龍門客棧

营业中

休息中

年三十晚好多食肆都收咗樓，誤打誤撞入咗呢一間舖頭，味道唔錯，好友小店風味。Set Lunch有唔樣嘢揀，我哋兩個人就揀咗惠州甜梅菜蒸肉餅同埋姐婆尤墨小鮮肉，兩樣嘢食嚟到嘅時候先至發現原來都係肉餅。我個人就鍾意姐婆尤墨小鮮肉多啲，其實即係墨汁魷魚肉餅，魷魚味香，可能因為用咗墨魚汁嘅關係所以有輕微海水鮮味。惠州甜梅菜蒸肉餅嘅梅菜味就唔係好覺，不過兩個肉餅嘅肉質都唔錯，好欣賞肥肉算少。跟餐嘅飯有菜同蝦米喺面，都幾大碗。另外是日有個鹽豆漿免費試食，辣嘅，入面都幾多料，唔錯，不過似湯多過豆漿。

網上相片同真實完全兩回事，網上邊看文章說如何那般，看見圖片上的土尤蒸肉餅和麻辣雞不錯，然後走去試一下，然後麻辣雞嚟到嘅時候完全和圖片是兩回事，成碟雞胸都算，但係D雞係咩，就自己諗啦，唔係唔好食，係完全食唔到，10分失望，講話係即磨咖啡，但………..，徹底中伏的一次

因為午餐 質素不錯，所以 一行五人試吓私房菜期望越大失望越大先是老火渴每人一小碗，冇得添飲再來清蒸班頭腩，沒有什麼好說，只是一般的質素的養魚，腥味有余，鮮味全無，蒸得火候也一般，在大埔街市內，我們重來不貴的，如用一些野生海魚，即使平價，也更值得期待。老陳反鴨，黃洒難，味是可以的，但沒有任驚喜豆腐蒸肉丸，平常家常餸，我哋五個人有六塊，反正一小塊的，小朋友多吃一口吧。油鹽水蝦+花甲，有大排檔feel，是全晚做得最最正常，但蝦體型太小，份量也不足鮮果伴焗鮮鮑魚，每人一隻，鮑魚比較爽口，味淡蝦米煮椰菜，椰菜煮得稀爛，低於一般家庭煮婦嘅水準沒有甜品，至於包飯同汽水，我哋都係最後付款才知道😞總結：食材質素稍低，分量太少，食材平價，所有烹調沒有顯出廚師功架每人300蚊，唯有慨嘆，惡性通脹！其實都要花啲心思喺食材嗰度。我期待好嘅特色食材。平價或貴價也可，但要有心思嘅烹調。可能已經開咗太耐，一切都變得例行公事。

新界區的街坊小店，由老闆親自下廚，製作自家風味的私房菜，性價比高。今期菜式：螺頭湯，清蒸海魚，黃酒蒸雞，老陳皮鴨脾，黑毛豬蒸豆腐，蒸蝦蜆，燒鮮鮑魚配生果，清炒椰菜。難得老闆對為街坊提供價廉味美特色美食的熱誠，藉得支持！

作為大埔人，竟然都無食過龍門客棧！所以睇完米紙都即過黎試🤪.等左陣就有位，店細細，職員又唔多，又要即叫即整，所以要啲時間等。星期六一點幾黎就已經無晒雞，同奶茶🥹因為太好食，又無味精啲客家菜好少有.1️⃣姐婆尤墨蒸小鮮肉 $48超勁好食！唔會食都肥膏，但又啖啖肉，又有尤魚香，有口感😚😚😚又唔太咸，送飯一流😝😝😝😝😝.2️⃣客家咸雞 $48唔太肥，咸度適中，好香口🥹🥹啲雞皮都好好食😝夾埋流心蛋，正！.日日食都得😝住家菜味道

今日（15/5/2022）第一次嚟呢間餐廳食晚飯，入到嚟坐咗冇耐就見到枱面好多黑色一點點，睇真啲發現係幼蟲。同老細反映後，話係呢幾日已經有蟲，點處理極都係有。反映完後剩係拎翻枱布清潔下枱面就算。之後拎餐具嚟，用翻疑似係清潔枱面塊布，抹緊餐具拎過嚟。啲湯鹹到偏程口味嘅我都覺得鹹，仲要有頭髮同蟲。食食下飯啲蟲四圍飛。成餐飯不停有蟲出現。總括然而，餐廳環境唔衛生，食物質素份量一般，$300一位性價比低，個人唔推介。一間餐廳環境衛生唔得，店主發現有問題，應該同食客講，推遲booking而唔係講已經用消毒嘢清潔完，要食客係呢個環境進餐。

日常工作忙經常要喺出面食埋飯先返屋企而街外嘅食物多數比較煎炸油膩好少會食到住家菜不過比我搵到屋企附近有一間正宗客家菜式嘅餐廳位於大埔的 「 龍門客棧 」餐廳裝修以木位置牆壁上寫滿不同菜式嘅名稱還有一幅人手繪畫嘅屋村景象呢度有多款自家製菜式重點係絕無味精烹調啱晒追求健康養生嘅人士去幫襯見到佢哋推介嘅龍門午餐價錢好抵食我哋二人就分別order了兩份lunch set包括惠州甜梅菜蒸鮮肉餅以及港式生煎洋蔥雞柳 $48而洋蔥雞柳外賣價錢都只係$40外賣竟然仲抵食過堂食價錢是超級成本價真係好吸引呢惠州甜梅菜蒸鮮肉餅相比起坊間食嘅肉餅呢一款味道好唔同有所改良並用上惠州返嘅甜梅菜食落去硬身D、好香濃嘅豬味半肥半瘦好有口感味道鹹鹹地送飯一流港式生煎洋蔥雞柳遠處都已經聞到煎得好香嘅洋蔥味嚟到見到有4-5大件雞柳即叫即煎相當有鑊氣食到好似有燒烤味好香口面頭仲有少少香蔥粒雞肉伴隨雞皮半肥瘦一齊食而且肉質非常鮮嫩呢招牌菜式還有獨家麻而不辣雞自己整嘅麻辣醬係採用新鮮青花椒紅花椒炒浸製成不會落紅油及一滴花難怪濃厚麻香味突出辣度唔係一般嘅死辣味道而且唔會好多雞油唔會太油膩雞件多肉少骨食到我哋舔舔脷店員果然冇介紹錯食

最近天氣好緊係去行下山，出發之前食好西先有力氣，經過呢間餐廳，就比佢既經濟實惠吸引到，點知質素都相當有保證，海鮮每日7點在附近街市採購！新鮮又誠意滿滿！而且午餐只是48元，值得一試！😍😍🌸🌸🌸🌸🌸🌸🌸🌸🌸🌸🌸🌸🌸🌸姐婆尤墨小鮮肉這道菜是客家菜，尤魚味好濃，睇落細細碟，其實都好飽！老闆話疫情價之後會減到45元，超值！即叫即蒸 ，肉餅加墨魚汁，入口魷魚香撲鼻！港式生煎洋蔥雞柳無味精，味道唔算太多濃，反而有家常的感覺 ，無負擔！😍有油光既溏心蛋期間限定，採用日本蛋😱蛋夠流心！入口即溶，好食月桂奶茶 大跟餐15元 淨飲25最signature ！有月桂味，最誇張係採用自家種的月桂葉，茶味較少，飲完無港式奶茶果種甜膩及濟！奶茶掛杯，茶味濃淡適中，更能突出月桂香味！

好有heart 既隱世客家菜，每樣食物都好講究食材煮法，無味精無雞粉，用心製作自然好味道😋❤生煎洋蔥雞扒 全雞脾肉既雞扒，慢慢用洋蔥生煎，肉質好嫩而且好夠味!! 外皮仲煎到微微焦脆，好正!! 非常推介一定要加半熟溏心蛋真係超正，又香又入味🧡客家尤墨蒸鮮肉餅 黑黑地色既肉餅，睇落已經夠特別～用新鮮魷魚仔+馬蹄+豬肉 +墨魚汁整成既肉餅，好好香咸香味又彈牙，1啖肉餅1啖飯，唔覺唔覺就食晒成碗飯～再加上用個傳統缽仔上菜，更加有客家菜風味💛月桂奶茶 係自家培植既月桂樹，採摘月桂葉，加紅茶膽製成既手拉幼滑奶茶，一飲難忘，又香又滑又順口，茶味奶味比例岩岩好，大推!!💚月桂茶 新鮮月桂葉焗既茶，好清香有回甘又冇澀味

客家菜主打重口味，這家店收的價錢好易令人誤會他們是茶餐廳，但試過後就知道肯定是有下功夫的作品，外間不易吃到小店服務不錯，老闆娘服務周全，樂聽意見，非常小見環境比一般茶餐廳舒適得多，非常闊落，乾淨企理選擇不多，但款款都有自己的特色試了1跟71.姐婆尤墨小鮮肉$48其實就是魷魚肉餅，非常少見的用上鮮魷魚，口感帶點煙韌，還有些爽口的馬蹄，不俗，還有像部分意大利飯般加入墨魚汁，非常特別聽聞姐婆是指太婆，即這是她的秘傳食譜！7.港式生煎洋蔥雞柳$48同樣重口味的生煎雞柳，雞肉帶薄皮，口感外脆內軟，聽聞是早上從屠宰場來的雞肉，所以特別鮮生煎即是只用煎的方法煮熟，火侯控制得好會特別香，既脆又多汁洋蔥也夠甜，不俗月桂奶茶很重月桂味的奶茶，少有的香料味重，有像印度奶茶，奶味甜味都重，不像一般港式奶茶，特別

是日在大埔四里遊蕩補倉，不覺就穿過寶鄉邨附近再入的矮舊樓，見小廟宇對面馬路寧舍有間小食肆喚「龍門客棧」。平時吃客家菜，都是碟頭大、大夥兒大快朵頤之類。這店顛覆我既定印象，枱椅不多，進門右面是一大幅粉筆似的校園手作畫，伴以懷舊黑膠碟封套裝飾，播的是懷舊英文金曲And I love you so、Rhinestone Cowboy ……差點還道又是一間台式文青食店。午市餐款式約7款，賣點是細緻原味道，份量呢？真是見仁見智，同一飯量餸量，鄰枱大男人一碗飯也吃剩，本枱兒童用肉餅、雞柳撈撈飯，不慌不忙就「照鏡」。不甘流於俗套，標榜不加味精原味道，奶茶都得弄個「月桂葉奶茶」，凍飲，但沒冰塊，預設少甜，新鮮月桂葉撈奶茶，味道有點似金不換但多了月桂本身的油潤味，奶味清，有別於港式奶茶，見旁有人外賣此就是換成350ml支裝。姐婆尤墨蒸小鮮肉，實情就是墨汁鮮魷肉餅。鹹度是介乎傳統客家菜（偏鹹以上）與港人一般對肉餅的鹹度印象之間，我自己偏好鹹香鹹香所以覺得剛好，肉餅起膠，抓緊切粒鮮魷及豬肉碎，所以口感彈牙。同行兒童比較喜歡「港式生煎洋蔥雞柳」，大概是似媽媽煮味道，雞柳色澤金黃、香滑、洋蔥條幼，而鹹度亦貼近港

原來大埔墟有一間客家私房菜，多得朋友推介我先知道😍呢道主打客家菜，但有別於傳統客家菜，經過廚師改良升級，料理中絕無味精。保留傳統客家菜味道時亦更健康🌱餐廳裝修好有心思，用木系作主調，有古代客棧感覺。有手繪壁畫，牆上有手寫餐單，亦有乾花作佈置🌾🦑 #姐婆尤墨蒸小鮮肉 ➖ 💲55用砵仔蒸嘅肉餅。因為加咗尤墨膽汁，所以顏色變咗黑墨墨。但加返少少蔥花，整體賣相都可以。肉餅仲混合了手打豬肉同蝦醬，味道咸香，口感滑溜彈牙，非常出色！好適合送飯🍚🐔 #港式生煎洋蔥雞柳 ➖ 💲48生煎雞柳充滿肉汁，以天然香料醃肉，味道更香。洋蔥都煎到焦香，好好味道。☕️ #月桂奶茶 ➖ 加配💲10必點💯店家自家種植地中海品種嘅月桂葉調配出來。入口淡淡幽香，好獨特，醇滑口感。【龍門客棧】📌 #大埔懷仁街7號地舖

龍門客棧小店隱藏客家fusion菜高手，有咸水雞、蜑家蒸魚嘅經典菜式，亦有墨魚膽蒸肉餅呢類創新菜式🥢整體而言有驚喜，係值得再試嘅餐廳❤️晚市嚟嘅話仲有私房菜或者海鮮宴，價錢由300至1200，由廚師揀選菜式，可以嚟一個中式嘅omakase添🌀尤墨蒸小鮮肉 $55好有特色嘅蒸肉餅，只係呢度食到，加咗墨魚膽嘅肉餅，暗黑賣相十分特別🌑肉餅混合吊筒，仲加咗蝦醬，食起嚟味道超特別，咸咸香香咁，好惹味，啱晒送飯🤤🌀惠州甜梅菜蒸鮮肉餅 $55同樣以缽仔裝住好有客家風味，梅菜甜甜地唔會過咸，加上肉餅肥瘦適中，有瘦肉嘅口感之餘亦有肥肉嘅嫩滑，非常惹味🌀生煎洋蔥雞柳 $48雞柳係生煎嘅關係，肉質特別juicy，以香料代替一般調味料醃雞肉，食落有種獨特嘅香味👍🏽雞皮煎到金黃色，淋上豉油汁，賣相吸引，簡單嘅菜式更加突出師傅嘅功力，好值得encore😋🌀月桂奶茶小店嘅奶茶唔會好似茶餐廳飲到嘅咁濃郁☕️反而係走清新路線，加入自家種嘅月桂葉☘️飲落帶有清香嘅月桂葉味，so refreshing👍🏽

🎥📀💿 龍門客棧 (大埔) 🎞🎙💽🐲🐉地址 ：大埔懷仁街7號地舖🐉🐲🎙☎️📹💿💾💽🗜📼📷📸📽🎞📞🐉香港味 香港情⛩懷舊 黑膠唱片 情懷 原味道🐲主打客家 蜑家 mixture各家之大成⛩主調離不開原味手工菜🐉晚市私房菜 ⛩讓客人感受地道家的感覺🐲民以食為天 除左為解三餐之需要⛩亦都係對身體一種負責任🐉人嘅疾病7成係吃食出嚟⛩龍門客棧堅持拒絕落味精 一滴香佢哋冇餐牌㗎 👀所有食物已經寫晒喺餐廳嘅周圍環境氣氛都幾好 懷舊復古情懷睇得出佢哋好有心思去裝修 佈置每隻字 每一幅畫 每一隻黑膠唱片都係用心無限公司佢哋全港首創月桂奶茶採用來自地中海嘅月桂葉 自家農場種植 成本相對較高所以月桂奶茶亦都比較貴少少但都值得試！幽香回甘 清甜中醞釀着月桂嘅味道港式生煎洋蔥雞柳飯今時今日既嘅香港🇭🇰 以 快！聞名世界我諗冇幾多餐廳會肯同你慢慢生煎🙈🤣尼大埔 可以試一試👀依家佢哋都同香港人一齊同心抗疫共渡難關所有午餐都有優惠價🎉🔛🔝🔜〰️➰🔙🔚👁‍🗨®️©️🟰🎶➕♾️💲💱™️🎵🎵

大埔舊墟呢度我經常都嚟 都幾多嘢食今日就試下呢間家庭式經營嘅餐廳 師傅係自學成才非常有性格 唔知呢到樣樣餸都係佢哋嘅特色客家小菜 有肉餅咖哩咸雞 鹹海鮮 等等 有時候仲有龍躉食㖭全部都係每日 師父係街市 新鮮挑選嘅海鮮嚟嘅 呢度裝修幾特別有一種 復古風 茶餐廳嘅風格 絕對唔係啲大餐廳嘅一式一樣嘅裝修呢度非常特別 今日我嚟到就試咗去哋嘅特色小菜 油墨小鮮肉 係鮮魷魚仔加上墨汁同埋豬肉打成 黑蚊蚊好鹹鮮味 完全冇味精送飯一流 感覺有啲似墨魚丸咁 另外試咗佢哋個 蒸鹹海鮮 係由不同嘅鮮魚 加上佢哋嘅 薑蓉蒜頭蒸因為有自然嘅鹹香所以完全唔使加豉油亦都係送飯一流之作 另外佢哋都有 自家製嘅龍門自家咖哩牛坑腩咖哩都係自己炒出嚟 飲品方面佢哋個 咖啡係自己煲出嚟同埋自家製嘅月桂奶茶加咗新鮮嘅月桂葉 非常惹味 大埔嘅朋友真係幸福呀 可以呢試下呢度嘅 客家菜