龍城冰室

营业中

休息中

附近放工，求其買外賣回家食，發覺都唔錯！餐廳位於銅鑼灣後街果邊，餐牌上既食物種類好多選擇，都有啲花多眼亂既感覺叫左一個紅酒薈雜扒意粉份量都幾多，有牛扒、豬扒、腸同煙肉牛扒算大，肉質鬆化，唔會好鞋，入味，有少少筋位，有咬口。豬扒夠厚，最中意有啲骨痴位，更好味！紅酒味唔算好重，有少少蕃茄既酸甜味，個汁好濃味，都唔錯！三文魚忌廉雜菌意粉面頭有舊三文魚捲住沙律菜，意粉入面就就一粒粒既三文魚撈埋煮，所以成碟都好香煙三文魚既味。個忌廉汁好濃同好creamy，同意粉係絕配！整體上唔錯，外賣都keep到堂食既味道！

睇完戲周圍搵嘢食，見大大塊「龍城冰室」招牌，價錢相宜，就試吓😝估唔到全場卡位，坐得舒服唔使搭枱，真心讚👍🏻焗芝士海鮮飯一上枱見到熱辣辣嘅焗飯，好靚仔，而且香氣四溢；睇見滿滿的芝士，已經覺得好好食。除咗滿滿的芝士，仲有兩隻青口、三塊炸魚柳、蝦仁等等，餡料豐富。焗飯本身炒左底，加埋芝士，呢個芝士飯掂丫～椒鹽鮮魷想嗌多個小食，揀咗椒鹽鮮魷。外層薄薄的粉漿，包住嫩滑的鮮魷，鮮魷厚肉又大件，抵食！而且上面仲加左啲辣粉，超惹味😋菠蘿烏龍茶特飲見到枱面有呢張特飲推介，首先唔太甜，其次有真菠蘿，同埋個底有菠蘿蓉，食住飯飲一流，值得試試😍見隔離枱食小菜孖寶，大碟有鑊氣，下次試吓先得😂

香港茶餐廳食物種類繁多，龍城冰室都一樣，中式、西式、咖哩咩都有得食，它提供嘅鐵板餐非常有特色。今日嚟到銅鑼灣龍城冰室，揀咗個香草腸羊扒鐵板餐，同圖片一樣的，好吸引～當個蒜蓉汁淋上鐵板嘅時候已經有濃烈嘅蒜蓉香味，羊扒軟腍適中，味道濃郁；意大利粉出奇好味喎～唔會淋哂，仲有點咬口。再加埋個夏日特飲：青蘋果特飲、味道清新、甜度適中😋😋加埋個椒鹽鮮魷，鮮魷外層炸至酥香鬆脆，略帶香辣味道，但仍然食到裏面嘅魷魚新鮮爽脆，值得推介～順帶一提，疫症情況下好多餐廳都提供口罩套，龍城冰室的口罩套獨一無二：附有餐廳標誌，可見其別具心思！讚丫

之前係觀塘都食過龍城, 質素相當有保證, 抵食夾大件~今日係CWB 做完野, 順便買個下午茶番屋企當晚餐啦!!下午茶都幾多野揀, 除左雞脾沙律果D, 仲有炒粉麵, 碗仔翅果D都有, 唔怪得之咁多人食啦!!我就買左個乾炒牛河, 同埋焗豬排飯, 等左15分鐘左右~其實佢雖然下午茶, 但都幾大份, 我諗係無細份到既!乾炒牛河既牛肉都大塊, 唔會好韌, 河粉彈牙, 唔會太咸, 加埋辣椒醬好正!另外焗豬排飯仲正, 因為豬排勁大塊, 同埋係有誠意既炒飯底, 茄汁好好味, 豬排又厚肉, 唔係用鬆肉粉拿到林架, 相當唔錯!仲有少見既杏霜, 幾夠味, 好飲!!

今日有野做要一早黎銅鑼灣，係未食早餐既情況下，行行下就見到龍城冰室，雖然好多人，但唔洗等位，即刻入去。咁早餐黎講佢都好多選擇，諗左陣都係決定食個b餐，沙嗲牛肉麵，跟3.6牛乳炒蛋同芝士火腿牛角包，再要杯凍齋啡走甜。咁個沙嗲牛肉麵黎到都好大碗，見到個湯幾濃，就即刻試下啦。咁佢個沙嗲味真係好濃。最怕個啲又淡又無味既沙嗲牛肉麵🤦🏻‍♂️好彩依到無令我失望😆咁牛肉佢都唔會好老，係好容易咬，依個位要加分既係啲牛肉都好入味，唔係沙嗲同牛分開既味🤩。個炒蛋方便就好滑好厚，真係有牛奶味，唔係講笑🥳。個牛包先係最驚喜既地方！佢咬落去好鬆軟，仲要芝士係好濃，又溶，唔係凍冰冰！加埋火腿，成個包咸香得黎好好味！😍下次我會黎試下佢午餐，睇餐牌都真係好多野食。

嗰一日阿媽冇煮飯叫我出完街帶個外賣俾佢因為疫情關係我又唔太敢去大排檔 喺銅鑼灣就揀咗呢間靚靚大排檔🥴🥴我之前已經食過呢間既觀塘分店！ 果次就食西餐 今次因為話比阿媽食所以都係揀咗小菜 但其實佢真係勁多選擇！！！！ 咩都有得食！ 哇！ 我見到佢地個晚市小菜套餐 $150就有2個小菜 2個白飯同2碗例湯真係超抵！ 返到屋企 完完全全係三個人既份量！ 咁我就叫左豉汁蒸倉魚蜜椒薯仔牛柳粒同選擇左中湯🤩好足料 無論係蜜糖 黑椒 薯仔定牛柳粒都好多料！ 好好味呀 淨係呢個餸我都食左半碗飯！ 條魚都蒸得好好 啖啖肉 ！ 重要係多豆豉！ 呢個份量2個人食都夠呀！ 拎到返屋企都重熱辣辣 正🤩 個例湯日日唔同 今次係 老黃瓜去濕湯😍 好味！ 我呀妹狂讚！ 果然有3間分店 食飯質素真係有保證呀下🥴🥴

價錢合理食物OK環境OK衛生OK銅鑼灣龍城冰室員工態度非常惡劣黑面大聲說話冇禮貌特別係收銀，聽電話外賣簡直係此店毒瘤員工都係環境的一部份食得好唔開心不好的回憶不愉快的過程

想食左好耐，聞名不如最終一試～先來個白餐湯，夠creamy~小小前菜:蒜蓉煙肉牛油焗青口$38，好夠香口，蒜蓉配煙肉果然係絕配～招牌石窩鮑魚蝦球炒飯$75，飯炒得好夠乾身，再加上焦脆的飯焦，好正！而且亦好足料，性價比好高。原隻龍蝦併牛柳$129 ，龍蝦肉夠新鮮爽口，牛柳勁厚勁淋！仲跟上焗薯！此套餐好夠豐富！飲品叫左鮮檸熱情果梳打同熱杏仁霜埋單只要$261，平民的價格食高級滋味！又鮑魚又龍蝦又牛柳，好滿足的一餐！

因為疫情嘅關係其實都好少機會出街食飯，難得今次去到銅鑼灣工作，所以都趁住呢個機會去咗呢間冰室食個晚飯。餐牌內選擇相當之多，基本上你想食咩其實都滿足到你需要。而且整體價錢亦相當大眾化。最後我就叫了皇牌吉列豬扒，單看賣相已經冇得輸，吉列豬扒應該接近有成個頭咁大，相當誇張。當中更可選擇飯、意粉、薯菜，而薯菜就有成個薯蓉同埋翠綠嘅蔬菜。而佢嘅羅宋湯亦相當足料，味道亦很不錯。吉列豬扒火候剛剛好，肉質相當嫩滑。而且份量真係相當多，啖啖肉嘅感覺真係好享受呀。之後食埋佢嘅薯菜同飲埋杯凍檸茶已經飽到上心口，整體呢間餐廳相當抵食，值得再試。

今日收工之後，約咗老婆嚟到銅鑼灣搵嘢食，經過見到呢間冰室招牌大大隻字，成日經過但未試過，又突然心癢癢想食下鐵板餐豪少少就入咗去試吓，果然有驚喜。首先我哋兩個人叫咗番招牌石鍋鮑魚蝦球炒飯、鐵板龍蝦拼牛柳，仲有蒜蓉牛油煙肉焗青口，嘢飲就試下叫咗鮮檸熱情果梳打打開一下個胃口。第一時間黎個餐湯就正正常常白湯，牛油煙肉焗青口嘅份量亦不錯，啲蒜香味都好濃。萬眾期待既龍蝦拼牛柳終於都出現，先唔講味道，個份量原來已經好夠兩個人食，牛扒又超厚，龍蝦方面亦都中水上平，賣相擺出黎的確唔錯，份量真係非常足，所以最後勁飽。另外，而石鍋鮑魚蝦球炒飯，炒飯底都粒粒乾身，海鮮配搭都好豐富，最緊要係石鍋果種鑊氣夠足。亦都由於份量真係唔少，我都要為老婆奉獻更多胃納出黎食晒佢地! 總結來講，平時想去銅鑼灣搵港式冰室食下扒、炒飯，呢間既食物質素唔錯，抵食夾大件可以回頭會再嚟幫襯果種。

係天氣下晝好熱嘅情況下，2個人入咗去呢間龍城冰室試吓嗰個下午茶，首先講下午茶餐牌非常之多元化，有得雙併，例如炸髀拼沙律，又可以炸髀拼炸髀，蓮藕餅都有，炒粉麵飯焗飯，炒滑蛋奶油豬乜都有，我就嗌咗個XO醬楊州炒飯，再加多個常餐薑絲牛肉米粉，炒蛋奶油豬，都係嗌凍檸茶，先講個性價比，好高，楊州炒飯好大碟，簡直係午餐嘅份量，因為有啲茶餐廳其實下午茶份量係好少嘅，所以呢樣嘢已經值得一讚，都炒得夠鑊氣，飯炒得夠乾身，粒粒分明，仲要夠晒足料，蝦同叉燒都夠多，唔算好辣，個米粉方面，薑味幾夠，湯算幾清，牛肉都好味，最緊要一樣野係夠晒熱辣辣，因為有陣時食啲湯粉麵只係暖，會大大扣分，凍檸茶水準亦相當唔錯總括來講喺銅鑼灣呢個咁繁忙嘅地方，呢度係個唔錯嘅茶餐廳

英式懷舊紅磚牆，配上仿煤氣吊燈，令人回想起英治時期既香港。-前菜足料濃味羅宋湯配避風塘洋蔥圈。口痕最啱食炸野！加上好濃味嘅羅宋湯，簡直好似打開咗我個胃，準備因間嘅主食。-主食一份大過我塊面嘅鐵板西冷牛扒（真係牛扒，而唔係肉片），配上濃郁蒜蓉汁同埋焗薯。西冷調味適中，七成熟度，肉質入口啱啱好，師傅手勢唔錯。原個焗薯，配上雜菜，平衡左食肉會肥膩嘅感覺，細節滿滿。-餐飲童年回憶—懷舊菠蘿冰一飲細個嘅回憶就返晒黎，冇得頂！去關銅鑼灣絕對值得推薦！

叫咗個魚香茄子煲，連埋送嘅一碗白飯，一定飽肚。茄子香得嚟帶好輕微嘅辣，非常惹味利用豆乾仿作肉碎，不但色香味俱全，口感與不是素菜的魚香茄子煲好謂真假難分，味道亦極具火喉

今日係銅鑼灣買完野就去附近冰室食飯。天氣咁熱，入去吹冷氣真係好舒服。呢間冰室設計都幾靓，俾人舒服既感覺。卡位夠擴。坐低即刻叫野食。叫左個茄子班腩煲。一上菜，個煲炸炸聲，真係香噴噴熱辣辣。見到好開胃。個份量整得好多。抵食。班腩炸完之後同茄子一齊炒。我估唔到班腩炒完都仲可以食到側邊脆脆既口感。呢樣嘢真係令我好impress！茄子煲味道濃，班腩吸晒啲汁之餘，仲有炸過好香脆既味道。一流。茄子都俾得多。通常呢啲彩出邊食係菜偏多。但呢度就係肉多。食到好滿足。叫埋個超級大炸雞腿。雞腿葉過，味道好足。食到葉過既香味。而且炸完，用叉吉一吉，仲有好多水份，流出黎。好juicy好好味既炸雞腿。好大隻，味道獨特又好味。再飲埋個熱檸蜜。好舒服。最鍾意飲檸蜜。今餐好滿足！下次再黎！

呢幾個月想食餐安落茶飯都好難，有時真係想平平淡淡地過日子就好了。今日嚟到呢間冰室，其實唔係咩特色主題，亦唔係有獨特招牌菜，但吸引我嘅係香港特色，家常、多元化、平淡！餐廳有一幅大大嘅banner, 將日常見到嘅菜式都畫上去。其實唔需要山珍海味，只需要家常便飯才是生活！疫情期間餐廳做足防疫措施，令每位食客都食得開中又安心點了一份三文魚忌廉雜菌意粉，成碟都非常大份，而且味道好濃味，意粉嘅軟硬度適中，兩個人食就剛剛好啦當然唔少得要一款小食啦！平時外賣唔會叫炸嘢，因為送到嚟都淋曬啦，而堂食就可以啦！而且仲可以即場熱辣辣咁食添！能夠平平淡淡食餐飯已經係幸福，更幸福係食到家常嘅味道！