龍門冰室 (已結業)

Lung Mun Cafe was very popular recently, and since I have an early lunch break today, my colleague and I decided to go there and eat. they have few branches in Hong Kong, and we went to their Fortress Hill branch. Being a typical cha chan teng, they served a wide range of food such as toast, snacks, rice or noodles and drinks etc. Red bean milk tea - Milk tea was fragrant and smooth, with strong tea taste. Red bean was chewy and sweet.  Sliced beef satay sauce with noodles - Soup was flavourful,

有時真係不得不讚下香港人嘅團結精神， 相信好多人都係因為知道龍門冰室喺紅磡嘅舖頭，畀一班藍色背景/紅色背景同而家唔出得相又唔出得名同資料既人打爛玻璃同埋將啲收銀機整爛咗， 所以都走嚟幫襯香港嘅五間龍門冰室， 點解奶油包咁講， 因為奶油包自己一個人去食，都要喺門口等位等咗四個字， 證明一樣嘢人氣真係唔能夠講笑。入返正題先，奶油包今日忽然又好想去食下龍門冰室，所以就去咗砲台山嘅龍門冰室度試一試。去到就見到門口又係放咗啲水同埋啲運動飲品喺度，咁岩係去做『運動』嘅朋友就可以有得體力補充一下，龍門堅為香港人打打氣。等左20分鐘終於入到去，奶油包就叫左一個令我好後悔既野食，佢就係叉燒意粉。後悔原因係佢太大份，奶油包咁大食都食極都食唔完，所以我將佢改左個名叫做『五餅二魚叉燒意』，個D叉燒又大件又多，D意粉仲好咬口，意大利人會叫做Al Dente。其餘既食物都係係水平之上既，今次奶油包身痕決定要個凍既Cappuccino，飲落都係香口既，當然唔可以同出面個D咖啡專門店去相比，但以一間冰室嚟講，係水準以上既發揮。奶油包去左2間龍門冰室都覺得唔錯，有D想挑戰晒5間龍門....不過屯門既要俾D時間我...咁

想食茶餐廳早餐 但係屋企附近得黃色小cafe 所以我地搭左叮叮出去食呢間黃色小冰室💛·叉燒通粉配黑松露野菌玉子燒 $48個叉燒通粉一般冰室水準啦🤔不過個玉子燒幾好味 係真係有蘑菇係入面 口感唔錯😂😂·瑞士雞翼公仔麵 $46 (+$5 轉奶油脆豬)個面都係一般水準啦 但係個脆豬麻麻地 佢唔脆 傷心😭但係因為佢黃黃的 所以ok der keke

見呢間冰室咁多人排隊就諗住嚟試吓🤨忌廉周打魚湯：好水，好明顯係用粉溝😓一啲忌廉味都冇食神飯（叉燒餐蛋）（$55）叉燒好柴，蛋未熟曬，煎蛋一D嘅脆邊都無，淨係好油🥴常餐：五香肉丁公仔麵（$42）多士係烘過但係係凍嘅，唔脆。唯一好嘅係佢可以轉花生醬/煉奶多👌🏻咖喱牛腩炒蛋飯（$55）好少肉，又韌+嚡，好多筋😓咖喱汁見到啲油分開晒，唔算係咖喱汁😪份量又唔多，男人唔夠飽。常餐：美味雜菇米線（$42）米線煮得太腍。炒蛋係平時港式茶餐廳嘅做法，好似奄列。呢碟素嘅又細碗都要$42😰常餐：芝士腸蕃茄通（$42）得兩舊細芝士腸😢蕃茄湯都OK，但係太細碗野飲都OK嘅，正常茶餐廳份量卡位好窄坐得唔舒服，食物質素比其他茶餐廳低，服務態度又唔好，唔會再幫襯😪

聽朋友講龍門餐廳啲扒餐好抵食，今晚就約朋友來晚飯，就試下呢度啲扒，今晚十分旺場，坐無虛席，門口都需要排隊等位，不過等左約10分鐘就有位喇，呢度亦都有是日晚餐，常餐，全日早餐都有，好多選擇，今晚決定係叫扒食我地四個人，每人都叫左個扒，另外再叫多個菜同雞翼小食。呢度啲扒超大件，好夠份量，可配飯或意粉，自選配汁，有餐湯及飲品~黑松露芝士焗雜菌西蘭花,好香既黑松露加上濃濃既芝士，芳香撲鼻朋友叫左個燒汁牛扒炸蝦黑椒西冷扒拼香草腸~牛扒好大塊，七成熟剛好，肉質夠稔，香草腸大大條，唔太鹹黑椒什扒走飯(雞扒，豬扒，煙肉，腸仔，煎蛋)雞扒豬扒都大大件，呢個什扒都只係85蚊，真係平靚正，唔使要飯都已經夠飽，朋友無介紹錯，咁既價錢又勁多份量，真係好抵食餐湯~羅宋湯蜜糖雞翼椒盬雞翼

今日到砲台山一帶覓食。 見此冰室提供的食物種類頗多, 還有很久沒嚐的鐡板餐。 還未到黃昏六時, 已座無虛設, 想必不錯吧, 於是便走進去。 今天有點幸運, 剛巧有座位。餐牌上的選項很多。 但我鍾情鐵板餐, 包括餐湯; 可選配飯/意粉/薯菜; 還有六款醬汁可供選擇。 套餐加付$3可升級凍鮮奶咖啡或凍意大利泡沫咖啡。 看來不錯。 我就點了一客星級雜扒餐(配意粉和龍蝦汁)。 朋友見狀, 也點了一客紐西蘭羊架拼香草腸(配意粉和龍蝦汁)。 餐湯 : 以新鮮蔬菜烹調的忌廉湯, 口感清清甜甜的。 星級雜扒餐 (西冷扒丶雞扒丶英式腸丶煙三文魚丶炸帶子) 配意粉和龍蝦汁想不到是重量級, 份量非常多。 尤以牛扒, 足足是鐵板面積一樣 紐西蘭羊架拼香草腸 : 香草腸的香草味道突出。 羊架軟腍, 保持羊味。想想吃那麼多肉類, 也吃些蔬菜吧。 黑松露芝士焗雜菌西蘭花 : 黑松露香味突出。 雜菌和西蘭花吸收了黑松露的香氣和芝士的味道, 出乎意料之外的好味道。 凍鮮奶咖啡(左) / 凍意大利泡沫咖啡(右) : 以為是一般茶餐廳的凍咖啡, 但原來真的可媲美咖啡專門店的咖啡

伙記不足，而且佢哋做嘢亂七八糟，單亂晒，出餐亂，十世都出唔到，要三催四請才有，餐湯係我哋就嚟走講起，樓面聽到才上湯，其他全部叫午餐食客都冇湯，但menu 係有湯的。唔夠人就請人；樓面亂，就要有經理睇實。

龍門冰室又平又正~呢個就係我食極唔厭既原因!呢排仲爆紅左~吸引好多人黎幫襯呢間良心餐廳~大家預要排一陣隊入座~傳統英式早餐次次都係食焗飯，今次就叫左個ALL day breakfast試下~材料有德國紐倫堡腸、炒滑蛋、煙三文魚、煙肉、大啡菇、薯餅、焗豆、多士跟餐有湯有野飲同沙律~絕對夠飽! 沙律係雜果沙律，d沙律醬多到唔駛錢咁~超豪邁!搞到我忍唔住食哂!飲完個餐湯all daybreakfast就上檯~呢度既炒滑蛋煮得比較熟，唔係水汪汪果種，蛋皮疊埋一齊有d口感，薯餅、煙肉呢d香口野一定冇得輸，但估唔到個腸仔咁出色，好香豬肉味，唔錯!牛仔骨拼炸帶子鐵板餐要等得耐d~但見佢係面前咋咋聲熱辣辣就覺得等得值!黑椒汁調味適中，唔會過咸，配牛仔骨食一流!牛仔骨肉質鬆軟容易咬，帶子有3粒，炸得外脆內軟~成碟用黎撈飯食好快清哂!土匪雞翼呢度既土匪雞翼同平時食開既唔同，味道有d玫瑰花香，好特別，一客4隻，作為小食唔錯!下次再試其他唔同野先

最近都愛到一些很黃的店舖消費，而龍門冰室一定要去食下。平時經過銅鑼灣，尖沙咀的分店都見到門口有很長的人龍，今日中午就來到炮台山分店幫襯，最後都等咗15分鐘就有位。茶餐，常餐，下午餐，撈丁都應有儘有，選擇眾多，套餐價錢都十分相宜，難怪有這麼人來食。瑞士汁雞翼配炒蛋，奶醬多，炒蛋同出前一丁麵瑞士汁香甜濃郁，煮得入味，雞翼嫩滑多汁，入口軟稔。奶醬多是必叫之選，厚身而軟熟，表面烤得香脆，奶醬豐富濃郁，令人食不停口。炒蛋滑溜香甜，炒得剛好熟，蛋味濃郁。出前一丁麵煮得剛好熟，爽身滑溜，咬落彈牙有口感，熱騰騰，自己落味粉同麻油包，香氣散發。全日英式早餐材料十分豐富，有奄列，多士，香腸，煙三文魚，煙肉，草菇，焗豆等，份量大份，食到好飽，鮮甜嫩滑，三文魚鮮甜可口。白酒蜆肉意粉有芝士粉鋪面，香甜濃郁，蜆肉嫩滑多汁，有淡淡的白酒味，意粉爽滑彈牙，吸收清甜的忌廉汁。

來到炮台山人氣小店龍門冰室，要等位是等閒事，幸好等了不用多久便有位，在香港，寸金尺土，要搭檯已司空見慣，一個卡座坐四個人，沒浪費任何空間。我們想點鐵板餐鋸件牛扒，但很不湊巧，可能因生意太好，扒爐也熬累了，這晚沒有鐵板食物供應，包括各種扒類，我們退而求其次，點其他吧！傳統英式早餐，包括有煙三文魚，煙肉，茄汁豆，紐倫堡香腸，炒蛋，大啡菇，炸薯餅及厚多士，雖說是早餐，但適用於全日，豐盛悅目，味道可人，還包括餐湯，沙律和飲品。餐湯是羅宋湯，喝一口，沒有驚為天人的反應，平實的茶記味道，微酸夠熱已足夠。接著來還有沙律，粟米碎蛋，拌了蛋黃醬，兒時喜愛的味道，百吃不厭。太座的黑松露蘑菇意粉，陣陣黑松露香氣襲人，忌廉汁與菇菌最合拍，意粉稍軟可能以配合港人口味。餐後歎杯熱奶茶，濃香夠味，認真正！

早兩日去開砲台山北角，見到呢間傳說中嘅龍門冰室最近見佢整咗個免費學生餐，但係我竟然冇法受惠實在太憤怒，所以我要去食咗佢！去到嘅時候大概係一點鐘，已經有人排緊隊排咗十零分鐘，終於入到去我叫咗個流心奄列餐，可以揀雞扒、豬扒仲有魚柳執到有好多選擇，有蕃茄汁、芝士汁、咖哩汁、黑椒汁，仲有龍蝦汁我揀左龍蝦汁魚柳配飯，分量好足，好大碟， 男仔食都夠曬飽個流心奄列果然係正，真係啱啱熟入面真係流心， 好嫩滑個魚柳嘅表面炸到好脆好大塊好實淨，又好白淨龍蝦汁好多，夠曬撈飯而且好香，唔會死鹹，啱啱好！食完出到嚟，仲多人排過頭先！走先喇～下次再去試下佢啲勞丁

係炮台山番工番左好耐，呢頭有好幾間茶餐廳，全部由12點至1點都係排長龍，所以都好少咁神心去排隊。不過近排見龍門冰室好hit，今日無咁忙就決心早d落尼排隊試下啦！12點半落到尼已經排左好多人，前面有十幾二十個。不過茶餐廳會搭枱，翻枱都快，所以條龍都keep住會郁（不過後面條龍係無短過）有別於一般舊式茶餐廳，佢既裝修係比較modern既，黑白格仔階磚都令間餐廳更加型格。不過有樣唔好既，係我同朋友坐個位冷氣超級大，吹到正一正，未有野食尼之前真係覺得似雪房咁。下次睇下坐側邊會唔會無咁凍朋友叫左煎雞扒蔥油撈丁，呢個一上枱真係超級邪惡！平時食撈丁我係expect條條面撈到啡色，不過呢度佢會分開個汁比你，我先發現淨係用蔥油撈落去已經好好味，又唔會太漏。個雞扒望落少少乾，但係食落去雞肉係好滑，而且唔會過咸。而我就叫左個最普通既常餐，沙嗲牛肉米粉+3.6牛乳炒蛋+練奶多士。佢個米粉係我中意既質地，唔係全白色有少少半透明，有d似粉絲既質地。放埋隻炒蛋落去湯度食幾正，美中不足既係個沙嗲唔夠濃，同埋個多士唔夠脆2個餐加埋先$93蚊，下次都想再尼食多次個蔥油撈丁，同埋試下其他野，例如麻辣米線，意大利飯等等~

之前已經成日見到「龍門冰室」，分店都設於旺區，呢幾個月為香港人不斷打氣，有學生證有碗免費麵食，雖然我唔再係學生，但身為香港人當然要幫襯下！餐廳內外由於銅鑼灣實在太多人排隊，就嚟到北角既分店，估唔到都係咁多人！餐廳不停有客入，生意十分好，座位都同一般茶記一樣較窄。食物選擇食物選擇十分之多，西式、中式、港式都有，但由於餐廳實在太好生意做不停，有啲食物今日未能供應，因為廚房整唔切，但身為香港人絕對理解！自選撈丁餐 $44起可選兩款餸，我就揀左牛乳炒蛋，另外加配左雞脾(+$9)及加豬扒($7)，汁方面揀左個茶餐廳少見啲既龍蝦汁(+$4)。撈丁有咁多款餸揀實在唔多地方有，餐廳牛乳炒蛋出名，當然要試下，果真入口有彈性之餘幾滑身，雞脾滷得入味，豬扒亦夠大塊，麵既份量足夠，一個人食好滿足。晚市套餐 ：照燒汁雞扒泡菜炸帶子 $60奉送多士、餐湯，可選飯/意粉，揀左後者。牛油多士一份加是日餐湯係忌廉湯，泡菜沽清。呢份相對上就貴左啲，如果係鐵板上價格就合理點。雞扒炸過，幾濃味，炸帶子都有幾粒，喜歡炸物既朋友呢碟意粉。椒鹽雞翼 $40有6隻，大小不均，炸得有啲過左火，可能太趕，較失色，但不失椒鹽味。Latte

龍門冰室早以遍地開花，總有一間在附近，價錢大眾化，味道份量有水準，難怪客似雲來，一枱接一枱。點了傳統英式早餐，豐富至極，包括炒滑蛋、德國紐倫堡腸、煙三文魚、煙肉、大蘑菇、薯餅、焗豆、多士、餐湯及沙律。盛惠 $70 大元，無得輸 💖💖茶記冰室都有擺盆，三文魚玫瑰，贏到世界的盡頭吧！另一客是秘製咖哩羊架意粉，羊架軟諗，咖哩汁混合了羊肉味道，愛羊的不能錯過。土匪雞翼，一客六件，微酸中有著半分微辣，味道有趣；咬開有燙嘴肉汁，要小心啊！😍黑松露芝士焗雜菌西蘭花，松露味不算重，夠熱是優點。奶茶紅豆冰，茶底是那種混合了多款茶葉的港式奶茶，跟帶沙的紅豆十分配合，好味道，小妹大愛！普通的紅豆冰則奶味濃郁，各有千秋。

Another Finished-workout-Sunday brunchThis time I had a slightly different experience in 茶餐廳, which having all day breakfast lol Comparing to other cafe all day brekkie, the quality and the portion is similar, but the price is slightly cheaper ($70) with a cappuccino. I had my brunch around 4ish , don’t really have to wait for a table and took around 5 mins for the food ready. Definitely would go again lol