龍圖閣海鮮飯店

营业中

休息中

這間位於尖東的飯店，有多款懷舊小食及特色功夫菜，晚市多以家常小菜為主。麻辣鴨舌鴨舌以青瓜墊底，麻辣味入口後慢慢滲出來，鴨舌入口離骨，吸收了麻辣香味，非常刺激。煎鹹魚肉餅肉餅煎至兩面香脆，中間有淡淡咸魚的咸鮮味，肉餅不會太乾，保留了肉汁，是必食之一。琵琶豆腐份量十足，有十件之多，表面炸漿不算厚，中間魚肉混合豆腐，質感帶點彈性，而且嫩滑，下面以白菜仔墊底，蠔油汁不會過咸。最後還送上南瓜西米露作結，南瓜香甜好味。

繼續報復性飯局，約左喺尖咀做嘅舊同事黎龍圖閣食飯，哩間中菜館雖然唔係連鎖，不過因為喺哩區都有一段歷史，所以喺附近返工嘅打工仔都知。中菜館店面其實唔細，不過就用屏風將空間隔開，所以私隱度都高。茗茶$14/位，晚市除左茶樓常見嘅海鮮同各式小菜，仲有多款川味小菜，好似辣子雞、水煮牛肉、麻辣雞煲......等等。懷舊手打蝦多士($38/件) - 蝦多士炸到好脆但唔會成口油，上面嘅蝦肉好彈牙又香蝦味，就算呂蘸另附嘅甜酸醬都好味。沙薑雞($188/半隻) - 半隻份量都幾多，雞肉唔會太鞋醃得入味，鹹鹹香香好惹味。鮮淮山百合炒勝瓜($108) - 哩度嘅蔬菜款式都算多，唔係淨得普通清炒或者上湯。哩個淮山百合炒勝瓜淮山唔會太熟仲好爽口，百合清甜唔會太粉，清清地都唔錯。雪耳糖水(免費) - 最後仲有糖水送，除左雪耳，仲有龍眼同杞子喺入面，唔會太甜幾潤喉。總結，野食唔錯，碟頭都大份，每枱唔會太近，座位闊落，用屏風相隔似包箱私隱度高，啱一大班朋友聚會。

As we were not feeling very hungry and wanting to eat Cantonese cuisine, we suggested Fresh Seafood Restaurant. It was located at Chatham Road South, couple of minutes walk from Tsim Sha Tsui MTR.The restaurant was spacious, with ancient partition boards separating those tables. They served a wide range of Cantonese cuisine, ranging from seafood, meat, vegetables, soup, appetizers, rice, noodles and drinks etc. Fried fish skin in salted egg yolk sauce - Fish skin was fried till very crispy, thin

第一次去呢種古色古香嘅飯店，呢間位於尖沙咀嘅《龍圖閣海鮮飯店》的確可以食到懷舊風味👍🏻👍🏻!🐟流沙魚皮～即點即炸已經好香又脆口，再加上蛋黃味道，就更加惹味，食唔停口👍🏻👍🏻！🐷馬友煎肉餅～樣子看似簡單，味道確實不錯，肉質細嫩的肉餅，再與咸香味濃既馬友一齊煎香，層次與味道都提升了不少😋😋！🐮水煮牛肉～最愛牛肉特別鮮嫩，加上香麻與椒香味，🌶辣得惹味，越食越上癮😬！🧅豉油皇炒面～用生麵製作，麵質特別幼細，最重要係夠晒鑊氣，簡單加點配料，不油不膩，夠乾身，誠意推介，必食🥰🥰！

媽咪想食中菜，今日就帶佢嚟位於尖沙咀（龍圖閣海鮮飯店）入到飯店很有古色古香的風味，店員安排入座後就介紹店舖的特色菜式，最後我們選擇了三個主菜+1個炒麵😋水煮牛肉這碟牛肉色香味俱全，辣度對於一個唔食辣嘅人都可以接受，牛肉切得好薄好嫩滑，配菜油娃娃菜和芽菜，這兩款菜都很吸湯汁的，所以好入味好好食！流沙魚皮魚皮的份量不少，每一件都炸得香脆可口，再加入鹹蛋黃，鹹鹹香香食唔停口。沙薑焗雞（半隻）雞肉先用西芹和洋蔥炒過所以比較香口，再放入沙薑焗一焗更加入味，雞肉都好鮮嫩多汁😋豉油王炒麵炒麵炒得好有鑊氣，用甜豉油去炒，甜甜地都幾好食。最鍾意佢嘅麵條好幼細容易入口，再加入少少辣醬去點綴食更加好味😋

今晚同老友記撐枱腳，一於去吃尖沙咀食中菜。 餐廳地方不算太大，但環境舒適。在濃濃的中國風情裝潢下品嚐傳統川菜，感覺份外親切！水煮牛肉～整體風味麻辣香濃、味道厚實而不膩的水煮牛肉，入口後在嘴裡的多層次味道和餘味繚繞不去，令人回味！百花馬友咸魚蝦膠煎肉餅～首次品嚐這道特色菜，肉餅微脆內嫩，馬友咸魚鹹香惹味。一道簡單菜色已包含了地方特色配料，必食！椒鹽白飯魚、 茄子～ 椒鹽白飯魚有中國炸薯條之稱， 鬆脆香口，略帶微辣，可口美味！麻辣牛舌～川味醒胃、麻辣入味、牛舌嫩滑入味！流沙炸魚皮～甘香鬆化，佐酒一流，令人無法停口！水晶松花皮蛋～水晶皮蛋好吃到流口水，晶瑩剔透，凉拌至愛，口感鮮嫩爽滑，入口即溶！餐後酒樓為我們送上南瓜西米露，甜味適中，溫順清膩，非常有心思！

一間不起眼！但絕對色香味俱全的小店「龍圖閣」海鮮飯店！第一道：咸菜胡椒托托蜆！味道一流，托托蜆鮮甜，清一清味蕾最佳！第二道：金沙椒鹽新鮮白飯魚拼椒鹽鮮魷！脆香可口，配酒佳絶！第三道：百花馬友蝦膠煎肉餅，馬友咸香，非一般煎肉餅，食完一舊接一舊！第四道：金沙蒜香雞！外脆內嫩，不多油！必食之選！第五道：麻辣水煮牛肉！一試便上癮，越食越想食，完全停唔到口！最後：豉油王炒麵！麵爽簡約，食回兒時的感覺！總結：食海鮮、抄小菜，龍圖閣必食之選！

今晚十六人飯局. 食家朋友 “強記” 推介 “圖龍閣”. 老老實實, 由於時間緊迫, 搵到個市中心地方有房有枱已經Ok, 冇乜期望.🥢 講下餐廳環境, 我諗起一個字 “風韻猶存”, 裝修明顯經過歲月催殘, 都仲睇到原裝典雅嘅中式格調. 大廳以4-8人圓枱為主, 用餐當日部份位置以屏風隔開. 我哋訂咗包房, 兩張8人圓枱. “強記” 預早搵餐廳寫好菜單, 十一道菜.🥣 金銀菜燉新鮮豬肺湯. 即係菜乾湯, 夠火喉, 水準之上. 豬肺超讚!🐚 XO醬蟶子皇. 爽口, 豉椒味OK, 好似食唔到XO醬味.🦐 手打炸蝦丸. 彈牙, 保留到蝦味.🤗 百花馬友蝦膠肉餅. 應該係鎮店菜式之一. 肉餅冇乜肥肉, 但可能因為落咗蝦膠, 唔會鞋口. 馬友鹹香味道吸引. 因為呢個肉餅, 叫咗碗白飯, 一流!🐂 韭菜花蝦乾爆牛肩肉. 我隔離個飯友大叫咗一聲 “牛肉好好食呀”.🐚 蒜蓉粉絲蒸北海道扇貝. 扇貝啱啱好熟, 蒜蓉味道唔錯. 讚!🦀 籠仔糯米蒸蟹飯. 賣相加分. 蟹肉同糯米飯其實各自各精彩, 蟹肉正常, 糯米飯唔會太黏身, 味道不俗.🐟 清蒸海魚. 正常.🐓 黃金蒜香雞. 食到呢度我已經好飽, 好食嘅.🍀

今晚和朋友到了尖沙咀尋找懷舊口味！龍圖閣海鮮酒家古樸装修，帶出了懷舊菜式風味，令人一是難忘！水晶松花皮蛋看到已流口水既松花皮蛋，晶瑩剔透、醒胃凉拌😋😋😋，口感鮮嫩爽滑，入口留香🤤🤤🤤。馬友煎肉餅富有獨特的霉香味馬友，肉質細嫩，再與肉餅一起煎香，味道確實難以抗拒！👍🏻椒鹽白飯魚、 茄子雖然邪惡，但我喜歡😘香口酥脆白飯魚，帶點點鮮甜；椒鹽茄子，外酥內嫩，保持茄子獨特茄味，最適合座酒。水煮牛肉川菜裡的水煮牛肉，無論是鮮嫩的牛肉片或是香麻的花椒香辣口味，總讓人留下深刻印象😘😘。豉油王炒麵精心推介，不油不膩，味道洽配，吃多多也不夠。南瓜西米露一碗再一碗的迷人南瓜🎃西米露，以回味的說再見👋🏻。非常滿足的一晚😘👏🏻😋😋

晚市堂食終於開返，今晚路經此地，入去呢間飯店試吓小菜先入到去佢地熱誠態度，招呼非常好👍🏻胡椒鹹菜托托蜆蜆好新鮮，厚肉，配胡椒鹹菜芹菜⋯⋯無得頂，啖湯一定要飲，好鮮味馬友蝦膠煎肉餅煎肉餅試得多，但加左蝦膠第一次試，又係招牌菜，好香鹹香味，煎到香噴噴，冇得輸椒鹽白飯魚、鮮魷我屋企好鍾意香口餸，呢款滿足到佢哋，脆卜卜水煮牛肉屋企人話食咁多度地方，最好食呢間“水煮牛肉”因為佢夠麻夠辣⋯⋯牛肉多金沙蒜香雞皮脆肉滑，我鍾意豉油王炒麵今晚真係冇黎錯⋯⋯下次再試其他嘢

今次老婆生日非常高興！得到好多好朋友同佢預備及慶祝！去我哋最喜歡嘅餐廳🎈🎈龍圖閣🎈🎈🎈仲俾咗一個驚喜俾我老婆添⋯⋯叫我個乖囡來餐廳佈置氣球🎈⋯⋯搞到個氣氛非常歡樂！個女仲俾咗驚喜將啲錢放在氣球上徐徐升上！搞到我老婆超開心🥳⋯⋯餐廳食物質素相當高⋯⋯而且所有嘅食材都好新鮮！價錢實惠！應該講係超值！蒜蓉粉絲蒸扇貝扇貝非常鮮甜！特製蒜蓉醬汁粉絲吸收晒所有嘅鮮味！超正⋯⋯豉椒炒蟶子皇蟶子皇非常新鮮！而且超大隻！師傅炒到得非常出色！菠蘿咕嚕肉外脆內軟⋯⋯而且保留肉汁，醬汁超惹味！東星斑條魚蒸得好靚！啱啱好唔會老！鮮味十足！蒜香雞雞件非常滑溜！外層好香脆而且充滿蒜香！👍龍仔花蟹蒸糯米飯糯米飯蒸得剛剛好有咬口！糯米飯吸收晒花蟹啲鮮味！食唔停口！超豐富！其實使乜去西貢啦⋯⋯呢度都有好新鮮嘅海鮮供應！而且仲平好多添⋯⋯

今年的生日非常感激一班要好的朋友，幫我籌備同慶祝🥰⋯⋯這個生日令我非常難忘！首先要多謝我個好朋友叫我個乖囡幫我製造驚喜嘅氣球🎈佈置！又靚仲有錢隨着氣球升上黎添⋯⋯其實我哋好多時都係位於尖沙咀🥢🥢龍圖閣🥢🥢一齊食飯啦⋯⋯因為食物質素高！而且價錢便宜！如果用咁嘅錢喺出邊根本食唔到啲乜嘢！無論餐前小食至主食都質素好高！🥰椒鹽白飯魚😘香脆無比黃金炸魚皮😘又邪惡又好味做得非常出色！椒鹽豆腐😘外脆內滑溜⋯⋯魚片頭😘又彈牙又鮮味！椰子燉烏雞呢個湯甜到不得了⋯⋯又鮮又甜！上湯龍蝦伊麵龍蝦非常新鮮😬彈牙！伊麵吸收了龍蝦的鮮味👍超正⋯⋯胡椒浸花甲呢個又係鮮味十足！百花馬友煎肉餅呢個餸每次我哋都必點！美味！羊腩煲依家天氣開始轉凍，梗係要點個羊腩煲啦⋯⋯整體非常滿意！冇令到我哋失望！🥰下次媽咪擺大壽都想喺佢嗰度搞埋添⋯⋯

老友回港相聚，又要吹下水揾間冇限時餐廳，食下家常小菜飲返杯冰凍啤酒，揀龍圖閣地點方便，樓下已經地鐵站呢度酒樓菜式，不過仲有好多特色菜，尤其係川辣野出色，好野味happygathering chinesecuisines Xo醬西籣花爆花姿拼桂花蚌霸王流沙鮮魷上湯海鮮粉絲雜菜煲百花馬友煎肉餅香蒜韮菜蝦乾爆牛肩肉Xo醬西籣花爆花姿拼桂花蚌霸王流沙鮮魷上湯海鮮粉絲雜菜煲百花馬友煎肉餅香蒜韮菜蝦乾爆牛肩肉

位於尖沙嘴的龍圖閣海鮮飯店，要食佢地出名嘅菜式，而家仲與時俱進，加入新元素，就係sake！呢個seafood love sake都幾抵玩，幫你pair好晒邊個餸菜配邊杯酒，十足十去左fine dining咁！$138 椒鹽白飯魚配純米大吟釀白飯魚炸得香脆酥化，一條條雪白嘅白飯魚都裹上薄薄嘅炸粉，十分適合下酒，搭配鄉乃譽淡淡的煮米香，提升出白飯魚嘅鮮味，作為前菜一定要叫黎食下開下胃✨$148 百花馬友蝦膠煎肉餅配黑松大吟釀用上咸味十足嘅馬友整成嘅肉餅，真係要餸飯食，而黑松亦能喺之間中和返咸味，平衡2者之間嘅味道。呢幾個小菜各都配上一小杯清酒，在平凡的一間海鮮酒家中帶一點不平凡，食出新滋味

講真，我真係好鍾意食海鮮，上個星期就至少食咗三次海鮮啦，朋友約咗我來龍圖閣海鮮酒家晚飯，看看餐牌，見到正推廣Seafood loves Sake，於是不約而同order試吓。椒鹽白飯魚配純米大吟釀 鄉乃譽，白飯魚炸得金黃鬆脆，灑上椒鹽，又非常惹味，配上濃香清酒大吟釀，令白飯魚的味道更昇華。芝士焗新鮮魷魚配燦然 纯米吟醸 山田錦，魷魚用芝士去焗都係第一次食，意想不到兩者居然這麼夾，芝士蓋滿鮮魷魚，香濃cheese又夾住魷魚鮮味，飲一啖清酒，米香緩和那股濃郁味道。向來認知海鮮多數配白酒，食過呢餐之後，令我對海鮮配清酒完全改觀，其實只要配搭得好，廣東菜配日式米酒都可以好夾！！