龍皇酒家 (Mikiki) (已結業)

平時都常常來龍皇酒家與家人飲飲茶，共渡天淪之歡樂。下午茶真係好抵飲，又高質又好食！牛肉球最抵食，由細到大食咁多舊牛肉球，好難得食到唔羶既牛肉球，食得出係高質肉，唔需好多配料辟羶，仲好有牛味！牛肉腸同小籠包中規中矩，精緻又好食。另外要讚既古法馬拉糕，價錢好抵，又鬆軟，唔會膩，反而食得出係黃糖本身既天然甜味，好推介！另外醬汁燒茄子，十分惹味但比較重口油膩。

之前見到咁多負評..一直都覺得龍皇唔差既我...月頭就寫過好評但發現無黎一排龍皇......真係差左咁多既！！請埋d咁既伙記？？？管理層係米需要調教下呢？上星期日伙記係人背口大叫...仲要立即笑住跑走.....咩料？嚇倒我同我屋企人..成個彈起！一句唔好意思或者sorry都無囉....我都算！琴日我又黎龍皇...入到去枱到未執好..叫我入坐..個短髮紫衫伙記走過黎執枱..開新枱布..一野撥過黎..整到我..我望住佢！佢都一句唔好意思或者sorry都無囉！算！我㛃媽都未食完...個碗仲有野！佢問我㛃媽仲食唔食！我契媽話食..佢仲吹我㛃媽快d食....咩服務？？另一個呀姐..走過黎叫佢執d碗同碟先..留返d杯比我地飲茶...佢都仲要想收我地d杯..我真係忍唔住..話佢....你收咩杯者...佢仲要博嘴...話自己無！！

前排如果去食飯..一定諗起龍皇酒家～❤️我同屋企人都好鍾意～無論中午飲茶定食晚飯都好正👍🏿我當初去既時候..係試中午飲茶先食過一次後..同附近個d知名度比較多既酒樓對比下好食好多❤️..返唔到轉頭..哈哈😂佢既價錢同賣相..環境..服務..都好合理好食到我忍唔住買左幟哥既飲食秘笈3本研究下佢d野食..呢隻阿拉斯加長腳蟹真係好底食..叫返5-6個好朋友一食嘆👍🏿👍🏿仲有專人服務..唔會另外收費👍🏿不過有兩睇..自己拆..可以食到即時既熱如果專人幫你拆..會凍左..我就覺得覺有覺好～有人拆埋就食得爽d😂楊枝甘露👍🏿必食呢個係幟哥創作出黎既～價錢合理～同好好多味呢個魚翅...勁好食...❤️不過唔可以食太多..唔環保飲下午茶個陣～食呢個灌湯餃亦都覺得好好味..d餡好豐富平時出面食..會覺得個皮好厚..有時候..會有d優惠2人套餐都好底食

Went here and ate some interesting dishes.The roasted piglet (not mine) was no bigger than a chihuahua!!I found the vegetable dish very interesting, it was a cooked salad of lettuce and tomatoes.Despite the strange combination, I liked the tomato broth.Tried the NZ black abalone which is grey in colour. It tastes a bit like squid.There was fish maw but it tasted a bit fishy.

今午與友人共四人一起去新蒲崗龍皇午飯，友人先前已訂座，我們其中三人早到，想入去坐著等，但知客說用餐時間只有個半小時，並由入座起計，叫我們出面等！我心裏想付這樣高價錢怎與快餐店一樣趕？最後等齊人入去，樓面侍應反應不客氣，像只招待熟客，四個人坐低只有三份餐具，要追才擺放！點心味道算OK，做法特別，但畧細碟。最差個招牌一品炒飯咸到吃不到一半，結帳找數成千五大元，覺得確實完全不值，兼且服務差，不會返回光顧！

新蒲崗分店差到極點，都唔知點解啲人會比咁高評價佢，食物質素又冇，一個魚香茄子，一碟麵醬炒生菜，一碟忘記了名之香骨，都做唔到一間茶歺廳質素，但價錢就較一般酒家貴，一大堆垃圾放上枱面給客人吃，真係當我們係垃圾筒。嬲爆！

路過見門口餐牌 北海道松葉蟹做超值promotion - $398/原隻 見咁抵又真材實料大大隻當要一試！由蟹腳開始食 夠鮮甜 肉多又夠香 個人覺得蟹本身夠鮮唔需要點醋食到蟹身 一開當堂嚇一嚇 或者我食長腳蟹經驗唔多 第一次見一肚都係白色粒粒 第一眼望真心想嘔返d腳出黎 因為對蟹認識唔多 唔想估或作評論 但問問經理 佢就話呢d係蟹嘅腦 生係膏上面 絕對可以食 仲教我地先食腦再食膏好啦 希望公平d 等大家睇睇 係咪得我覺得唔放得入口

星期日放假同左爸爸去飲茶，前一晚已經book定位定左，來到大概等左5分鐘左右都有得入啦！我哋一點半左右到都有人排緊隊，所以如果想來飲茶嘅話最好預先訂位因為之後再要去食下午茶所以輕食咗幾個小食就算啦叫咗個川汁牛坑根，未黎之前我仲以為係一嚿嚿嘅點知原來做法好似豬腳冬甘，將啲牛坑根加上上湯，配上少少麻辣嘅辣椒油同埋醋口感爽爽哋甚為特別味道亦野味跟住就係七味魷魚鬚，呢個幾乎次次來都會叫炸粉唔會好厚非常鬆化炸嘅程度剛好唔會好硬最後就係沙薑雞腳，煮嘅程度啱啱好，唔會太硬但唔會林啤啤味道亦唔偏太淡食落去有口感之餘亦有淡淡的沙薑味

本人終於食倒一間又貴又唔好食既野……這間龍皇不-論食差到極點……連劉德華都失蹤埋(你明白嗎)……未就係今時今日咁既服務態度係唔得囉……幫佢買廣告……想食垃圾黎龍皇啦……想無服務………………你話要去邊(？)……極力推廣……係推廣期內……免費送你book左位都要等既時間一個鐘。。。再升級送你菜單上很多食物都沽清。。。

有遠方的親友來港。當然要盡地主之誼。於是就來到了這間消費高。但食物質素和服務都不錯的餐廳吃晚飯。 順帶一提。之前寫過另外一篇食評。講在新蒲崗區想食高質素的中菜館有甚麼選擇。這次食完龍皇之後。更堅定我的答案。 6 個人。吃了一個譽港灣乳豬龍蝦魚翅宴。9 道菜。算不上道道精品。但的確皆是水準以上。而其中幾道都可堪一提。 首是乳豬。 乳豬想是香港人一定會食過的美食。 吃到的。大多是大同小異。這裡的乳豬十分之瘦。不會有太多肥肉。酥脆咸香自不必提。同時為了平衡乳豬的咸味。更配有一小塊薄薄軟軟的米餅。相配來吃相當之不錯。 龍蝦烏冬也是不錯。通常在外面吃都是吃到伊麵。甚少吃到烏冬。但就我吃過來說。加了烏冬的香軟q 彈。配合極為鮮美濃稠的龍蝦汁液。味道很正。 軟殼蟹也是不錯。 惹味而脆。 其餘的如龍躉球等等皆是不錯。從新鮮和食味來說都可堪一試。 埋單還好。約250元一位。以這個質素的中餐來說。在區內算是很公道的價錢。甚至毫不誇張說。是我心目中的首選。 

未去食同事已話這間貴去過就知咁既服務吾值1。枱與枱間空間有d迫2。洗完筷子叫人倒水要叫幾轉3。叫人跟進已落單的炒飯及炒面50分鐘食物都未有出現4。兩個傳菜亞姐嘈交聲仲大過食客傾計5。最重要一項，貴價換來味道一般的食物，失敗！

同長輩慶生食晚飯，辰早訂好枱居然畀門口位，非常嘈，張檯仲要喺冷氣風口，老人家食飯仲要冷氣勁凍。講咗老人家怕凍，周圍客都唔多個好多檯都唔肯畀我哋換。雖然話熄細冷氣但係老人家仍然勁凍。店家啲人一副不重視的態度讓人好唔舒服。 唯有離開。 服務態度真的太👎。 以店家本身嘅名聲同收費嚟講真係好唔合格。 希望你們會改善。

龍皇係一間貴價酒樓。依一帶，自從名樓執左，"紹’順又執左，其實食酒樓式小菜既餐廳，可能只係淨返龍皇不過龍皇貴得黎，質素比其開業前，似乎下降左唔少。今日同長輩黎飲茶，食個晏晝。由於mikiki 既門面工程，係商場周邊都種上棕櫚樹，所以窗外能看到一棵棵的樹木，感覺風景還好。話不多說，直接講食物質素。叫左馬拉糕，粉果，蝦餃，燒賣，叉燒腸等，再加一煲湯。個煲湯係幾好飲，唔記得完全係咩名，總之有豬肚，瘦肉，白果等，飲落溫順香醇暖胃，但攞上黎既湯渣卻是冰涼的，感覺有點兒那個。粉果同燒賣都冇乜特別，但要知道這間野既價錢卻絕非附近酒樓可比呀。叉燒腸既叉燒甚至做得幾嚡。不過也要讚一點，這間的腸粉，每份只有一條，但幾大條，而且已經分好成一段段，方便我地夾，依點係幾細心。馬拉糕鬆軟可口，蝦餃是我地最期待的，但可能期望太大吧，雖然皮真的比一般蝦餃為薄，但味道並沒有太大差別。

預岩時間，12:00前到，飯市係有位的，但已經好FULL... 這次不用排隊了。我例牌叫了新菜色，也有支持一些食開好食的。對上一次叫的雞腳，味道一般般，今次再試一次，真係好左好多! 入味，皮質軟 ! 可惜的卻是「蒸飯仔」，竟然味道改變了，不是不夠食，是沒有之前好食! 飯的配料唔同左，量亦少左! 創新菜雞球燒賣係「濕上」，想不到，熱呼呼的，又幾好食，口味有點懷舊。香蕉豆沙球係新菜色，但上次已經叫左一次，今次再食，無左驚喜之下，感到豆沙過甜了，蕉味仍是很人二，但一樣皮脆熱灸! OK啦 !新甜品係叫藕斷絲連，一端上來，貪口爽的人勿會炙親個咀 ! 好熱呀 ! 啖開左，入面係吉士，好甜囉 !

龍皇酒家飲食集團由2003年開業至今已超過10年歷史，由最初油麻地碧街的一間店(已結業)，發展至今在香港已有三間分店，甚至連大陸的上海市也開了兩家分店。這間位於太子道東「譽．港灣」Mikiki商場的店在2011年9月份開業。老闆黃永幟出身自廚藝世家，據說他就是楊枝甘露、XO醬以及宮庭醬烤骨的創始人，參加過許多廚藝比賽，2006年更得到中國十大名廚及省港澳十大名廚，經常接受各大報章及電台的訪問外，並以顧問身份客席主持"亞洲電視"飲食節目《中國八大名菜》、《覓食新煮意》、《香港廚神走天涯》及《食得健康》。於2007至09年擔任"亞洲電視"節目《鮮入為煮》及《豪遊天下》的嘉賓主持，於TVB曾擔任《幟哥幟教》、《為食總師令I&II》、《上海世博最知味》。他又曾替【都市日報】、【TVB週刊】、【中國飯店】、【餐飲世界】撰寫飲食專欄。特別於2006年推出首本個人食譜-《幟哥天鮮配》，到2007年再推出第二本《幟哥盛宴》，當得上是香港飲食界的紅人龍皇酒家更被香港衞生署評為有「營」食肆，凡貼有金漆門牌的「有『營』食肆」，每天必須於指定時段為食客提供最少五款「有『營』菜式」，包括「蔬果之選」及「3少之選