麻辣小聚 (Ladder Dundas)

营业中

休息中

👩❤️👨🤗🤗我老公最近水煮魚，所以呢間餐廳最岩佢，先食回味水煮魚鍋， 再打邊爐，中間仲有啲點心，小食，啤酒都系任飲！🐷回味水煮魚鍋 🐷好期待！👏🏻👏🏻水煮魚口感爽口，有特製醬汁，味道正宗。辣椒和花椒的結合在口中引發一股火辣感，配上新鮮蔬菜、肉類和豆腐等食材，讓人垂涎欲滴。🍚超級大蜆 🍚每一粒都好有分量，啖啖肉好好入口，好淋好入味。🧋安格斯肥牛 🧋口感偏厚實，每次去餐廳都必叫！屬於高級牛肉級別，脂肪比例均勻，油花分佈相當「靚仔」， 好滋味。今次真系一次高級享受，下次得閒可以再一齊去試下。😋😋 

火鍋放題當然咩都有，呢度特別啲，連鍋底都係任食，中意食辣既我地就專攻重慶麻辣烤魚鍋，烤魚鍋麻辣鮮香；辣椒同魚都分別先爆香再一齊煮，味道更突出濃郁，加埋啲花生粒辣椒碎，味道更加之香，真係超級正宗(≧▽≦)而另一有內地特色既就係麻辣小龍蝦，小龍蝦肉肥黃滿，肉質飽滿鮮甜，同辣椒非常配合，突出既辣味加上小龍蝦要本身既鮮味，惹味非常，仲有啲豆卜係底，吸嫩辣汁，更加惹味好食(^з^)任食既亦有唔同既小食，好似麻辣貓耳朵，姐係麻辣雲耳，雲耳爽脆口感好，辣辣地好開胃，份量唔會太多，適合做小食(´▽｀)豐富既火鍋配料同樣任食，超中意澳洲M5和牛，肉質超嫩，雪花紋分佈均勻，牛味激濃，而唔同蔬菜亦係任食，款式多多，真係一家大細黎食都岩(=^x^=)

約咗朋友喺旺角食烤魚，呢度除咗有烤魚食之外，仲有麻辣小龍蝦同任食火鍋，非常豐富，所有我哋鍾意食嘅嘢呢度都有得食。餐廳食嘢有規定次序，好有自己特色。先揀咗鍋底，再食麻辣小龍蝦，跟住就係材料豐富嘅火鍋。魚鍋底分別有難忘酸菜魚鍋，重慶麻辣烤魚鍋和回味水煮魚鍋。我哋食嘅係重慶麻辣烤魚鍋，夠晒麻又夠晒辣又香又惹味。 先將魚烤熟，令到魚肉又香又滑，魚肉汁鎖晒喺入邊，之後再放入重慶麻辣汁度煮，一路煮麻辣汁嘅味道被魚肉吸收入去，令魚味道更豐富。魚鍋食完再上麻辣小龍蝦，小龍蝦煮得好入味，食到手指都要吮埋。麻辣味令龍蝦肉更加鮮甜。食咗兩日麻辣嘢，跟住食返個火鍋清返一下。火鍋食咗西班牙黑毛豬，安格斯肥牛，扎扎跳大海蝦，鮮豆皮，多款菜，豆腐和丸，真係又正又好味。黑毛豬甘香鬆化，肥牛味濃肉柔軟，海蝦鮮甜爽口，鮮豆皮煙靭有咬口。

果日去左旺角果邊行街，見到呢間餐廳既送菜好似幾抵食，於是就即刻入去拎位。我地首先食回味水煮魚鍋， 然後再打邊爐，好多食物都系任食，仲有啲點心即叫即蒸，小食方面有麻辣小龍蝦。//回味水煮魚鍋 //🌅因為我唔中意損骨，所以呢個水煮魚幾好，系我既最愛，好入味，而且肉質爽脆唔會太淋，香辣可口，多汁。//優質豚肉//🏞肉質入口即溶，真系好正，睇得出新鮮程度，有少少辣，真系越食越想食。食材都好新鮮不會太肥，淡油脂香，😍口感十足👍🏻👍🏻//麻辣小龍蝦//賣相極佳，不但超香口，亦都夠麻夠辣，而且蝦肉滑嫩，食幾碟已經足以回本！//蝦肉丸//好大粒好彈牙。甘既價錢來講，呢間餐廳真系沒得輸，裝修都幾有特色，古色古香甘！

五種鍋裏便包括左難忘酸菜魚鍋，，魔鬼醬鮑魚雞鍋，回味水煮魚鍋，美娃牛仔肉干鍋和重慶麻辣烤魚鍋🙌🏻一個鍋嘅份量都有好多下，所以我哋只係叫咗一個重慶麻辣烤魚鍋就已經足夠了。因為仲有其他食物，有麻辣小龍蝦，麻辣小食，點心，打邊爐等等嘅食物！所以建議大家決定自己想食邊一樣東西先😽烤魚真係有好大條魚係鍋入面，魚嘅肉質比想像中好，本身以為可能係會差少少！但幸好都係滑身少少，感覺是很好好的😃然後就就講下麻辣小龍蝦，因為我唔食得海鮮所以以下評論佢男朋友講嘅！小龍蝦嘅肉比想像中大嚿而且男朋友話個殼啲精華先係重點🤣超級多醬汁喺上面！最後，就簡單講吓打邊爐，因為我覺得冇咩特別，比較推介大家食麻辣小龍蝦同埋鍋裏多啲！我打邊爐菜有娃娃菜，油麥菜，生菜，南瓜🎃薯仔，粟米，蓮藕，我覺得選擇都幾多下！牛肉方面就推介澳洲m5和牛，牛肉味會比較重而且肥肉會冇咁多。

我兩公婆一排無食辣火鍋，個心癮又返黎啦😘辣癮必點🔥重慶麻辣烤魚鍋🔥#烤得好香，湯底滲透到魚肉，激惹味！❤️‍🔥份量多，食落口啖啖肉！🐟安格斯肥牛🉐#有著優雅的紋理和豐富的脂肪，入口即化，散發出濃郁的牛肉香氣😎見隔離枱既小籠包好飽滿，我哋跟隊追加！#小籠包一肉質鮮嫩多汁，入口嚼勁十足。#金菇菜沾上汁，超入味！要讚一讚抽風系統做得相當好♨️❤️‍🔥可以享受麻辣烤魚的樂趣既同時，也不會感到油煙滋擾💖❤️喜好辣既朋友切勿錯過啦❤️

麻辣小龍蝦🐬其中一樣任食既食物，小龍蝦同辣汁融為一體，辣汁完全吸收係龍蝦肉入面，龍蝦肉入口果陣充滿濃滾既香辣味道，肉質就好鬆軟，好嫩好腍，超好食！重慶麻辣烤魚鍋🐟烤魚真係原條大大條咁上枱，烤魚魚皮有戰脆，魚肉就好嫩好滑，一啲都唔鞋口，鮮味十足，大大啖肉咁食好爽，烤魚用上滿滿辣椒去煮，香辣味十足，加埋啲辣油，非常之香，完全係內地既高質質素！火鍋🍲火谷有唔同既配料，就連唔同既海鮮都有，海蝦大蜆呢啲都好新鮮，海鮮十分鮮甜，掂呀！成個餐食足兩個鐘，時間充足，上菜又快，真係食得超級滿足！

超鍾意食烤魚嘅我🤪，今日一於嚟呢間位於旺角嘅叫做麻辣小聚嘅餐廳，試一試佢先！😎🤩餐廳主要嘅特色係先食咗個烤魚喎，之後再打邊爐仲有麻辣小龍蝦任食！🥳嘩嘩嘩🔈🔈，主角重慶麻辣烤魚，終於登場！魚經過烤制之後，外層變得微脆🥹，內部仲保持住魚肉嘅柔軟同鮮嫩。呢種質地嘅結合，令每一口都有層次感，好豐富呀！☺️ 個醬汁實在太好食啦，跟住打埋邊爐一鍋二食，滿足左貪心嘅我😌！叫咗脆皮芝士腸，同埋蝦打邊爐😘！啲汁一啲都唔曬到哈哈哈！😜🤯我真係唔敢相信，打完邊爐之後仲可以有麻辣小龍蝦🦞任食！真係唔係每間餐廳都有！小龍蝦好新鮮，爽口彈牙，一啲都唔梅或淋！配埋麻辣汁，開開胃胃！

今日生日老公帶我嚟旺角，呢間麻辣小聚食任食火鍋，酸菜魚，超級開心，今次有口福啦，🐟呢個難忘酸菜魚鍋非常吸引，一上枱已經聞到好香嘅酸辣湯味，金黃色嘅酸菜魚湯見到已經流晒口水，飲落去酸酸地辣辣地有好鮮甜嘅魚味，成個身即刻暖笠笠。魚片又滑又爽脆，酸菜清新有爽脆，入邊仲有芽菜，雲耳，但我被等等非常豐富！🦞麻辣小龍蝦任食，老公最愛食嘅麻辣小龍蝦，佢一個人已經可以食十幾隻，佢話啲又鮮又甜好好味，而且自己煮唔到一定要喺度食返夠本😂🐂打邊爐必食安格斯肥牛，牛肉甘香送發入口即溶，🐚鮮甜貝殼冇沙又鮮甜，蜆肉夠彈牙，食多多隻都得。呢度仲有多款啤酒任飲，一年一次生日，當然要啤啤佢去慶祝，平時都唔太飲飲，一於喺度飲少少。

食辣對身體好，可以出返身汗排毒，每次食辣都係一個享受😎今晚又約埋好友一齊食辣，齊齊出汗排毒🙈食辣一定係食📛回味水煮魚鍋📛，望見啲辣椒油同乾辣椒成鍋都係，就知有料❗️魚片好滑好腍，將水煮汁嘅精進吸哂，每一啖都好刺激🥵另一款係📛麻辣小龍蝦📛，食小龍蝦當然要啜殼上面嘅麻辣汁，愈啜愈開胃，簡直停唔到😆📛回味水煮魚鍋📛鍋底仲可以打邊爐，安格斯肥牛肥肉超多，牛嘅油脂加埋水煮汁絕對係絕配❗️整係食肥牛就已經好滿足，不過佢其他嘅火鍋料都好得，全部都高質❗️

+麻辣小龍蝦麻辣小龍蝦可以任叫任食的，第一次食小龍蝦就覺得細細隻但係都原來有有幾多肉係入面！最重要麻辣外殼裏便嘅醬汁都係辣辣的！+回味水煮魚鍋過癮鍾意食水煮魚同酸辣魚，水煮魚酒會麻辣啲！如果腸胃冇咩事都會選擇水煮魚，水煮魚，麻辣蝦，魚嘅口感都係好好！+火鍋估唔到竟然有海鮮叫，唔單止菜牛肉豬肉湯腸仔丸！火鍋就冇太大嘅特別，同平時食火鍋放題嘅食物同質素都係大同小異的！+點心有三款糕點選擇，食完晒所有嘢再食糕點係飯後甜品，完美的收尾。但係都有得叫黑金流沙包，流心包裏面真係流心仲要係熱辣辣！

呢間火鍋餐廳係任食既，先黎任食既鍋底～魔鬼醬鮑魚雞鍋，雞肉一舊舊大小適中，肉質都幾嫩，辣味滲晒入雞肉入面，鮑魚就幾大隻，口感爽嫩，同雞肉一樣吸收晒魔鬼醬既香味，真係勁入味，熱辣辣超好食，爽麻醒神😎😎另外任食既仲有係大陸好hit既麻辣小龍蝦，小龍蝦佈滿辣汁，一邊剝殼可以一邊啜下啲辣汁，龍蝦肉拆左出黎都唔會太小，肉質都鮮唔會霉，任食咁剝下剝下黎食都幾爽🤪🤪火鍋配料亦係任食，好似西班牙黑豚肉都幾好食，嫩滑既豚肉幾肥幾鮮美，香濃肉味，質感好好，蓮藕片又夠爽脆夠爽口，唔同既火鍋配料都好食😊😊

夏天熱辣辣，就最啱食辣嘢啦！餐廳係喺旺角，位置地理非常方便，亦都好容易搵到！💛前菜，叫咗個小青瓜同麻辣木耳嚟試試！麻辣得來好清新，非常開胃😮‍💨！食完呢兩個小菜好似幫個胃準備咗咁，陣間可以瘋狂咁樣食打邊爐！🙆‍♀️🙆‍♀️ 好味rating |😍😍😍😍|🩷難忘酸菜魚。餐廳總共有五款鍋可以揀，呢個係相對冇咁辣，所以我揀咗呢個🉑！個鍋改呢個名，一啲都冇錯，真係令人一試難忘！辣味同魚肉嘅鮮美融合得恰到好處，刺激味蕾嘅同時仲保留住魚肉本身嘅鮮甜。😵 食完個魚煱之後，再打埋邊爐，爽呀😻！擴闊左我嘅戰鬥力，不停叫不停食🙀！沙白同蟶子，質量非常之好，食得出好新鮮！一啲沙都冇！最怕食到有沙，索索聲咁唔舒服！！👾好味rating |😍😍😍😍😍|餐廳整體質素高，食材新鮮，選擇豐富！價錢亦都好合理！

又係為食姊妹出動嘅時間，知道旺角Ladder Dundas6樓有一間叫＂麻辣小聚＂有辣海鮮和牛放題食，食120分鐘，材料新鮮選擇多多，價錢又抵食，今日就過嚟開餐。1️⃣我哋食嘅係，回味水煮魚鍋，呢個水煮魚鍋夠晒油夠晒香夠晒辣，魚片白雪雪又滑又鮮甜，入口已經想滑落喉嚨，而且麻辣未夠香，香味一直喺口到飄散。2️⃣食完呢個滑脫脫嘅水煮魚，又係食麻辣小龍蝦嘅時候，小龍蝦任食，想食幾多都得，逐隻拆殼竹隻食，蝦肉鮮甜食得好過癮。3️⃣跟住再嚟一個任食火鍋，火鍋當然唔少得澳洲M 5和牛，安格斯肥牛和西班牙黑毛豬。每一種辱國有滋味，澳洲M 5和牛鮮甜而味道濃郁，安格斯肥牛入口溶化甘香鬆化，西班牙黑毛豬又香又鮮甜。仲有其他丸，菜，豆腐，菇類等等。最後食埋個黑金流沙包做甜品，又香又甜非常滿足。

不一樣嘅麻辣火鍋，包你滿意😍一定要嚟到呢一間麻辣小聚，係我覺得選擇最多又最鍾意嘅一間四川麻辣火鍋店。❤️重慶麻辣烤魚鍋非常邪惡嘅重慶麻辣烤魚鍋，烤魚超大條，重慶麻辣風味十足，未食已經聞到陣陣香辣嘅味道，烤魚仲煮到好入味，冇得彈。❤️牛肉球點心唔少得咁多肉汁又大粒嘅牛肉球，另外仲有啲包點、糕點都好推介。❤️蟹籽丸、芝心丸大大粒嘅丸打邊爐點可以食，普通魚蛋、墨魚丸等等都有提供，不過我自己就最鍾意食入面有餡嘅蟹籽丸同芝心丸。❤️麻辣小龍蝦食完烤魚唔夠喉，仲可以叫埋呢個麻辣小龍蝦，同樣都好辣，仲要任食無限量。❤️芋絲打邊爐想飽肚啲加埋芋絲都唔錯，仲要佢都幾吸收D辣湯。