龍圖閣海鮮飯店

营业中

休息中

尖沙咀龍圖閣美食之旅尖沙咀龍圖閣位於繁華的尖沙咀，是一家充滿地道粵菜風味的餐廳。我們一行四人在此品嚐了多款美食，感受到了廣東風味的魅力。首先，我們品嚐了小炒王。這道菜色香味俱佳，配料豐富，包括韭菜花、蝦乾、菜譜和肉碎等。炒得恰到好處，保留了食材的口感，讓人回味無窮。接著，我們嚐到了清爽可口的涼拌魚皮。魚皮薄而富有彈性，搭配上香辣醬汁，口感層次豐富，微辣的刺激，讓人胃口大開。酸薑流心皮蛋則帶來了一種別樹一幟的滋味。子薑的酸辣與皮蛋的濃郁口感相互融合，形成了獨特的風味。流心部分則是驚喜連連，為整道菜增添了豐富的口感層次。蒜香雞香味四溢，雞肉烹調得恰到好處，保持了嫩滑口感。濃郁的蒜香與雞肉完美融合，讓人欲罷不能。鹹魚蝦膠煎肉餅則是一道充滿家常味的佳餚。肉餅煎得外酥內嫩，蝦膠和鹹魚的鹹香味道恰到好處，不膩口，讓人回味無窮。最後，我們品嚐了豉油王炒麵。這道菜的麵條口感彈牙，豉油醬汁濃郁可口，配料豐富，讓人大快朵頤。總之，尖沙咀龍圖閣的美食絕對值得一試。這裡的粵菜地道風味，讓人陶醉其中，滿足了我們對美食的憧憬。

星期四晚和三位朋友到尖沙咀的龍圖閣享用晚餐,龍圖閣是香港一家知名的廣東菜酒家,地點方便,服務周到,食物也同樣地道可口。首先上桌的是小炒王,新鮮韭菜花，蝦乾，菜脯，鮮魷魚炒成,鹹鮮味十足，港味濃郁。涼拌魚皮爽口,魚皮的鮮嫩與拌料的川辣適度,是餐前最適合的開胃小吃。酸薑流心皮蛋是我的最愛,皮蛋流心而不過熟,酸甜的子薑,爽口之餘還帶有濃郁的薑香,回味無窮。其次是蒜香雞,雞肉滑嫩,蒜香味道重而不膩,搭上一口白飯是最完美的組合。 鹹魚蝦膠煎肉餅層次豐富,鹹魚的鹹鮮,蝦膠的爽彈,肉餅的香脆,三者結合在一起,滋味無限。 豉油王炒麵生麵扎實Q彈有嚼勁不油膩,豉油的香味與炒麵完美融合,麵條散發出陣陣豉油香,誘人的味道令人難以忘懷。整個晚餐過得極愉快,龍圖閣的食物都做得很道地和美味,是享受正宗港式的好地方,強烈推薦!

美國朋友返左嚟，就帶左佢去我其中一間最鍾意食嘅粵菜😍佢食完今晚餐飯後，係咁話香港嘅野食真係好食好多😝一定要食呢度嘅砂窩沙薑雞煲🤩從未食過咁樣嘅煮法，用煮雞煲嘅方法去整沙薑雞，咁樣嘅沙薑味特別香濃😋嗜辣嘅美國朋友仲點左個水煮牛❤️呢個水煮口味有幾個層次😍令我哋都要追住嚟食，個後勁辣度真係不得了😋椒鹽白飯魚條條都脹卜卜，而且一啲都唔油膩，炸衣緊抓住白飯魚，唔會甩皮甩骨👍🏻係最正嘅伴酒小食❤️

最近約親啲朋友食生日飯，佢哋都揀食中菜可能之前經常都係食西餐或打邊爐放題，食到無哂新意呢間中菜館嘅菜式好有自己style，一食就知好有heart❤️「川式水煮牛」呢度嘅水煮味道同平時食嘅好唔同，除咗花椒香&辣味之外，仲多左份獨突嘅香味侍應一放低就已經聞到勁香牛肉片係有軟彈嘅口感🍲「砂窩沙薑雞」呢道菜又係好特別平時食開嘅沙薑雞都係純粹沾沙薑汁，但呢度係會先爆香啲雞，再配上第製沙薑汁，成件事更香更入味啲雞真係又滑又好味「百花馬友鹹魚蝦膠煎肉餅」識我嘅人都知我唔鍾意食鹹魚，但壽星女又好想食喎點知一嚟到，個香味竟然吸引我試食左一啖，係香味多過鹹味的一啲都唔死鹹令我對馬友鹹魚改觀左❤️單單呢3道菜已經令我哋非常回味我相信其他菜式都會有驚喜‼️下次要再嚟食先～～

公司比錢食餐好，朋友推介尖沙咀呢間，舊式小小但口啤很好；我哋嚟到搵侍應發板，侍應好好招呼，先來一個黃金魚皮脆卜卜開開胃，食指大動，跟手有蟹超多蟹膏好好味，聖子大大隻香噴噴，成班友仔狼吞虎嚥，大家邊食邊飲，呢間酒樓氣氛很好，檯檯都唱談人生咁款，不亦樂乎，仲有佢哋嘅糯米飯都是必食之選，出面酒樓好小做得咁香，跟手唔夠飽比多一個炒麵，唔好以為一般炒麵，可以9秒9清曬，真係唔講得笑，結果食到飽飽，加埋酒水，飲飽食醉，一個愉快的晚餐。

龍圖閣位於漆咸道的熱鬧十字路口，帝後廣場一樓位置雖方便，卻離奇地隱世，星期日的晚上仍可以以OpenRice book位。餐廳整體裝潢有老粵菜，舊香港的味道。見老細去到每一台敬酒，感覺有點似誤闖私人禁地。😂不過其實老細好Nice，開餐廳是為了承傳父親的味道🥹1️⃣ 海鮮魚香茄子煲熱辣辣上菜，傳出陣陣香味海鮮的份量都算幾多但係真係未食過有魷魚的魚香茄子煲，各種的海鮮都有一件，調味不錯，不會太鹹2️⃣ 菜乾豬肺湯每一碗都有豬肺及菜乾‼️用料十足‼️係用真空煲煲，豬肺一啲都腥，真正老火湯味道👍🏻3️⃣馬友鹹魚蝦膠煎肉餅肉餅外皮煎得十分香口蝦膠零口感更豐富彈牙可惜馬友鹹魚真係太鹹不過送飯一流但食就要送啤酒😂😂😂4️⃣椒鹽九肚魚查出來的顏色比較淺色，仲以為係唔夠火候，即刻比屋企人笑😝原來係啲油夠新鮮先可以炸到咁靚嘅顏色（失敬失敬）九肚魚夠大條，每一啖爽脆唔會太鹹，就咁食都可以一個人食晒一碟5️⃣淮山百合炒勝瓜清清淡淡，淮山同埋百合夠爽脆唔錯👍🏻6️⃣金沙蒜香雞雞醃得非常入味雖然都係冰鮮雞，但係勝在夠大隻，冇雪味，熱辣辣上😍皮脆，肉又夠多汁7️⃣糯米飯糯米飯OK食落糯米飯似係翻蒸，淋同濕左少少❇️總括❇️樣樣野食都唔錯‼️嘢食夠大碟，熱

呢間食店，地點有點難揾， 係轉角位上一層。入口唔起眼，差D行過咗，個商場好舊。需上一層自動電梯間食店應該開咗好耐， 佢用屏風間開咗埋邊大部份，但又唔好多客係入面， 聽到好似有一，兩枱熟客係入面，因為佢哋好大聲。酒樓只係留返入門口幾張枱，我哋一行 6人 就係坐門口旁的枱，環境就係麻麻，一坐低就聞到啲地毯噏味，當時真係好想打退堂鼓。不過後來朋友來咗，所以就作罷。馬友咸魚煎肉餅，味道香口，唔錯。椒鹽九肚魚炸蝦球西蘭花鮮魷魚珊瑚蚌，朋友食第一口珊瑚蚌質感好硬，我食直情有酸味，變壞咗。 通知侍應，佢話海鮮好易變壞，換另一款比我哋。 就係换咗以下呢款，改咗帶子。脆皮雞豉油王炒麵，夠乾身，味道唔錯。芝麻糊，味道一般，好稀。整體食物係可以，價錢唔算貴，但係環境真係一般，侍應生冇乜服務，唔會考慮再去。

補寫食評用餐日期：2022年1月1日 星期六我家有個習慣，每年元旦吃頓豐富的晚餐，為新的１年開個好頭。2021 元旦，受COVID--19第４波疫情影響，全港食肆禁堂食；今年可以外出慶祝，特別開心！🥂2022 元旦晚餐，我們點了以下的：#普洱茶：14元/位，茶色很深，但茶味不濃。#懷舊蝦多士：38元/件，最少點４件，吃着有點油膩。#XO醬炒蟶子皇：260元 ４隻，蟶子皇肉厚，配XO醬，炒得夠鑊氣，好好味！#銀紙芝士焗海鮮：魚柳、蝦仁、蟹肉、魷魚，配鹹香的芝士，好吃！加了大量洋蔥，吃着不覺膩。#蒜香燒雞半隻：雞肉有點柴，一般。#黑椒無骨豬手：不太入味，一般。#上湯海鮮雜菜煲：料足，份量足，喜歡！#臭草綠豆沙：送的甜品，為豐富的元旦晚餐添個 happy ending，讚！

認真食過咁多間中菜，好少食過真係又好食、又高質個鐘。呢間龍圖閣如果叫我第一樣推介一定係佢哋嘅羊腩煲，因為佢哋唔係用冰鮮嘅羊腩，而係用新鮮羊腩整出嚟，所以讓羊味特別濃口。第二推介就係佢哋嘅豉椒炒聖子，聖子非常厚肉，而且好新鮮，我哋一落單，師傅先生先開殻去沙，而且抄得好有鑊氣。同埋一定要點嘅就係佢哋嘅金牌炸子雞，價錢真係唔係好貴先100幾，但係佢哋炸到外脆內滑。呢度我每次去到呢間餐廳，係一定會點必點！

好一段時間沒有跟家人出外用餐了，為了方便大家的工作地點，妹妹選擇了尖沙咀這間酒家，可以坐得舒服，又能享受美食，地點非常接近地鐵站，快捷方便。椒鹽白飯魚 白飯魚炸得酥香脆口，不腥不帶骨，椒鹽非常惹味，粉漿夠薄，炸起 依然是完整脹身的。鹹菜胡椒花甲 六隻大花甲，鮮味非常，胡椒香辣又暖胃，加上粉絲把湯的鮮味盡吸，非常推薦!沙薑焗雞 好大一個砂鍋，很香，份量很多。雞肉肉質細嫩可口，雞味濃郁，炒至金黃色的， 雞件油脂溢出，非常香口。蝦乾花膠浸勝瓜清爽鮮甜的一道菜，乾蝦鹹鹹的，恰好為勝瓜調味，勝瓜爽甜脆口，花膠軟腍又不腥，不錯!豉油王炒麵 炒麵炒得夠鬆，每條幼麵都沾上豉油汁，色澤均勻，炒麵爽口彈牙，不油膩又乾身，味道又不會太鹹，剛剛好，還有洋蔥香蔥，更加提味。鹵水鵝肝併鵝腸厚厚的鵝肝塊，味道柔嫩清香，鹵水香味充斥口腔內。 鵝腸超爽口有嚼勁，越吃越有味道，非常入味。鹹魚煎肉餅肉餅煎至兩邊香脆，淡淡的鹹魚味道， 又不會煎至太乾，保留了一點肉汁，必吃之一。

今日一家到尖沙咀，順道係個邊食埋晚飯，就返老爸揀中菜😚，揀左龍圖一試。🦢鹵水鵝肝併鵝腸鵝肝質感好軟綿，係好軟綿，正！又唔會食到成口油，索晒滷水汁，味道回甘☺️鵝腸雖不至於勁爽口，但都好食，好入味😋咸菜胡椒花甲花甲好大隻，冇沙又鮮嫩，滑嘟嘟，胡椒咸菜湯好醒胃，又唔會嗆喉，飲飲下飲晒咁濟😋🐟椒鹽白飯魚炸得好酥脆可口，外脆內嫩，必食🥰🐓沙薑焗雞原隻(煲上）一端上香氣四溢，令人食指大動，每件雞都入哂沙薑味，雞肉又嫩滑，京蔥又爆到脆卜卜，正🥰豉油皇炒面(用生面）呢個麵好岀色，唔會炒到油笠笠，麵條爽口又彈牙，每條麵都上哂色，好夠味又唔會好鹹，我哋爭住食😂🐷鹹魚煎肉餅爸爸愛鹹魚，呢個未食過呀，肉餅煎至外層金黃色，咬開好juicy，鹹香撲鼻，混合豬肉去煎原來都幾夾幾特別，鐘意鹹魚香嘅人可以試下😙🍤蝦干花膠浸勝瓜有花膠㗎，個上湯好清甜，勝瓜又好爽口呀，食左咁多煎炸嘢食番個清清地嘅菜式去解下膩感🥰最後仲有糖水送，係薏米豆奶，好正呀，濃稠度適中，入口又順滑，薏米都唔少，口感增添不少呢♥️

來到這間酒樓感覺古典，以古色古香的屏風來分隔每一張檯，很有私隱，在疫情下感覺食得放心。點了尖椒釀九肚魚，廚師先把九肚魚去骨後釀入尖椒裡再用麵粉黏上後炸脆，香口爽脆；金沙炸魚皮，熱辣辣卜卜脆；水煮牛肉，菜中牛肉片嫩滑有嚼感，配了大豆芽丶 芫茜丶蒜子丶黃芽白等等， 這碟菜麻辣味重，香味濃郁，又有咬感，果真是特色傳統四川名菜譜之一。砂鍋沙薑雞， 皮爽肉嫩，味道香濃，肥而不膩，有嚼勁；上湯浸莧菜，蒜子炸至金黃色， 味道清甜，這道菜既健康又美味。富貴炒飯， 以海鮮為主混合蛋白一起炒，不油膩，很惹味呵！ 最後送上生磨芝麻糊作甜品。其實每碟菜端出來時也熱騰騰值得一讚。

晚上應友人之約走訪這藏在鬧市的中菜館，店内佈置好古典味，枱間以懷舊中式屏風分隔，私隱安排十分巧妙👏👏先來了兩個小食: 尖椒釀九肚魚，把九肚魚肉去骨釀在尖椒内再炸脆，外香酥內軟滑，魚肉混和青椒菜味好有味感😋😋金沙炸魚皮，炸得脆卜卜，入口有聲，香而不膩，佐酒必選😋😋主菜有:水煮牛肉，大大一盤足四人用有餘，麻而不過辣，牛肉嫩滑，墊底菜蔬好入味😋😋砂鍋沙薑雞，香噴噴的雞件和配料置砂鍋内上枱，肉質鮮嫩味美，厨師調校火候水準高😋😋上湯浸莧菜，鲜甜湯底加上脆嫩菜苗，入口味道清新，正好中和剛才主菜，牛肉及雞肉的濃味😋😋主食是，富貴炒飯，單看此菜名字已預期用料必足，果然熱騰騰的飯底内放入蝦肉粒，帶子粒, 瑤柱絲及蛋白快炒，味感口感不言而喻，我雖已肚滿亦吃了一大碗😋😋👏👏這頓享受的晚餐在甜品生磨芝蔴糊後終結👏

這間帶點懷舊感的龍圖閣海鮮飯店，晚市都很爆場，而且見很多人叫海鮮，有自己䙳缸，海鮮十分生猛。椒鹽白飯魚：白飯魚炸至金黃香脆，即使食到最後都保持脆口，粉漿又夠薄，十分惹味。砂鍋焗雞：焗雞以砂鍋盛載，以西芹、葱等爆炒的雞件，炒至金黃色，而且很香口，雞件油脂滲出，加上火喉控制準確，所以雞件依然保持嫩滑。豉油王炒麵：炒麵用了幼麵，每條麵條都沾上豉油汁，色澤均勻，而且加了洋葱等配料，炒麵爽口彈牙。南瓜西米露：淡淡南瓜香味，西米煮至腍身，而且甜度適中。

這間位於尖東的飯店，有多款懷舊小食及特色功夫菜，晚市多以家常小菜為主。麻辣鴨舌鴨舌以青瓜墊底，麻辣味入口後慢慢滲出來，鴨舌入口離骨，吸收了麻辣香味，非常刺激。煎鹹魚肉餅肉餅煎至兩面香脆，中間有淡淡咸魚的咸鮮味，肉餅不會太乾，保留了肉汁，是必食之一。琵琶豆腐份量十足，有十件之多，表面炸漿不算厚，中間魚肉混合豆腐，質感帶點彈性，而且嫩滑，下面以白菜仔墊底，蠔油汁不會過咸。最後還送上南瓜西米露作結，南瓜香甜好味。