龍皇酒家 (Mikiki) (已結業)

話說早兩日跟姨媽姨丈去新蒲崗mikiki果位廚神幟哥所開嘅呢間龍皇洒家、食咩美洒佳餚夜宴，一向吾多食中菜既我也不能不讚下呢餐又有好野食又有美洒飲既飯！要讚就真係首先讚一讚待應當晚招呼同佈置，然後再要讚當晚美食其實係果區冇想過會有間咁有質數既中餐廳、但呢種想法已經比當晚嘅美食美洒同氣氛改變左我嘅睇法……廚神果然名不虛全、當晚頭盆到甜品我同姨媽姨丈都讚不絕口、無論賣相同味道我地都覺得跟洒店級有得揮，至於美洒方面一向鍾意品洒既我就梗係要啦而最令我地滿意嘅係到最後經理同位後生大厨都出黎向全場每位客人敬洒！實在太有氣氛喇(雖然價錢都吾平，but姨丈比錢)龍皇洒家##幟哥係得嘅##

來龍皇飲茶已不是第一次，之前和朋友及家人也來過好多次，包括早茶及午飯，也相當滿意，尢其牛肚及頭抽炒麵，所以今次特登帶家中老人家星期日來茶聚，好可惜，竟然大失所望！首先等位亂.....攞完票後，當然便等叫號碼入座。但竟然叫完號碼還要再排隊再等叫😣。但是熟客就即時攞票入座。☹️😡。我明白係可以訂座，但好明顯，這幾位不是。咁大間酒樓，還比不上譚仔攞票等叫號入座😵其次，食物水準差。蝦腸好腥，好明顯不新鮮，燒賣好咸，用麻油掩飾肉類不新鮮，頭抽炒麵的麵團一舊舊，又硬，似是未浸夠....發生乜事，冇黎二個月啫⋯⋯一間之前係有心的酒樓，現在竟然變成這樣，很可惜。短期內也唔會再黎。希望管理層正視😓

父親節菜單上單點的餸菜⋯⋯⋯⋯叫咗4個餸1個炒飯，有3碟餸似俾人食咗半碟咁嘅樣，你地咁樣樣都好意思上菜嘅，有冇搞錯呀⋯⋯真係好過份⋯⋯⋯一陣間啲長輩以為請唔起佢哋食飯，好肉酸仲要同老爺、奶奶、親戚食⋯⋯⋯佢地全程係度講呢幾碟野⋯⋯⋯我真係谷住度氣，但又唔想嘈，唯有忍住氣之後上黎投訴⋯⋯⋯⋯同朋友同事lunch黎飲茶覺得幾好，所以專登父親節book夜晚黎食，點知奶野⋯⋯⋯真係要bad list⋯⋯⋯同長輩食飯真係勁失禮⋯⋯⋯唔會再幫襯你地嘅晚飯

好多人推介e間酒樓，係某大名廚開的，一於試吓，環境一流及座位寬鬆，人手都充足，食物有質素，但係算係貴，出名燒臘，就一於試吓佢嘅燒腩仔及蜜汁叉燒，叉燒唔太甜，肉質鬆化，有口感，燒腩仔外皮香囗鬆脆，肉質非常鬆軟，層次分明，值🉐️試試！另外，黑金色流沙包，外表一流，好型架，非常失望😞因為佢唔留沙，龍王炒飯，夠煱氣

龍皇酒家，唔講唔知係幟哥開嘅龍王酒家集團旗下嘅酒樓，話明係幟哥既咁出名，點心都幾架勢㗎。首先喺mikiki呢間龍王酒家就未見過lunch會排長龍嘅，但係我哋10幾人去食都訂咗位先費事無位。睇吓個菜單有咩食，簡直係嚇咗一跳，叉燒都要＄168一碟，燒腩仔都咁上下都要過＄100先有一碟，一於叫你試吓有幾好食。除咗燒味驚為天人之外我哋都叫咗一般飲茶會食嘅點心例如蝦餃燒賣，小籠包，流沙包，鳳爪，金錢肚等等，仲叫咗個炒飯同埋炒麵添。嗰個蜜汁叉燒又真係鬆軟又唔會太甜又唔會太肥膩既，值唔值就見仁見智啦。而炒飯炒麵都真係好有鑊氣之餘又好夠味， 10幾人食我諗買單都幾千蚊左右啦，屬於貴價嘅飲茶之選。

都唔好話我得個踩字，野食係唔錯，好食。但如果你想係到有小小服務？真係無，加水，倒水，全部要自己黎，想搵個侍應？sorry,佢會同你講：「等彈幫你。」但半小時後都無黎過

食物質素一般，選擇不多 可惜服務員服務極差，放餐具的時候一手把桌上的手機推落枱！ 對唔住都冇！眼神不帶友善！希望可投放更多資源去train下員工，何謂正確的服務態度！

我們這一家常常一個月都會一起外出用饎~12-16人最方便一定食中菜~~~不過很難找有水準又便宜的酒樓~這家價錢中上, 但是食物質素有保證!!!片皮鴨兩食.. 叫左切厚點肉因為大家都不想只吃滿口油的鴨皮.( 咁點解要食片皮鴨呢? XDDDD)另一食是生菜包, 份量也很足夠!!海山骨. 好好味.. 全晚最好食~~~~ 我中意呀!!!!班塊沒有腥味, 一般我都不會食這味菜, 因為好多時不論是海斑, 龍躉... 都會有一陣腥/雪味. 呢間就冇WOR.. 又OK WOR!!燒鵝半只.雞又半只. 雞鴨鵝齊哂.XDDDDD生炒骨~~~個飯好惹味, 櫻花蝦咸魚炒飯.旦散.. 唔油膩~OK~~~雷沙湯丸.. 熱辣辣正呀!!!!因為係同家庭聚餐, 唔係我點菜, 所以唔知菜名同價錢 WKAKAKAKKA 我帶個人去食GA JA!!!

由於今日係表姐細仔百日宴嘅大日子，所以大姨媽就揀咗喺新蒲崗Mikiki商場嘅「龍皇酒家」擺百日宴！喺預訂嘅時候店員向大姨媽推介咗呢個今期做緊$2888超優惠嘅「龍皇」乳豬龍蝦海參宴，睇落好似幾抵食，所以我們就揀咗呢個套餐！燙手妙齡豬燒得外皮好香脆，肉質好鬆化軟滑，而且肥瘦均勻，無乜太多嘅脂肪，所以唔會有好油膩嘅感覺！紅燒花膠海參翅嘅濃稠度調教得恰到好處，唔會過稠或過稀，而且材料嘅份量都幾足料！蔥油加拿大龍蝦烏冬嘅肉質都幾爽甜彈牙，烏冬嘅質感亦好煙韌彈牙，芡汁再加埋香蔥，令到味道更加惹味！大龍躉兩食：翠玉炒球嘅肉質好結實彈牙，每件都幾大件厚身，啖啖肉咁，真係幾正！神草蒸頭腩蒸得啱啱好，所以肉質相當鮮甜嫩滑！避風塘軟殼蟹雖然好夠鑊氣同埋都幾惹味，但美中不足嘅係份量就比較少！豉油皇脆皮鷄嘅皮燒得都幾卜卜脆，肉質亦幾鬆軟嫩滑！鮮百合野菌泡時蔬有多款雜菌、清甜嘅百合同爽脆嘅時蔬，所以浸泡著嘅湯底味道相當清甜！五穀豐登係用欖菜嚟炒飯，但油嘅份量比較多，而且炒得唔算好乾身，所以感覺比較油膩！精美甜品係椰汁桂花糕，但椰汁嘅味道過度香甜濃郁，掩蓋晒桂花糕嘅味道，所以完全食唔到桂花糕嘅清香味！

星期日梗係要同爸爸媽媽飲茶我地今次去新蒲崗龍皇酒家蝦餃燒賣必食 每樣各一尤其燒賣做得特別出色👍🏻👍🏻👍🏻保留到肉香味道蝦餃都好正 皮薄餡靚醬燒茄子略嫌太咸爸爸叫仲左一碟榴蓮貓山王茶果子 雖然係特式點心 但我地食落就覺得無特別只係一個綠色炸皮 入面有少少榴蓮完全食唔出係貓山王🤣最後我地仲叫左一碟豉油王炒面但係都係我地都覺得正斗既炒面最出色龍皇都係點心最好食👍🏻👍🏻👍🏻其他既就不過不失啦

龍皇一品炒飯只有菜粒欖菜和蛋𢇁，丁點海鮮或肉類都沒有，簡直自拆招牌；蛋撻仔更加不忍卒睹，小得可憐的蛋撻竟然蛋漿也只有半滿，就像營養不良似的，叫人大倒胃口，想不到這樣的貨色也要算是大點，實在是離譜。現時這間酒樓的座位排得很密，與鄰座觸手可及，大家談話的聲音和內容都聽到了，毫無私隱可言。食用的環境和幾年前比較是差了，食物的質素也下降了，真是可惜。相對來說，菠蘿叉燒飽還能保持水準，總的來說，整體的水平與收費不成比例，性價比低

The chicken was anorexic, it was just bones.The only delicious thing was the charsiu which was soft and juicy.The hofun beef was very salty.The sweet and sour pork was ok but too big and not too siur.The aubergines too slaty and oily to eat.The most crap dish was oyster, only 4 in pot and spring onions so spring big.

今日中午叫左好多點心，呢度最好食係燒义燒，特色腸粉都吾錯，果碟酸菜豬雜，麻麻，個xo夢白糕一般，好軟，炸的火喉無拿捏得好！個粉麵永遠都好遲來，幾好食，係兩米，幾香，其餘小食都ok,不過呢間經常漏單，埋單又好慢

最近有同事要調職，所以今日又去左呢間我地御用嘅食堂去食farewell lunch。一班同事食嘢，最開心就係可以叫成枱野食，大家share。點心同腸粉味道唔錯，而且夠熱辣辣。不過，我最鍾意都係佢哋嘅龍皇泡飯，將炸過嘅飯加入湯一齊食，香香脆脆，口感非常夾，味道一流，值得推介。

不知所謂嘅服務態度差到冇可再差，一粒星都俾唔落手，問完野完全可以唔回答，部長，侍應都一樣，四個字可以形容不知所謂，沒有好質素可來有客源，係我前面入個枱熟客就熱情招呼即係叫大家唔會再有下次，可以係門口貼住只招待會員老熟客，咁樣大家就不用受氣，食度條氣頂住，真係估唔到一間咁出名嘅食店可以有咁樣嘅服務態度，小女子真係第一次見識到，不過亦係最後一次絕冇下次貼錢買難受，我深信不止我一家人遇到這樣對待，新浦崗食店可其多，呢間真係沒有更差只有最言，差差差差差差