龍城冰室

营业中

休息中

冰室焗飯！本人係茄汁焗飯愛好者，牛脷更加係我至愛！當然要試下呢間餐廳嘅皇牌焗飯啦！芝士鮮茄焗牛脷飯$74- 我要高度推介呢個茄汁牛脷飯！首先講下牛脷，份量驚人，有三至四大片，重點係厚切！厚切牛脷食落爽口彈牙，唔會薄到冇嘢落肚，牛脷味道油脂豐富，同蕃茄酸甜味好配合。同埋龍城冰室嘅焗飯係即叫即焗，飯底會有一層脆脆地燶燶地嘅飯焦，好正！炒飯底再撈埋茄汁配菜一齊食係一大享受，唔怪之得佢係皇牌焗飯！

#breakfastforlunch, #cheapest, causewaybay, #茶餐廳going solo this time, exploring the area to fond somewhere i could probably go solo with. go back and for a few one in the area, a cheap self want to go cheap, but the cheapest is the A plus, which i went so many time that I won't write any review on it. so I struggle if I should pay the extra dollars for the review? the i found this and only 3 dollar more than A plus and it has something that i also like. so I go with this... but if you are rea

佢真係有好多選擇遠超呢兩個餐牌總有一款啱你口味見到正價餐有羅宋湯加就加$6要咗個紅湯味道OK 港式西餐廳咁嘅味之後嚟咗個蕃茄海鮮意粉嘩....擺盤靚到 唔講以為係Cafe而且份量好多味道方面 好重蕃茄味意粉唔淋有咬口海鮮料其多 (數過有兩舊魚兩隻青口幾粒帶子兩至三隻蝦同魷魚)啲蝦仲要係大大隻果啲未食完就話下次要翻兜🤣而下午茶餐所有嘢都普普通通先上咗XO醬蘿蔔糕有辣味嘅 味道ok份量都唔少但小妹覺得本身蘿蔔糕個質地麻麻地而雞脾係即炸 所以需時🕠略嫌太燶同有少少鹹但熱辣辣咁上枱而且都幾大隻 同唔會炸到好乾整體一般好少對茶記/ 冰室有咁高評價佢個意粉真係令我有驚喜會再翻兜👍🏿👍🏿👍🏿打算下次試吓佢個扒餐蕃茄海鮮意粉🙆🏿‍♀️ & 羅宋湯🙆🏿‍♀️ $80雞脾💁🏿‍♀️ & XO醬蘿蔔糕💁🏿‍♀️ & 凍檸茶🙆🏿‍♀️ $43

Boxing Day 去咗龍城食 tea。今次已經係唔知第幾次食啦，因為個沙律實在太好味。一如已往，我今日都係 order 沙律，再加個熱狗🌭️。沙律係全雜果沙律，依家好難搵到全雜果沙律，好多都係加薯仔，因為薯仔價錢平嘛，但呢間嘅沙律係100%雜果沙律，而且份量好足，唔會食2啖就食曬，而且超級好味😋至於個熱狗🌭️，條腸堅大，唔係普通雞肉腸，完全冇Hea 客人，味道好味。總括嚟講，值得推介。

好耐冇出去食嘢，同阿妹去下午茶，諗住可以輕鬆少少，點知.....我哋張4人枱左右各有一張吉的4人枱，食食吓有3位操不純正廣東話嘅大媽被職員指示去到我左邊張枱，點知個職員叫其中2人坐我張枱，另外1人就坐我左邊張枱，咁我張枱就坐滿4人，我哋問個職員點解佢哋3個吾自己坐一張枱，要坐滿我張枱！第一個職員冇回應就行開咗，連其中一個大媽都覺得既然4人枱可坐多過2個人，咁様點解佢哋吾可以自己坐！點解佢哋要搭我枱！我哋同第二個職員講佢都堅持要佢哋搭我張枱！雖然每張4人枱中間係有膠板分隔，但係明明係有其他吉枱，職員就係都要其他客坐喺我張枱度，分明係想焗我走！好嬲好討厭！我同家人、朋友永世都不會再去！*迫不得已要比1粒⭐️！如果有負⭐️可選，我一定會比負5⭐️！！😡😡😡😡😡

昨天晚上我去晚餐叫左個晚餐食，味道一般不在話下，仲要態度勁差，問佢拎多杯水，都唔得，最誇張係我聽到對面枱叫凍檸檬茶少冰，黎到佢話少冰都咁多冰，個侍應居然答佢，下次叫少少冰啦，想問下乜嘢叫少少冰啊，係咪痴線嫁

本身諗住是旦入一間茶記hea食 發現真係超級無敵抵食同埋cp值好高🤩暗黃 老細好似係龍門 張老闆我哋兩個人本身想食light d 但係見到個焗飯同埋是日晚餐鰻魚炒飯好吸引 最後就變咗高卡路里活動了🤣一間茶記來講佢都算超級無敵多嘢食😂是日晚餐b: 日式鰻魚炒飯 $59 超大碟！ 米飯粒粒分明 都有唔少既鰻魚🤤 仲有雜菜同聰炒埋一齊好好食！ 餐湯： 羅宋湯 同樣地都係好多料跟餐 熱奶茶 好香茶味 好滑nice- 菠菜汁焗雞扒意粉 $62As i mention before 想食light d 相比起飯意粉好似低升糖指數多啲 所以就叫咗焗意粉🤣超多菠菜！ 勁大塊雞！ 佢重要比左雞髀肉！ 又嫩滑又啖啖肉 不過個雞扒偏鹹咗少少🤏 但超級欣賞佢個菠菜汁因為真係落咗好多菠菜！ 同埋啲菠菜汁啱啱好每條意粉都有少少唔會過多或太少其實茶記來講環境都算乾淨同埋企理👍🏻

出左黎銅鑼灣行下，未夠鐘又搵個地方食下野坐下先，到左龍城，網上話呢間較少人討論？但黎到都排晒長龍勁有人氣喎？！地方淺窄，快快落單食完就閃啦，選擇都幾多喎，最後決定叫幾份下午茶餐。先來凍奶茶同凍檸茶，味道正常啦，夠多冰夠哂凍。另外仲有熱檸水同熱檸茶，檸香無苦澀味。火腿通粉鹹鹹地幾好味，下午茶黎講都幾大碗。XO醬蘿蔔糕，呢個好好味，即叫即炒熱辣辣，XO醬香口又惹味，必叫啊。炸魚配薯角，即炸幾香口，薯角嘅調味粉略微重手左有啲過鹹。最後仲有朋友點嘅咖哩雞扒飯，呢份大到好似午餐咁，咖哩幾香口，雞扒煎得香脆，好味又抵食呀。支持同路人，加油。

平日放飯時間係銅鑼灣 間間都好多人 想食快野又唔想外賣 黎到人頭湧湧既龍城冰室 排咗陣隊都算快就入到去基本上冰室座無虛席 入面節奏好快 無論侍應、收銀同食客都以極高速完成手頭上既事/暴風吸入食物 可能係午飯時段 搞到望多陣餐牌都有啲壓力呀餐牌都幾多款揀架 有是日午餐同主menu 拿拿林落完單之後侍應就開始派下午茶餐牌 原來我哋遲多幾分鐘就可以叫下午茶喇 實在係失策失策呀我哋嗌咗份有廚師推介既王牌鐵板套餐 - 板燒和風嫩牛柳配照燒汁($90) 套餐 跟飯 飲凍檸茶(+$3) 走甜少冰 又到咗寫食評先發現佢冇送到餐湯(喊) 另外加配咗份大牛油豬仔包(+$8) 同單點咗碟蒜蓉拍薑炒芥蘭($46) 總共$147呢道既鐵板餐都幾貴下架 要$90起 即刻試一試佢值唔值 牛量充足 冇呃你嫩牛柳係真係幾嫩下 完全唔會鞋身或者韌 煮到啱啱好 厚身啲既位仲特別好食添 熱辣辣既牛柳配埋個照燒汁 既有芝麻粒既香又有豉油既甜 加埋落舊牛柳道 真係幾唔錯 一口接一口呀呢個大牛油豬仔包(套餐+$8) 係我好後悔嗌咗既野 事關佢真係好大(食完都飽飽地) 但我睇錯以為係奶油豬仔包 當我發現佢上面冇奶既時候真係大失所望

日式鰻魚炒飯 $62飯都幾多下 又有椰菜絲 個鰻魚汁啖啖飯都食到 正! 鰻魚份量都好ok! 唔係得個少少 係有一舊舊切左嘅鰻魚 食都方便d呀! 六十幾蚊有鰻魚嘅炒飯 cp值good!!!以為個炒飯好少 所以就叫多左個餸 瑤柱肉碎蒸水蛋 $68蒸蛋賣相ok! 瑤柱係面再加豉油但我個人本身就食淡味d嘅 我覺得個豉油太咸... 應該叫分開比豉油自己點會好dd 但撇除豉油呢樣 個蒸蛋都好食! 瑤柱香 啖啖蛋都有肉碎一個大炒飯再加蒸水蛋 飽都不能再飽落左單先知有是日晚餐!!! 應該係每一日都唔同 係個電視到先有show有中/西湯再有野飲 都係差唔多價錢 抵好多 好似好吸引 下次再食要留意下!

係銅鑼灣，兩個人諗唔到食咩，有Ｄ想食小菜，咁行行下見到有間龍城，咁就入左去。本menu都真係幾厚，咁岩又比我地見到佢有個二人餐，有湯有小菜有飯，咁就入左去食啦。先黎既係一個中湯一個西湯，中湯係西洋菜湯，咁西洋菜都洗得好乾淨，飲落都幾好飲。西湯就係羅宋湯，咁都好多料係入面，飲落又幾好飲。咁小菜方面先黎既係蜜椒薯仔牛柳粒，黑椒味幾重，但唔會太over，反而同蜜糖既味夾得岩岩好。薯仔同牛柳粒都好多，仲要係好平衡，唔會只係得薯仔。咁食落都好入味，牛味都好出，加上Ｄ牛無煮到好老，反而煮得岩岩好，幾有咬口。依個價錢有依個質素真係好驚喜。之後黎既係海鮮雜菜煲，咁都好驚喜，佢海鮮都唔少，有兩大隻青口，有Ｄ帶子，有魚，仲有唔少蝦。個湯幾濃，但唔咸，所以Ｄ海鮮既味都幾出，好fresh，好好食。入面仲有菜心同西蘭花，因為同Ｄ海鮮一齊煮，估唔到都好入味。成個煲都出奇地好食！

喺銅鑼灣放工買外賣返屋企食，上網搵到呢一間茶餐廳幾高分就試吓入面全場爆滿都應該有啲水準入面嘅店員叫我坐喺度等陣，態度都好友善～Menu 超多選擇，我都諗咗好耐先決定到兩個人叫咗三個餸，一個係芝士焗魚柳飯，一個係石鍋帶子蝦球炒飯，一個係瑤柱扒西蘭花。你睇吓幾多芝士係上面返到屋企個飯仲熱辣辣，上面鋪滿芝士，入面有彩椒，可以減去個油膩感，同埋佢超落本，入面勁多舊魚柳！大滿足可以睇到個炒飯粒粒分明，炒得好靚，入面都係落足本比好多舊蝦球，我覺得好似買咗大排檔嘅炒飯咁，超出我想像最後就係瑤柱金菇扒西蘭花，佢個汁超夠味，我直頭想攞嚟撈飯，瑤柱同埋爽口嘅金菇夾埋一齊好好味，唔好以為食菜好單調，呢個都超餸得飯總括嚟講三樣嘢都好好食，呢個價錢有大排檔嘅水準真係超高質！

銅鑼灣區食個晚飯閒閒地都要$100人頭，即使茶記都要$80落樓。今日放工想食下炒粉麵，龍城有做晚餐，大大碟乾炒牛河+湯+飲品只係$59，好抵食（凍飲+$3）價錢唔貴食品都有返咁上下質素，首先成碟牛河唔會太油，唔會被油淹沒，但又唔會無乜油而太乾身，油度剛剛好。食完唔會濟足一晚。湯可以揀中湯或羅宋，我揀咗中湯。食得出足料無味精飲完唔會口渴。凍奶茶我俾85分，有茶味但唔會太澀，我點咗少甜少冰都有做到我要求，但即使少甜都唔會淡茂茂。埋單$62食到好飽，座位舒適，銅餐廳茶仔嚟講性價比非常不錯👍

睇戲前嚟到食晚餐，今日就揀左食龍城啦！.仲有下午茶時間所以就嗌左焗豬扒飯($49)🥰 熱辣辣超級正，豬扒都幾厚身，食落又夠腍，番茄同芝士都夠多！.另外叫左個常餐🥳 係瑞士汁雞翼撈公仔麵呀！汁就剛剛好夠，唔會太少😉雞翼大大只，又甜甜地☺️ 另外係跟豬仔包，加上炒蛋食更正😀.點多左個蒜茸薑炒西蘭花🥦 炒得剛好又唔會淋哂，非常值得叫嘅🙉🙉檸檬茶菜底正常，檸檬都足嘅！

今日有要事要去銅鑼灣做，我居住九龍區都要特登搭車過去，到銅鑼灣已經下午三點、喺景隆街附近落車，先揾個地方醫肚，由景隆街轉入謝斐道就望到有間都幾大間嘅茶餐廳叫龍城冰室，見到門口有好多人排隊、原來有D係買外賣有D係堂食，我先去排隊、等咗一陣就有位，坐低就第一時間睇餐牌跟住叫咗個G餐：龍城熱狗皇配2.XO醬炒蘿蔔糕加熱奶茶今日過嚟目的係有事要做、所以好快食完後就即刻走，行出餐廳門口就接到媽媽電話話：今晚唔煮飯、叫我買外賣返屋企一齊食，所以喺附近做完自己事後大約7:00，我又再返轉頭去返龍城買外賣🥡，揀咗：1個焗芝士海鮮飯、1個招牌石鍋鮑魚蝦球炒飯再加個瑤柱扒西蘭花🥦返到屋企仲熱、即刻同媽媽食，呢個芝士海鮮焗飯好香芝士味、海鮮有鮮魷、蟹柳、魚，個飯焗得啱啱好，唔太乾又唔會好濕石鍋飯冇鮑魚比咗蝦球（提取時侍應已對我講咗）雖然冇個鍋裝住、但個飯依然好有鑊氣、D蝦球都算新鮮彈牙個西蘭花佢1D都唔孤寒、落咗好多瑤柱，總括嚟講係唔錯嘅！外賣都有D質數有機會再去幫襯