龍門冰室 (已結業)

龍門冰室唔知係唔係起源喺屯門龍門路龍門居？😆星期日入屯門探朋友，我有行食到暫時嚟講最好味嘅龍門冰室👍🏼下午茶時間好多人，坐得都幾逼夾，但細細張枱都能夠提供到搓手啫喱、消毒酒精、口罩紙袋，防疫措施做到足，抵讚👍🏼糧尾套餐，可想而知為我D專業低級打工仔而設，三十五大洋，有大大塊煎豬扒，滑滑炒蛋，傳統麻油味出前一丁，加埋杯飲品，超值👍🏼抵食👍🏼常餐C頂級餐肉湯麵轉通粉，炒蛋轉炒蛋白＋鮮油多，蛋白去得唔太清，夾雜左D蛋黃，滑度唔錯，鮮油多超正👍🏼美中不足係個落單阿姐，相信佢唔知咩叫龍鳳檸樂，重複咗三次都係俾罐可樂我，要再重複兩次龍鳳檸樂，至後補........鮮檸only🤦🏻‍♀️，算喇！我唔再同佢糾纏🏳️加埋油菜，西生菜全走，有成半個咁多，埋單$14 ，抵到想喊🤣

去屯門探朋友，佢介紹咗呢間好多分店嘅港式茶餐廳🍴去食嘢，話份量足，價錢唔會好貴，咁咪一齊去食嘢囉！比起其他分店，呢間港式茶餐廳面積唔算大，不過裝修風格都係可以叫做一致，白磚牆身咁啦⋯⋯，冇乜特別。叫左個常餐($35)，有沙嗲牛肉麵(我轉左要米粉)，鮮油多，炒蛋白，飲品就要左凍泡沫咖啡(走甜兼少冰🧊)。想講嗰份炒蛋白真係好正，用料足，大大份，厚度十足，因為冇蛋黃，唔駛擔心膽固醇超標，而且蛋白營養豐富，含有大量優質蛋白質，食多多都冇有驚，入口熱辣辣，絕對係即叫即煮，正👍。仲有嗰份鮮油多，多大自動走邊，抵讚，至緊要係多士裡面厚厚又夠凍嘅鮮牛油🧈，入口即化，外面多士又熱又夠脆，絕對冇花冇假嘅好味道呢！

平時經過龍門冰室都一定會見到長長的人龍，今次2點幾黎到屯門分店，可能過咗食飯時間，見到冇咁多人，我同朋友都二話不說直接衝入去。終於試到呢間屬於香港人的冰室💛貼心的腦細為客人提供了酒精搓手液同口罩袋。龍門冰室真係有好多選擇，常餐，快餐，玉子燒，英式早餐，鋸扒，真係應有盡有，可以迎合唔同人的口味。蔥油雞扒炸帶子飯快餐會有埋羅宋湯同沙律，兩樣都酸酸甜甜，非常開胃。脆脆的雞皮加埋嫩滑的雞肉，再配埋蔥油白飯，是男人另一種的浪慢。仲有非常鮮甜的帶子點綴，很滿足。黑松露意粉估唔到冰室都可以食到我最愛的黑松露意粉，我緊係要點黎試試，一上台已經嗅到陣陣黑松露的香味，加埋幾種不同的菇，令到成碟意粉的口感更豐富。另外份量非常多，同朋友share岩岩好。一定會在再黎懲罰呢間冰室💪🏻💪🏻💪🏻

龍門多好野食就係人都知，今日我同姊妹入到黎龍門居，決定食呢間街知巷聞既龍門冰室室內環境以簡約既白色大瓷磚黑色細橫紋做牆身，白色餐桌配黑色坐椅，夠型格，整體感覺坐得好舒服作為蛋fans,一睇menu 就比呢個3.6特濃牛奶芝士玉子燒常餐吸引到呢個芝士玉子燒有成4種味道（吞拿魚/香辣肉醬/咸牛肉/黑松露雜菌）任君選擇！吞拿魚芝士玉子燒配牛油多士奶味香濃，蛋炒得好滑，一啲都唔老，內層芝士+吞拿魚口感creamy，最重要芝士唔會太膩多士烘到金黃色岩岩好，唔會太燶，小妹建議夾少量玉子燒咁食，無得輸！雜菇菌米線（跟餐）跟餐湯麵有多款選擇，而且好大碗麻醬烏冬配瑞士雞翼朋友仔點左呢個夏日消暑茶餐，瑞士汁雞翼好入味，烏冬麵條分明唔會痴埋一舊，食到佢停唔到口黑松露醬薯條🍟無論係醬定薯條都絕對係supersize!薯條偏軟，而且夠粗身，點埋香濃既黑松露醬，真係啖啖滋味飲品：咖啡奶茶☕️揀左冰室最基本飲品，咖啡奶茶☕️所謂越簡單既野，越難做得好，龍門冰室連飲品都依然做到應有質素，凍奶茶係小妹鍾意既奶味濃版，至於熱咖啡朋友就話好香食左咁多野埋單都只係$121，絕對cp值超高，我同朋友都好滿意呢個下午茶龍門冰室果然名

今日甘岩約左朋友係屯門見面，突然心血來潮想食鐵板餐，佢就帶左我黎龍門居呢間龍門冰室食晚餐。入到去坐底，好貼心甘每張枱獨立放左消毒洗水液，岩晒我呢啲無帶既懶人。menu方面，都幾多選擇，佢個下午茶都好吸引，下次有時間過黎試下。晚餐當然點左我最愛既龍蝦汁羊架香草腸鐵板餐，首先一上枱真係嚇親，下面既意粉份量真係好多，1個人都食唔晒，完全唔會小家。羊架配龍蝦汁又出奇地夾喎，羊架火喉煎到岩岩好，唔會太難咬同太乾。朋友點既鐵板星級雜扒餐都唔差，份量一樣大大份，而且仲有埋牛扒同炸帶子，朋友表示食得好滿足!

今時今日龍門冰室都算係非常出名，其他分店都間唔中會幫襯，唯獨係龍門居呢一間真係冇乜機會幫襯，真係咁岩去間呢一頭先會入到黎試下☺️龍門居d鋪頭集中晒係樓下條路度，所以好易就搵到。𣎴過鋪位同其他分店既size差好遠，入到去坐低已經見到d侍應同客人都熟落咁吹水，明顯係做街坊生意既格局。呢排因為疫情，都知道龍門有自設工作室整下抗疫用品。是日午餐餐牌，我果日就揀左吉豬烏冬，而朋友就係餐牌揀左個麵餐烏冬一上碟就見到好足料，塊吉豬夠厚身又大大塊，烏冬色水夠深，肯定夠晒味🤤果然不出所料，好食到停唔到口朋友個麵餐就係五香肉丁辛辣麵，辣x辣，見到碗麵我都流汗😂朋友comment話肉丁好多，麵就偏硬身，岩晒佢口味👍🏻個麵餐重會跟一份牛奶咸牛肉玉子燒，我試左一啖，d蛋滑到不得了，配埋大量咸牛肉，直頭係王牌美食😍至於多士亦都好好，有得配奶醬多，好有心機😍野飲就叫左凍奶茶同凍檸茶食完唔多夠飽，所以叫多2份小食，蜜糖雞翼同薯蓉青口。2樣質素都好高，不過我個人鐘意雞翼多d，因為青口下面d薯蓉真係齋薯蓉😂如果多返少少配料會更高分最尾見到重有真普糭賣，當然要支持下👍🏻👍🏻👍🏻

次次經過，次次排長龍，今次終於唔使排隊，當然要支持一下。好，坐低睇吓有咩好食先。常餐蕃茄濃湯通粉，龍門冰室出名嘢食超大份，估唔到連通粉都咁大碗，牛乳炒蛋食落都滑，真係超厚，大大粒酸酸甜甜蕃茄，牛肉夠新鮮，通粉係爽口嘅，都係$37咋。羅宋湯，飲落夠稠，個湯夠熱，仲有好多雜菜，好飲！星級雜扒，呢個扒餐兩個人都夠食，仲可以跟飯或者意粉，除咗主菜牛扒、雞扒，仲有四粒炸帶子、三文魚，加埋個龍蝦汁，食落夠汁夠肉，唔會乾。西蘭花、雜菜，係青BB嘅，夠新鮮，仲有大量粗薯條，抵食！天氣太熱，飲杯紅豆冰爽一爽，係紅豆冰淡少少。

屯門友屯門牛一定識哩間，龍門冰室，約左朋友係附近食啲野頂下肚先，叫左好多人都會叫既玉子燒，不過我既係咸牛肉😍😍芝士玉子燒，仲有個炸醬豬頸肉麵，諗住都係小小野，上到抬份量一啲都唔細， 芝士咸牛肉玉子燒，個心仲係好嫩滑咸牛肉味好濃， 男士嘅話都要4/5啖先食得曬，大份到呢， 仲要跟多件牛油多士，而個 炸醬豬頸肉公仔麵，個碗睇落好細但係份量都好多，食落去就少咗微辣嘅感覺，佢啲麵都煮到幾爽口，啲豬頸肉鋪滿咗喺個公仔麵上面， 明明食少少嘢都已經飽到上心口， 仲要個價錢都唔過60蚊

在屯門海濱跑完步後特登同朋友走入去龍門茶餐廳食晚飯點了一個雞扒差燒甜鼓油公仔麵好喜歡雞扒的味道公仔麵簡單撈甜豉油味道可以接受最驚喜係個熱咖啡無加糖都覺得香濃好飲少喝咖啡的我都愛上了#平價之選

Today is Sunday, I went to Tuen Mun to have a dinner with my friend. This is one of the famous yellow restaurant in Hong Kong. We ordered several dishes tonight. One of the dishes is the fried chicken wings, it’s very crispy.And of course we ordered some vegetables The bread is crispy too! The sausage is my favorite one, it’s very juicy inside.They put some beef into the omelette, it’s very softFinally, this is the soup and drinks. Love it!

今日同男朋友走左去屯門龍門居附近行下，先發覺原來好多野食，今次就揀左去龍門冰室食晚飯。店舖唔算大，但都坐得舒服既，餐牌好多選擇，選擇困難症既我都唔知叫咩好。最後我揀左豉油汁雞髀撈公仔麵，感覺上有啲dry，除左雞髀🍗就無其他餸，但公仔麵份量都唔算少既😘男朋友就叫左蒜蓉汁芝士豬扒飯，佢個飯豐富好多，我都痴左幾啖食，最正係芝士🥰，豬扒都唔細塊架，食完真係要做番運動至得啦😆下次黎果時再試下其他野食先☺️

終於試左呢間好出名既黃店💛 由於疫情關係，呢排都唔洗等位，同埋餐廳都真係有叫食客坐開啲，保持距離，食得安心啲見到廚房接好多外賣單，店內就唔太多人，每張枱都消毒搓手液同酒精，仲有裝口罩既套添，店員服務態度都好好👍🏼😛我叫左個3.6北海堂牛乳炒蛋玉子燒，咸牛肉餡，配花生醬煉奶多士，配沙嗲牛肉麻油一丁（$51），每一樣野食都幾好味，沙嗲汁好多，個麵又唔會overcook,撈完先食好好味，個玉子燒唔知點解整得有d似奄列😂不過唔緊要啦，個蛋本身有啲淡，配咸牛肉餡一齊食就啱啱好，奶醬多啲醬遍佈成塊多士，每一啖都有醬😋仲加左炸魚柳(+$14)，個魚好滑，熱辣辣脆卜卜，點沙律醬食好正加$6多個餐湯，個羅送湯好濃郁好開胃，本身個餐包野飲，不過我唔想飲就冇叫到，仲可以減$5🤣我個frd就叫左黑松露意大利飯，我試左啖，其實幾好味，不過自己食哂一個就食到超級濟😆建議share食呢間真係黃得黎又抵食又好味，個份量係大食男仔都夠哂飽，附帶餐牌:

外賣自取 只需39元 送埋可樂比你態度良好 雖然平,但食物質量一D都唔馬虎而家一個晚飯 正正常常都要60元如果想慳錢 屋企無人煮飯 鐘意食CP值高唧外賣, 小弟強烈推介呢排在家工作,雪櫃都儲左半打可樂當然龍門居重有好多選擇, 但性價比最高就呢間了

第一次入龍門居，正常一場嚟到會掃小食。但以嫁受疫情影響，為咗確保食飯食得安全啲，如果要出街食都盡量揀返餐廳先。之前都幫襯過龍門冰室分店，後來都想試下最原始風味，所以就去咗食龍門冰室。餐廳環境而言，係經典港式茶記感覺，無任何花巧設計，實用為主。我地當日嘅座位對正廚房門口，毫無掩蓋，所以廚師講野都幾應聲。-傳統英式早餐 $68套餐一共包括炒滑蛋、煎午餐肉、德國紐倫堡腸、煙三文魚、煙肉、炸蝦、薯餅、焗豆、多士。以$68免加一呢個價錢嚟講，呢個餐都幾抵食，份量夠晒大，男仔食都夠飽。煙三文魚做得唔錯，鹹香帶鮮。多士並非單塊蘸取牛油就算，而係整到好似三文治咁夾住牛油，幾特別。薯餅同炸蝦都唔會炸得過火，香口帶酥感。-流心奄列餐 $50可以自選配菜及醬汁，我揀咗豬扒茄汁意粉配奄列。奄列配大量意粉，呢個餐份量同樣唔惹少。欣賞豬扒煎得好香，豬肉香濃郁，口感頗鬆軟。可惜茄汁唔夠突出，酸甜度遜色。

相信大家都知道尼間野個老世好巴閉架啦所以我都想懲罰佢好耐架啦咁岩入開屯門又唔想去屯市食就過左黎龍門居啦入到去店內你會見到好多marvel既擺設同一般既茶餐廳唔同，佢係俾你感覺到好casual得黎又好有性格我同個friend一齊叫野食share簡簡單單就黎個是日晚餐啦再叫多個黑松露雜菌意大利飯配沙爹牛肉一上菜就嚇親第一時間係諗咁多食唔晒點算啦你睇下佢既牛排同雞排真係同我隻手掌差唔多size唔係講笑牛既肉地唔會太韌好易咬而塊雞排應該係岩岩煎好塊皮好香好jeng尼個黑松露雜菌意大利飯先係今晚既主角佢上碟個一下我已經俾佢既黑松露味吸引住超級大大大大份個量係平時去cafe食既2倍以上好重松露味，好香而且超juicy又多菇食好飽肚兩個人平均先至75蚊左右真係抵到爛下次一定要翻黎懲罰佢既黑松露雜菌意大利飯每一淡，真係喺心入面講:「好好味啊!」