龍鳳祥餃子館 (已結業)

最近食得太放肆，係時候減低份量食得輕盈一點。以餃子為主打的一間龍鳯餃子店，細細間，清一色女服務員，難道小鳯姐們真的等侯皇上微服出巡。蕃茄蛋餃子真係坊間少見。外皮不厚也不薄，包裹著蕃茄粒和蛋碎，勁爆滿，味道清宜不含味精，最適合素食人士。如蘸少許醋作調味，又另一種層次了。其實好抵食，以數十元有十隻之多。酸辣湯材料足有口感。酸度辣度剛剛好，茨汁不會過多，越食越開胃。今時今日百物騰貴，只數十元，水準又不差，相當難找。

2人簡單晚餐，行開呢頭見到餐牌岩食，嘿嘿見到好多台都叫左個牛肉麵，　原來係牛犇麵湯底好濃味，有小許藥材味，唔油膩，不錯不錯牛腩好淋又入味，價錢４Ｘ蚊，牛份量算多，嘿嘿麵質口感唔錯，比較有咬口。　而且都吸左Ｄ湯，入哂味，嘿嘿口水雞，大件雞件，仲有麻辣青瓜做底雞肉都滑身，夠肥美，辣味夠哂。可以麻味再重Ｄ嘿嘿肉三鮮煎餃，９菜，豬肉，蝦肉。皮薄，煎到有脆邊，裡面仲有肉汁，嘿嘿普通晚餐都不錯，價錢算親民。嘿嘿

行行下，最後去左食水餃地方細細，但坐滿客人，都知道呢間小店一定有特別大豬耳！呢隻小食，好正！小辣味道突出，豬耳味夠哂香，而且夠哂爽口，可以同大家講，你會食不停口，食下食下不知不覺食哂成碗評分真係5/5。必食推介韮菜水餃牛牛湯底其實佢個正名唔係牛牛湯🐮🐮，但小弟不才，讀書少，個個字唔識讀，只係同落單姐姐講牛牛湯底佢有幾個湯底，牛湯同蕃茄湯都可以一試牛牛湯有咩咁特別呢？牛味十足，真係好重牛味！愛牛人士可以一試，少少藥材味，牛味加淡淡藥材味，互相配合得好好，互相帶起，吃下你會感受到小店嘅用心韮菜餃，唔錯，皮有彈性，證明夠新鮮，味道很香評分4/5四川擔擔麵佢唔同傳統嘅擔擔麵，佢味道較淡，沒有厚香花生味，麵底不錯，夠爽口，但如果想食返傳統味道，要去第二店，始終呢間係水餃店，所以唔需要比太夠期望這面，不過不失吧！評分3/5煎韮菜可能太夠人關係，煎得不好，油太多，又唔夠脆身，未能夠帶出煎嘅香，只係食出皮好硬，太油利，失望評分2/5總結大家可以食下小店小食同水餃湯底(見人多就唔好煎啦)

日日都粥粉麵飯好悶呀！今日係太子開完會，見到餃子店，仲要唔洗等位，立即衝入去。同好同事兩個人撐枱腳，餃子也溫馨☺️小店麻雀雖小，五臟俱全，乾淨俐落，椅子尚算舒適。見到姐姐好努力咁親手包餃子，再見到枱上佈滿唔同類型嘅醬汁，是真誠親切的。餃子係重點，樣樣都想試下，我地點左兩份雙拼： (煎) 京蔥羊肉; 白菜豬肉外層煎得金黃香脆，羊肉騷香，豬肉香甜。兩款都非常多汁，食到停唔到口。👍🏻第一次食煎餃唔覺得個皮厚同硬。（湯) 肉三鮮，芹菜豬肉餃子脹卜卜，餡料足，肉三鮮有蝦，甜美多汁。亦是非常欣賞。☺️酸辣湯: (小)其中一款雙拼湯底轉左，真係有點辣，不過不會嗆喉，很過癮。涼菜1 - 醬豬耳(小)豬耳好耐無食，今日難得有得食，好期待。 豬耳爽脆，醬汁開胃，有細嗰外婆下廚的味道。涼菜2 - 京式醬牛肉：(小)第一次食！開頭以為係好似食上海菜嗰啲小菜式的炒牛肉，還好奇點解會係「涼」菜! 原來真係涼點，牛肉味道層次感強，口感有點像薄切的鎮江肴肉，很特別。總結: 餃子真係百吃不厭，易入口又滿足。

上星期六閒着無事, 和媽咪去了佐敦, 她說想去佐敦街巿買點草葯煲湯買完東西後, 見肚子有點空空的, 剛好又下了點小雨 就隨便找了間小吃店吃點小食, 順便等雨等了再回家~ 這間店名叫"龍鳳祥餃子店" 裝潢新淨, 帶點中國風, 應該開業無耐, 不過看到食客都幾多, 個個都吃得好開心咁, 所以我地就叫了一個肉三鮮(豬肉, 韭菜, 蝦仁) 上海麵, 二個小食(醉雞, 千層醬豬耳) 分着吃~ 價格方面, 個人覺得是平民級數, 餃子可淨叫(一客10隻), 約HKD 40-48不等, 視乎用料; 另外可以轉上海麵/拉麵, 那餃子數量會少一點, 只有5隻, 價位絕對不貴~ 肉三鮮(豬肉, 韭菜, 蝦仁) 上海麵 - 上菜很快, 湯麵熱騰騰送上~暖笠笠~~ 餃子用料豐富, 皮很薄料又夠多, 每一隻都塞了滿滿的豬肉韭菜, 另外還有原隻蝦仁, 又爽又彈牙! 而且味調得很好, 一點都不會覺得重味精, 是鮮味十足的感覺, 再加上麵條都好好食, 我覺得這裡的質素真的不錯!很好食!! 小吃要了碟醉雞, 雞隻是出乎意料的滑滑滑!!! 嘩, 雞皮雞肉都是嫩滑到一個點!!! 而且充滿雞味, 索了少少酒味

這天來到佐敦，本來是想吃炒蛋茶餐，可是排隊的人實在太多，所以，最後決定向前走走，看看有什麼好吃的。 一路向前走發現有一間叫龍鳳祥餃子館的餐廳，餐牌上的食物非常吸引，而且價錢平，種類多，最後決定試試。 餐廳雖然佔比不大，但內裏就可以容納約30左右的食客，而牆身更以小木牌刻上各出主打美食名稱。 雞絲拌粉皮 這個小食的份量不少，上層是嫩滑雞絲， 中間放了爽口青瓜絲，以下層就是放了滑溜溜的粉皮，入口時口感豐富，加上香口惹味的醬汁，超級美味。 東北打滷麵 這個湯麵以蕃茄湯做湯底，所以入口時帶有淡淡的番茄香味，而內裏的材料包括有白菜、番茄、雞蛋及蝦仁， 白菜爽脆，雞蛋軟滑不老，蝦仁爽口，配上口感彈牙的打滷麵，個人認為非常不錯。 羊肉汆麵 這個麵同樣是以蕃茄作湯底，但入口時除了有蕃茄味外，還會有濃濃的羊肉肉香味，所以味道挺鮮甜，而羊肉的口感軟淋， 不粗鞋，羊羶味亦不重，大大碗的，讚。 飲品方面，我們都點了豆漿享用，味道不用多說，但價錢超平，只是$4杯，超值。

在佐敦上課，見還有時間就到處逛，附近好像沒有很多餃子的選擇，所以就選了這間龍鳳祥餃子，看起來還很有名氣。.進來之後裝潢很美觀雅緻，讓食客食得挺寫意，不過椅子都是沒有後背的，所以要自己挺直腰啦！.▶韭菜鮮蝦餃（煎餃）：★★★☆☆點了一份煎餃，初時感覺是覺得煎得很油，閃閃發光的樣子，可能是應該選水餃合適一點，餃子餡料和味道都很喜歡，淡淡肉，不錯。.▶蕃茄鮮蛋餃（煎餃）：★★★☆☆這個值得一提的是用蛋和蕃茄入餡而製餃子，同樣地可能是因為太油的關係，好像失去了蕃茄和蛋的鮮和清爽，可惜，下次試一次水餃吧！.▶蕃茄湯：★★☆☆☆餃子整體而言我覺得都還可以，至於這個就真的有點令人垢病，一整碗湯像茄汁加水滾熱一樣的味道，很濃郁的茄汁酸味，這個還是免了。

秘制牛犇上海麵都幾多料，牛肉肉味不算濃但很腍，湯底有牛肉味，上海麵比較腍，不夠爽口，不過佐敦區價錢都算合理，幾十蚊食碗粉，無咩要求。不過地方幾濟迫，所以拿拿聲食完就走，背貼背食都幾辛苦。

一早約了朋友吃午餐，朋友在尖沙咀返工的，基本附近餐廳都吃過，我們都偏熱氣底的，所以想揀中式一點的餐廳，邊行邊看，正正是澳牛隔離，幾乎滿座，我們都很久無吃餃子，這裡有個位專門包餃子，材料十分新鮮和粒粒飽滿，很吸引我們，便快快入店，看看餐牌推介。我們一致決定吃有的肉三鮮餃子和紅燒牛犇麵，另外加小吃雞絲粉皮、酸辣湯和凍豆漿。等了一會，各樣食物上枱，速度挺快，但不求其，整體賣相不錯！先來牛犇麵，湯底很香濃但不會過鹹，牛腩很腍和入味，還十分多牛腩，連少少脂肪，不會覺得油膩，而且嗜肉的我可大口大口吃的很滿足原來朋友都很辣得，我又好鍾意酸辣湯，不得不點，酸辣味很出，材料亦很足，這湯和料很平衡，食過外面的會很漿糊，這個剛好，未算大辣，所以很合我胃口~雞絲粉皮味道跟大酒樓或京川滬式餐廳差不多，麻醬剛好，最怕食醬多過主角，雞肉絲好嫩、無肥膏，青瓜絲份量剛好，令整個雞絲粉皮有層次又清新開胃!而肉三鮮餃子都很驚喜，現場包的，所以看到真材實料，一共十隻，粒粒平均、皮薄餡靚，餡是蝦仁、豬肉和韮菜，想惹味一點還可以醮豆瓣醬，更美味!這間店雖小，但好多人幫襯，所以要吃就要等下，且不能坐太久，因為繁忙時間來品嘗的客人真

上次有位朋友介紹我地，佐敦有間新嘅餃子店好好食，今晚放完工自己一個人去試下先，間舖頭唔算好大，大概有十張檯左右，我大概等咗五分鐘左右就有位，入到去座有點迫，可能我太大份啦，第一次嚟新店我多數都會睇下餐牌上面有咩推介，見到佢呢個牛犇麵係餐廳推介，所以叫d個先，之後又見有醉雞食，咁又叫左一碟。【秘制牛犇麵】（犇讀音：燈）個麵終於黎了，味道跟紅燒牛肉麵有點相似，牛味濃，湯底味道更濃厚，濃厚得黎又唔鹹，牛肉忟得軟淋又鮮嫩，值得一讚！【醉雞】一來到酒味勁香濃，雞肉鮮嫩又滲出淡淡酒香味，最啱我口味，最重要係有雞脾位可以食到，正!!

今日本身想去澳牛食lunch，澳牛門口排住十幾個人的人龍，30幾度的高溫底下咁樣等位真係令人汗如雨下。大小老闆一聲令下，話要走過隔離龍鳯祥食餃子，奴婢立即跟隨進入。原來龍鳯祥唔止係食餃子，仲可以食麵有小食的。 第一次來都係試下呢度啲餃子先。呢度主打係食北方餃子，餃子乃北方人家的主食之一。所以餃子皮會比較厚，唔似南方餃子的皮薄餡多。因此十隻餃子的份量，很夠飽。京蔥羊肉煎餃淨餃子10隻$48餃子厚身飽滿，似一錠元寶。北方餃子皮厚柔韌有嚼勁，我好鐘意呢個口感。羊肉餡帶有應有的微羊羶味肉汁，加埋京蔥多了一份甜味，而且多了一分爽口。韮菜豬肉10隻$40，轉煎餃加$8韮菜肉餡味濃多汁。同樣厚的餃子皮用煎的方式，餃皮因此變得煙靭，個人比較喜歡淨餃多於煎餃。雞絲麻辣冷麵$48幼細柔韌的麵條上舖著帶新鮮鮮甜的青瓜絲，紅蘿蔔絲同椒絲，另外仲有雞蛋同雞絲，顏色豐富賣相漂亮。天氣熱，冷氣是不錯選擇，唔使食到大汗叠細汗。睇落大大碗的麻辣醬略香而微微辛辣，即使加左半碗醬都好易入口唔會太辣。豆漿$5一杯，汽水$8一罐，價格合理。

其實餃子除咗係中國嘅傳統食物之外，對於中國北方人來講，更加係主食黎對於我哋南方人來講，餃子就唔係我哋主要嘅食材之一不過，喺香港呢個多元化嘅城市，其實我哋都可以好多時接觸到食餃子嘅餐廳，呢一間就正正主要係食餃子嘅餐廳，以北方菜為主，價廉物美，抵食高質佢嘅餃子，真係冇得頂架餐廳既招牌清楚簡單易睇，店內枱嘅數目唔太多餐牌一目了然，以文字為主，中英對照，餐廳推介嘅食物，附有圖片介紹家鄉紅燒肉拌麵 : $48第一樣先來嘅食物，就係呢個拌麵賣相唔錯嘅佢，多舊紅燒肉放喺麵嘅上面，肉質鮮嫩，味道唔太濃烈，唔好睇佢顏色比較深色，應該只係餐廳用咗較長嘅時間去炆燉煮呢個紅燒肉，佢既肉同脂肪分布平均，所以亦唔會覺得太肥膩而下面嘅麵，分量唔算少，味道比較淡，因為係拌麵既關係，所以撈埋紅燒肉嘅醬汁一齊食，味道唔錯啵(細份)雞絲伴粉皮 : $20(細份)千層醬豬耳 : $25之後再黎嘅，就係兩款小食兩款小食都好吸引，先講上面果碟嘅雞絲伴粉皮， ＄20嘅佢，雖然已經係叫左細份，但係分量唔細，絕對適合兩至三個人分享，雞絲大大條，大量青瓜絲，粉皮帶有口感，加埋大量嘅麻醬，絕對強烈推介呢道小食比大家另外下面呢碟既千層醬豬耳

自從有鋪餃子癮之後，久唔久都要食下餃子先至安樂，但係餃子專門店又唔係真係好似壽司店或者七仔咁，總有一間喺附近，之前在佐敦同同事試過餃子店係不錯的，今日再來光顧，滿足一下自己的餃子食慾。雙拼餃子叫個雙拼餃開心一下，其中一款餃子叫做肉三鮮，裏面嘅蝦肉真係好爽，韭菜多，好香。另外一個就係我最鍾意嘅京蔥羊肉餃，簡直係無得輸，羊肉甘香再加埋京蔥，兩者係餃子皮下綻放着無限光彩，一口咬落去，充滿着羊肉香嘅肉汁流出來，令人醉倒。千層醬豬耳碟豬耳都幾大份喎，抵食的小食！切到細細條幾易入口，又爽又好趙口。秘製牛犇面牛犇！在下不才，第一次見呢個字，而在場食客好似已熟練地叫碗牛x麵。唔sure exactly refer to 咩部位(根據英文菜單，應該係講緊牛肋骨），牛肉炆得好淋，食落口幾香溜。而個麵都幾有咬口，而且幾掛湯，湯又幾夠味，所以整體呢個麵都係唔錯架。叫返杯豆漿送下，好香豆味，又唔太甜，好啱我口味。

價錢過得去但係食物真係非常差! 餃子皮超厚， 肉得個鹹字。 $40+ 十個餃子再要加8蚊改煎餃，如果想再改雙拼再加6蚊...又唔好食但係樣樣都要加錢真係一啲都唔底。隔離有間八方XX，50蚊有餃子有嘢飲有湯送， 都係去返嗰度好啲!

一個人在佐敦， 原本打算去澳牛食個常餐。 行過見到有間餃子專門店， 個招牌幾新淨幾靚喎， 仲有兩個姨姨坐喺店裏面即場包餃子 ，不如試一試啦店鋪唔大， 但係裝修得幾骨子， 木枱木櫈， 牆上用竹片寫上菜式。 白色器皿裝起豆板醬，豉油，醋， 感覺幾古色古香呢度除咗有水餃， 仲有牛犇麵， 羊肉氽麵。 我就係畀佢即包餃子吸引到， 所以都係食餃子啦。叫咗個肉三鮮上海湯麵， 三鮮包括: 豬肉，韭菜，蝦仁。 一咬落去， 感覺到豐富嘅肉汁， 整個餃子充滿三種唔同餡料， 老闆一啲都唔吝嗇 味道鮮美， 餃子皮一啲都唔厚 。 湯底可以轉牛犇，酸辣，蕃茄，但我都係想試返個清湯，無轉到。 湯底都唔錯喎，幾鮮甜， 至於個上海麵， 淥得恰到好處，唔淋又唔硬， 幾啱我胃口見到隔離枱嘅煎餃子好正喎， 又叫一碟試下先。揀咗韭菜豬肉餃， 淨食有十件， 餃子即叫即煎 ，等咗大概十幾分鐘 ，熱辣辣嘅餃子就到啦， 煎得色澤金黃， 好靚仔呀。 第一啖咬落去簡直熱到食唔到 同樣肉汁豐富，新鮮美味， 煎嘅加添香脆，好好味眼闊肚窄就係呢啲，不過食唔曬唔緊要， 開心share 帶返屋企俾屋企人試下。$5一杯凍豆漿，抵一個唔錯嘅嘗試