龍鳳祥餃子館 (已結業)

太晚吃下午茶，吃罷已接近晚餐時段，在此之前，先四處走走看，看看有什麼食店在附近想試的，在肉魔鬼與素天使在腦中，不斷遊說"吃我啦,吃我啦"，幾番大戰後，還是決定跑素，這夜就吃餃子吧。點了素三鮮(菜仔，甘筍，木耳)餃子，配上開胃蕃茄湯底及上海拉麵。素餃外皮很薄，木耳的份量佔最多，所以很爽脆。蕃茄湯底混著蕃茄蓉及大量洋蔥，敗筆卻在於加了茄膏，如果是大量鮮蕃茄熬煮的，相信會更好喝呢。上海拉麵份量有點多，而且過淋了。

白加士街滿佈食肆，今晚與另一半選擇吃得簡單一點，餃子店可算是心水之一。三鮮餃配蕃茄湯底：本以為是有三種不同味道的餃子，原來是我誤會了，三鮮餃卻是以三種食材混於同一餃子內，一碗有十隻，餡料有蝦、免治豬肉及韮菜。餃子沾醋來吃，更能帶出鮮味。蒜蓉拍黃瓜：雖然我倆只點了小份，但上枱時的份量一點都不少。蒜味調較得剛剛好，能帶出黃瓜的爽甜味，但不會太咸。口水雞：份量充足，即使四人分享也綽綽有餘。味道屬中小辣程度，雞肉嫩滑。牛犇麵：碗上滿佈牛腩，真是牛肉控的至愛。湯底味道濃郁，使白麵都能沾上香濃牛腩味。整體而言，此店份量十足，價格相宜，適合倆小口的簡單晚餐。

女朋友最鍾意上網搵好野食，佢話禁禁下電話睇到有人推介呢間餃子店，所以住新界既我地就特登岀佐敦會一會佢地我地下午3點零去到佐敦，天氣熱到不得了，好彩舖頭幾近地鐵站岀口，所以好方便一入去就見到店員即場包餃子，可能呢個鐘數先有時間比佢地坐低慢慢包（店員姐姐話午市同晚市好多客人架）睇餐牌雖然唔算好多款揀，但我地好快就可以扑槌喇，因為黎之前我地已經做曬功課睇下有乜野食係吸引既我揀左麻辣雞絲冷麵($48)，雖然自問自己算幾大食，但店員姐姐一拎上枱我已經忍唔住同女朋友講"點解咁大碗既?"麻辣醬油係另上既，作為係連鎖米線集團食開小辣既我落左8成醬油左右就覺得岩岩好了冷麵有個好處就係佢唔熱辣辣，所以我將冷麵混合紅椒、青椒、蘿白絲同雞絲等等撈左成分鐘(因為真係幾大碗)就即刻狼呑虎嚥麵質幾爽，配合幾款椒絲同麻辣油非常惹味因為食辣所以都叫左杯豆漿($5)，甜味十足但好岩我價錢黎講我覺得非常抵女朋友就揀左素三鮮水餃及蕃茄雞蛋餃，再配蕃茄湯底($52)，一上枱就傳黎好大陣既蕃茄味。水餃皮厚薄適中、餡料豐富，素食人士應該會好鍾意不過一向嘴刁既女朋友就話個湯底味道有d似超級市場買既茄醬溝水，聞係幾香食落去就爭少少。價

近年都有唔少餃子店跑出, 我比較少食餃子, 總覺得出面食既餃子饀會加好多其他人工調味料。今次係佐敦經過就試下呢間餃子店~ 餃子館雖然地方唔大, 但兩旁既中國風裝潢幾有feel~ 掛於牆身既竹牌子刻着唔同既菜式, 同埋調味料都係以白色瓷器盛載, 好似去左古代既小茶樓咁 餐牌一大張, 食物一目了然, 簡單直接。有主打既招牌餃子, 冷盤同埋右邊既麵類, 大部份幾經濟, 小食仲有細同大份分, 細分十幾廿蚊已經有! 餃子雙併 蕃茄炒蛋同素三鮮餃子每碗十隻, 加五蚊可以轉雙併, 我呢啲想試兩款就揀左少見既蕃茄炒蛋同埋素三鮮。如果覺得單調可以加5 蚊揀湯底或者轉煎餃, 所以配搭都好廣!素三鮮係由菜仔 甘荀同埋木耳而成, 同想像中既有啲分別, 以為係絲狀會食到一條條好爽口果種感覺, 但原來係切到變哂碎再混合, 所以口感較糊狀, 味道則以菜味最明顯, 但個人較喜愛條狀令木耳等等既爽脆感得以保存反而蕃茄炒蛋令我感到驚喜!!!本身蕃茄炒蛋係個普通但開胃既住家餸, 估唔到可以將佢融入餃子內!!!! 味道好天然, 好似連鹽都無咩落咁, 但完全唔覺得過淡, 反而蛋味因為跑出~ 以薄薄既餃子皮包住, 感覺好新鮮呀~

午餐簡單一點，決定食餃子。淨白菜餃餃子味道有兩款，一款比較新鮮，另一款肉味較腥，估計是兩批不同時間製造的，白菜很新鮮爽口甜，餃子肉汁豐富。肉三鮮麵配牛犇湯是豬肉，韮菜及蝦仁，韮菜新鮮味濃，豬肉肉味不夠鮮，蝦仁爽口，整體肉汁豐富，上海麵爽口彈牙，不會太腍，牛犇湯有很香濃的牛肉味，非常清甜。川辣口水雞雞味雖不濃但肉質嫩滑，麻辣味不夠，味道一般。豆漿有凍有熱，大熱天時一定飲凍，豆味幾濃，不會太甜，飲到杯底見到有些豆渣，$5真係抵到爛。

兩點多去食午餐，見好耐無食餃子，經過佐敦這間餃子店，順便入去試試。入餃子店一定食餃子啦，另外再點了牛肉麵。秘制牛犇上海麵牛肉妏得又鬆又腍，完全無渣，牛肉味道香濃，配上牛犇湯底，上海麵質地彈牙爽口，整體不錯。淨韮菜餃配酸辣湯韮菜很新鮮爽口，餃子肉汁豐富，點上鎮江醋後，味更上一層次。酸辣湯比較稀，有木耳蛋絲竹筍等，酸味及辣味都不夠，味道一般。雞絲粉皮雞絲不鞋口，粉皮加上爽脆清甜的青瓜絲及麻醬，吃下去涼浸浸，很適合夏天食用。好彩早一步到，吃到一半已經有人等位。

炎熱的天氣長期令人沒哂胃口，一到夏季我最愛吃餃子，細細粒，又唔太漏，而且口味多變化。今晚路過佐敦見到一間餃子店，見餃子款式特別，而且7點未到已經坐滿了整間舖，所以決定入去試一試。店內裝潢有格調，只是坐位有點太迫，空間少。餐牌入面有些食物從未聽過，而且食物名又特別。秘制牛犇麵 （讀音：燈）味道跟紅燒牛肉麵有點相似，牛味濃，湯底味道濃厚，牛肉軟淋鮮嫩，好好味呀！番茄雞蛋餃第一次聽原來番茄蛋可以用黎做餃子饀料，但完全估唔到可以咁夾，味道清清地又fresh , 堅正白菜豬肉煎餃外皮煎到金黃香脆，餃子皮嫰滑，白菜豬肉饀鮮甜滋味又多汁，而且味道仲好掂！醉雞酒味香濃，雞肉鮮嫩又滲出淡淡酒香味，最啱我倆口味終於佐敦有一間好啱我倆口味嘅小店，應該我倆好快就會回來再吃多次。

是日大暑，放工後到這邊來，陪媽媽一起去中醫做三伏天灸，再醫飽肚。走過這家餃子店門前，看到店內既阿姨熟練地現包餃子，每整都漲卜卜好吸引。點了一份京蔥羊肉，$48/10隻，羊肉餡料不常見，家裡更不會整，所以好想食。肉餡羊味很足，但不膻，有肉汁，餃子皮不厚，沾少少醋好香。來了份醬牛肉，牛肉脂肪比例算平均，切成薄片好易入口，不過味道無想像中重。雞絲粉皮，細份，雞絲切得較粗，未夠滑，不過麻醬味好香，作涼菜很開胃。麻醬雞絲涼麵，一大碗麵加上足料既配菜，仲有雞蛋，媽把整碗麻醬毫不猶豫倒了在麵碗內，但味道又不至於over，但配菜或計未完全收乾水，吃到最底都有不沙汁，把底下的麻醬味給溝淡了。

上次有位朋友介紹我，佐敦開咗一間新嘅餃子店質素唔錯原來佢剛剛就係喺我做運動嘅centre附近 今晚做完運動一於同老公嚟試下間舖頭唔算好大，大概有十張檯左右， 我哋大概等咗五分鐘左右就有位第一次嚟 新餐廳我多數都會睇下餐牌上面有咩推介 見到佢呢個牛犇麵係餐廳推介就叫咗碗嚟試下 牛犇麵 ($48)其實我叫之前都唔係好清楚乜嘢叫做牛犇麵黎到見到原來佢係好似台式紅燒牛肉麵咁牛腩炆得好林！而且個牛肉湯湯底好濃郁我覺得俾台式紅燒牛肉麵更加好味麻辣豬耳($25)我鍾意呢個豬耳口感好爽口同埋好夠麻辣味！食完之後個口入面有一段時間會麻麻地，好刺激！雞絲粉皮($20)呢個就冇乜驚喜，同一般上海舖嘅雞絲粉皮味道差唔多，不過粉皮都算係幾爽口麻醬好香！味道好夾！唔錯!蒸餃雙拼，加蕃茄湯底($51)個蕃茄湯底就有少少失望食落唔似係鮮番茄煮出嚟， 個番茄味有少少假，同埋感覺杰身左少少素三鮮素餃味道淡咗少少，點醋食會好d白菜豬肉餃呢款比較好味個肉醃得唔錯另外水餃皮都好煙靭雖然呢間係餃子店，但係我覺得佢嘅牛犇麵比佢嘅餃子做得更出色係我推介嘅必食item我哋兩個人食到好飽都係150蚊左右喺呢區嚟講都算係幾抵食

佐敦冇乜街行，但乜都有得食仲要乜都好小店得黎又好出名。去開就想搵餃子食，就搵到依間勁近澳牛既店。睇餐牌好多選擇，唔止有餃子，仲有飯、麵同小菜。我地見到三點後先有既煎餃馬上點左兩款素餃，係素餃阿！平時都想食素多啲，但奈何好多餃子店都冇素餃，依度竟然有兩款！煎蕃茄蛋餃，比想像中夾，同埋好清新，個蛋好香 素三鮮餃，有青江菜係入面就多左啲青味，唔係人人中意，好夠味。煎餃全部都唔算好大隻，但餡料豐富，咬落去仲有汁出來，個皮唔算好厚，煎到邊邊好脆。之後仲嗌左豆漿同麻醬涼麵，豆漿好香好飲，涼麵勁大份，飽到上心口。值得一試！

店外貼了'馬家開飯'相片就入去一試。又係小店一間，d位好逼，隔離枱位阿豬媽個袋係咁撞我。叫得餃子店梗要叫餃子食，點左羊肉餃，皮同餡都唔錯，但就冇咩好特別。賣飛佛嘅豬耳朵當然不能錯過，係呢餐最好食嘅一碟。 另外點左碗打滷麵，真失策，好淡味，真係食唔慣。諗住叫比小朋友食，點知佢都話唔好食。而另一碗麻辣豬手麵，豬手不算入味，份量好似頗多但其實係d骨大舊。d麵冇味，因為好少醬汁喺麵度。比馬家欺騙了.....

今日lunch食得太飽，夜晚無咩胃口食野，但點都要食少少係佐敦按完摩，經過見到有間有中國風既餃子店酸辣黃瓜條呢個超開胃，醋醃得好夠味，但又唔會過酸酸辣湯 $20呢個價錢好抵，不得不叫一碗黎試，辣味唔太重，岩哂食唔到辣既人，酸味亦剛剛好三鮮餃呢個素餃係我最like, 有白菜甘筍木耳，而且個皮超薄又好滑，呢個餃子真係要必食下次我要食蕃茄雞蛋餃子，呢個出面好少見到口水雞唔好俾佢面頭既辣椒呃左，但係辣味唔重，而且d雞好夠滑

白加士街食餃子既地方好參差 試過其他始終要番黎食 之前其實都食過好多次牛犇面 $48第一次叫擔擔面 $38 佢地話唔係牛犇面個種面 係再幼身既面好似話一隻係上海面 一隻係拉面其實差唔多啦 我唔覺得差好遠濃濃的花生醬 又有些酸菜 有少少辣 幾惹味 白菜豬肉好食 煎餃加$8 = 48 不過個人覺得煎左好食好多 又脆又熱又juicy

自稱專門店一定有份量，又話特色湯底，再加一對對聯：“海味山珍 好吃不過一餐水餃；佳餚美酒 豐盛無非滿副心腸”，無理由吾試一下。肉三鲜餃子（豬肉、韮菜、蝦仁）配秘制牛犇湯底 +凍豆槳。先來一口湯，牛味濃郁，原來還帶有兩塊牛肉，牛肉煮得腍滑。肉餡細膩均勻，一口咬下去，韮菜的清香和蝦肉的鮮美融合在一起，口感豐富無比，配合豬肉餡，卻肥而不膩。最後來一杯凍豆槳，解一下炎熱暑氣。但今次因餃子配了濃湯，未能試出原味，下次要再嘗試蒸餃。

无法形容这碗面给我的惊喜.可以说是可以将打卤面做得这么难吃也是一种本事.面汤是一种无法形容的酸 好似水加番茄酱煮的.很失望.好不容易看到家有卖打卤面的结果是这种结果十分难受.整碗面我觉得唯一好吃的就是上面的香菜