鼎豐雞煲泰國菜 (已結業)

收工好攰，朋友提議食泰國菜，呢間餐廳除左可以食泰式小菜之外，仲可以打邊爐食雞煲，叫半隻雞煲的話，會送一碟肥牛；原隻雞煲的話，就送一碟日本和牛。預先訂座仲會送串燒，可惜今次係即興嚟食，下次預早book定位先。泰式豬頸肉沙律豬頸肉好鬆軟，帶少少酸辣，非常開胃。黃咖喱牛頸脊石鍋一個鍋大概有4-5片牛頸脊肉，薄薄一大片，食落有咬口得嚟又唔會太韌。泰式蒜茸包蒜茸包啱啱焗好，好香好脆，用嚟點上面個黃咖喱真係絕配。馬拉盞炒通菜泰國人煮果然正宗啲，炒出嚟熱辣辣，相當有鑊氣，食落仲好惹味。鮮芒蟹肉炒飯炒飯上面曬滿蟹肉，撈勻之後食仲食到芒果肉同提子乾，味道幾豐富。桂花蘋果無諗過杯飲品係咁大杯，蘋果味道濃郁，唔會過甜。青檸梳打青檸梳打夠哂冰爽，仲可以中和下油膩感。

好耐無食過椰子雞 趁住得閒就埋朋友去食 餐廳主打由泰國人打理 可以食雞煲或者食泰國菜 出面好似比較少見有哩個組合(๑•̀ω•́)ノ🔺椰子雞煲 (半隻) $208姐姐一開始會將原個椰青刮好椰肉放落去 同埋倒椰青水落鍋 令到湯底夠哂椰香 湯底仲有竹笙 勁索味!! 飲落鮮甜之餘仲幾滋潤 放埋主角 雞落去岩岩好 雞肉好滑嫩🤤🔺手打墨魚丸 娃娃菜$58/$38手打墨魚丸係餐廳推薦配料之一 幾彈牙 有墨魚粒🦑面頭仲有好多蟹籽粒粒 娃娃菜都幾大盤 配埋椰子湯底好夾🔺泰式原隻燒魷魚筒 $109原隻燒得幾靚仔 切得幾均稱 配埋醬汁好食 燒得岩岩好 魷魚咬落係偏爽彈 🔺泰式酸辣鳳爪 $67份量比出面既酸辣鳳爪為多 相當惹味同開胃 好爽口 偏辣帶酸 🔺青檸梳打$36大大杯 幾粒青檸 幾有青檸味 梳打飲落透心涼💦 🔖做緊訂座優惠 訂座送串燒 (今次失策咗 walkin去食無串燒送😭 嗌原隻雞煲就會送日本和牛 多人食都幾抵

發現有間食泰式雞煲ge老闆經常有新菜式 非常適合周圍搵好西食嘅朋友仔嘩！今晚真係好多人嚟食 好熱鬧😀 有其中3款新菜式未印入menu：1️⃣芫荽波波2️⃣炸豬頸肉3️⃣口水雞⋯服務員超nice，會主動介紹最近有咩新菜式想食特別嘅泰式風味 一定要聽下店長介紹😀每期嘅特色都唔同㗎！因為實在太多選擇la⋯並且樣樣都想試tim😋⋯知道第一道芫荽波波小食賣曬後，我即刻唔執輸，好彩今次食到炸豬頸肉同口水雞💯下次真係要向餐廳book定先😆另外仲嗌咗d餸俾媽媽送飯我好鍾意食粉絲㗎～哩間將d粉絲炒得好彈牙，入口彈下彈下嘅感覺😁個菠蘿🍍炒飯超級無敵足料！每一啖都食到海鮮同fresh嘅菠蘿味喺粒粒飯裏面😋個雞煲用咗特製嘅泰式香料，真係泰廚先整到👍個味道真係令人 一食愛上！辣度固定咗，嗌定個椰青送雞煲一流喇～以上每道餸菜、小食 媽媽都話好食見佢食每道菜都真係充滿驚喜感，下次帶埋三姑六婆嚟一齊食！

Looking for a great chicken pot in Tai Zi? I recommend checking out 鼎豐雞煲泰國菜! I was amazed by most of the ingredients were in-house. They are doing a lot of deals rn, such as: if you get half chicken pot, they’ll gift a US prime beef. If you get a full chicken, they’ll gift Japanese beef dish. And every seat gets a one skewers! 😍 love a good deal! The overall atmosphere is great and really spacious. Alongside, they even serve thai food! 🌟🥘 Coconut Chicken Pot ($208/half) - I loved this dish. They

一間餐廳同時賣雞煲又賣泰菜幾有新意🇹🇭 入面地方光猛💡 卡位超闊落 晚飯時間座無虛席˜”*°•鼎豐招牌雞煲($188)(半隻)•°*”˜宜家雞煲做緊優惠🐔 食半隻雞送美國肥牛🇺🇸 食原隻雞就送日本和牛🇯🇵 好抵吖~ 美國肥牛擺盤精美 一碟都有六片 係高質靚牛 一啲都唔hea🐮˜”*°•即炸爆芝紫菜響鈴($79)🔔•°*”˜我呢個響鈴怪食雞煲點可以冇響鈴 但最怕遇到超級市場買到嘅嗰種質素 呢度可以放心 一籃六件嘅響鈴即叫即炸熱辣辣脆卜卜超鬆化🔥 入面包住流心芝士同紫菜 趁熱食同放湯食都一樣咁美味˜”*°•泰式柚子蝦沙律($98)🦐🥗•°*”˜除左鳳尾蝦 仲有好多好多櫻花蝦 鹹鹹香香酸酸甜甜 同時有好多味道充斥喺口腔入面 仲食到碎碎嘅椰絲🥥 好有泰式風味˜”*°•泰式青檸燒牛肉($98)•°*”˜燒牛肉賣相唔錯 不過老闆建議我地下次試下佢地嘅泰式燒豬頸肉🐷 佢話比燒牛肉更有特色喎食完先發現原來用openrice訂位係有優惠 送每人一串串燒 4位以上仲送半打㖭🍢🍢🍢

今日同朋友過咗嚟旺角度行街，行到夜晚嘅時候，忽然想食泰國菜，於是朋友推介咗我過嚟依間餐廳，原來餐廳除咗有雞煲食之外，仲有正宗嘅泰國菜🤩 一嚟到餐廳嘅環境好乾淨，座位都好闊落，而且店員超級熱情，勁nice仲係咁同我哋吹水，好有人情味😆 重點係呢度嘅嘢食好多元化，同泰國食到嘅味道都一樣，價錢仲要好平好抵食，我哋四個人嚟食大約人均$200-300，但係超級豐富！咖喱軟殼蟹配薄餅，超級正連殼都唔使拆，食得最方便我最推介嘅嘢食有海鮮冬陰功，材料超級豐富，裏面嘅海鮮全部都好新鮮，包括有魷魚、青口、草菇，而且冬陰公唔會太辣，落咗好多泰國香料，絕對啱香港人嘅口味🤩另外烏頭都超級正，底下有個爐熱住，味道好新鮮👍🏻你個串燒都係必食嘅推介，有齊豬、雞、牛肉，全部肉質都好鮮嫩，仲有沙嗲醬點住，100分嘅推介👅嘢飲都好有泰國嘅特色，例如我最鍾意有青檸同埋泰式奶茶，係泰國嘅味道啊💕依家訂座仲有串燒送！超抵見到張poster話叫半隻雞煲送美國肥牛，沿着雞煲送日本和牛 😯😯😯

#cassiegoprinceedward-大家身邊有無雞煲控嘅朋友？自問自己都係一個雞煲食過好多唔同口味，麻辣雞煲、芝士雞煲都食過。但最近發現太子有一間新開嘅餐廳，有泰國風味嘅雞煲，由泰國廚師主理，決定要去試吓！👍🏿-鼎豐招牌雞煲可以揀半隻$188，食完仲可以叫其他泰國菜試吓。成個雞煲一嚟到已經聞到好香，香料夠麻夠香！瘦編同朋友唔係好食得辣，淨係叫bb辣，辣度接受到又夠惹味，肉質好嫩滑！另外叫咗個經典泰國菜「海鮮冬蔭功」，酸酸辣辣好開胃，有齊多款海鮮，包括青口、大頭蝦、魷魚等。🦐-小食炸軟殼蟹香脆可口，幾厚肉，仲有啖啖蟹膏。馬拉盞炒通菜，鹹香味重，送飯一流。最後食泰國菜當然要飲返個鮮甜椰青做結尾啦。🤗-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 鼎豐雞煲泰國菜 (太子)📍 太子砵蘭街368-368B號耀中大廈地舖-

同朋友聚會成日都好難諗食咩菜或者類型嘅餐廳，打邊爐／雞煲／西日韓泰咁多都要啲時間諗，呢間翻新咗嘅鼎豐雞煲泰國菜就有齊泰國菜同雞煲，食完雞煲再打邊爐再食泰國菜，勁豐富。呢度仲有個牌寫住每日時令嘅海鮮，可以食得新鮮啲刁鑽啲。泰式特色雞煲（半隻）呢度有幾款唔同口味嘅雞煲，嚟到泰國菜餐廳就試吓泰式口味啦，雞件份量都唔少，有好多金不換同乾蔥所以聞落好香，食落調味都幾好，酸酸辣辣，好有泰式風味，幾特別😆如果想打邊爐食完雞可以加湯再抲打邊爐配料，呢日食唔落就無打到喇🤣🤣泰式青檸燒牛肉牛肉份量好多，生熟度剛好，幾腍有肉味，點埋酸酸地嘅醬汁好夾👍🏻咖喱軟殼蟹配蒜蓉包超級大份嘅咖哩，除咗蒜蓉包之外仲可以叫薄餅嚟送，咖哩夠香但唔辣，適合一家大細。軟殼蟹都有兩大隻，雖然浸滿咖哩汁但仲有啲脆口。蒜蓉包脆卜卜，送咖哩汁一流😋😋椰子冰、青檸梳打食辣一定要叫杯野飲，大大杯，椰子冰就偏甜🥥珍多糕、西米糕餐廳最後仲送埋甜品，雖然已經飽到上心口🤣不過食埋味道正宗嘅泰式甜品就更完滿☺️人均消費：$300推介指數（10分為滿分）：7.5分

近排好忙少咗出街食飯, 今日襯想完堂, 同朋友喺附近食個午餐諗吓好似好耐冇食過泰國菜, 我哋就去咗頂豐雞煲食嘢聽朋友介紹頂豐雞煲係由泰國人主理嘅餐廳, 廚師都係泰國人, 務求打造正宗嘅泰國風味<泰式豬頸肉沙律>天氣好熱, 想食酸酸辣辣嘅嘢我哋嗌左一份泰式豬頸肉沙律, 豬頸肉份量好多口感爽身, 配搭酸酸辣辣嘅泰式醬, 非常開胃<泰式海鮮冬陰功湯>唔知幾時開始, 大食妹已經比冬陰功湯嘅魅力所折服次次食泰國菜, 都一定要嗌碗頂豐雞煲嘅泰式海鮮冬陰功湯又酸又辣, 而且海鮮份量同種類都非常多<泰式石鍋雞>頂豐雞煲除咗做泰國菜外, 雞煲都非常出名因為晏啲仲有嘢做, 我哋只嗌左泰式石鍋雞試吓味泰式石鍋雞雞肉好嫩滑, 份量亦唔少, 裏面加入左多種香料, 一開頭食嘅時候比較淡味, 但愈煲愈麻辣而家雞煲做緊半隻雞煲送美國肥牛一碟, 原隻雞煲送日本肥牛一碟, 如果下次有多少少時間, 一定要黎試<泰式蛋包金邊粉>最後當然要食埋個泰式蛋包金邊粉先至夠圓滿泰式蛋包金邊粉嘅份量超級大, 大食妹覺得夠三四個人食味道酸酸甜甜, 比較大眾化<龍眼冰&

一間餐廳可以滿足你兩種口味☑️今次介紹一間食雞煲又得泰菜又得嘅餐廳‼️必點雞煲✅亦有幾款口味可以揀現凡惠顧原隻雞煲，即送日本和牛一碟，價值$𝟒𝟔𝟖，好似我叫半隻雞煲都有優惠架，送美國肥牛一碟‼️另外訂枱就送串燒，咁多優惠又點可以錯過，快啲打電話約人食飯兼訂枱喇📞▫️半隻雞煲 $𝟏𝟖𝟖足夠兩人用嘅半隻雞煲，份量都唔少👍🏻香麻辣嘅口感真係令人食唔停口👅嫩滑嘅雞件吸收哂醬汁精華，非常惹味😋▫️泰式海鮮冬蔭公湯 $𝟏𝟎𝟗足料海鮮冬蔭公湯，酸辣又開胃，不過略重手咸咗少少，但整體都唔錯▫️泰式炸蝦餅 $𝟗𝟐食泰菜點可以唔叫炸蝦餅，用新鮮蝦膠打成，彈牙又爽口😋▫️泰式串燒沙嗲 (半打) $𝟗𝟖串燒有豬牛雞，可以自由配搭，各兩串唔該🤗燒得焦香有水準，配埋沙嗲醬更令入口層次更豐富👍🏻📢最後送咗甜品比我哋，係我最鍾意食嘅椰汁糕呀😋

同朋友兩個人揀左呢間泰式雞煲本身睇食評諗住試下佢個打邊爐見做緊promo😍-半隻雞煲 送美國肥牛一碟-原隻雞煲 送日本和牛一碟But見到因為話係泰國人主理，主打正宗泰國菜👏🏻所以就三心兩意揀左泰菜Op訂座送泰式串燒沙爹😍😍😍熱辣辣 一串串交叉搭住咁擺盤 口感唔錯 沙爹汁夠惹味 蝴蝶腩冬蔭功清湯呢個湯唔係餐牌到 係鋪面個廚師推介牌上面先有平時食泰菜飲東冬蔭功就飲得多 都係海鮮＋辣辣地咁冬蔭功清湯就第一次試 呢個湯係用豬既蝴蝶腩煮D肉整得好冧 又吸哂個湯既味 非常值得一試甜酸羅非魚次次食泰菜都明爐烏頭 今次同朋友揀左呢個羅非魚呢個菜有少少似係松鼠魚D FD但值得讚既係 成條魚起哂肉 炸脆左個魚骨做籃裝番D魚塊配菜除左三色椒洋蔥菠蘿 仲落左青瓜片 意外地夾椰青好飲其實仲有好多特別野想試 好似 莞荽泡泡 炸鯖魚 不過得兩個人唔想食唔哂嘥野 下次再ENCORE

食過幾次晚餐，第一次去鼎豐食午餐，話說上次去食晚餐見到佢貼咗午餐85折，好奇佢午餐有咩食嘅我就趁放假過去食返餐🤪午餐都算多選擇，有日替わりメニュー，有泰式船河，有中式蒸飯，完全唔貴，折咗包一杯嘢飲同一碗湯，都係$50 有找。飲品仲可以揀我最愛嘅泰式奶茶🥰🥰🥰每日轉嘅泰式粉麵飯都唔錯，不過星期日冇得食🥲中式蒸飯我就一般般，似住家餸，同埋因為係即叫即蒸，所以要等😅😅於是我叫咗船河，船河淨係湯底都有三、四個揀，餸又有勁多款，搞到我呢啲選擇困難症揀咗勁耐🤪其實想食傳統船河湯底，但又想飲冬蔭功湯，所以最後都係揀咗冬蔭功湯底😆平時就咁叫一個冬蔭功湯就貴，跟船河叫只要加$5 就有，我覺得好抵😋😋而且勁足料，有哂冬蔭功啲料喺入邊，有蕃茄同菇😋男朋友叫傳統船河湯，我試咗兩啖，入邊啲配料同我嗰啲完全唔同，佢有炸豬皮同金不換，大廚一啲都無hea 我哋🤣本身揀豬頸肉加魚片頭，但係唔知點解呢兩款餸冇得雙拼（可能魚片頭太貴🥲）於是男朋友好醒咁揀咗鴨肉拼豬頸肉，等我有得食😂佢哋嘅豬頸肉又係好好食，平時夜晚去食會叫佢嘅豬頸肉泰式沙律，午餐加$9就可以食埋，又係好抵嘅一個選擇😍😍😍另外仲可以加配泰式小食， 加10幾蚊就

鍾意食辣雞煲嘅朋友要留意啦！今次嚟到太子鼎豐雞煲泰國菜，一入門口就聞到雞煲嘅麻辣香味，成個人即刻醒神晒！ 😋 老細詳細為我地介紹四種特色雞煲，我哋就揀咗招牌雞煲，現凡惠顧原隻雞煲，即送日本A4 和牛一碟(價值：$468)，另外打電話訂枱另外送每位一串串燒添！🍢講返個鼎豐招牌雞煲先，雞煲送到上嚟嘅時候，已經聞到配料嘅香味，鍾意食辣嘅朋友就啱啦！❤️‍🔥 不過老闆話，佢哋係好足料，唔似坊間其他嘅雞煲，所以建議其他朋友仔上嚟試吓細辣先會好啲 😝 食落啲雞真係好滑，調味麻麻辣辣咁，食得好過癮喎！由於我哋係挑戰中辣，所以都要飲返啲嘢，呢度有唔同嘅飲品供應，男士當然唔少得青島啤酒($25)啦，而女士亦可以揀選唔同嘅泰式特飲，今次就揀咗泰式龍眼冰($36)，飲落好清甜，用嚟配襯雞煲一流！ 🥤食完雞煲，準備打邊爐啦，我哋試咗推介嘅即炸爆芝士紫菜響鈴($73)🔔 一上碟已經見到佢脆卜卜，配襯埋入面嘅紫菜，又出奇地夾倒喎，值得推介！ ❤️另一推介係手打蝦丸($58)🦐呢間餐廳都係好細心，知道香港人鍾意食多啲試多啲，所以好多打邊爐配料係可以叫半份㗎🤪  蝦丸系勁彈牙，老土啲講句「真係好有蝦味」，呢款配料一定要試

泰國餐廳竟然有雞煲食🐔🐔 滿足哂你多個願望😌 雞煲 火鍋 泰菜不論泰國菜定雞煲都十分高質 而且好大碟😋餐廳係泰國人主理同泰國廚師🇹🇭 主打正宗泰國菜🇹🇭而家仲有優惠🤩🤩 訂座優惠送串燒🍡半隻雞煲送美國肥牛一碟原隻雞煲就會送日本和牛一碟泰式石鍋雞🐔泰式嘅特色雞煲有別於傳統嘅雞煲 呢個石鍋雞係酸辣嘅口味一上枱已經聞到超香 落左好多配料 包括乾蔥同金不換 超級惹味個汁好香濃 啲雞完全吸哂醬汁嘅精華 雞肉好嫩滑😍兩個人叫咗半隻雞嘅份量已經好足夠😋鍾意食辣嘅朋友仔一定要試下😎咖哩軟殼蟹🦀 呢個超好食😋 而且超級大碟 軟殼蟹都有大隻咖哩好香 一啲都唔辣再配上泰式蒜蓉包🧄 一碟有四件😌脆卜卜 好香蒜蓉味🥰 配咖喱食一流除咗蒜蓉包仲可以揀薄餅泰國芫荽炒豬頸肉除左一碟芫荽炒豬頸肉外餐廳用泰國芫茜俾客人包住豬頸肉嚟食就好似生菜包一樣😎用泰國芫荽包住豬頸肉嚟食 可以中和返啲辣😎份量仲好多添 食極都仲有😋😋去到泰菜餐廳 點可以少得飲泰式飲品🥤我地叫左三色冰同椰青三色冰好大杯😂 椰汁味幾重 落足料 超抵飲👍🏻👍🏻

好少有餐廳可以有雞煲同泰國菜一齊食😗呢間餐廳係泰國人主理，係用泰國廚師😚依加做緊半隻雞煲送美國肥牛一碟，原隻雞煲就送日本和牛一碟😳平時多數都係食炒嘅雞煲，見到有椰青雞煲就叫咗個嚟試下😚#泰國椰青雞煲 (半隻 $208) 😋好味指數：(7.5/10) 個湯底一上到嚟已經有椰子肉﹑竹笙同杞子。之後店員會拎個椰青嚟，倒入面嘅椰青水同起埋啲椰肉去個煲到🥄滾起之後落雞，計時5分鐘之後就可以飲湯再食雞肉🐔個湯好鮮甜，雞肉又滑😍佢地送嘅美國肥牛都ok，有肉味😛#泰國芫荽炒豬頸肉 ($128) 😋好味指數：(7.5/10) 第一次食泰國芫荽，用嚟炒豬頸肉好香，越食就越辣🤣另外有一啲生嘅芫荽，可以夾埋一齊食😚#豬肉碎生菜包 ($99) 😋好味指數：(7/10) 每次食泰國菜我都一定會嗌生菜包😗炒得酸酸辣辣嘅肉碎真係好惹味😋不過都係越食就越辣🤣另外仲嗌咗杯龍眼冰($36)，好大杯🤣