己拆肉！蟹籽蝦丸 半份$52蝦丸size偏細粒，食落蟹籽一粒粒系口到爆開，口感幾得意，不過蝦丸比較細，吾太食得出蝦味。大家可以放心，啲蝦籽放入去打邊爐都無跌出嚟！黑松露墨魚滑 $138墨魚滑份量都算大，而且黑松露味非常濃！墨魚滑咬到墨魚粒，同

年紀大左貴精不貴多放題、任食呢啲，聽見到搖頭怕怕想食靚嘅火鍋，元朗嚟講我心目中有幾間其中一間就係麻極，樓上舖環境係有啲反傳統，有啲bar嘅感覺一坐低就有個好齊全同好乾淨嘅醬料架自己嘅醬自己混！佢最得嘅係佢個湯底！真係得👍我地要左個蕃茄花甲湯同麻辣湯重口味同清甜系各佔一半個花甲湯飲得出冇味精同茄糕非常清甜，啖啖茄味未打邊爐前已比我飲左一碗入面起碼有一打花甲🤣勁足料麻辣湯除咗可揀辣度仲可揀麻度呢樣真係比較少見小辣中麻對我嚟講係啱啱好刺激得黎冇搶走肉味👍食物都係靚料靚貨我哋叫左本地手切牛（半份）本地牛係口感同牛味兼備安格斯牛（半份）牛味比較濃，本地手切各有千秋伊比利亞豬唔洗講，睇相都知靚嘢😋手打蟹籽蝦丸（半份）真係彈牙得黎勁重蝦味咁食貴唔貴好難講而家做緊promo，當係唔係加一咁上下醬料等等都有一定嘅收費我覺得係三五知己小食多滋味之選同埋佢地方大，冷氣同抽風足坐得幾舒服，整體都幾好㗎👍

麻極手工火鍋料理 (元朗)元朗鳳攸南街9號好順利大廈2座商場1樓2-3號室一家四口去食飯，裝修企理，坐得超舒服😌酸菜魚鍋＋鮮茄花甲鍋 小辣酸菜湯底同魚係分開上，酸味和辣味恰到好處，魚片無骨超新鮮，鮮茄花甲鍋帶有濃郁的番茄味和海鮮味，花甲勁鮮甜，湯底岀名靚，可以直接飲，鮮甜冇味精。極上本地手切牛肉鮮紅色牛肉片非常新鮮，濃郁的肉香味和牛脂香氣。牛肉口感鮮嫩，肉質細緻，入口即化，讓人回味無窮。八味豆腐金黃色豆腐塊，外脆內軟滑，豆腐口感滑嫩，椒鹽味好好食，提升咗個格調。墨魚脆卜，即係炸墨魚滑，淡黃同白色脆卜塊。墨魚肉口感鮮嫩，脆卜口感脆爽。食完之後有八八折，抵，重送小甜品圓滿左一餐。

♨️花膠湯底有大大塊花膠同嫩滑雞件☺️ 啖湯飲落好鮮甜👍🏻♨️麻辣湯底夠麻夠辣得來唔會有苦的藥材味🌶🥢象拔蚌刺身爽口到不得了，食到停唔到😁🥢蝦滑油炸鬼本身已經熟咗，就咁浸一陣等個油炸鬼吸左湯汁，半淋半脆真係好正🤤水餃、牛肉、豬肉、丸類全部都好出色👍🏻

今日媽媽同朋友聚會有幸出席呢D大場面梗係去見識下啦！地理位置幾方便 近巴士站 亦都近元朗市中心咁岩個日訂左間房 私隱度高 同朋友都頃得更開心。 店舖採用電子落單 方便得黎又環仲保上食面前會有醬汁比你自己調食物方便都中規中矩。 係已先雞煲後火鍋形式上菜，雞肉煮耐左都唔”鞋”, 亦醃得入味 咸度適中 另人比較驚喜的係牛肉拼盤 新鮮得黎肉質都淋 唔會話太韌。 另外叫左象拔蚝刺身 雖然唔夠脆口但勝在夠新鮮 配wasabi 豉油冇得彈。 食到一半之後加埋新鮮蔬菜和烏冬 食盡煲底的精華 正！地理 8/10裝修 7/10味道 7/10服務 7/10

呢餐火鍋嘅最大驚喜，係嗰張麻雀檯😂 因為事前已經知道 VIP 房內有提供唱 K 系統，點知同朋友去到時見到麻雀檯，人人都好興奮😆每次同朋友火鍋聚會，我總係鍾意點象拔蚌刺身，因為份量好多，平常兩口子好難食得到，而呢度嘅象拔蚌刺身相當新鮮👍🏻本地手切牛鮮嫰多汁、麻辣湯底相當香濃又唔嗆喉，每人都食得相當滋味😋自從去過呢次後，每當有朋友聚會而又想打邊爐時，我總係話「不如去麻極😂」，簡直係一次過滿足大家三個願望😎

2022.08.20 同熊貓🐼Birthday…..🤣🤣🤣原本我哋係想Book最大嗰間房,同熊貓🐼Birthday,可惜比人book咗,唯有要呢間…..😬😬😬冇離幫襯咁耐,d嘢食都一樣咁新鮮…..,我最鍾意佢個花膠魚翅雞湯底,超正…..🤤🤤🤤另外件cake啲字寫得好靚…..😍😍😍d職員好好禮貌、又好好招呼…..👍🏻👍🏻👍🏻#音響唔錯#下次一定要試吓最大嗰間房先

🫕 椰子雞鍋+麻辣鍋 🥥🌶 $208其實佢湯底都有好多選擇 我地就揀左呢款鴛鴦鍋一黎到心諗 嘩咁大鍋既！仲好足料😍椰子雞鍋有跟配半份雞 仲有粟米同腐竹溫馨提示記得飲下啲湯同食左啲腐竹先 如果唔係就好快爛晒個湯飲落比較似奶味多過椰子味 但飲得出唔係味精湯麻辣湯除左啲香料之外就有埋豆卜同芽菜小辣屬非常易入口的程度 但都夠香濃🫕 頂級安格斯牛肉（小碟）$158望落啲雪花已經好靚 油花分佈均勻口感當然係比較鮮嫩多汁 亦無咩多餘既脂肪🫕 蒙古羊肉片 $78色澤又係好靚 只有淡淡的羊羶味🫕 西班牙伊比利亞黑豚梅肉 $128豬最好食既部位 又夠晒大塊😍鮮嫩既肉夾雜住適量既油花 好食！🫕 蟹籽蝦丸（半份）$42呢個就咁睇好吸引 有好多蟹籽係上面但唔知係咪唔小心淥耐左 食落口感好實唔係好彈牙 亦無咩蝦味🫕 脆炸響鈴卷 $32中途先黎上響鈴卷 因為佢地係即炸架！真係特別脆 鍾意酸味味既可以點埋佢個醬🫕 新鮮肥鵝腸 $78本人唔係太識欣賞 但兩位友人都好鍾意仲話係成餐最好食既 夠爽口 🫕 即炸芋件 $38又係新鮮炸起 但就咁食就無咩味建議大家可以浸耐啲湯先食 單點火鍋都預左價錢會比較貴 最後埋單大概$400

🌬🌬涼涼地又打邊邊🫕🍻，最好就係無限時，仲要開到2:00 a.m. ， 可以慢慢食🥢，慢慢飲🍻，享受人生😎。 我哋walk-in, 差不多9點先有位，好彩有卡位，自成一角🛋🔥火鍋🍲店以黑色為主調，logo有點像太極☯️的圖案。 除左有8張卡位，也有幾間VIP房。🥥🫕海南椰子雞🐥 ～ 有半隻雞，湯有紅棗、杞子、腐竹皮、雲耳，好甜好保身咁😋🐮頂級安格斯牛肉 ～ 肉質好嫩，好有口感，仲要唔靭🐏蒙古羊肉卷 ～你既必食之選，一個人食晒一碟，大滿足😆🐙黑松露墨魚滑 ～ 份量都算多，有淡淡黑松露味，好食啊😋🌿芫荽餃 ～ 芫荽控必食，好正既芫荽味👍🏻🍜日式拉麵 紅薯粉 ～ 份量好足，比起平日食嗰啲份量，呢間絕對係好抵食🤑🍲🥢十下十下就幾粒鐘，好寫意🍻，好享受啊😎

係OpenRice book枱，即晚已經有員工confirm，同我講book嗰日可以留一間房俾我。因為當日有朋友生日所以買咗個小蛋糕，餐廳方面都好貼心，好熱情地招呼我哋帶我哋入房之餘亦都樂意幫我哋雪蛋糕，一去到個感覺已經好好。食物方面，order左椰子雞湯，椰子雞略嫌淡味，不過飲得出係冇味精，雞方面超滑，值得一讚👍🏻另外安格斯牛肉亦都好好食，推介一下黑松露墨魚滑大黑松露味好重，我覺得好正🤭海鮮拼盤膏蟹勁鮮甜多膏👍🏻👍🏻👍🏻另外雲吞水餃都係正常嘢

元朗都有唔少食店做打邊爐，任食啦、精品啦，兩者都有唔少選擇。今日比較飽，所以就食得精緻啲！重質唔重量！因為係閒日夜晚食，所以係openrice 即日訂位就有枱啦（而且仲有折添！）🔹濃湯竹笙花膠雞翅鍋：淨係個鍋底都398$，所以都有啲期望！個鍋上到枱時，聞到個濃湯香味就已經知道無嗌錯個湯底。即刻飲一碗原味湯底先，試下最真嘅味道嘛！雞油嘅香味加上自家上湯嘅熬製，味道濃郁無比！飲左幾啖落肚，個人仲有啲暖身添！靚料程度可見一斑！食埋啲索吸靚湯嘅竹笙同花膠，勁入味，食到停唔到！加埋啲雞件，係用左新鮮雞，所以肉質厚實有雞味👍🏾 （基本上飲湯加食湯料都飽而且滿足👍🏾👍🏾👍🏾）🔹伊比利亞黑豚梅肉：事關飲完個湯底都已經飽飽地，所以就叫個平啲嘅黑毛豬黎食，咁就夠哂飽肚啦。豬肉片嘅厚薄適中，加上油花都唔少，滾熟左之後就更加香口，肉質亦都同肥牛有得比！所以唔想食牛肉咁貴/平平地食下肉嘅，黑豚肉幫到你！㊙️ 濃湯竹笙花膠雞翅鍋！唔打邊爐都值得過黎飲碗湯！

呢間嘢垃圾鋪頭，我今朝十一點幾訂枱食晚飯點知有個員工打電話嚟話冇枱畀我，一陣打電話畀我話今晚畀唔到枱我，請問其他人book枱嗰啲幾時book枱架😡😡😡😡

打邊爐最緊要係乜呀？係要夠新鮮！所以今次就食下呢間邊爐嘅鮮料，睇下佢啲料夠唔夠鮮！🔹美國桶蠔：想食下海鮮過下口癮，於是就叫左巨型嘅美國桶蠔，未碌嘅時候都已經成十幾厘米長，大大隻，好好肉！碌熟左之後，完全無縮水！咬落彈牙，有新鮮蠔味！完全係大滿足之選！（有一隻蠔唔小心碌耐左，又唔記得撈起，結果都無乜縮水！勁！）🔹本地手切牛肉：同時叫左安格斯牛肉，兩者比較之下，本地牛肉會比較有咬口有𡁻頭，牛肉味都幾出。但係油花就無咁多，但新鮮程度就會比安格斯牛好，應該係當日即劏嘅新鮮牛黎嘅，好味！🔹安格斯牛肉：呢款牛肉就好大路，平時都會好易食到。但呢盤牛肉係比較新鮮嘅，雖然係冰鮮空運，但你會食得出唔係雪左好多日嘅次等貨。油花分布均勻而且唔會太多太膩，牛香都香濃，但本地牛會重味啲。㊙️你問我呢兩款牛，本地定安格斯，我覺得最好就係兩款都叫，有時食本地牛香，有時食安格斯靚油花！（二揀一嘅話就本地啦！）

我同同事們齊齊去吃火鍋，感覺好耐冇食打邊爐，第一次同佢們一齊吃火鍋～上到黎地方真是好大又環境很好，我們特登入黎獨立房間，佢地早左預留👍🏻，我們看一看邊好吃😋～一邊食火鍋🍲一邊聊吹水一邊飲野～不講住啦！選擇什麼鴛鴦鍋底..點前要早日早不同醬，自己喜歡揀多少醬、油、蒜..等，否則職員會取走..**每位醬油收費$18#麻極手工火鍋料理 #鴛鴦鍋底 #椰子雞鍋 #麻辣鍋#香港の吃喝玩樂 #齊齊吃打邊爐 #美食推薦 #餐廳推薦 #美味 #香港好去處 #吃貨 #打邊爐 #麻辣火鍋 #hkfood #yummy

阿媽話見到報紙介紹，就同佢嚟試下。由元朗西鐵站行過嚟，大概約10至15分鐘，唔算遠。其實附近都好多食肆，競爭好大。火鍋店位於二樓，唔係一早預約，都未必會注意到。唔好意思因為唔記得影番張單，所以今次冇寫價錢。一行四人，大概平均每人250蚊。除咗火鍋仲有刺身同海鮮食，一入店舖右手邊會見到好大魚缸。座位都闊落，我哋一行四人坐卡位，都算坐得舒適湯底：有驚喜！我哋叫咗椰子雞湯。先講份量，非常大煲，煲底深。都好多雞，真材實料。真係一啲都唔吝嗇。味道非常濃郁，唔好當係湯底咁簡單，真係當佢湯咁飲。唔捨得加水沖淡佢。當然除咗雞同椰子之外，仲有粟米都係非常甜。淨係個湯都值回票價。左手邊係湯底跟嘅雞肉，分量非常多。我哋就一次過倒曬入湯底。右手邊係黑豚肉，雪花均勻，都覺得係優質。安格斯牛肉，值得推介。一樣雪花均勻，有肉味之餘又唔會太羶，都係優質牛肉。醬料方面，開始時侍應放喺枱面，有六款不同嘅醬料（左上）。不過攞完之後侍應會拎走。因為粟米太好味，雖然湯底已經跟埋，但好快就食曬要再點多碟（左下），右手邊魚片都新鮮。響鈴係一定要推介，因為係新鮮即製，非常脆口。我就唔捨得放入湯底，就咁食都好好味。一碟四條，食咗兩條先