鼎皇臭臭鍋 (已結業)

是日約了在尖沙咀工作的朋友lunch🙆‍♀️，朋友在百利大廈返工的，她說每天早上返工都途經金馬倫道，亦會到臨元朗茶餐廳食早餐🌞後回公司。每次去食早餐都經過時見到一間叫“ 鼎皇臭臭鍋”問我有冇興趣去呢間lunch, 我話我都未食過， 試下也無妨😊😊 ，所以我哋就決定今日嚟一個台式臭臭鍋，一邊打邊爐，一邊吹吹水。究竟鼎皇臭臭鍋有咩好食，一睇張菜單真係多到花多眼亂，我決意食個招牌臭臭鍋🍜。招牌臭臭鍋材料包括有臭豆腐，豬大腸，米血糕，黑豚肉，娃娃菜，金針菇，台灣貢丸，鴨血，蜆，粉絲，榨菜，蕃茄 。味道方面～我比較欣賞臭豆腐，因為非常入味。而豬大腸鹵水味都好足，再沾上佢哋嘅麻辣醬汁， 的確冇得輸， 麻辣醬汁感非常台式， 令你舌頭先感麻後再痺，非常過癮。朋友喜歡食雞，所以叫到黑麻油雞鍋，裡面材料都好豐富有娃娃菜，金針菇，雞胸肉，台灣貢丸，玉子豆腐，米血糕。朋友說黑麻油好香味濃，只可惜油雞是淨雞肉，不是雞件，佢話冇得比佢啜一下雞骨嘅精髓喎，整體上大家都好滿意🤣🤣🤣。飲品呢～我就飲玫瑰花瓣綠茶，我要走甜，茶味很好還帶點玫瑰香。朋友要了水蜜桃紅茶，她沒走甜，是正常甜度，朋友也說味道剛好，一點也不甜。裝修方

平時都好少寫食評，但今次真係好差。一準備坐低，已經有好多蚊滋飛嚟飛去。跟住坐咗一陣準備嗌嘢食，突然發現隔離有隻唔知喺邊度嚟勁大隻反咗肚重識郁嘅曱甴，嚇到我即刻彈起， 跟住個職員將隻曱甴掃落地踩死咗當冇事發生。跟住啲嘢食已經唔係好得， 杯嘢飲直情係冇味。成程飯都有啲蚊滋飛來飛去。啲職員態度唔友善又冇禮貌，木口木面，咁都算啦，終於食完，個職員黎收野，一拎起個盤，撞低咗成杯野淋左落個friend度，跟住個職員講左幾下唔好意思，我哋就埋單走人。絕對冇下次!!!

今午我和家人到 尖沙咀金馬倫道36A號，吃鼎皇臭臭鍋,食滋味嘅招牌臭臭鍋🍲。到那裡交通方便，地鐵 金馬倫道出口只需行三分鐘便到。入到去環境幾舒適，坐位幾寬敞，招呼又週到。午市十二點至三點正，價錢便宜，套餐只需88元，加任何飲料🥤🍸🥃🍵🍵🥂🍹只需8元，又可加12元多一碗台式飯🍛,認真抵食👍招牌臭臭鍋嘅湯底好濃郁🥘都唔錯😄配料幾足，裏面有多樣化食物，娃娃菜🥙、金針菇、臭豆腐、豬大腸🐷、鴨血🦆，黑豚肉🐬🐋，台灣貢丸、鴨血、蜆、粉絲、榨菜絲和蕃茄臭豆腐嘅味道好有 傳統嘅臭街边臭豆腐😋。喜歡食臭豆腐就唔好放過呢鍋🍲第二個係黑豚肉蕃茄鍋，裏面嘅配料 有黑豚肉、番茄、大豆芽、娃娃菜、金針菇、炸枝竹、豆腐、粉絲、木耳、鳴門卷。個蕃茄湯底好濃郁， 黑豚肉肉質爽滑，份量好足， 都好值得你去試㗎👍😋加12元的芝麻洋蔥鹹魚醬飯，鹹魚調味好適合，鹹魚吾太鹹，但又好濃郁好有鹹魚味， 你一定要試😋各加8元的珍珠奶茶和招牌出名的盆栽奶茶🥤簡直超值，吾太甜， 唔好錯過機會呀！

去紅館睇演唱會之前一定要醫咗肚先～ 之前都會係紅磡食，今次試下過一個站，係尖沙咀食，只要係近尖東個邊食都幾方便打邊爐我成日都會打，但食呢種鍋都係第一次，首先唔知點解會稱呼自己做臭臭鍋🤣 上網search原來係解有兩種臭味係入面，臭豆腐嘅臭同肉臟嘅臭，但係佢臭臭得嚟又養生架喎😧 究竟果什麼葫蘆賣什麼藥呢？餐廳好近尖沙咀站同尖東站，門口好易認，大大兩隻字鼎皇，入面主要係幾排卡位，卡位空間闊落唔怕同張枱好近，同埋啲枱都好大，因為要擺兩個鍋藥膳羊肉鍋呢個係朋友叫個款，上菜嘅時候仲會焗一陣先嘅，入面有粉絲、羊肉等等嘅配菜。藥膳嘅味道未必人人入到口，但以自己一年都唔食一次為例，呢個味道絕對可以🤙🏿 用粉絲煮仲可以吸哂啲湯好正🤤 羊肉塊有好多，見佢轉咗色一陣就可以食，否則會變韌。份量多到可以俾一個男人飽肚！台式麻辣鍋自己食得辣嚟講，呢個鍋唔係咁易handle! 仲要個火一路滾下滾下，啲嘢食會keep住熱辣辣🌶 最後頂唔住叫侍應幫我蓋熄個火🤣 入面嘅配菜有好多內臟嘢，例如米血糕、鴨血、豬大腸，鴨血嘅味道吸咗湯嘅麻辣特別正，肥牛片都係特別多，成座山咁樣，真係食唔哂😛最尾趕時間入場睇演唱會所以好衝忙就走咗

去完台灣之後有旅行綜合症，回到香港不停找台式的美食去醫治心靈；因為台灣實在太多好吃的，還未試過他們的臭臭鍋。我們選了這間鼎皇臭臭鍋，嘗試一下這份台灣風味熱辣辣我們還未坐下就先點了飲品；盆栽奶茶$8加珍珠(+5)都說了是來治心靈，怎能不叫珍奶，上面加了朱古力餅粒再加上珍珠，非常有口感芒果熱情果梳打$8， 解渴之選，梳打夠汽，又不會太甜鼎皇臭臭鍋的招牌slogan就係『春夏秋冬，暖暖鍋物』那當然我們就要試試『招牌臭臭鍋』還有『養生四物鍋』臭臭鍋的配料非常豐富，主要有【招牌臭臭鍋】娃娃菜，金針菇，臭豆腐，豬大腸，米血糕，黑豚肉，台灣貢丸，鴨血，蜆，粉絲，榨菜絲，蕃茄。以台式食物做配料，以為會很臭，但一點臭味都沒有🤣🤣整個臭臭鍋最特別就是用鵪鶉蛋，因為香港很少火鍋配料會用鵪鶉蛋；鵪鶉蛋比雞蛋更有蛋香，的確是個不錯的選擇❣️『養生四物鍋』雞脾肉，娃娃菜，金針菇，鵪鶉蛋，鮮冬菇，豆腐，鳴門卷，老薑；配料夠多湯濃， 嘴刁鬼首選另外還配上不同醬料，例如有沙茶醬，生蒜，醬油以及辣椒油。這裡用的鍋🍲和一般餐廳用的不一樣， 整個像一個鼎的樣子，難怪叫做鼎皇喔！

今日喺尖沙咀行街，經過金馬倫道，見到依間新開既臭臭鍋，見佢裝修都幾企理，於是心血來潮就入咗去食依家臭臭鍋喇！入到去，店面都算闊落，而且啲冷氣抽風都幾好，唔會有好大陣混濁嘅火鍋味。而且店員安排咗卡位俾我地坐，令我地坐得比較舒服。餐牌入面既火鍋有8款，除咗火鍋之外，亦有滷肉飯餐，岩晒啲無飯不歡嘅朋友！而餐牌最後，當然亦唔少得各款林林種種嘅台式飲品！我叫咗一款藥膳羊肉鍋，而朋友叫咗一個台式麻辣鍋！我個藥膳羊肉鍋鍋物十分豐富，入面有：娃娃菜、金針菇、羊肉片、炸支竹片、冬菇、蘿蔔片、粉絲、蜆、貢丸、粟米、玉子豆腐、鳴門卷！個鍋嘅藥膳味幾香亦唔會太濃，飲落感有啲似肉骨茶，而羊肉片新鮮，騷味唔會太濃，其他配菜豐富之餘亦同個湯底好夾，唔錯！而朋友嘅台式麻辣鍋，鍋物內容非常有特式：娃娃菜、金針菇、麻辣餃、芽菜、豬大腸、米血糕、魷魚、牛柏葉、筍片、鴨血、公仔面、肥牛、鳴門卷！至於個滷肉飯，睇落去相當有光澤，未食已經令人流口水！咬落口滷肉肥而不膩，滷肉汁亦非常香甜，好吃！麻辣鍋湯底比藥膳湯更為濃厚！而且多咗陣陣麻辣香味，食落相當刺激！

好耐未試過出街食到d甘既野食，今日我同女朋友黎試食，一心諗住免費咪食下羅，食到真系想講粗口，咩事！真系埋沒唔到自己良心！一個鍋平均118一個，個鍋份量多的，但重量不同質，湯底淡而無味，最好自己加下豉油，湯底無味d餸一定唔會好味，肥牛望上去已經有d變變地黑，再煮熟左靭到啊！完全無牛味，雪味就好大陣，蜆肉就勁多沙，仲要食到有一兩隻開始有少少變左甘！可能天氣太熱！我諗最好味就系d名門卷！門面新淨企理，但唔會有下次

真系嬲到爆，真系過唔到自己個關，服務態度又唔好，食到好似受氣甘，D鍋堅系臭既，見鍋野系大大鍋啊，成鍋炒埋一鍋甘，要學台灣，但味道就淡而無味，D餸豆腐同D長條形既所謂餃子，仲結緊冰既就放晒落鍋野度，有無甘趕時間啊！全部執埋一鍋野，湯底就好似豉油開水甘，仲有淡到死，個人已經唔系食咸的，我都唔知邊忽似臭臭鍋！是旦一鍋野就扮系，野飲又要另加錢，加錢唔緊要，系焗你要三十蚊以上飲品，如果想要飯，要另外再比錢，呢鍋野如果要我比錢食，我一定唔食，如果唔系PR叫我黎！！

依家潮流新出左一種火鍋叫做臭臭鍋，今日難得經過尖沙咀，竟然比我見到一間新開嘅臭臭鍋，咁我就梗係要入去試下啦。等我就睇吓佢有幾臭先。裝修簡單清雅，而且座位闊落吾會好迫。叫咗個餐前小食鴨舌，鴨舌好入味，滷水汁好濃，鴨舌爽脆彈牙，而且帶有少少微辣，真係食到停唔到口。今次我叫嘅鍋係麻油雞鍋，一上枱就已經香噴噴，人哋話台灣人食麻油雞會好補，就等我好好咁補下先。成個鍋都充滿麻油嘅香味，湯底鮮甜，而且個火都好夠力，一路滾一路食真係好正而且佢啲材料好多，真係兩個人都食唔晒，雞肉又滑，配料好新鮮，我同朋友食到連湯都唔剩一滴，真係可以好好咁補下啦佢嘅招牌飲品係呢個盆栽奶茶，香甜嘅奶茶上面配上朱古力餅碎，口味真係好夾，而且夠晒冰凍又唔會好甜，朋友嘅巨峰梳打都好夠味，而且加入左椰果口感更加充滿層次

今晚收工約了姊妹飯聚，去食近排很hit的臭臭鍋，餐廳環境乾淨寬敞，座位又夠闊落，一坐下就嗅到隔離枱臭臭的味道。餐廳有8款不同的鍋供選擇，款款都又大又足料，一人一鍋，各人可選自己鐘意的口味。藥膳羊肉鍋：單是蔬菜類已有六、七款在入面：娃娃菜、蘿蔔等，還有鳴門卷、貢丸和蜆，鍋一上枱已經嗅到好香的藥膳味道，感覺養生。先喝一口湯，湯底濃郁，而且所有材料都很入味，羊肉嫩滑而且無羶味，份量多，墊底用粉絲，「索」了湯的精華，好味！朋友點的酸菜魚片鍋：雖然鍋底的材料較藥膳羊肉鍋少，但也有四款蔬菜，鍋裡滿滿的魚片很嫩滑，由於上枱前已經開始煮，所以較入味，鍋底則用解粗身麵條，很彈牙好味。臭臭鍋的名字看似嚇人，但其實似打邊爐般的一人一鍋，湯底濃，十分好味！

Happy Friday放工約左男朋友去尖沙嘴行街，行經一間台式火鍋店，就決定入去試下。坐底睇完menu，就同男朋友各自叫左台式麻辣鍋同黑豚肉蕃茄鍋。台式麻辣鍋 (配料：娃娃菜、金針菇、麻辣餃、芽菜、豬大腸、米血糕、魷魚、牛柏葉、筍片、鴨血、公仔面、肥牛、鳴門卷)麻辣湯底- 男朋友話剩係睇到浮係上頭果層紅油就按耐不住。湯頭味濃厚重、麻辣香氣撲鼻。豬大腸-口感唔硬有嚼勁。鴨血-，整體無因為熬煮令表面嚡左，內外一致的軟嫩滑細，麻辣湯汁滲透到內部組織，仲會噴湯。米血糕-煙韌，軟綿中帶點扎實感。黑豚肉蕃茄鍋 (配料：娃娃菜、金針菇、枝竹、鵪鶉蛋、魚蛋、貢丸、蕃茄、黑木耳、粉絲、福袋、豆腐、豬肉片) 。蕃茄湯底-比較清的蕃茄湯，微酸中帶甜，好開胃。豬肉片-份量足，肉質不俗。魚蛋-彈牙爽口。滷肉飯- 滷肉帶光澤有油光，賣相討好，滷汁香口惹味。醬咸魚飯-出面比較少見，咸魚醬香味濃郁，拌飯一流。珍珠奶茶-茶底的甜度適中，珍珠嚼感充足。冬瓜茶-清甜順口。

自從由台灣回來後一直想念那個於台中某地吃過的鴨血臭臭鍋。雖則現在是夏天，但只要室內有冷氣，全年每日都是最適合吃熱鍋的日子，於是跟老公到鼎皇臭臭鍋吃那個招牌臭臭鍋。所謂臭臭鍋其實一點都不臭，反而充滿着台式的古早味。有很多材料包括台灣貢丸、蜆、鵪鶉蛋、米血糕、豬大腸、娃娃菜、金針菇、粉絲、榨菜絲、蕃茄及鳴門卷等。而當中鮮嫩的黑豚肉、QQ彈彈的鴨血及臭豆腐更是姐的推介。雖則臭豆腐本身獨特的的味道正如榴槤一樣並不是所有人都可接受，但其實不算太"臭"，而且配合其湯底是非常惹味的，姐很想再吃多次!至於老公則點了這個藥膳羊肉鍋，據說有補氣活血、血虛、頭暈眼花、溫而不燥以及增強免疫力。當中包括羊肉片、炸支竹片、鮮冬菇、娃娃菜、金針菇、白蘿蔔、粉絲、嗚門卷、淮山片及四季豆。 鍾意吃羊肉的朋友就不容錯過啦，羊肉沒有羶味，湯底的藥材味不過濃，配合大量的蔬菜是一道養生的菜式。另外老公看到餐牌上的芝麻洋蔥鹹魚醬飯後，二話不說就點了。這個令他回想到台灣旅行時双不經意走到街市內，吃過一口這個飯印象很深，肉質不像香港的鹹魚般亦都不是太鹹。配上有嚼口的白飯非常好吃。吃過濃味的臭臭鍋後飲一啖清爽解渴冬瓜茶，不太濃亦不太甜

今日番工聽到d同事係咁講臭臭鍋，收工我又心郁郁去試下:PPP就係尖沙咀金馬倫道有間try try，依間有八款唔同既鍋，款款都想試，真係好難選擇 最後都係選擇咗台式烤魚鍋 $118，湯底可以自己揀 e.g.麻辣、蕃茄，我就揀咗自己最中意既藥膳湯 香濃既湯底，忍唔住一開波飲咗半碗，好大份烤魚，時間火喉控制得好好，條魚啱啱熟，嫩滑鮮甜，成個鍋除咗藥膳湯外，上面仲有紅棗杞子，另外又有好多菜，健康又養生 唔洗驚唔夠 材料下面仲有麵嫁，細食既話兩個人食一個都冇問題，一個人食就超滿

自從喺香港食過第一間台式嘅臭臭鍋之後而家每逢見到台灣嘅鍋物，我都好有興趣試，尤其是中午的話一個人入去食一個鍋加一杯珍珠奶茶就已經十分之滿足。呢度嘅鍋款式嘅選擇都非常之多 有成十幾種當然唔少得嘅就係台灣嘅臭臭鍋啦，但係今日我就冇食到，我反而注重係佢呢一度除咗有普通嘅鍋物之外仲會有養生鍋做主打。今日揀咗佢個麻油雞鍋，首先我就飲咗佢一啖湯，果然有非常之濃嘅麻油香，佢係用咗黑芝麻油。但係飲落去唔會覺得好油膩，反而有種好滋補養生嘅濃湯，再配黑芝麻油嘅感覺。比起平時火鍋嘅油膩簡直係天淵之別。我入邊有豬血糕，有麻油雞，蜆肉丸同埋豆腐等等。我比較想推介一下嘅就係佢嘅米線，台灣米線我初頭以為係我哋香港不嬲食開嘅米線，原來佢嘅米線係指圖上面嗰隻米黃色嘅豆皮。吃落去好有豆香，有嚼口。仲有重點推介就係呢一個鹹魚飯，通常台灣就剩係得滷肉飯，但係呢度如果你跟餐加＄12可以加個鹹魚飯。攞出黎已經聞到非常之香，但係食落去唔會有咸嘅感覺，好香好好食。

今日跟朋友介紹黎一嘗呢個鼎皇臭臭鍋，據講係原自台灣，現座落尖沙咀金馬倫道，離港鐵站約5-8分鐘，非常方便啊。喺對面馬路已經比佢咁光猛嘅招牌吸引住，相當易搵。可能平日關係，加上時間尚早，人流不算太多。地方都幾闊落，而且乾淨整齊，唔係地下濕漉漉果種。臭臭鍋同養生鍋共有8款，每款只係$118。如果午市時間，仲只收$88，而且一人一鍋，唔駛同人share，夠晒衛生。另加$8就可任選飲品，左起百香果芒果梳打、紅棗桂圓杞子茶、盆栽奶茶及珍珠奶茶，各有特色。要食就梗係揀呢度嘅Signature招牌臭臭鍋啦，配料夠多豬大腸、金針菇、黑豚肉、米血糕等等主角就當然係令到佢夠臭嘅臭豆腐啦，雖然樣子跟普通豆腐差不多，但佢勝在夠臭，鍾意食臭豆腐嘅人，你懂的。最驚喜嘅就係佢竟然有鵪鶉蛋，我最愛呀。友人揀左酸菜魚片鍋，配料無招牌鍋咁多，但佢有泡椒同酸菜，酸酸辣辣，夠晒醒胃。呢個黑麻油雞鍋，採用啖啖雞脾肉，配料有玉子豆腐、台灣米線、蜆等等，湯底用黑麻油，味道濃厚，認真吸引。懂得養生之道嘅朋友，就揀左呢款藥膳羊肉鍋，除左主角羊肉之外，配料仲有白蘿蔔、鮮冬菇、嗚門卷、炸枝竹等等，值得一試呀。如果一定要食飯嘅朋友，另加$1