麻極手工火鍋料理

营业中

休息中

阿媽話見到報紙介紹，就同佢嚟試下。由元朗西鐵站行過嚟，大概約10至15分鐘，唔算遠。其實附近都好多食肆，競爭好大。火鍋店位於二樓，唔係一早預約，都未必會注意到。唔好意思因為唔記得影番張單，所以今次冇寫價錢。一行四人，大概平均每人250蚊。除咗火鍋仲有刺身同海鮮食，一入店舖右手邊會見到好大魚缸。座位都闊落，我哋一行四人坐卡位，都算坐得舒適湯底：有驚喜！我哋叫咗椰子雞湯。先講份量，非常大煲，煲底深。都好多雞，真材實料。真係一啲都唔吝嗇。味道非常濃郁，唔好當係湯底咁簡單，真係當佢湯咁飲。唔捨得加水沖淡佢。當然除咗雞同椰子之外，仲有粟米都係非常甜。淨係個湯都值回票價。左手邊係湯底跟嘅雞肉，分量非常多。我哋就一次過倒曬入湯底。右手邊係黑豚肉，雪花均勻，都覺得係優質。安格斯牛肉，值得推介。一樣雪花均勻，有肉味之餘又唔會太羶，都係優質牛肉。醬料方面，開始時侍應放喺枱面，有六款不同嘅醬料（左上）。不過攞完之後侍應會拎走。因為粟米太好味，雖然湯底已經跟埋，但好快就食曬要再點多碟（左下），右手邊魚片都新鮮。響鈴係一定要推介，因為係新鮮即製，非常脆口。我就唔捨得放入湯底，就咁食都好好味。一碟四條，食咗兩條先

第一次來食。電話訂位接線的很有禮貌。環境乾淨，舒適。服務周到，連樓下抄牌都會話我哋知。食材新鮮，湯底夠味。調味料也新鮮，不過可以多加幾種調味例如蠔油，豆瓣醬等。

今晚老公想打邊爐喺元朗行來行去終於行到呢間唔需要等位就上咗去都多湯底選擇有平有貴，有辣有唔辣因為有小朋友，所以嗌咗款唔辣椰子雞老實講無乜椰味😂但佢有好多椰子片反而有淡淡藥材味，啱晒我口味叫咗半份，即係雞嘅份量少啲雞係另上，原來係醉雞因為有小朋友，好彩佢另上，我哋最後先落仲叫咗炸魷魚 (即食，好好味)紫菜響鈴 (一般，得四嚿都食淨一嚿)三色丸 (難得三款丸都唔係咁好食😅)本地手切肥牛 (好味)芫茜餃 (唔知點解無芫茜味，明明咬開菜係多過肉，裡面d綠色菜好多，切到好碎，應該係芫茜，但真係無芫茜味，可能唔係平時食開嘅品種，芫茜迷表示失望)生麵 (同個湯底好夾，好味，不過唔知點解嗌完好耐都唔上菜，催咗3次才拎出來)竹蔗水(唔太甜，好味，$68都幾大壺，4個人成晚斟咗好多杯都夠飲，又幾抵飲)另外仲有金菇，芋絲，烏冬，油麥菜，正常料無乜特別要評價錢算中價偏貴少少不過都合理，因為座位好闊落，坐得好舒服，啱晒有小朋友而且服務好好，落單後出嘢都快最出色係個湯底同炸魷魚

呢間麻極之前間唔中都有幫襯，人均消費坦白講唔係平，閒閒地$500以上人頭。我同太太昨天於OpenRice落8pm booking。早5分鐘左右到，我哋去到未有位，後面遲來有4個又係book位8pm直入。我哋有問過點解佢哋遲嚟先入，佢哋解釋係比我哋早booking，因6點那批食客食完野未埋單，而佢哋唔可以趨埋單。當時8:10pm，我哋話等多5分鐘再睇情況。等到8:25pm，我哋忍唔住，去問櫃檯那位吳小姐（聲稱自己係其中一個老闆）佢哋那檯客已經熄咗爐，快將埋單。我哋叫佢可唔可以同客講，8pm booking枱已等咗好耐。吳小姐勉為其難去處理。再隔5-10分鐘過嚟，話熄咗爐個客原來仲有「一隻蝦」未食。我同老婆即時著火🔥。因為我哋係預早booking下足足等咗35分鐘以上，佢哋職員前言不對過語咁呃客人，等候期間，又唔係有其他客等枱（即係我哋係唯一枱等嘅客）。我哋嘈幾句後走人，發覺佢哋再次講大話，因為原先放入去嘅4人位個booking時間，係佢哋本部仔上係明顯比我哋之後。再搵吳小姐解釋，佢再講因為2人及4人枱係兩條隊。去過嘅人都知，佢哋係大卡位，根本2人及4人都係同樣那些枱，再一次欺騙客戶。佢哋

第一次黎試食。唔錯的體驗。環境：店面比較幽暗，一樓有人接待，餐廳係二樓。卡座位比較寬，可以容納6人都冇問題，後面仲有圓臺可以接待更多的客人。菜品：點左鴛鴦鍋底，一個魚頭（免費送左川弓同唔記得咩藥材）但是落玩之後個湯苦曬，唔鍾意中藥味嘅千奇唔好加，免費都唔好加啊！！！第二個係酸菜豬肚魚，尼個好推薦！！好好味！酸菜係微甜噶，個人好鍾意！！而且火鍋低料很足，對得起價錢。配菜：🦐蝦好新鮮，仲識郁。牛肉都好正。甘多魚仲叫左一份魚（我都唔知點解.......）魚就麻麻哋啦，可能食太多魚了吧。響鈴卷好味！配甜辣醬。小朋友最愛小香腸同餃子。總體體驗唔錯，除左小小貴啦，小朋友冇點食，兩大兩細88折都1000+，可能都係自己點多左.......

入去環境舒服....食物很新鮮...現在還有折扣優惠..還有員工超好....價錢很合理...湯底超好味....當日母親節臨時話想去食...員工好好立刻睇下可否安排位給我...即刻安排到

經過門口, 見到餐廳寫住:⭐️⭐️17/5 開始 平日78折，星期五，六，日，紅日，紅日前夕88折⭐️⭐️一入到去, 包廂的設計, 令我好安心同好舒服! 兩個人打邊爐都不錯啊火鍋有好多選擇, 我地簡左胡椒酸菜豬肚魚鍋+麻辣鍋, 一鍋兩味胡椒味十分出色, 而且煲煲下仲有陣陣鮮甜味麻辣鍋香料十分足夠, 好入味, 小辣都惹味都爆西班牙伊比利亞黑豚肉, 入口即化，仲有濃郁的肉香! 好少何食到咁高質的豬肉!鹹蛋黃墨魚丸, 手打丸果然唔同D, 好彈牙, 仲有陣陣鹹香什菌野菜藍 咩都有D, 比起其他火鍋店, $68都幾實惠, 而且好新鮮既蔬菜脆肉鯇魚片骨腩 呢個真係鮮魚愛好者必叫,$88試曬兩款, 真係超多超抵, 重點係超新鮮脆肉鯇骨腩好彈牙, 魚皮又爽口鯇魚片就薄薄地好易咬, 又吸醬汁, 正!最後, 以紅薯粉結尾, 吸曬D湯, 正!

快生日了，朋友說請我吃飯，朋友知我喜歡吃牛，就說有間火鍋店的牛肉很不錯可以試試！而且剛好最近他們在有優惠，平日有７折，就剛好配合到時間就去了！不過之後店家有通知，１７號之後就會改為平日７８折，五六日８８折了，想吃的就要盡快了！招牌麻辣雞煲（半隻）（１８８元）這次朋友吃得辣，所以就叫了中辣來試試，剛送到的時候真的非常香，又麻麻辣辣的感覺，特別是在拌勻的時候！不過在吃的時候就感覺到中辣其實還可以，下次有機會可以試試大辣過癮一下！雞件很好地裹上麻辣醬汁，吃起來麻辣鮮香，雞肉又很嫩，不乾柴，好評！而且這雞煲還有其他配菜，分別是木耳和腐竹，都吸飽醬汁了，非常好吃！極上本地手切牛肉（小碟）（１９８元）這個一送到的時候真的是嚇一跳，那個油花，跟我說是Ａ５和牛我也可能會相信，但這個是本地的手切牛肉，真的很意外！牛肉雖然只是小碟，但份量還是可以的！牛肉吃起來非常嫩滑，有油香，而且比較大片的關係，吃起來特別滿足，真的很推介！豬黃喉（５８元）這個我也是第一次吃，吃起來感覺是爽滑的，沒有異味，挺特別！手打三色丸（１０８元）三色丸分別是蟹籽蝦丸，牛肝菌黑松露豬肉和海皇蝦滑，三款都挺特別，可以一次過試！蟹籽蝦丸蟹

今日響元朗收工，約左朋友響附近食飯，見到間打邊爐睇落唔錯，又有海鮮食，於是入去食晚飯😂🌟鮮茄花甲鍋 （$208）首先個鍋好巨型，湯底配料十足，用上新鮮嘅花甲，鮮茄，粟米🌽，雞肶菇，新鮮嘅大蔥等材料，煲滾後湯底鮮甜，而且有海鮮既鮮味，湯底做得出色，必點😋😋🌟極上本地手切牛肉（小碟）（$198）手切牛肉味道比起冰鮮牛更有牛味，廚師即叫即切，牛肉大片，唔會太肥，肉質鮮嫩😋😋🌟 北海道特大元貝 （$58 一隻）來自北海道嘅元貝，鮮甜，肉質爽口彈牙，廚師好有心機去洗刷乾淨，元貝肉大粒，食完有種去左日本既感覺😋😋🌟 芫荽餃 x 姜汁皮蛋爆汁貢丸 （$58 & $58）芫荽餃內既芫荽好多，芫荽味濃厚，豬肉多汁，外層皮唔會太厚，鍾意食芫荽既朋友必點😋😋姜汁皮蛋貢丸出面未見過，姜汁味濃，皮蛋整成蓉，咬落去時貢丸既汁爆出黎，好好食，必點😋😋🌟 蘋果洛神花（$68）洛神花加上蘋果，飲落酸酸甜甜嘅味道，仲散發蘋果既香味，價錢唔貴，好抵飲👍🏻👍🏻

這間位於元朗站附近的火鍋店，有名你叫麻極，當然以麻辣作招來，所以我們都點了鴛鴦鍋。醬油每位$18，晚市有七折優惠，兩個人每位都是廿百多元。麻辣拼木瓜粟米鮮茄湯麻辣湯一上枱就很刺鼻的辣味，湯料有芽菜、豆卜，中麻中辣味道突出，食完個嘴都有點麻。木瓜湯就味道較清，有些粟米、番茄等。雲吞每粒都似波子般大小，裏面蝦肉爽口，非常足料。咸蛋王墨魚丸唔多覺有咸蛋王味，反而咬口粒粒墨魚肉，幾有咬口。潮州牛筋丸牛筋丸彈牙爽口，咬開有肉汁，絕對有驚喜。本地手切牛肉牛肉份量不算多，但勝在肉味濃，而且有咬口，入口嫩腍，越咬越有肉味。蟹子百花油炸鬼就咁食就比較硬身，浸一浸湯食反而唔錯。即炸響鈴浸一浸湯食就很脆口。打邊爐一定要送啤酒。

叫左小麻小辣併皮蛋湯底，好惹味，食完唔口喝牛肉好新鮮，想encore，耐何已飽，黑松露餃都好有特色，好香。紫菜響鈴即炸，同普通響鈴比，紫色響鈴比較好食！要多啲幫襯先得啦，晚市唔多人，驚頂唔住！

見有新野去左試下環境都夠寬敞 唔會太迫 野食都新鮮 擺盤都靚嘢飲選擇太少湯底 椰子雞湯 同埋牛奶花膠椰子雞湯只有花雕酒味同雞湯味 牛奶花膠就好似用牛奶打緊邊爐咁 個湯底唔太好味 服務都OK價錢偏貴

天氣涼咗小小 就係打邊爐既季節又到😋睇open rice 見麻極好似好吸引 而且又有全單78折 就決定食e間la環境幾舒服 叫咗個鴛鴦湯底🍲 1個麻辣湯1個藥膳雞湯，麻辣湯吾夠麻 同埋佢湯底入面太多辣椒片！ 個藥膳湯我幾鍾意❤️ 好好飲😅 啲雞都還可以 之後都係叫咗d基本食材 佢呢度仲有生蠔🦪刺生食 但我地主要打邊爐所以無叫，3人食咗1千蚊多啲 不過試1次夠

來到麻極手工火煱料理打邊爐，叫了一個雙併鍋，七款配料。鮮茄花甲鍋＋椰子雞鍋： 超大鍋！椰子雞鍋有很濃的椰香味，隨鍋附上約1/4 隻雞，雞件有雞味，記得唔好淥大耐，否則會鞋！鮮茄花甲鍋，花甲頗多，味道鮮甜。脆炸響玲卷：推介！即叫即炸，勁熱勁脆，係湯底浸三秒，咬落去脆得黎又爆汁！手打三色丸： 有松露丸，蟹籽丸和墨魚丸，味道爽口。新鮮脆肉鯇魚片骨腩： 夠脆，夠魚味又唔腥。麻極牛魔皇 小碟：雖然叫小碟，其實份量都己經好多，食左好多牛的不同部位，最鐘意牛柳粒，厚身有牛味，咬落去有肉汁，又唔會太老。什菌野菜籃：打邊爐一定要叫小小菜，中和一下肉的油膩感，啲菜都好新鮮！北海道大元貝：肥美肉厚，味道鮮甜。西班牙黑毛豬腩片： 有淡淡的豬香味，亦都咁腍！Ice 大樽裝： $18 蚊一次，抵飲！食完抱住個肚走，今餐真豐富！ 😋😋😋

近年手工火鍋興起，每每湯底都好有驚喜，元朗最近開咗一間手工火鍋店，主打港式火鍋，最近仲做緊全單七折優惠都幾抵食。麻極手工火鍋店係一樓，要上一層樓梯，樓下都有好大個牌容易搵。店內坐位幾舒適，二人被安排坐梳化卡位。枱與枱中間有分隔，唔洗同前後檯你眼望我眼，私隱度夠高。我見有幾間VIP房可以包廂唱K，不過唔知幾錢先可book到房。湯底：胡椒酸菜豬肚魚鍋+麻辣鍋 $238湯底好大煲有睇頭，麻辣鍋辣味十足，我地揀咗少辣，好香花椒味，鍋入面配咗少少豆卜、木耳、芽菜、芫荽，索咗辣湯食好惹味。胡椒湯底略嫌鹹咗少少，所以一上檯我就畢起啲鹹酸菜費事越煮越鹹，豬肚份量都多不過熬得太耐偏軔，湯底都夠胡椒味，唔會好辣。自家製韮菜餃 $58$58一份有8粒大大粒，超抵食！皮薄餡多，韮菜味勁香，豬肉肥膏比例剛好所以豬油味都好突出，勁推薦！鹹蛋黃墨魚丸半份 $42$42得4粒，雖然偏貴但食得出係手工嘢。鹹蛋味香濃，唔會太鹹，係香口為主。墨魚丸係手打，丸裡面有墨魚肉碎，好彈牙。新鮮豬腰 $48又係抵食之選！平時街市一邊豬腰都要$10，又要洗又要浸。呢到$48一份，份量都唔少，而且完全無腥味，口感爽口，性價比極高。家鄉醃