龍城冰室

营业中

休息中

平時去開銅鑼灣多數都係食西餐廳炸雞放題邊爐次次食飯嘅使費都好貴反而冇點試吓香港地道嘅茶餐廳冰室今日突然之間好想食焗飯 有啲掛住茶餐廳嘅味道經過見到呢條街有好多冰室 見到呢間嘅格局幾大裝修唔錯就入去啦鮮茄豬扒飯$62 份量都幾大架 上面鋪左少少嘅芝士亦都係蛋炒飯底嚟嘅 焗起上嚟幾香口 加杯奶茶真係香港嘅地道風味 有時幾十蚊食個晏晝已經可以好好食焗咖喱牛肉飯$59同鮮茄焗豬扒飯比 覺得呢間冰室嘅咖喱汁做得幾好比鮮茄焗豬扒飯更加好食 建議大家如果真係想食焗飯可以下次試吓咖喱焗豬扒咁就有食到佢嘅好食豬扒又食到佢嘅好食咖喱汁總括嚟講今次嚟咗銅鑼灣呢間冰室試咗兩個唔同嘅焗飯整體來講質素都幾好 晚餐時間食價錢唔算貴 下次可能會過嚟試埋其他嘅食物💪🏻 同事都建議大家支持下本地茶餐廳冰室👍🏻 中低價錢都已經可以好好食㗎喇

我有日經過銅鑼灣，行入謝斐道，看了看，搵左間地道港式茶餐廳，系雲壽司同埋銀龍隔離，我揀左京都豬扒飯，豬扒量足夠，酸酸甜甜，雖然偏酸，但是味道還是非常不錯，而湯我就揀左金銀菜豬骨湯，味道岩岩好，唔會太鹹，飲品系紅豆冰，味道甜美

我今日經過銅鑼灣，行到謝斐道,睇到一間本地冰室，系銀龍同雲壽司既中間猪扒都算多，酸酸甜甜,雖然偏酸,但是味道還是非常不错,我揀了中湯，金銀菜豬骨湯，味道岩岩好，唔會太鹹，飲品系紅豆冰，奶量足夠，味道甜美

面對住呢個世界有好多唔到你控制，令人憤慨既不公義事情，而你發覺自己根本無能力去改變佢，亦唔知可以做咩既時侯。呢種無力感慢慢浮現，逐漸變成一種心理負擔，有時真係好想脫離現實，沉醉一下自己幻想既設計空間，搵一個有安全感既角度，安慰自己。今晚就黎到銅鑼灣「龍城冰室」毒自去偷歡，我謝絕你監管！👇📌皇牌 · 鐵板套餐 -▪ 招牌黑椒牛柳 · 黑椒汁 · 薯菜 - $99▫ 冰室最經典既鐵板牛柳，識嗌一定係嗌薯菜，而呢款牛柳質地食落軟硬適中，唔會過腍但同時又夠嫩滑，唔錯；再淋上帶辣辣地既黑椒汁一齊食，有綿上添花既效果。加上一個原個焗薯仔，用上鐵板黎呈上，份外濃香，呢個真係要抵讚。📌麵包 · 系列 - ▪ 特脆奶油豬 - $19▫ 一個鐵板仲唔夠？真係唔夠呀！點都要整多個經典奶油豬過下口癮既。而呢個豬仔包外層烘得相當香脆，牛油、煉奶兩者落足料，鹹甜之間對比好明顯，唔錯。📌冰室 · 特飲 - ▪ 懷舊紅豆冰 - (+$8)▫ 冰室除左平時必點既凍奶茶、凍檸茶，其實仲有好多懷舊特飲咖，好似我最愛既紅豆冰咁，用上寬下窄既透明杯，呢個造型就令我勾起唔少童年回憶。要大讚既係紅豆唔會太硬身，夠軟腍，咬落有口感；

放工隨意找了一間茶餐廳吃晚飯，經過龍城冰室見價錢不貴，剛好又有空位便進去了。連卡位都加設了透明隔版，食得放心之餘又不失空間感。招牌美國西冷牛扒配蒜蓉汁配薯菜，大份又足料，賣相吸引。牛扒五成熟剛剛好，放在鐵板上也沒有過熟，肉汁依然濃厚。他們的薯菜原來配上一整個焗薯，好驚喜呢。沙律醬帶微酸，吃一整個焗薯都不覺得膩。跟鐵板餐附送的羅宋湯味濃足料，連湯中各款配料都夠入味，感覺清新醒胃。焗咖喱薯仔牛脷意粉，港式咖喱味道香濃，是每次到冰室必點的菜式。牛脷共有四大片，肉質鬆軟，咬開可見肉質細嫩，內裡呈微微粉紅色。咖喱辣度可以接受，意粉和薯仔沾滿了咖喱非常惹味。跟餐兩杯凍飲消暑解辣，也充滿濃濃的冰室情懷。

今天又去咗銅鑼灣嘅龍城冰室一試虛實。我哋兩個人點嘅嘢唔算太多。 首先嗌咗個乾炒牛河，鑊氣都幾夠， 最好就係冇人哋出面炒到超級油膩， 油到河粉都反曬光， 整體味道不錯。另外仲嗌咗個常餐。瑞士雞翼撈公仔麵配3.6 牛乳炒蛋。牛油脆豬麵包並唔係普通方包，而係豬仔包，配上牛油煉奶就成為美食奶油豬啦。另外加滑蛋炒得好滑，半熟有雞蛋汁。 瑞士汁撈麵非常好食 ，雞翼煮到林曬 ，非常入味。睇番餐牌食物選擇類型都幾多，下次有機會再試其他。

龍城冰室，縱使社會運動及疫情期間，也常出現人龍，因為他們的出品，確實美味。個人特別喜愛他們的咖哩焗飯，在下午茶或宵夜時段，還有優惠套餐今晚晚餐點了厚切黑椒肉眼扒配薯菜，羅宋湯，熱檸茶羅宋湯有點太油，看照片也看出多油，還有略嫌不夠味牛扒肉嫰，但絕對不是厚切，以茶餐廳出品，他們很有心思，一般薯菜，只是炸薯條，最厲害也是薯角，配西蘭花，但他們是焗薯配日本芝麻醬，比老外配sour cream更為美味，蔬菜方面是節瓜，黑椒汁則一般貨色價格合理，特別是銅鑼灣地區

今日放工喺銅鑼灣一個人晚餐，行過龍城冰室，突然諗起佢嘅經典鐵板餐，之前食過真係好好食，即刻去重溫下美味嘅回憶先！招牌黑椒牛柳鐵板餐套餐包羅宋湯和熱飲，可另追加牛油豬仔包(加$8)。食鐵板餐梗係飲羅宋湯！這裏的羅宋湯非常足料，有很多牛肉和蔬菜，味道濃沃。黑椒牛柳，脂肪較少，肉質鮮甜嫩滑多汁 。要七成熟外皮微微烤燶，肉香撲鼻，內裏呈現粉紅色，烹煮程度啱啱好，嫩滑軟熟有口感！招牌鐵板餐，果然名不虛傳！咸牛肉炒蛋潛艇必食推介，咸牛肉炒蛋。見到餐牌有呢個經典美食，真係好多香港人嘅童年回憶！咸牛肉嫩滑，甘香鹹度適中，加上炒滑蛋，絲滑軟熟，滿足味蕾，無可挑剔！

食左好多餐龍門，今日去發掘下另外一啲黃店茶記～呢間黃藍地圖有admin認證，雖然店內冇文宣之類，但幫老闆賺錢冇咩所謂啦·我成日都覺得一間餐廳好唔好食係建基於個焗豬扒飯正唔正～呢一間用左圓形碟焗，受熱平均，加分🤗豬扒比例熟成度岩岩好，有多啲芝士更好🤪。·黑椒雜扒配薯菜餐size幾豪爽！仲要舊牛真係幾滑下！有驚喜🥳另外，原舊薯仔係大大舊，烚左（不過係焗就更好），配埋沙律醬一流啊🤤佢晚餐會送湯，雖然有d污糟，不過勝在足料👻·避風塘炸豆腐正常發揮🤔不過要讚佢舊豆腐外有薄皮，內有水感，我忍唔住係咁食🤫·冰室黎講，味道算中上，可以再戰😍💛-焗豬扒飯｜$62黑椒雜扒配薯菜餐｜$69避風塘炸豆腐｜$38-龍城冰室 (銅鑼灣)銅鑼灣謝斐道500號維安商業大廈地舖-

第一次食呢間😏下午茶都幾抵食，款式又多我地叫佐一份奶油豬同椒鹽豬扒飯全部都有送野飲個奶油豬好香脆，不過略覺得個煉奶太多有少少滯，而份椒鹽豬扒飯呢份量夠，味道算幾好，但真係好咸啊，咸到唔知點😟總體唔錯，但希望呢d細節可以留意下，唔好太咸😖

之前試過九龍灣分店既龍城冰室，覺得好好食，今次行經銅鑼灣就順道試下佢銅鑼灣間分店。餐廳係地鋪，一入去店員已經會幫你量體溫，餐廳所有員工都戴住口罩好注重衛生。一直覺得冰室最大既好處係野食款式，中又有西又有而且價錢仲好親民。今次叫左個焗鮮茄豬扒飯、鐵板西冷牛扒、避風塘豆腐同腐乳通菜，跟餐加少少錢叫左凍檸茶同檸檬利賓鈉。首先上左野飲，檸檬茶叫左少甜少冰甜度岩岩好，利賓鈉偷左男朋友一啖，比想象中無咁甜，男朋友覺得好好飲。之後開始上野食，餐廳出餐既速度都好快，第一碟黎左通菜，腐乳汁好夠，食每條菜都好濃腐乳味，菜都好新鮮唔“孩”，加埋少少蒜頭更吊味，分量好多，食個菜等成餐成個感覺健康d。 之後就上左豆腐，超級推薦呢個避風塘豆腐勁好食！！炸粉薄薄一層好香脆，入面豆腐熱辣辣同埋入口即溶，兩者超級夾，外面咬落香脆入面豆腐好滑，一粒大細啱啱好，少少鹹味做前菜啱曬，而且一碟勁多粒先三十幾蚊！然後就黎左焗豬，熱辣辣香噴噴，個飯好足料，一大塊豬幾舊番茄加洋葱仲有少少芝士。個豬扒軟熟易切，切做一塊塊一匙羹包曬飯同豬送入口超級滿足，咬落完全唔靭，飯亦焗得好香口。另外汁既分量亦都足夠，唔會話食到最後d飯乾爭爭。最後到

這日老公在附近工作，我地相約在放工後到銅鑼灣拍拖行一陣😊 最近常在家晚飯，好少出街食嘢。難得出去就時我好想食下茶餐廳常餐🤣 我哋最後選咗依度食。記得之前幫襯過觀塘的店，水準唔錯。餐牌選擇好多。今次我哋主要叫咗兩個餐，同埋加咗一份小食。雞翼好好味，鹹鹹甜甜，好入味。一向好鍾意食脆豬，外脆內軟有牛油香，正！炒蛋也很滑，呢個常餐令我好滿足！餐湯羅宋湯味道也很好，酸酸地辣辣地，味道好濃郁，茶餐廳來講這個餐湯好高質素。苦瓜加脆雞這個配搭第一次嘗試，份量十足。苦瓜炒得好好味。另外我哋都散叫個潛艇。我哋估左好耐咩叫潛艇，哈哈！原來係軟軟地的嘅茶餐廳熱狗包。奶茶味道非常好，我喜歡加黃糖，也喜歡飲完之後回甘的茶香華田也ok。食得飽飽！價錢都好合理。另外，因應疫情，顧客要量體溫後入店，都令到我哋食得安心。呢間茶餐廳的確質素有保證！我見到佢哋嘅下午茶餐好抵，下次下午茶時段再試吓先

今日係銅鑼灣行街,見到龍城餐廳就入去試下啦,一入去員工即刻幫我地量體溫,係疫情嚴重既時候佢地既衛生真係做得好好, 令我食飯時放心D食,員工態度都好好.甘第一道餸就叫一碟避風塘豆腐同埋腐乳通菜.先講豆腐,豆腐炸得好香口,外脆內軟,作為頭菜就真係一流,之後就係腐乳通菜,腐乳味唔會太濃,菜都唔會鹹,比起預計中會清淡,但絕對好食,依兩個頭菜都好開胃,十分推薦大家試下. 再之後就係叫左焗豬扒飯,豬扒好軟,唔會好難咬.分量都唔會過多或過少,亦都無焗燶既情況,配上茄汁真係一流,之後就叫左一個西冷牛扒,牛扒熟度啱啱好,唔會過熟變得無哂肉汁,佢既薯菜係薯蓉,薯蓉配上芝麻醬,真係好好食.而且分量亦都好夠,唔會怕食唔夠或者食剩好多變浪費

最近放冇薪假╮(￣▽￣"")╭ 真係多得佢唔少。因為我成日出去食嘢，攪到又肥咗╮(╯▽╰)╭今日我就去咗一間茶餐廳，嗰吓我個心好想食西多士喎，於是喺冇睇餐牌嘅情況下，是是但但咁叫咗個西多士餐。坐定定就順手攞個餐牌一睇啦，先發覺原來有兩三個西多士餐囉。有普通嘅花生醬，又有咩芝士流心西多士ಠ_ಠ咁個侍應比番張打印單我，我拎嚟一睇，先見到原來佢落咗我係芝士流心西多士，多兩蚊($34)。不過算啦，我見自己未食過咪試吓囉，當食新野，不嬲我都勇於嘗試٩(˃̶͈̀௰˂̶͈́)و佢個賣相同普通嘅西多士一樣，不過我不得不讚佢哋啲料比到足，有勁多芝士漿流出。可惜我想食嘅係普通花生醬西多士，所以點都好，我都俾唔落高分佢哋囉。

自從呢個疫情日趨嚴峻之後，都少咗好多出去食飯，今日係銅鑼灣做完野，順便食埋個快飯先翻去！見好多人叫呢個全日餐，下次試下先😋是日中湯係冬瓜薏米煲豬骨凍檸茶叫咗少冰，出面有部分餐廳係叫少冰嘅時候係唔會將糖水嘅份量都減少，以致少咗冰但係杯嘢勁甜，好彩呢道飲落甜度適中👍🏻呢個枝竹斑腩煲配一個飯，果然係茶記份量，一啲都唔細份，枝竹同斑腩起碼各有各7-8塊！即使兩個人分嚟食，都唔洗爭😝斑腩炸粉唔厚，魚好淋，啖啖肉，正😋而呢個豉椒炒河嘅份量比剛才嘅煲更多！配菜啲洋蔥、青紅椒、紅蘿蔔嘅份量同排骨一樣咁多，河粉又偏大條、厚身，汁夠多，整體食落唔會乾身，真係大件夾抵食呀！最後我地兩個細食嘅人都食到撐住個肚走呀！滿足☺️